Morgunblaðið - 08.11.1983, Blaðsíða 21
MORGUNBLAÐIÐ, ÞRIÐJUDAGUR 8. NÖVEMBER 1983
21
í stuttu máli...
Argentína:
Alfonsin sver
eiðinn fyrr
en talið var
Buenos Aires, 7. nóvember. AP.
RAUL ALFONSIN, nýkjörinn
forseti Argentínu, sver embættis-
eiAinn 10. desember næstkom-
andi. Verdur hann fyrsti lýðræð-
islega kjörni þjóðhöfðingi Arg-
entínu í meira en sjö ár.
Það var talsmaður herfor-
ingjastjórnarinnar sem greindi
frá þessu í gær og sagði hann
að verið væri í óða önn að
ganga frá öllum formsatriðum
og lausum endum. Alfonsin og
flokkur hans hlutu 52 prósent
atkvæða í kosningunum á dög-
unum.
Skjálfti
hristi og
skók Kína
ÖFLUGUR jarðskjálfti, 5,9 stig á
Richter-kvarða, hristi og skók
Shandong-hérað í norðaustur-
hluta Kína í gær og olli miklu
eignatjóni, auk þess sem að
minnsta kosti 30 manns létu líf-
ið.
Titringur fannst víða um
Kína og fjöldi smærri kippa
fannst í kjölfarið á þeim stóra.
Víða hrundu eldri hús alger-
lega til grunna og í nokkrum
þorpum hrundu flestir reyk-
háfar af húsþökum og sprung-
ur mynduðust á veggjum. Að
sögn Xinhua, hinnar opinberu
fréttastofu Kína, er hjálpar-
starf í fullum gangi og talið
hugsanlegt að fleiri kunni að
finnast látnir. Tugir manna
eru einnig slasaðir eftir nátt-
úruhamfarirnar.
Heyrist frá leiö-
togum Samstööu:
Hvatt til
mótmæla
Varsjá, 7. nóvember. AP.
Leiðtogar Samstöðu, hinnar
ólöglegu pólsku verkalýðshreyf-
ingar, sendu í gær frá sér til-
kynningu þar sem pólska þjóðin
var hvött til samræmdra mót-
mælaaðgerða vegna yfirvofandi
verðhækkana snemma á næsta
ári. Nýlega var smjörskömmtun
endurvakin í Póllandi og er mikil
og almenn óánægja með efna-
hagsþrengingarnar í landinu.
Samstöðuleiðtogarnir, sem
eru fjórir og fara huldu höfði,
settu allir nöfn sín undir
áskorunina og vonast þeir til
þess að óánægjualdan sem nú
gengur yfir vegna umræddra
hækkana verði tii þess að efla
Samstöðu fremur en hitt. Ekki
kom fram hvers konar mót-
mæli leiðtogarnir hvöttu til, né
hvenær þau yrðu.
OPEC-fundur
Nikó.síu, 7. nóvember. AP.
SÉRSTÖK nefnd á vegum olíu-
framleiðslulandanna sem skipa
OPEC-samtökin mun setjast á
rökstóia í Lundúnum í næstu
viku og verður viðfangsefni
fundarins að finna leiðir til að
auka sölumöguleika OPEC-
landanna án þess að það hafi í
för með sér áhrif á olíuverðið,
sem OPEC-löndin kappkosta
við að halda óbreyttu.
Njósnari gripinn
Alfred Zehe, 44 ára gamall austur-þýzkur eðlisfræðingur, drúpir
höfði, þar sem hann gengur í fylgd með gæzlumanni frá bandarísku
alríkislögreglunni (FBI), eftir að hafa verið handtekinn fyrir njósn-
ir.
Burma:
Kóreska sendiráðs-
liðið farið heim
Kangoon, Kurma. 7.nóvember. AP.
Ónafngreindir talsmenn stjórn-
arinnar í Burma greindu frá því í
gær, að starfsfólk norður-kóreska
sendiráðsins í landinu hefði horfíð
úr landi á sunnudaginn, eftir að
stjórnvöld töldu sannað að Norður-
Kórea hefði staðiö að baki sprengju-
tilræðinu á dögunum, þar sem á
þriðja tug manna létu lífið, þar á
meðal nokkrir suður-kóreskir ráð-
herrar. Höfðu stjórnvöld skipað
sendiráðsfólkinu að hafa sig á brott.
í norður-kóreska hópnum voru
12 diplómatar, þrjú börn og 15
manns án diplómatanafnbóta,
makar og skrifstofufólk. Norður-
kóresk þota sótti fólkið og flutti
heim með millilendingu í Kína.
Stjórnvöld í Burma gáfu ekki út
opinbera yfirlýsingu um að sendi-
ráðsfólkið væri farið úr landi og
stjórnvöld í Norður-Kóreu hafa
allt annað en gengist að því að
bera ábyrgð á sprengingunni, sem
var að því er virtist ætlað að
granda suður-kóreska forsetanum,
sem var rétt ókominn á sprengju-
staðinn er ósköpin dundu yfir.
Hafa norður-kóresk stjórnvöld
fordæmd aðgerðir Burma, að slíta
stjórnmálasambandinu.
Enski boltinn
kostaði lífið
Nottingham, 6. nóvember. AP.
RÚMLEGA fertugur maður, Stan-
ley Dingley, játaði í gær að hafa
drepið unnustu sína Christine
Worley, eftir að hún hafði reitt
hann til reiði með því að slökkva á
sjónvarpi þeirra er knattspyrnu-
leikur stóð sem hæst.
„Hún labbaði bara inn, til-
kynnti að hún þyldi ekki knatt-
spyrnu, og slökkti á tækinu.
Strunsaði hún síðan út úr her-
berginu," sagði Dingley. Hann
elti hana fram að eigin sögn og
ætlaði að tala yfir hausamótun-
um á henni. Beit hún hann þá í
fingurinn, en Dingley reiddist þá
svo að hann þreif upp hníf og
stakk vinkonu sína til bana.
Nýþjónusta í
Umboðsmaður
í Chicago
lceland Steamship Company Ltd.
c/o Lyons Inc.
1 st Joliet Road
McCook, III. 60525
Tel.: (312) 442-6410
í kjölfar góðrar reynslu af
nýjum þjónustuhöfnum víða í
Evrópu hefur Eimskip nú
opnaðfyrstu þjónustuhöfnina í
Bandaríkjunum. Hún er staðsett í
hinni miklu flutningaborg Chicago,
þar sem daglega koma og fara vörur
fráog til landa um allan heim.
Um leið höfum við bætt þjónustuna í
Ameríkusiglingum enn frekar. Nú förum við
reglulega til New York, Portsmouth og
Halifax og aukum hagræðinguna enn frekar
með greiðara vörustreymi innan úr landi til sjávar.
Flutningur er okkar fag
EIMSKIP
Sími 27100
*