Morgunblaðið - 21.11.1984, Blaðsíða 33
MORGUNBLAÐIÐ, MIÐVIKUDAGUR 21. NÓVEMBER 1984
33
Hessen:
„Rauðgræna banda-
lagið“ út um þúfur
Wieabaden, 20. nóvember. AP.
GRÆNINGJAR í Hessen í Vestur-
Þýskalandi hættu í dag samvinnu
sinni við jafnaðarmenn í stjórn fylk-
isins. Kröfðust þeir þess, að verk-
smiðju, sem endurvinnur kjarnorku-
úrgang, yrði lokað en á það vildu
jafnaðarmenn ekki fallast. Var þar
með bundinn endi á fyrsta „rauð-
græna bandalagið", sem svo hefur
verið kallað.
Þessi samvinnuslit eru talin
geta haft áhrif á hugsanlega sam-
vinnu þessara flokka í öllu Vest-
ur-Þýskalandi og ekki síst vegna
þess, að Græningjar hafa verið að
sækja í sig veðrið að undanförnu.
Jafnaðarmenn hafa nú 51 sæti á
fylkisþinginu i Wiesbaden, kristi-
legir demókratar 44, frjálsir
demókratar átta og græningjar
sjö. Ef Holger Börner, fylkisstjóra
jafnaðarmanna, tekst ekki að
koma í gegnum þingið ýmsum
mikilvægum málum eins og t.d.
fjárlögunum, verður hann að boða
til nýrra kosninga.
Græningjar kröfðust þess, að
endurvinnsluverksmiðju fyrir
plútóníum i Hanau yrði lokað og
sagði einn þingmanna þeirra, að
heiður flokksins væri í veði. í yfir-
lýsingu frá jafnaðarmönnum var
ákvörðun græningjanna hörmuð
og sagt, að þaö væri alls ekki á
valdi fylkisþingsins að loka um-
ræddri verksmiðju, um hana giltu
alríkislög.
Símamynd/AP.
Tveir tankar með fljótandi gasi í Ijósum logum. f sprengingunum lagðist
hverfið f kring í rúst og þegar síðast var vitað voru á þriðja hundrað lík
fundin.
Fundir sendinefnda S- og N-Kóreu:
Hlátrasköll og
brandarar flugu
ERLENT
Stórslysið í Mexíkó:
Skyndilega stóðu öll
húsín í liósum logum
TUIneoantU. Mexikó. 20. nóvember. AP.
TUJnepnntln, Mexíkó, 20. nóvember. AP.
SUMIR voru enn í fastasvefni en
aðrir að fá sér morgunverðinn þegar
hver sprengingin af annarri varð f
gasstöðinni í hverfinu. Gífurlegur
reykjarmökkur steig til himins og
eldi og eimyrju rigndi yfir húsin.
Fyrr en varði voru öll húsin í Ijósum
logum.
„Jörðin skalf og nötraði og við
máttum þakka fyrir að komast
allsnakin út úr húsinu," sagði
Pedri Jimenez, einn íbúanna, sem
komust lífs af. í mörgum húsanna
fundu björgunarmenn líkin í rúm-
unum eða í eldhúsinu. „Við bárum
16 út úr einu húsi, 13 úr því næsta
og 8 úr því þriðja," sagði einn
björgunarmannanna.
Um miðjan dag þóttust slökkvi-
liðsmenn vera búnir að ná tökum
á eldinum en þá var óttast, að
brennandi gasið gæti komist í þá
tanka með fljótandi gasi, sem enn
voru ósprungnir. Komið hefur ver-
ið upp skýli fyrir heimilislaust
fólk en auk þess hafa margir feng-
ið inni í kirkjum. Hundruð manna
hafa lagt fólkinu lið með því að
gefa föt og mat og forseti landsins
hefur skorað á alla þjóðina að
leggjast á eitt til að bæta það, sem
bætt verður.
Panmunjon, Kóreu, 20. nóvember. AP.
SENDINEFNDIR kóreskur ríkj-
anna tveggja áttu með sér tveggja
stunda langan fund þar sem ýmis-
legt varðandi sambúð ríkjanna bar á
góma. Fulltrúar Rauða krossins úr
röðum beggja komu sér saman um
nokkuð sem hefur reynst ógerlegt í
11 ár, þ.e.a-s. að ræða mannréttinda-
mál. Var ákveðið að halda fundi á
sama tíma í Seoul og Pyongyang,
höfuðborgum ríkjanna, en fundar-
tími var eigi ákveðinn nákvæmlega.
Það var góður andi á fundinum í
dag, hlátrasköll og brandarar
flugu. Ætluðu fundarmenn aldrei
að geta komið sér að efninu, svo
glatt var á hjalla. En fundur þessi
var hugsaður sem undanfari ann-
arra og meiri fundarhalda og
árangurinn þegar öllu var á botn-
inn hvolft talinn ágætur. Kóresku
ríkin hafa ekki rætt málin með
þessum hætti síðan árið 1973. Þá
slitnaði upp úr öllu saman er
norðurríkið hóf að krefjast þess að
breytingar yrðu gerðar á stjórn-
málakerfi suðurríkisins.
Kínverjar vilja sneið
af Suðurskautsköku
Peking, 20. nóvember. AP.
TVÖ STÓR rannsóknarskip mönnuð
ekki bara áhöfnum heldur einnig
500 vísindamönnum af ýmsu tagi
héldu úr höfn í Shanghai í dag og
var förinni heitið til Suðurskauts-
landsins. Verður þetta fyrsti leiðang-
ur Kínverja til þessarar heimsálfu.
Kínversk yfirvöld lýstu yfir er
skipin lögðu úr höfn að með för-
inni væri verið að leggja drög að
„friðsamlegri nýtingu mannsins á
Suðurskautinu". Áður hafa Kín-
verjar sent smáhópa vísinda-
manna eða einstaklinga til Suður-
skautsins, en jafnan hafa þeir
starfað sem gestir í rannsóknar-
stöðvum annarra þjóða. Þetta
verður fyrsti kínverski leiðangur-
inn eins og áður segir og eitt af
markmiðunum er að koma upp
kínverskri rannsóknarstöð sem
yrði mönnuð allan ársins hring.
Leiðangur Kínverjanna mun
standa yfir í 5 mánuði og verður
lagt allt kapp á að reisa rannsókn-
arstöð. Henni hefur verið valinn
staður 970 kílómetra frá suður-
odda Argentínu.
Mormóna-
kirkja í
A-Þýska-
landi
Berlín, 20. nóvember. AP.
NÚ ER verið að reisa mormóna-
kirkju í Karl Marx Stadt í Austur-
Þýskalandi og verður það fyrsta
kirkja þess safnaðar í kommúnista-
ríki. Verður guðshúsið tilbúið til
notkunar næsta sumar.
Vinna við bygginguna hófst í
vikunni og talsmaður mormóna-
safnaðarins í Vestur-Þýskalandi
sagði að það væri mormónakirkj-
an í Utah í Bandaríkjunum sem
stæði straum af kostnaði. Hann
vissi þó ekki hvað fyrirtækið kost-
aði. Mormónakirkja hefur starfað
i Þýskalandi síðan árið 1850 og
fyrir vestan járntjaldið eru 25.000
mormónar. Þeir eru mun færri
fyrir austan tjald, eða um 4.500
talsins, en þar hefur þeim verið
gert erfitt um vik að stunda trú
sína, enda trúarbrögð hornrekur í
kommúnistalöndum yfirleitt.
KjAUKUK A MUNU I AIQ
AFMÆLISHÁTÍÐ
í HEILA VlKU
Gaukur ó Stöng, veitingahús, Trvggvagötu 22, sími 11556,
Idag, miðviÁudtyinn 21.
nóvember. HÁTÍÐAR-
HÁDEGLSVERÐUR kí. 11-14.
HÁTÍÐARKAFFŒ) og
-KÖKURNAR á milii 14 og 17.
HÁTÍÐARKVÖLDVERÐUR
jrá kí. 18-21.
í kvöíd sjá þeir
FRIÐRIK KARLSSON,
EYPÓR GUNNARSSON,
GUNNLAUGUR BRIEM og
TÓMAS EINARSSON um
tóníistina. Svona Cétt sveijía.
En á morgun, jtmmtuáág 22.
nóveméer. HÁTÍÐAR-
HÁDEGISVERÐUR kí. 11-14.
HÁTÍÐARKAFFIÐ og
-KÖKURNAR á miffi 14 og 17.
HÁTÍÐARKVÖLDVERÐUR
jrá kí. 18-21.
Nú ftoppar GAUKURINN af kati
og tekur hressiíega undir með
HÁLFT í HVORU á síðasta í
aftrutii. Opið tiíkí. 01.