Morgunblaðið - 11.11.1984, Blaðsíða 2

74
MORGUNBLAÐIÐ, SUNNUDAGUR 11. NÓVEMBER 1984
Svipmynd á sunnudegi/FRIEDRICH KARL FLICK
Eberhard von Brauchitsch á tali við Kohi, kanslara, og konu hans. Flick hefur gaman af að skemmta sér.
Maðurinn sem
á fyrirtækið
Friedrich Karl Flick,
maðurinn sem hefur
gefið einu mesta
hneykslismáli í sögu
Vestur-Þýskalands nafn, er
sagður vera annar ríkasti maður
Evrópu. Eignir hans eru metnar
á allt frá fjórum upp í sex millj-
arða v-þýsk mörk. Hann erfði
eigurnar af föður sínum, Fried-
rich Flick, sem stofnaði Flick-
fyrirtækið fyrir stríð. Það óx og
dafnaði á stríðsárunum en eftir
stríðið var Flick eldri dæmdur í
Nurnberg-réttarhöldunum fyrir
að nota stríðsfanga í námum
sínum og verksmiðjum. Hann
sat inni í fimm ár og seldi þær
eignir sem hann átti eftir þegar
hann var látinn laus árið 1954.
Féð fjárfesti hann i iðnfyrir-
tækjum eins og Daimler-Benz,
Feldmuhle og Dynamit Nobel.
Flick-fyrirtækið verslar nú ein-
göngu með eignarhluta í iðnfyr-
irtækjum og var á síðasta ári 26.
stærsta fyrirtæki Vestur-Þýska-
lands.
Flick eldri átti þrjá syni. Elsti
sonurinn, Otto-Ernst, var mikill
íþróttamaður en brást vonum
föður síns og hann keypti hann
út úr fyrirtækinu fyrir 100 millj-
ónir marka. Rudolf, sonurinn í
miðið, féll í Rússlandi á stríðsár-
unum. Friedrich Karl, yngsti
sonurinn, las rekstrarhagfræði i
háskóla en föðurnum fannst ekki
alltof mikið til hans koma og
fékk gamlan æskuvin stráksins
frá Berlín, Eberhard von
Brauchitsch, til að stjórna fyrir-
tækinu.
Von Brauchitsch og Flick
yngri kom heldur illa saman á
meðan Flick eldri lifði en unnu
því betur saman eftir að gamli
maðurinn dó, 90 ára gamall, árið
1972. Þeir héldu áfram gamalli
hefð fyrirtækisins að ausa fé í
stjórnmálamenn og stjórnmála-
flokka. Dómsvöld álíta að þetta
hafi verið gert til að múta
stjórnmálamönnum til að taka
ákvarðanir fyrirtækinu í vil og
von Brauchitsch hefur verið
ákærður fyrir mútugreiðslur.
Flick rak hann frá fyrirtækinu
árið 1982 og Hans Werner Kolb
tók við forstjórastöðunni.
Flick skiptir sér lftið af dag-
legum rekstri fyrirtækisins en
tekur ákvarðanir um stærri mál.
Starfsmenn hans eiga þó oft erf-
itt með að ná sambandi við hann
— hann býr að jafnaði í bryn-
vörðu húsi í Múnchen en dvelur
einnig stundum í hinum húsun-
um fimm sem hann á í V-Þýska-
landi, höllinni fyrir utan París,
sumarhúsinu á Rívíerunni, eða
þakíbúðinni í New York. Innrétt-
ingin í húsinu í Múnchen kostaði
28 milljónir marka. Það stendur
á 600 fermetra lóð og hefur
sundlaug, kjarnorkuvopnabyrgi,
tvær háspennustöðvar, fjöl-
margar geymslur fyrir fínasta
mat og dýrindis vín auk her-
bergja og stofa. Flick átti einnig
mikla og fína snekkju um tfma
en seldi hana til að spara. Hún
var byggð fyrir 20 milljónir
marka og góður vinur hans,
James Graser, fékk 460.000 mörk
fyrir að fylgjast með smfðinni.
Kunningjar Flicks eru af
hressara taginu. Þeir drekka
mikið og haft er eftir blaða-
manni tímaritsins Quick að það
líti út eins og þursaflokkur hafi
verið á ferð þegar þeir hafa verið
að skemmta sér einhverstaðar í
Múnchen. Flick tekur sér oft
góðan tíma til að taka ákvarðan-
ir f sambandi við fyrirtækið og
nýtur stumium ráðgjafar kunn-
ingja sinna. Hans Arnt Vogel,
fv. framkvæmdastjóri Flick-
fyrirtækisins, var eitt sinn vak-
inn um miðja nótt af Flick, sem
var vel þéttur, og honum fyrir-
skipað að útskýra kosti og galla
á hugsanlegri sölu eignarhluta f
stálverksmiðju að verðmæti 27
milljóna marka fyrir drullufull-
um félaga Flicks. Þeir voru á
einhverri drykkjuferð, hringdu
úr bílnum og salan var ákveðin.
Atorka Flicks er mest á kvöldin
og nóttunni og hann hefur oft
kvartað yfir hversu erfitt sé að
vinna með starfsfólki fyrirtæk-
isins í höfuðstöðvunum í Dússel-
dorf en það vinnur á venjulegum
vinnutíma.
Hann er tvíkvæntur, er nú í
vinfengi við stúlku sem er mót-
tökustjóri á hóteli. Fyrri kona
hans var enn í menntaskóla þeg-
ar hann giftist henni, 37 ára
gamall. Seinni konan var nær
honum í aldri en fór frá honum
samt. Hann saknaði hennar ekki
mikið og sagðist ekki hafa kunn-
að því vel að vera alltaf spurður
í þaula þegar hann kom inn úr
dyrunum heima hjá sér. Hann
greiddi konunni 7,5 milljónir
marka þegar þau skildu og
keypti þrjú bræðrabörn sín út úr
fyrirtækinu um svipað leyti fyrir
200 milljónir marka. Það var
skömmu eftir að hann seldi tæp
30% af eignarhluta sínum í Da-
imler-Benz fyrir tæpa tvo millj-
arða og von Brauchitsch var
önnum kafinn við að útvega
fyrirtækinu tekjuskattaundan-
þágu hjá ríkinu.
Von Brauchitsch er af gömlum
aðalsættum og náfrændi Walth-
ers von Brauchitsch, sem var
hermarskálkur Hitlers. Hann er
næstum tveggja metra hár og
þykir myndarlegur. örugg fram-
koma hans og þægilegt viðmót
kom sér vel í Bonn, þar sem
hann „ræktaði landið" fyrir
Flick-fyrirtækið, eins og hann
kallaði athafnir sínar sjálfur.
Hann býr nú í Berlin og er fjár-
málaráðgjafi Axels Springer, út-
gefenda.
Flick-fyrirtækið, Flick sjálfur,
og von Brauchitsch hafa vænt-
anlega margbrotið v-þýsku
skattalögin auk þess að hafa
valdið allsherjar stjórnmála-
hneyksii í landinu. Þeir hafa sett
mjög neikvæðan svip á v-þýskt
kaupsýslulíf og háttsettir
starfsmenn hjá Deutschen Bank
velti því nú fyrir sér hvernig
hægt sé að fá Flick til að selja
eignarhluta sína í iðnfyrirtækj-
um. Flick-fyrirtækið, sem hefur
um 200 skrifstofur út um allan
heim og um 42.500 manns í
vinnu, hefur þegar staðið af sér
mikið umrót, en nú þykir hætta
á að það missi alveg ákveðna
stefnu og örugga stjórn fyrst að
meðlimir í stjórn fyrirtækisins
þurfa stöðugt að vera með hug-
ann við og hafa áhyggjur af
framvindu mála í Bonn.
— ab
Heimildir: Der Spiegel og Her-
ald Tribune.
Eitthvað fyrir alla.
Friedrich Karl Flick við mynd af fbður sfnum.