Morgunblaðið - 15.01.1985, Blaðsíða 39
MORGUNBLAÐIÐ, ÞRIÐJUDAGUR 15. JANÚAR 1985
39
SVAR
MITT
eftir Billy Graham
Andlegur vöxtur
Allt virtist ganga mér í haginn, fyrst eftir að ég varð kristinn. En
núna fyrir skömmu fannst mér Guð vera víðsfjarri, svo að ég er að
velta því fyrir mér, hvort hann elski mig. Hvernig get ég vitað, að
Guð sé með mér?
Mér segir svo hugur, að margir kristnir menn hafi
glímt við sama vanda, fyrst eftir að þeir lærðu að
þekkja Krist. Samt er nauðsynlegt fyrir yður, að þér
gerið yður ljóst, að Guð elskar yður enn þá og vill, að
þér njótið gleðinnar, sem fylgir því að eiga samfélag
við hann á hverjum degi.
Fyrst þurfið þér að átta yður á því, að ef þér hafið
sannarlega veitt Jesú viðtöku í líf yðar, urðu þér barn
Guðs, og ekkert getur breytt því. Það er ekki háð
tilfinningum yðar, heldur staðreyndunum í orði Guðs.
Hverju hefur Guð lofað? Gefið gaum að fyrirheitinu
sem þér eigið í orði Guðs: „Guð hefur gefið oss eilíft líf,
og þetta líf er í syni hans. Sá, sem hefur soninn, hefur
lífið; sá, sem ekki hefur Guðs son, hefur ekki lífið.
Þetta hef ég skrifað yður, til þess að þér vitið að þér
hafið eilíft líf, yður, sem trúið á nafn Guðs sonar" (1.
Jóh. 5.11-13).
Má ég spyrja yður spurninga? Takið þér yður dag-
lega tíma til bænar og lestrar Biblíunnar? Það eru
tækifæri, sem Guð hefur gefið okkur, svo að við meg-
um styrkjast og vaxa andlegum vexti. Ef við neytum
ekki matar, veiklast líkami okkar. Eins dregur úr and-
legum þrótti, ef við nærumst ekki á þeim „mat“, sem
Guð hefur gefið okkur í orði sínu. „Þitt orð er lampi
fóta minna og ljós á vegi mínum“ (Sálm. 119,105).
í öðru lagi: Tilbiðjið þér Guð ásamt öðru kristnu,
trúuðu fólki — ekki aðeins með því að fara í guðshús
við og við, heldur með því að ræða um vandamál yðar
við fólk, sem getur veitt yður andlega hjálp? Þér mun-
uð komast aö raun um, aö margt eldra kristið fólk
hefur glímt við sömu andlegu erfiðleikana og þér, og
þetta fólk getur uppörvað yður.
Farið þær leiðir, sem Guð hefur rutt yður, svo að þér
þroskizt og þakkið honum síðan daglega fyrir það, að
þér eruð í fjölskyldu hans.
TAKMARKAÐ MAGN
SENDUM í PÓSTKRÖFU
MYNDIN DALSHRAUNI 13 SÍMI 54171
Gódandagim!
AGOODYEAR
GEIGAR SPYR.
ALDREI
Þetta eru að vísu stór orð en við höfum okkar ástæðu til
að ætla að GOODYEAR hjólbarðarnir reynist betur en
aðrar gerðir hjólbarða.
Ræddu málin í rólegheitum við einhvem
umboðsmanna okkar.
Fullkomin hjólbarðaþjónusta
Tölvustýrð jafnvægisstilling
GOODfÝEAR
GEFUR ^RÉTTA GRIPIÐ
E]h
EKLAHF
Laugavegi 170-172 Sími 21240