Morgunblaðið - 05.09.1984, Blaðsíða 4

4
MORGUNBLAÐIÐ, MIÐVIKUDAGUR 5. SEPTEMBER 1984
Tveir slasast í
bflveltu á Dalvík
Dahfk, 4. september.
BÍLL fór út af vegi og valt skammt fri
Dalvík, laugardaginn 1. september sl.
Fjórir farþegar voru í bílnum og hlutu
tveir þeirra meiðsl og voru fluttir i
sjúkrahús.
Bíllinn var að koma frá Akureyri,
en við brú yfir Hálsá, skammt sunn-
an Dalvíkur, missti ökumaður stjórn
á bílnum með þeim afieiðingum, að
bíllinn valt út af veginum og endaði
ofan í ánni. Bíllinn var mjög illa far-
inn og þurfti að losa um farþega til
að ná þeim úr flakinu. Tveir farþega
meiddust svo aö flytja varð þá á
sjúkrahús á Akureyri.
Fréttaritarar.
Þorsteinn Þ. Víg-
lundsson látinn
ÞORSTEINN Þ. Víglundsson, fyrr-
verandi skóla- og sparisjóðsstjóri í
Vestmannaeyjum, lést 3. september
sl. á 85. aldursári. Þorsteinn var
fæddur að Melum í Mjóafirði, 19.
október 1899.
Þorsteinn nam búfræði á
Hvanneyri og varð búfræðingur
þaðan 1919, og var síðan við nám í
lýðháskólanum í Voss í Noregi
1921 til 1923. Þá stundaði hann
nám við menntaskólann Volda,
Suður-Mæri, 1923 til 1924. Þor-
steinn lauk kennaraprófi frá
Kennaraskóla íslands árið 1927.
Að loknu námi varð Þorsteinn
skólastjóri við unglingaskóla
Vestmannaeyja og síðan skól-
astjóri Gagnfræðaskólans I Vest-
mannaeyjum frá 1930. Því starfi
gegndi Þorsteinn allt til ársins
1964 er hann lét af störfum fyrir
aldurs sakir.
Þorsteinn tók virkan þátt í fé-
lags- og menningarmálum f Vest-
mannaeyjum. Hann varð einn af
stofnendum Sparisjóðs Vest-
mannaeyja 1942 og gegndi starfi
sparisjóðsstjóra frá stofnun
Sparisjóðsins til ársins 1974. Eftir
Þorstein liggja margháttuð rit-
störf, m.a. útgáfa á ársriti Vest-
mannaeyja, Bliki, sem hann gaf út
og skrifaði nær einvörðungu sjálf-
ur frá árinu 1936 til 1981. Þá gaf
hann út „íslensk-norska orðabók",
sem hann var höfundur að og fyrir
það verk var hann gerður að heið-
ursfélaga í Vestmannalaget í
Bergen 1964.
Þorsteinn Þ. Víglundsson
Fyrir margháttuð störf hlaut
Þorsteinn ýmsar viðurkenningar
og ber þar ef til vill hæst stofnun
hans á byggðasafni Vestmanna-
eyja, en Þorsteinn annaðist söfn-
un minja á árunum 1932 til vígslu
safnsins er það flutti í nýtt og
glæsilegt húsnæði hinn 15. apríl
1978. í tilefni af þeim atburði og
þann sama dag var Þorsteinn
gerður að heiðursborgara Vest-
mannaeyja. Árið 1981 var Þor-
steinn sæmdur „ólafsorðunni" af
Noregskonungi fyrir störf hans að
samskiptum Noregs og Islands.
Árið 1926 kvæntist Þorsteinn
eftirlifandi eiginkonu sinni, Ingi-
gerði Jóhannsdóttur, og eignuðust
þau fjögur börn og jafnframt ólu
þau upp eitt fósturbarn.
Tannsmiðir og tannlæknar undirrita nýgerðan kjarasamning síðdegis í gær. Morgunbla»ið/Ámi Sœberg.
Tannsmiðir og
tannlæknar semja
TANNSMIÐIR og tannlæknar
undirrituðu kjarasamning hjá rík-
issáttasemjara í gær, en enginn
heildarkjarasamningur hefur ver-
ið í gildi milli viðsemjenda mörg
undanfarin ár.
Samningurinn tekur mið af
kjörum annarra iðnaðarstétta.
Samkvæmt honum eru launa-
flokkar fjórir, sá lægsti 13.717
og sá hæsti 17.387 krónur. Auk
þess koma til prósentuhækkan-
ir I samræmi við starfsaldur,
2,5% eftir 1 ár, 5% eftir 2 ár,
7,5% eftir 3 ár, 10% eftír 5 ár,
12,5% eftir 6 ár og 15% eftir 15
ár. Þá koma til áfangahækkan-
ir 3% nú 1. september og 3% 1.
janúar 1985. Samningstími er
til 1. júlí á næsta ári.
Samningaumræður VR og vinnuveitenda:
„Leggjum áherslu á
hóflegan vinnutíma“
Norska sjónvarpið:
Ákvörðun ekki komin
— segir Magnús L. Sveinsson formaður VR
EKKI er enn búið að taka ákvörð-
un um það hvenær norska sjó-
nvarpið mun sjást hér á landi. Að
sögn Ragnhildar Helgadóttur
menntamálaráðherra gæti það
orðið I vetur sem ákvörðun verður
tekin um tilraun, en það yrði að-
eins um tilraun að ræða. Hins veg-
ar munu Norðmenn ætla sér að
senda út um gervihnött til Jan
Mayen síðari hluta vetrar eða í
vor.
„Staðan er þannig, að nú standa
yfir samningaumleitanir milli Versl-
unarmannafélagsins og vinnuveit-
enda,“ sagði Magnús L. Sveinsson,
skrifstofustjóri Verslunarmannafé-
lags Keykjavíkur, þegar blaðamaður
Morgunblaðsins innti hann eftir
stöðu samningamála. „Við höfum
haldið einn fund og einnig eru
óformlegar samningaumræður í
gangi. Ánnar samningafundur verð-
ur í dag. Ég er bjartsýnn á að sam-
komulag náist fyrir félagsfund, sem
haldinn verður á morgun. Okkar
kröfur eru fyrst og fremst að dregið
verði úr þeirri óhóflegu vinnu sem
félagsmenn okkar inna af hendi.
Fólk hefur þurft að vinna til kl. 19
frá mánudegi til fimmtudags, til kl.
22 á föstudögum og til kl. 16 á laug-
ardögum. Það verður að draga úr
þessu.“
Magnús kvað verslunareigendur
hafa sýnt vilja til að sinna þessum
kröfum VR, en auk kröfu um
styttan vinnutíma leggur Verslun-
armannafélagið áherslu á að
ákvæði verði sett um hádegismat-
artíma á laugardögum, þar sem
vinna hjá verslunarfólki er orðin
samfelld á þeim dögum til kl. 16.
Magnús L. Sveinsson sagði að lok-
um, að ekki væri langt bil sem
skildi samningsaðila, svo sam-
komulag ætti að nást. Það yrði
vonandi fyrir morgundaginn, þeg-
ar félagsfundur yrði haldinn.
Samninganefnd prenUra á fúndi hjá ríkissáttasemjara í gær. Samninganefnd prentsmiðjueigenda á fundi hjá rfkissáttasemjara.
Árangurslaus samningafundur með
prenturum og prentsmiðjueigendum
Samningafundur í kjaradeilu
bókagerðarmanna og viðsemjenda
þeirra í gær var árangurslaus og
lauk eftir 15 mínútur. Til nýs fund-
ar hefur verið boðað klukkan 16.00
á fimmtudag, en til boðaðs verk-
falls bókagerðarmanna kemur 10.
september á mánudaginn kemur,
hafi samningar ekki tekist. Þá
verða blaðamenn á samningafundi
með Félagi íslenska prentiðnaðar-
ins í fyrramálið.
Magnús E. Sigurðsson, formað-
ur Félags íslenskra bókagerð-
armanna, sagði að prentsmiðju-
eigendur hefðu ekki haft neitt
annað að bjóða en 3% launa-
hækkunina sem koma hefði átt til
framkvæmda 1. september. „Við
hörmum þessa afstöðu mjög,"
sagði Magnús „og það segir sig
sjálft að við vorum ekki að segja
upp launaliðum samningsins til
að framlengja þá óbreytta. Von-
andi breytist afstaðan í tíma, svo
að ekki þurfi að koma til verk-
falla, en eins og nú horfir stefnir
allt í það“.
Grétar Nikulásson, fram-
kvæmdastjóri Félags íslenska
prentiðnaðarins, vildi ekkert láta
hafa eftir sér um stöðuna í samn-
ingamálunum að svo stöddu.
Fjórir í
gæslu
FJÓRIR menn voru úrskurðaðir í
gæzluvarðhald um helgina og gæzlu-
varðhald yfir þeim fimmta var fram-
lengt Mennirnir eru allir á þrítugs-
aldri og sitja inni fyrir meint ávís-
anafals, skjalafals og innbrot, en
einn þeirra var úrskurðaður í gæzlu-
varðhald til 17. október vegna s(-
brota og tengist hann á engan hátt
málum hinna.
Rannsóknarlögregla ríkisins
hefur að undanförnu verið að
rannsaka ávísanamisferli og var
maður settur inn í síðustu viku
vegna málsins. Um helgina voru
þrír aðrir settir inn vegna máls-
ins. Ávísanamisferlið skiptir tug-
um þúsunda og ekki eru öll kurl til
grafar komin í málinu. Tveir
mannanna, sem settir voru inn um
helgina, voru úrskurðaðir til 19.
september og hinn þriðji til 12.
september.