Morgunblaðið - 20.11.1983, Qupperneq 35

MORGUNBLAÐIÐ, SUNNUDAGUR 20. NÓVEMBER 1983
83
• Þeir eru engir horsiipar íslensku hœngarnir. Þessi gein við grænni Frances í
Kerfossinum f Álflá.
• /Eðisgengnir loftfimleikar hjá vænum hæng skömmu eftir að hann hremmdi
fluguna. Ljósm. H.Ben.
lega getað verið meira," sagði
Þórður.
Jóhannes Kristjánsson, meiri
háttar veiðikló hvar sem hann
dýfir ofan í, missti einnig þann
stóra í Laxá í sumar. Var það í
Kistukvíslinni snemma sumars og
sá lax reif einnig út alla línuna.
Jóhannes er vanur að eiga við þá
stóru í Laxá og hefur dregið þá
fleiri en einn 30 punda. Um þenn-
an lax sagði Jóhannes einfaldlega:
„Hann var rosalega stór.“
Þeir eru enn til í Laxá, um það
er engum blöðum að fletta. Þeim
hefur að vísu fækkað frá því sem
áður var, en vonandi er það tíma-
bundið ástand. Aðeins tveir laxar
veiddust þar í sumar sem voru yfir
20 pund. Þórður Pétursson veiddi
annan þeirra í Bótarstreng á
Foxfly, 21 punds lax, en hinn
veiddi bandarískur veiðimaður
fyrir löndum Ness og Árness. Var
það 25 punda fiskur. Stefán
Skaftason, leiðsögumaður hjá
Nesbændum, sagði í samtali við
Mbl. í sumar, að tveir miklir stór-
laxar hefðu sloppið úr greipum út-
lendinga í Laxá hjá Nesi og Ár-
nesi. Annar þeirra sama daginn og
25 punda lax náðist. Að sögn Stef-
áns tóku báðir laxarnir flugulínur
veiðimanna með sér að skilnaði.
Flugurnar
Það ægir auðvitað öllu mögu-
legu saman í veiðiskýrslunum þar
sem flugunöfnin eru annars vegar.
Þó eru vissar flugur sem greini-
lega skutu öðrum ref fyrir rass,
m.a. vegna þess að trú á þær er
orðin afar sterk og æ fleiri byrja
með þeim. Eru þessar flugur
smám saman að leysa af hólmi
gömlu góðu þrenninguna: Blue
Charm, Black Doctor og Sweep, þó
auðvitað eigi þær alltaf sinn
rótgróna áhangendahóp. Frances
og Laxá blá eru í hópi þeirra sem
voru geysigóðar í sumar, Frances
hvar sem er, en Laxá blá stað-
bundnari. Hún var til dæmis best
í Laxá í Aðaldal, ásamt flugu að
nafni Blue Nun, sem er lík Laxá
blá, í aðalatriðum blá. Þá hafa
komið fram „öflugar" flugur ef svo
mætti að orði komast, sem hafa
kannski gefið fyrst og fremst fyrir
þær sakir að þær eru öðruvísi. Má
þar nefna Black Brahan og Black
Sheep, flugur sem gáfu þeim sem
reyndu þær hörkuafla. Grh. hefur
verið tjáð að sú fyrrnefnda sé
gömul írsk fluga, en sú síðar-
nefnda er, þrátt fyrir nafnið, ís-
lensk að uppruna. Hins vegar sló
hún í gegn í sumar er bandarískur
fluguhnýtari hóf að framleiða
hana og auglýsa vel. Er hún með
mjög löngum hárvængjum, gulum
og svörtum og að sögn á flugan að
líkjast álaseiði. Þá má geta þess,
að íslenskir laxar hafa í vaxandi
mæli lyst á að reyna straumflug-
ur. Marabou-muddlerar, Black
Ghost og Micky Finn voru góðar,
svo ekki sé minnst á Fjaðrafoks-
flugurnar: Tveir á Kamrinum og
Þingeyingur.
Sjálfsagt er að ljúka þessum
pistli með veiðisögu. Þær voru
margar góðar í sumar og sumar
verið skráðar í Mbl. eins og þessi
með kríuna sem tók fluguna út úr
gininu á stórlaxinum í Kerfossun-
um í Fitjá. Eða veiðimaðurinn
sem krækti öngli sínum í auga
flotholts sem hann hafði sjálfur
misst með laxi á. Nældi hann í
augað og landaði svo 11 punda
laxi. Ekki nóg með það, heldur
gerðist kraftaverkið þegar í fyrsta
kasti.
Þessi er áður óskráð. Veiðimað-
ur var að veiða í Laxá í Ðölum og
setti í sprækan lax sem honum
sýndist mundu vera 12—14 pund.
Svo hagar til þar sem þetta gerð-
ist, að tveir steinar slúta þannig
hvor upp að öðrum á árbotninum
að lokuð renna er á milli þeirra.
Laxinn þaut undan straumi og
veiðimaður á eftir. Mikið vatn var
í ánni og áttaði veiðimaðurinn sig
ekki á þvl fyrr en um seinan, að
iaxinn hafði stungið sér á milli
steinanna. Línan festist í göngun-
um, en laxinn ólmaðist um tals-
vert fyrir neðan. Nú var úr vöndu
að ráða, en veiðimaður dó ekki
ráðalaus. Félagi hans slæddi lín-
una upp úr fyrir neðan steinana,
veiðmaðurinn klippti línuna í
sundur og félagi mjólkaði hana til
sín. Síðan var hnýtt saman fyrir
neðan festuna og þráðurinn tekinn
upp að nýju. Laxinn reyndist feig-
ur og var honum landað í fyllingu
tímans. — gg.

Loksins fást
> diesel-vélarnar
áíslandi
Iveco, sem er samsteypa af Fiat, De-
utz, Unic og fleiri fyrirtækja, er næst
stærsti framleiöandi diesel-véla í
Evrópu.
Viö bjóðum 30 mismunandi stærðir
og gerðir af vélum; 3, 4, 5, 6, 8 og 12
strokka, frá 20 hestöflum. Unnt er að
fá meðal-hraðgengar og hraðgengar,
léttbyggðar og þungbyggðar vélar.
Mikið úrval af gírum og hvers konar
fylgibúnaði.
Hentugar í trillur, dekkbáta, hrað- og
fiskibáta, jeppa, vörubíla sem og raf-
stöðvar, vatnsdælur o.m.fl.
IVECO DIESEL-VELA UMBOÐIÐ:
HAFORKA HF
Dalshrauni 13, Hafnarfirði
Sími 79834
ÞOM OAL AUQLYSlNGASTOfA Sf
Einangrun
HÚSASMIÐJAN HF.
Súðavogi 3-5,104 Reykjavík, sími: 84599