Morgunblaðið - 08.11.1983, Blaðsíða 20
MORGUNBLAÐIÐ, ÞRIÐJUDAGUR 8. NÓVEMBER 1983
20
Andstæðingar Khomeinis með aðgerðir:
Réðust á flugfélags-
skrifetoíur í 5 borgum
— Harðir bardagar geisa sem fyrr í Kúrdafjöllum
Pmrís, Bruasel, Lundúnum og víðmr, 7. nóvember. AP.
ANDSTÆÐINGAR Avatollah Ru-
hollah Khomeini, Iransleidtoga
réðust í gær inn á skrifstofur ír-
anska flugfélagsins í fimm borg-
um, fjórum í Vestur- Evrópu og
Nýju Delhi í Indlandi. Fór fólkið
hamfórum um skrifstofurnar, úðaði
málningu upp um alla veggi og
taetti niður risaandlitsmyndir af
þjóðarleiðtoganum. í einu tilviki
var skrifstofustjóri barinn sundur
og saman.
Borgirnar þar sem atburðirnir
áttu sér stað voru Lundúnir, Vín,
París og Brussel, auk Nýju Delhi. I
Aðeins í Brussel voru engin
spjöll unnin, en annars staðar
voru skrifstofurnar í rústum eft-
ir fólkið. Talsmenn íranskra
stjórnarandstæðinga sem eru í
útlegð, sögðu ástæðuna fyrir að-
gerðunum vera að vekja athygli á
skefjalausum handtökum og af-
tökum stjórnarandstæðinga í ír-
an og til að mótmæla stefnu
flestra stjórnvalda að láta málið
ekki til sín taka og leggja með
þögninni blessun sína yfir voða-
verk Khomeini-stjórnarinnar. í
öllum tilvikunum í gær, skakkaði
lögregla leikinn og handtók fólk-
ið.
Harðir bardagar voru á norð-
urhluta víglínunar milli írana og
íraka og að venju gumuðu báðir
stríðsaðilar af því að hafa „strá-
fellt“ andstæðinga sína og „mal-
að þá mélinu smærra". Harðastir
voru bardagarnir við landa-
mæraborgina Penjwin, sem íran-
ir hafa reynt að ná á sitt vald
síðan 20. október. Hundruðir
virðast hafa fallið í liði beggja
um helgina.
Alsírforseti í sögu-
lega ferð til Frakklands
Algeireborg, Alsír, 7. nóvember. AP.
CHADLI Benjedid, forseti Alsír
kom í gær í opinbera heimsókn til
Frakklands, fyrsti þjóóhöfðingi
Alsír sem fer til Frakklands síðan
að þjóðirnar börðust hatrömmu ný-
lendustríði í sjö ár, stríði sem lauk
árið 1962 með því að Alsír fékk
sjálfstæði.
Alsír og Frakkland hafa alið á
tortryggni í garð hvors annars og
vinátta þjóðanna í milli verið lít-
il. 23.000 Frakkar féllu í stríðinu
við Alsír og fjöldi Alsírbúa. Yfir-
völd í báðum löndum telja nú
breytingu til batnaðar í vændum
og Alsírfáninn blakti við hún eft-
ir endilangri Champs Elysees í
gær og Benjedid lagði blómsveig
á minnisvarða óþekkta her-
mannsins.
Yfirvöldum í Alsír þótti tími
til kominn að vingast við Frakka,
enda búa um 1,6 milljón Alsír-
manna í Frakklandi. 45.000
þeirra eru svokallaðir „Harkis",
eða Alsírmenn sem börðust með
franska nýlenduhernum í Als-
írtríðinu og hafa nú frönsk ríkis-
borgararéttindi. Þeim er meinað
að ferðast til heimalandsins þar
sem þeir eru álitnir föður-
landssvikarar.
Símamynd AP
Kosið í Tyrklandi
Gengið var að kjörborðinu 1 Tyrklandi um helgina og kosið um
lýðræðisstjórn í fyrsta skipti í 3 ár. Úrslit kosninganna voru mikil
vonbrigði fyrir fráfarandi herforingjastjórn eins og fram kemur í
frétt á forsíðu. Á meðfylgjandi mynd notar ung tyrknesk kona
kosningarétt sinn. Aðeins þrír flokkar fengu að bjóða fram til
kosninga.
UJBBD V-BAR
SNJÓKEÐJUR
fyrir fólksbíla, jeppa,
sendibíla og vörubíla
getum sett upp keðjur a traktora
og vinnuvélar
með stuttum fyrirvara.
Undirbúið ykkur fyrir veturinn,
hafið keðjurnar til.
KRISTINN GUDNASON HF.
SUÐURLANDSBRAUT 20, SÍMI 86633
Lík Bishops talið
fundið í fíöldagröf
St George, («renada, 7. nóvember. AP.
JOHN STEINMETZ, starfsmaður I frá því í gær, að fundist hefði fjölda-
bandaríska utanríkisráðuneytisins, gröf á eyjunni. Hann sagði ekki
sem staddur er í Grenada, greindi | meira, en bandaríska dagblaðið
Viðræðurnar í Genf:
Bandaríkjastjórn
með nýjar tillögur?
Bonn, 7. nóvember. AP.
HELMUT Kohl, kanslari Vestur-Þýskalands, greindi frá því á fréttaraannafundi í
Bonn í gær, að bandarísk stjórnvöld væru í þann mund að leggja fram nýjar og
endurbættar tiilögur á afvopnunarviðræðunum í Genf. „Þeir eru að leggja síðustu
hönd á tillögurnar og því væri ekki rétt af mér að tjá mig um innihaldið," sagði
Kohl. Hann gat þess þó að um mjög sanngjamar breytingar vsri að ræða miðað
við fyrri tillögur.
Kohl gat þess einnig á umræddum
fundi, að Nicolai Ceausescu, forseti
Rúmeníu, hefði að undanförnu lagt á
það mikla áherslu við sovésk yfir-
völd að þau þráuðust ekki við því að
kjarnorkuvopn Breta og Frakka
yrðu reiknuð með f viðræðunum við
Bandarikin í Genf. Sagði Kohl það
skoðun rúmenska forsetans að sam-
komulag væri ólíklegt meðan að Sov-
étmenn breyttu ekki út af þeirri
stefnu sinni.
New York Times hafði það hins veg-
ar eftir ónafngreindum embætt-
ismanni, að 100 lík hefðu verið í
gröfinni, þar á meðal eitt sem talið
var vera líkamsleifar fyrrum forsæt-
isráðherrans Maurice Bishops.
Blaðið hafði það jafnframt eftir
umræddum embættismanni, að
fórnarlömbin í gröfinni virtust öll
hafa verið líflátin i valdaráninu á
dögunum og það benti til þess að
fleiri hefðu þá verið drepnir en
talið var í fyrstu. Taldi viðmæl-
andi NYT mjög líklegt að allir í
gröfinni, að Bishop sjálfum und-
anskildum, hefðu verið drepnir á
fjöldafundi til stuðnings Bishop
strax daginn eftir að valdaránið
hófst.
Fjórtán manna nefnd banda-
rískra þingamanna lauk um helg-
ina ferð til Grenada þar sem hún
lagði hlutlaust mat á réttmæti
ástæðnanna fyrir innrásinni.
Niðurstaðan var sú, að ástæðurn-
ar hefðu verið réttmætar.
Schluter
19 ára ír
í slag YÍð
inbrotsþjóf
Kaupmannahófn, 7. nóvember. AP.
PAUL Schliiter, forsætisráðherra Danmerkur lenti f
ryskingum við 19 ára gamlan innbrotsþjóf í heimili
sínu í Kaupmannahöfn, aðfaranótt sunnudagsins.
Þjófurinn sló Schliiter í höfuðið með reiðhjólalukt og
skrámaði hann dálítiö, en ekki alvarlega.
Það var nærri miðnætti, er ráðherrann heyrði
þrusk í íbúð sinni á fjórðu hæð fjölbýlishúss og er
að var gáð kom hann að piltinum þar sem hann var
að skrúfa nafnspjald ráðherrans af dyrunum.
Hljóp pilturinn niður stigann, en ráðherrann upp á
efstu hæð að sækja húsvörðinn og þustu þeir svo á
eftir innbrotsmanninum. Fundu þeir hann í húsa-
sundi skammt frá og hófust þar átök. Rúlluðu allir
þrír fram og til baka og pilturinn, stjarfur af
hræðslu, sló Schlúter í höfuðið. Hljóp hann síðan á
brott, en skildi eftir gleraugu og reiðhjól. Skömmu
síðar kom hann hlaupandi til baka og heimtaði
eigur sínar, en Schlúter neitaði. Flýði strákur þá
enn af hólmi. Klukkustund síðar gaf hann sig fram
og sagðist hafa verið að vinna sér inn veðmálspen-
inga. Þótti sú skýring trúleg eftir langar yfir-
heyrslur.