Morgunblaðið - 18.11.1983, Blaðsíða 1

56 SÍÐUR
STOFNAÐ 1913
265. tbl. 70. árg. FÖSTUDAGUR 18. NÓVEMBER 1983________________________________Prentsmiðja Morgunblaðsins
Fegursta kona heims
Símamynd/AP.
Ungfrú Bretland, Sarah-Jane Hutt, var í gærkvöldi kjörin ungfrú
heimur í Albert Hall í Lundúnum. I ööru sæti varð ungfrú Kólombía og
ungfrú Brazilía númer þrjú. Unnur Steinsson fulltrúi íslands varð i
fimmta sæti í keppninni en alls voru keppendurnir 72. Talið er, að 500
milljónir manna hafi fylgst með keppninni í beinni sjónvarpsútsend-
ingu. Sjá frétt um keppnina hér að neðan.
Frakkar gera
heftidarárásir
Beirut, París, Tripoli, 17. nóvember. AP.
FRANSKAR sprengjuþotur geröu í dag tvær árásir á bækistöðvar skæruliða
af trúflokki shíta í hefndarskyni fyrir hryðjuverkin í síðasta mánuði þegar á
fjórða hundrað franskra, bandarískra, og ísraelskra hermanna lét lífið.
Andstæðingar Arafats hóta að „sprengja hann burt úr Tripoli" en segjast
hins vegar ekki ætla að gera allsherjarárás á borgina.
Fjórtán franskar sprengjuþotur
af gerðinni Super Etendard gerðu
tvisvar í dag árás á bækistöðvar
öfgasinnaðra shíta í Bekaa-dal og
stóðu loftárásirnar í 35 mínútur
samtals. Ekki fer nákvæmum
fréttum af afleiðingum árásanna
en útvarpsstöðvar í Líbanon segja
frá miklu mannfalli meðal skæru-
liða. í gær gerðu ísraelar árás á
sömu búðir en leyniþjónustur
Frakka, Bandarikjamanna og
fsraela eru í engum vafa um, að
skæruliðar shíta, sem fransstjórn
styður, hafi skipulagt morðin í
Beirut.
í París skýrði talsmaður varn-
armálaráðuneytisins frá árásun-
um og sagði, að þær hefðu verið
gerðar til að koma í veg fyrir ný
hryðjuverk. Francois Mitterrand,
Frakklandsforseti, sagði í franska
Ætla Rússar að slíta
Genfarviðræðunum?
(íenf, 17. nóvember AP.
Aðalsamningamenn Banda-
ríkjanna og Sovétríkjanna í viðræð-
unum um meðaldrægu eldflaugarnar
ræddust við í Genf í dag og stóð
fundurinn í tvo tíma. Næsti fundur
verður á miðvikudag, 23. nóvember,
daginn eftir að vestur-þýska þingið
greiðir atkvæði um uppsetningu
NATO-eldflauganna. Ef hún verður
samþykkt er jafnvel búist við, aö
Sovétmenn slíti viðræðunum
Paul H. Nitze, samningamaður
Bandaríkjanna, og Yuli A. Kvits-
insky, samningamaður Sovét-
manna, ræddust við í tvo tíma í
dag og sagði Nitze eftir fundinn,
að viðræðunum yrði haldið áfram.
Verður næsti fundur þeirra mið-
vikudaginn 23. nóvember, daginn
eftir að umræðum og atkvæða-
greiðslu um uppsetningu NATO-
eldflauganna lýkur í vestur-þýska
þinginu. Vilja Sovétmenn augljós-
lega bíða eftir ákvörðun þingsins
og eru vestur-þýskir hernaðarsér-
fræðingar sammála um, að þá
muni koma í ljós hvort Sovét-
mönnum er alvara með viðræðun-
um í Genf.
Leonid M. Zamyatin, yfirmaður
upplýsingastofnunar miðstjórnar
sovéska kommúnistaflokksins,
sagði í dag í Haag í Hollandi, að ef
NATO-ríkin kæmu fyrir Persh-
ing-2-eldflaugum í Vestur-Evrópu,
myndu Sovétmenn hætta viðræð-
unum um meðaldrægu eldflaug-
arnar. Á Zamyatin er litið sem
talsmann Sovétstjórnarinnar.
Orðrómur er á kreiki í Bonn um
að Sovétmenn hafi nýjar tillögur á
prjónunum í eldflaugamálunum.
Vilji þeir bjóðast til að fækka sín-
um eldflaugum niður í 120 gegn
því, að Vesturveldin komi alls eng-
um fyrir í Vestur-Evrópu.
sjónvarpinu í gærkvöldi, að
frönsku hermannanna 58, sem dóu
í Beirut, yrði „ekki látið óhefnt".
Andstæðingar Arafats kváðust í
dag mundu „sprengja hann burt
úr Tripoli" ef hann kæmi sér ekki
þaðan sjálfur. Sögðust þeir mundu
leggja borgarhlutann þar sem
Arafat og menn hans hafast við í
rúst með stórskotahríð en ekki
hyggja á allsherjarárás á borgina.
Svíþjóð:
Sök sér að lemja
gáfaða eiginkonu
Stokkhólmi, 17. nóvember. AP.
EIGINKONA, sem er svo ósvífln að vera manninum fremri að gáfum, á það
skilið að vera lamin. Áfrýjunarréttur í Svíþjóð virðist a.m.k. vera þessarar
skoðunar cn dómsniðurstaðan hefur vakiö mikinn úlfaþyt í Svíþjóð og verið
slegið upp með stórum fyrirsögnum í dagblöðunum.
Málið snýst um velmenntaða
konu, sem margoft hefur mátt
sæta hinum mestu kárínum af
hendi líttmenntaðs manns síns.
Fyrir undirrétti var maðurinn
dæmdur í fjögurra mánaða fang-
elsi fyrir að misþyrma konu sinni
en áfrýjunarrétturinn breytti
dómnum í fjársekt — vegna þess,
að konan hefur stundum „neytt
gáfna sinna til að stjórna og ögra“
manni sínum að því er sagði í
dómnum.
„Að góðar gáfur konunnar skuli
teljast innlegg í málið er hreint
furðulegt og aldeilis ótrúlegt, að
þær skuli vera taldir manninum
til málsbóta," sagði saksóknarinn,
Catarina Wallden-Johansson, og
vill að málið verði tekið fyrir strax
hjá hæstarétti. Birgit Bladh, vara-
forseti í samtökum til hjálpar
konum, sem hafa orðið fyrir lík-
amsárás eða verið nauðgað, segir,
að „eftir þennan dóm virðist það
vera löglegt að lemja eiginkonuna
ef hún er gáfaðri en eiginmaður-
inn“.
Konan, sem málið snýst um, er
54 ára gömul en maður hennar er
sex árum yngri og hefur langan
ofbeldis- og afbrotaferil að baki. í
dómsorðum segir, að „við athugun
kemur fram, að á síðustu árum
hefur konan stundum beitt gáfum
sínum til að ögra manni sínum og
ráða yfir honum og í því ljósi ber
að skoða málið". Fjórir skipuðu
dóminn, þar af tvær konur.
Ungfrú Bretland valin Miss World:
Unnur Steinsson
varð í 5. sæti
London, 17. nóvember. Frá TrétUriUra Mbl.
UNGFRÚ BRETLAND, Sarah-Jane Hutt, 19 ára gömul fyrirsæta, sigraði í
keppninni Miss World, sem fram fór í Royal Albet Hall að viðstöddum 4
þúsund áhorfendum. Alls sáu 500 milljónir manna keppnina í beinu sjón-
varpi um allan heim.
Úngfrú ísland, Unnur Steins-
son, náði frábærum árangri í
keppninni. Hún varð í 5. sæti af 72
stúlkum. Hún varð í 2. sæti
Evrópustúlkna og eina Norður-
landastúlkan sem komst í úrslitin.
Unnur vakti mikla athygli, sér-
staklega er hún kom fram í sér-
saumuðum kjól, sem móðir hennar
hafði hannað.
Röð fegurðardrottninganna sem
í úrslit komust varð þessi: 1. Bret-
land, 2. Kólombía, 3. Brasilía, 4.
Jamaica, 5. ísland, 6. Bandaríkin,
7. Panama.
Níu manna dómnefnd undir for-
sæti söngvarans Placido Domingo
sá um valið. Að lokinni krýningu
var slegið upp miklum dansleik,
þar sem Margrét prinsessa heils-
aði uppá stúlkurnar sem komust í
úrslitin.
Skaut sonur Brezhnevs
Andropov í handlegginn?
London, 17. nóvember. AP.
BRESKT blað flutti þá frétt í dag, að Yuri, sonur Brezhnevs heitins,
fyrrum forseta Sovétríkjanna, hefði skotið Yuri Andropov í handlegginn
og að það væri meginástæðan fyrir því, að Sovétleiðtoginn hefði ekki sést
opinberlega í þrjá mánuði. í fréttum frá Moskvu segir hins vegar, að Yuri
Brezhnev gegni enn embætti sínu sem fyrsti aöstoðarmaður ráðherra
utanríkisviðskipta.
Lundúnablaðið Daily Express
segir, að Yuri Brezhnev, sem er
51 árs að aldri, hafi skotið
Andropov í handlegginn þegar
þeim lenti saman í áköfu rifrildi
og að atburðinn megi rekja til
gamals haturs Brezhnevs-
fjölskyldunnar á Andropov. Telji
hún Andropov hafa staðið fyrir
rógsherferð á hendur fjölskyld-
unni í þeim tilgangi að bola á
burt keppinauti sínum, Konst-
antin Chernenko, sem Brezhnev
hafði valið sem eftirmann sinn,
og t.d. látið KGB dreifa sögum
um siðspillingu Galinu, dóttur
Brezhnevs, reynt að koma henni
fyrir á geðveikrahæli og gefið í
skyn, að Yuri Brezhnev hefði
dregið sér fé og ætti á hættu að
missa embættið vegna drykkj-
uskapar. Segir blaðið leyniþjón-
ustumenn á Vesturlöndum hafa
vitneskju um þetta mál og hafa
hana frá heimildamönnum sín-
um innan KGB.
Andropov hefur ekki sést
opinberlega síðan 18. ágúst og
var ekki viðstaddur hersýning-
una á Rauða torginu 7. nóvem-
ber, sem er einsdæmi með sov-
éskan leiðtoga. Tass segir, að
hann sé með kvef, læknar á
Vesturlöndum nefna nýrna-
sjúkdóm en Daily Express segir
erfiðleika með að skýra út
skaddaðan handlegg Andropovs
vera ástæðuna fyrir fjarvistum
hans.
Talsmenn ráðuneytisins þar
Yuri Brezhnev
sem Yuri Brezhnev starfar
segja, að hann gegni enn emb-
ætti sínu en Daily Express segist
ekki geta fengið það staðfest, að
hann hafi komið til vinnu sinnar
að undanförnu. Opinberlega
hafa Sovétmenn ekkert sagt um
fréttina í blaðinu.