Morgunblaðið - 20.11.1983, Side 28

76
MORGUNBLAÐIÐ, SUNNUDAGUR 20. NÓVEMBER 1983
Á myndinni eru, talið frá vinstri, dr. Jóhann P. Malmquist, varaformaður félagsins, Birgir Rafn Þráinsson,
Snorri Ingvarsson, Sigurður Guðmundsson, Guðbjörg Sigurðardóttir og Sigurjón Pétursson, formaður Skýrslu-
Ueknifélagsins. Á myndina vantar Borghildi Jóhannsdóttir, sem ekki gat verið viðstödd afhendinguna.
Viðurkenning-
ar veittar fyr-
ir námsárangur
í tölvunarfræðum
HINN 4. október sl. var fimm
skólanemendum veitt viðurkenn-
ing Skýrslutæknifélags íslands
fyrir frábæran námsárangur á
sviði tölvunarfræði. Þetta er annað
árið í röð sem félagið veitir slíka
viðurkenningu.
Viðurkenningu hlutu: Borg-
hildur Jóhannsdóttir, Mennta-
skólanum í Reykjavík, Birgir
Rafn Þráinsson, Verslunarskóla
íslands, Guðbjörg Sigurðardótt-
ir, Háskóla fslands, Sigurður
Guðmundsson, Menntaskólanum
við Hamrahlíð, Snorri Ingvars-
son, Menntaskólanum við Sund.
Viðurkenningin er í formi val-
innar bókar og skjals. Fyrir vali
að þessu sinni varð bókin The
McGraw-Hill Computer Hand-
book, Applications, Concepts,
Hardware, Software.
Skýrslutæknifélagið vill óska
verðlaunahöfum til hamingju
með frábæran árangur í námi og
árnar þeim alls hins besta í
framtíðinni.
(FrétUtilkynning.)
KYNNTU ÞÉR VERÐIÐ
Á GROHE!
LU
o
o
Nýju hitastýritækin frá GROHE eru komin. í '84 tegundunum er nýr heili hannaöur meö
íslenskar aöstæöur í huga.
★ Enn betri stjórn á mismunaþrýstingi.
★ Enn betri aölögun aö íslensku hitaveituvatni.
Þegar þú velur hitastýrö blöndunartæki, þarftu aö hafa í huga:
★ Fullkomiö brunaöryggi. Ef kalda vatnið fer óvænt af, þarf tækiö aö loka.
★ Barnaöryggislæsing viö 38°C. ’
★ Rennslið í gegnum sturutækiö þarf aö vera minnst 20 Itr. á mínútu. GROHE nr. 34633,
skilar 26 Itr. á minútu.
★ Rennsliö í gegnum baökarstækiö þarf aö vera minnst 30 Itr. á mínútu. GROHE nr. 34465,
skilar 36 Itr. á mínútu.
★ Tækiö þarf aö vera hannaö fyrir íslenskar aöstæöur,
Víöa á Islandi er hitaveituvatniö sérstætt varöandi hitastig og kisilinnihald. Tækið verður aö
taka tillit til þessara eiginlelka.
★ Fullkomin viögeröar- og varahlutaþjónusta þarf aö vera til staðar.
★ Ræddu máliö viö fagmanninn, hann mælir meö GROHE.
BYGGINGAVORUVERSLUN KÓPAVOGS SF.
SÍMI 41000
BYKO
Kór Langholtskirkju syngur inn á
hljómplötu fyrir alheimsmarkað:
Tókum upp byrjunina á
einu laginu 26 sinnum
— segir stjórnandinn Jón Stefánsson
í SÍÐUSTII viku kom út í Svfþjóð hljómplatan „An Anthology of Icelandic Choir
Music“, sem sænska hljómplötufyrirtækið BIS hefur gefið út. Á plötunni syngur
kór Langholtskirkju sýnishorn af íslenskri kórtónlist í sögulegu samhengi. I’latan
var hljóðrituð í Skálholti f apríl sl. með „digital“-upptöku. BlS-útgáfufyrirtækið í
Svíþjóð er stærsti útgefandi sígildrar tónlistar á Norðurlöndunum, gefur út 30 til
35 plötur á ári, og er platan með kór Langholtskirkju sú 239. í röðinni. Plötunni
verður dreift nánast um allan heim.
„Ég held að óhætt sé að fullyrða
að þessi plata sé einhver sú vandað-
asta sem út hefur komið með ís-
lenskum flytjendum," sagði kór-
stjórinn, Jón Stefánsson. „Þetta er
fyrsta og eina „digital“-upptaka sem
gerð hefur verið hérlendis, en með
þessari upptökuaðferð nást bestu
tóngæði sem hægt er að fá fram með
þeirri tækni sem þekkt er í dag. Þá
var svokölluð „Direct Metal Mast-
ering“-aðferð notuð við skurðinn á
plötumótinu, sem felst í því að mótið
er skorið eftir upptökunni í kopar og
minnkar það hættu á því að pressu-
gallar komi fram, auk þess sem
„baksuð" hverfur nær alveg og plat-
an endist allt að 15% lengur.
Þetta er nú tæknilega hliðin á
málinu, en um flutning kórsins
sjálfs verða svo aðrir að dæma. En
platan er þannig upp byggð, að hún
hefst í upphafi Þorlákstíða, sem er
eftir handriti frá fjórtándu öld, en
síðan kemur eitt tvísöngslag, „María
meyjan skæra", frá sextándu öld. Þá
kemur þjóðsöngurinn, ein fyrsta
stærri tónsmíð fyrir kór hérlendis.
Næst er „Lofsöngur" Helga Helga-
sonar, og „Látum sönginn glaðan
gjalla" og „Fjallkonan" eftir Sigfús
Einarsson. Síðan koma sýnishorn af
ýmsum þjóðlagaútsetningum: „Ég að
öllum háska hlæ“, útsett af Hall-
grími Helgasyni, og „Krummavísa"
og „Sofðu unga ástin mín“ í útsetn-
ingum Jóns Ásgeirssonar. „Re-
quiem" eftir Jón Leifs rekur lestina
á fyrri plötusíðu.
Hin hliðin er helguð tónsmíðum
eftir yngri tónskáld okkar. Tvö Iög
eftir Gunnar Reyni Sveinsson, „Hún
var allt“ og „Haldið ’ún Gróa“,
„Orðskviðir Salómons" eftir Jón Ás-
geirsson, „The sick Rose“ eftir Atla
Heimi Sveinsson, loks tvö verk eftir
Þorkel Sigurbjörnsson, „Davíð 92“
og „Hósíanna". í síðasta verkinu
syngur Sigríður Gröndal einsöng.
Öll íögin eru án undirleiks og stjórn-
aði það reyndar nokkuð vali iaganna.
Plötuumslagið er tvöfalt og á því
er að finna alla texta á íslensku og
auk þess enskar þýðingar, flestar
gerðar af Jóhanni Hannessyni, fyrr-
verandi rektor, sem lést nýverið.
Þorkell Sigurbjörnsson skrifar um
þróun tónlistar á íslandi og upplýs-
ingar um tónskáldin, kórinn og
stjórnandann. Þessar upplýsingar
eru á fimm tungumálum. Á framhlið
umslagsins er litmynd af síðasta
Heklugosi.
Eigandi BlS-útgáfufyrirtækisins
er Robert von Bahr, heimsfrægur
sérvitringur. Hann gerir allt sjálfur,
tekur upp, hannar umslag, sér um
dreifingu, og svo framvegis. Það var
stundum sagt hér áður fyrr, til hvers
„digital" þegar við höfum Robert von
Bahr! Enda er Bahr gífurlegur „per-
fectionisti". Ég get nefnt sem dæmi,
að hann lét okkur taka upp upphafs-
tóninn á einu laginu 26 sinnum áður
en hann var ánægður. Það var mikil
áreynsla að vinna með þessum
manni, enda léttist ég um sex kíló!
En það var sannarlega þess virði.“
Morgunblaðið/RAX.
Stjórnandi og kórfélagar. Frá vinstri: Sigurbjörg Hjörleifsdóttir, Jón Stef-
ánsson, stjórnandi, Guðmundur Gunnarsson og Gunnlaugur Snævarr, for-
maður kórsins. Plötuumslagið er á milli þeirra, ofan á píanóinu.