Morgunblaðið - 21.07.1984, Blaðsíða 18
18
MORGUNBLAÐIÐ, LAUGARDAGUR 21. JÚLÍ 1984
Íþróttahátíð
vinnuskólans
á Melavellinum
Íþróttahátíð Vinnuskóla Reykjavíkur var haldin á
þriðjudag á Melavellinum. Þar voru samankomnir ungl-
ingar alls staðar af Stór-Reykjavíkursvæðinu, en nemar
vinnuskólans eru nú um 1.100. Þeir skiptast á 38 bæki-
stöðvar hér í bænum og næsta nágrenni.
Á hátíðinni fóru fram úrslita-
leikir í handbolta, knattspyrnu,
hlaupi, langstökki og kúluvarpi,
en keppendur voru sigurvegarar
úr hverfiskeppnum sem haldnar
voru fyrr í sumar. Þær voru
einnig skipulagðar af Vinnuskól-
anum og æskulýðsráði. Keppt
var í mörgu fleira, m.a. reiptogi.
Þar sigraði lið Breiðholtsskóla
sem keppti til úrslita við hóp úr
Vesturbænum. Einnig voru
hjólböruþrautir, sexfótungur,
kerruakstur og pokaboðhlaup.
Þrjár stöllur úr Árbænum báru
þar sigur úr býtum, þær Elsa
Hlín Magnúsdóttir, Jóhanna
Vilhjálmsdóttir og Sólveig
Sveinbjarnardóttir, allar 13 ára
gamlar. Vegna tafa tókst ekki að
ljúka við allar þær greinar sem
fyrirhugaðar voru. Einnig féll
niður fallhlífastökk, vegna
óheppilegrar vindáttar og skýja-
fars. Kynnir á hátíðinni var
Hermann Gunnarsson frétta-
maður og var hann sumarglaður
að vanda. Að lokinni hátíðinni
fór hópurinn yfir í Háskólabíó,
þar sem sýnd var teikni-
poppmyndin „Rock and Roll“.
„Reynum að breyta
til frá arfanum“
Ragnar Jónasson bar hita og
þunga af undirbúningi hátíðar-
innar á Melavelli. Hann er annar
af starfsmönnum sem vinnu-
skólinn og æskulýðsráð réðu í
sameiningu til að annast félags-
og tómstundastarf hjá vinnu-
skólanum.
Að sögn Ragnars var skipulagi
skólans breytt nú í vor. „Krakk-
arnir voru orðnir þreyttir á
rusli, drasli og arfa og þess
vegna reyndum við að leggja
meiri áherslu á nýbyggingar-
Ragnar Jónasson starfsmaður
vinnuskólans og æskulýðsráðs,
annast skipulagningu tómstunda-
starfs með unglingunum.
Hafdís Sigurðardóttir bar sigur úr
býtum í 100 metra hlaupi stúlkna.
Ljósmyndir Mbl. KEE.
í tilefni dagsins var vígð ný mini-golfbraut sem krakkarnir smíðuðu.
Finnur Óskarsson sigraði (langstökki pilta.
verkefni. Sem dæmi mætti nefna
að nú vinna Árbæjarhóparnir að
leiksvæði sem á að koma upp í
Seláshverfi, lagðir eru gangstíg-
ar við Áskirkju og unnið er að
gerð hljóðmanar við Kringlu-
mýrarbraut. Auðvitað verður
líka að sinna öörum verkefnum
en við vildum reyna að breyta
eitthvað til,“ sagði hann m.a.
Utan vinnutíma hefur verið
efnt til grill- eða kökuveislu hjá
hópunum, og skoðunarferða i
Sædýrasafnið. Nemendunum
hefur einnig verið kynnt sigl-
ingastarfið í Nauthólsvík og gef-
inn kostur á veiðiferðum í Ell-
iðavatn. Þessar ferðir hafa
mælst vel fyrir og stúlkurnar
sem vinna við Tjörnina safna
möðkum í gríð og erg til ferð-
anna.
Margir njóta þjónustu vinnu-
skólans. M.a. starfa fjölmennir
flokkar við trjárækt og stígagerð
við Rauðavatn, Elliðavatn og
Heiðmörk. Golfvöllur Golffélags
Reykjavíkur og Skeiðvöllur Fáks
eru hirtir af unglingunum og
þeir aðstoða á leik- og gæsluvöll-
um, í skólagörðum og á starfs-
völlum.
Krakkarnir tóku þátt í undir-
búningi að hátíðinni og til að
mynda voru vígðar nýjar mini-
gólfbrautir sem einn vinnuhóp-
urinn smíðaði sérstaklega vegna
atburðarins.
Um mótið sagði Ragnar að
vonandi mæltist þessi nýbreytni
vel fyrir hjá öllum aðilum. Sér
sýndist mikill áhugi hjá unga
fólkinu og ef allir hefðu skemmt
sér vel og fundið eitthvað við sitt
hæfi væri tilgangi iþróttahátíð-
arinnar náð sem og öðru tóm-
stundastarfi.
Þær roru ánægðar með sigurinn í pokaboóhlaupinu. Frá vinstri: Elsa Hlín Magnúndóttir, Sólveig Sveinbjarnardóttir og Jóhanna Vilhjálmsdóttir.
„Skokka ekki í
kringum tjörnina“
Sigurvegari í 100 metra hlaupi
stúlkna varð Hafdís Sigurðar-
dóttir, 15 ára snót. Aðspurð
sagðist hún hafa æft frjálsar
íþróttir hjá Ármanni í sex mán-
uði og keppt nokkuð fyrir félagið
á ýmsum mótum.
Hafdís vinnur í hópnum sem
sér um að fegra og halda við
gróðrinum umhverfis Tjörnina
og líkar stórvel að eigin sögn.
Þótt svæðið væri notað til að
liðka stirða nema Menntaskól-
ans sagðist Hafdís ekki hlaupa í
kringum Tjörnina sér til hress-
ingar og heilsubótar 1 kaffitím-
um.
„Æfði á Ólafsfirði“
Meðal keppnisgreina á hátíð-
inni var langstökk pilta og þar
sigraði ungur ólafsfirðingur,
Finnur óskarsson. Hann er
fjórtán ára, og stökk 4,97 metra.
Að sögn Finns æfði hann lang-
stökk á ólafsfirði um tíma, en
flutti til Reykjavíkur fyrir hálfu
ári og lagði þá frekari æfingar á
hilluna. Þegar hverfishátíðin við
ölduselsskóla var haldin í
sumar, en Finnur vinnur 1 þeim
hópi, keppti hann aftur og sigr-
aði.
Aðspurður svaraði Finnur að
mikið fjör væri í unglingavinn-
unni og krakkarnir hressir. Ekki
spillti heldur tómstundastarfið
sem væri í miklum blóma I sín-
um hóp.