Morgunblaðið - 22.12.1984, Qupperneq 26

26
MORGUNBLAÐIÐ, LAUGARDAGUR 22. DESEMBER 1984
Reynt ad bjarga
27 námamönnum
Orangeville, Utah. 21. denember. AP.
BJÖRGUNAMENN vid kolanámu í
Wilberg í Utah reyndu í dag ákaf-
lega að bjarga 27 námumönnum sem
komust hvergi eftir að eldur og
sprenging lokuðu námunni. Síðast er
fréttist hafði ekkert spurst til fólks-
ins í 30 klukkustundir, en eigi að
síður ríkti bjartsýni meðal björgun-
armanna um að mennirnir hefðu
komist í helli einn inn af námugöng-
unum. 2,4 kílómetra inni í fjallinu.
Björgunarmennirnir hafa
hvorki fundið tangur né tetur af
námumönnum þar sem síðast sást
til þeirra. „Við erum enn vongóð-
ir,“ sagði talsmaður þeirra. Hann
bætti við að hellirinn sem talið er
að námumennirnir hafi komist í
sé líklega lokaður af frá göngun-
um eftir sprengingarnar, því ættu
þeir að vera óhultir fyrir eiturguf-
unum í göngunum og hafa auk
þess nóg súrefni til að halda út.
Búið var nánast að slökkva eldinn
síðast er fréttist og var verið að
undirbúa frekari aðgerðir, m.a. að
senda björgunarmenn til hellisins
með nógu margar súrefnisgrímur
til að hjálpa námumönnum upp á
yfirborð jarðar. Mikið reykjarkóf
tafði þó björgunaraðgerðir.
Varaforsætis-
ráðherra Sovét-
ríkjanna í Kína
Heimsókn hans þykir merki um batnandi samskipti ríkjanna
Peking, 21. desember. AP.
IVAN V. Arkhipov, varaforsætisráó-
herra, sem er æðstur þeirra Sovét-
manna er lagt hafa leið sína til Kína
í 15 ár, sagði við komuna til Peking í
dag, fóstudag, að nú gætti „jákvæðr-
ar tilhneigingar" í þá átt að bæta
samband Kína og Sovétríkjanna.
„Við erum sannfærðir um, að
það eru miklir möguleikar á að
auka samstarf landanna," sagði
Arkhipov í ræðu sem hann flutti í
frostnepjunni á flugvellinum, „og
þar á meðal má telja gagnkvæma
viðskiptasamvinnu á mörgum
sviðum, sem báðir aðilar geta haft
hag af.“
Meðal þeirra sem tóku á móti
Arkhipov voru Qian Qichen vara-
utanríkisráðherra og Yoa Yilin
varaforsætisráðherra.
Heimsókn Arkhipovs þykir
merki um batnandi samskipti
Kína og Sovétríkjanna á
viðskiptasviðinu, þrátt fyrir póli-
tíska og hernaðarlega misklíð
milli landanna. Arkhipov er æðsti
sovéski embættismaðurinn sem
kemur til Kína síðan Alexei Kos-
ygin hitti starfsbróður sinn, Shou
En-Lai, árið 1969.
írakar sprengdu
norskt olíuskip
Muunu, Bahrain, 21. deaember. AP.
ÍRAKAR gumuöu af því í dag, að
hafa gert loftárásir á „tvö skot-
mörk“ í Persaflóa skammt frá olíu-
höfn frana við Kharg-eyju. Það
fékkst staðfest að eitt risaolíuskip
hefði orðið fyrir exocet-skeytum ír-
aka, norskt skip, og stóð það í Ijós-
um logum síðast er fréttist.
Manntjón varð ekkert og fór 27
manna áhöfnin strax frá borði, en
sneri aftur til skips nokkrum
klukkustundum síðar, er tekist
hafði að slökkva hluta af eldinum
og mesta hættan var liðin hjá.
Skipið norska, Thorshavet, í
eign Thor Dals Rederi í Sande-
fjörd, var nýlagt af stað frá
Kharg-eyju með hráolíufarm er
herþoturnar réðust á það. Var í
fyrstu óttast að það myndi sökkva,
svo glatt logaöi, og þá hefði hráolí-
an farið í sjóinn. Irönum varð hins
vegar vel ágengt í bardaganum við
eldinn.
Talsmenn Lloyd’s tryggingafé-
lagsins segja að nú hafi 61 olíu-
flutningaskip orðið fyrir flug-
skeytum í Persaflóa síðan að írak-
ar settu á „hafnbann" á Kharg-
eyju. Langflest hafa frakar
skemmt, en íranir sjálfir hafa
skotið á nokkur skip í hefndar-
skyni.
Fimbulvetur í vestur-
ríkjum Bandaríkjanna
New York, 21. deoember. AP.
Fimbulvetur ríkir í vesturríkjum
Bandaríkjanna og veturinn þar fyrr
á ferðinni en í venjulegu ári. Mæld-
ist 21 stigs frost 1 Vakina í Wash-
ington-ríki og er það mesta frost
sem mælzt hefur í ríkinu, fyrra met
var sett árið 1924.
Djúpur snjór er í fjallahéruðum
Utah og vegir ógreiðfærir og vara-
samir til aksturs í Utah, Nevada,
Colorado og Arizona. Annað óveð-
ur var í uppsiglingu í norðvestur-
ríkjunum með viðeigandi rigningu
og snjókomu í vesturhluta Wash-
ingtonríkis og norðurhluta Kletta-
fjallanna. Byljóttur Kyrrahafs-
vindur varð til þess að íbúar í
grennd austurhlíða Klettafjall-
anna norðanverðra voru hvattir
til að halda sig innandyra.
Jafnframt féll snjór á svæði
umhverfis vötnin miklu og í Nýja
Englandi. Fellibylurinn Lili, sem
er aðeins fjórði desemberbylurinn
frá því skýrsluhald hófst 1871,
færðist suður á bóginn frá ströndu
og var ekki búist við að hann
ógnaði strandríkjum við austur-
ströndina.
Hafmeyjan hlakkar til jólanna
Litla hafmeyjan í Kaupmannahöfn fer ekki í jólaköttinn um þessi jól eins og sjá má á myndinni. Einn dönsku
jólasveinanna, sem að vísu eru ekki jafn fjölskrúðugur flokkur og þeir íslensku, kom til hennar færandi hendi
og gaf henni heljarmikinn pakka, sem hún má að sjálfsögðu ekki opna fyrr en á aðfangadag.
Afganistan:
9.000 Sovétmenn fall-
ið og 16.000 særst
Wufaington, 21. deaembor. AP.
MANNTJÓN Sovétríkjanna fer vax-
andi í Afganistan, en á þeim fimm
árum sem liðin eru frá því að innrás-
in hófst hafa alls 9.000 sovéskir her-
menn fallið og 16.000 særst. Þrátt
fyrir það halda yfirvöld í Moskvu
áfram að senda þangað hermenn og
þess sjást engin merki að draga eigi
úr stríðsrekstrinum, þótt andspyrna
afganskra frelsisherja hafi eflst á
þessum tíma, að því er bandaríska
utanríkisráöuneytið sagði á fimmtu-
dag.
„Ef einhvers staðar hefur fyrir-
fundist sönn þjóðfrelsishreyfing,
þá er það í Afganistan," sagði
Michael H. Armacost, háttsettur
embættismaður í bandaríska
utanríkisráðuneytinu.
„Jafnvel þótt hinn 27. desember
séu liðin fimm ár frá sovésku inn-
rásinni," sagði Armacost, „hefur
yfirgnæfandi meirihluti afgönsku
þjóðarinnar neitað að viðurkenna
yfirráð Sovétmanna, og það sama
má segja um samfélag þjóðanna,
að ekki sé talað um Bandaríkin."
Hann kvað sýnilegt, að Sovét-
menn kærðu sig ekkert um að
semja í deilu þessari, heldur vildu
þeir halda áfram á sömu braut,
enda þótt það væri þeim engan
veginn hagfelldur kostur.
Líbanon:
Bílasprengja jafnaði
skólahús við jörðu
Tugir manna létust eða særðust
Beirút, 21. denember. AP.
MANNLAUS bifreið, sem lagt hafði
verið við skólabyggingu drúsa í
borginni Ras El Matin í fjöllunum í
Mið-Líbanon, reyndist vera hlaðin
sprengiefni. Hún sprakk og létu þrír
lífið og 29 særðust, margir alvarlega,
þar á meðal 19 skólabörn. í kjölfarið
hófust gífurlegir fallbyssubardagar
drúsa og falangista, svo miklir, að
björgunarsveitir gátu vart athafnað
sig á vettvangi sprengingarinnar.
Útvarpsstöðvar drúsa og krist-
inna manna greindu frá spreng-
ingunni og sögðu báðar að skóla-
byggingin hefði hrunið að mestu
og margir bílar I nágrenninu
hefðu skemmst, svo öflug hafi
sprengjan verið. Það lá ekki ljóst
fyrir í dag hverjir báru ábyrgð á
tilræðinu, drúsar báru það upp á
falangista sem sögðust hvergi
hafa komið nærri, vísuðu á öfga-
sinnaða shita sem eru alræmdir
fýrir sprengjuárásir af þessu tagi.
Ur ýmsum drúsahringum komu
Ltmtlom.
í HÓPI11 fjallagarpa, sem leggja til
atlögu við Everest, hæsta fjall
beims, í marz nk. er 45 ára kona, frú
Julie Tullis, og verður hún fyrsta
brezka konan sem klífur tindinn.
Fyrir leiðangrinum, sem tekur
þrjá mánuði, er skozki fjallagarp-
urinn Mal Duff. Ætlar hópurinn
að reyna klífa upp norðausturleið-
ina, sem enginn hefur ennþá sigr-
að.
einnig ásakanir á leyniþjónustu
stjórnarhersins, en talsmenn
hersins fordæmdu drúsa fyrir að
bendla herinn við svo mikið
óhæfuverk.
Á síðustu tveimur árum hefur
frú Tullis, sem er kvikmyndagerð-
armaður frá bænum Tunbridge
Wells í Suðaustur-Englandi, klifið
Nanga Parbat 1 Kasmír, K2 —
annað hæsta fja.ll veraldar — og
Broad Peak, nágranna K2. Er hún
kíeif K2 varð hún fyrst brezkra
kvenna til að klifra í yfir 8.000
metra hæð yfir sjávarmáli.
Brezk kona
klífur Everest
i izia uomo
THORELLA
Laugavegs Apóteki
thorella
Miðbæ við Háaleitisbraut
4
\.
T
iV
>ltf