Morgunblaðið - 15.01.1985, Blaðsíða 26

26
MORGUNBLADIÐ, ÞRIÐJUDAGUR 15. JANÚAR 1985
Yfirréttur í London:
Faðirinn og kona hans
fá umsjón Cotton litlu
London, 14. janúar. AP.
færtingarsjúkrahúsi í Barnet-hverfi í norðurhluta London.
YFIRRETTUR í London úrskurö-
aðí í dag, að stúlkubarn það sem
kona nokkur þar í borg gekk með
og ól fyrir fáum dögum gegn
greiðslu, skyldi afhent loður sínum
og konu hans, sem er óbyrja.
Mál stúlkubarns þessa hefur
vakið feiknarlega athygli í Bret-
landi, en þetta er í fyrsta sinn,
sem vitað er að kona er tækni-
frjóvguð í því skyni að ganga
með barn og ala það fyrir aðra
konu gegn greiðslu. Konan, sem
þennan greiða gerði ónafn-
greindum bandarískum hjónum,
heitir Kim Cotton og er 28 ára
gömul. Er sagt að hún hafi feng-
ið greidd 14 þúsund sterlings-
pund (jafnvirði um 650 þúsund
íslenskra króna) fyrir viðvikið.
f úrskurði dómarans, sem hef-
ur fordæmisgildi því mál af
þessu tagi hefur ekki áður komið
til kasta dómstóla í Bretlandi,
segir að faðirinn og kona hans
séu fólk sem fyllilega sé treyst-
andi fyrir barninu, þau séu mjög
samrýnd og samhuga og búi við
góða atvinnu og tekjur og eigi
fallegt heimili. Konan, sem alið
hefur barnið og er náttúrleg
móðir þess, óskar hins vegar
ekki eftir því að annast það.
í úrskurði dómarans segir enn
fremur, að ýmis siðferðileg álita-
efni tengist þessu máli, en það sé
ekki í verkahring dómstólsins að
skera úr þeim.
Þegar stúlkubarnið, sem bresk
blöð nefna „Baby Cotton" fædd-
ist á dögunum var það tekið í
umsjón félagsmálastofnunar í
Barnet-hverfi í norðurhluta
London þar sem vafi þótti leika á
því hvort viðskipti ungfrú Cott-
on og bandarísku hjónanna væru
lögmæt. Heilbrigðisráðherra
Breta segir, að innan tveggja
vikna sé að vænta ákvörðunar
stjórnvalda um það hvort sett
verði sérstök lög sem banna kon-
um að leigja móðurkvið sinn.
Ný landsstjórn tekur
til starfa í Færeyjum
Styðst við minnsta mögulega þingmeirihluta fjögurra flokka
Póreböfn, 14. janúar. Frá Jogvan Arge, fréttaritara Mbl.
í FÆREYJUM hefur í fyrsta sinn verið mynduð fjögurra flokka landsstjórn.
Á föstudag var fyrsti starfsdagur landsstjórnarinnar eftir örlagaríkar stjórn-
armyndunarviðræður, sem ollu því að samstarf hinna tveggja lögþingsmanna
Kristilega þjóðarflokksins rofnaði.
Sautján af 32 lögþingsmönnum
styðja samsteypustjórnina, en það
er minnsti mögulegi starfhæfur
meirihluti í lögþinginu.
Atli Dam var kjörinn í embætti
lögmanns á nýjan leik. Hann
gegndi lögmannsembættinu áður
frá 1970 til 1980, þá í öðru vísi
samsettum samsteypustjórnum.
Nýja landsstjórnin mun frá
upphafi fylgja strangri efna-
hagsstefnu og leggja áherslu á
víðtæk áhrif á stjórn efnahags-
mála og fjárfestingar, bæði hjá
einkaaðilum og hinu opinbera,
jafnframt því sem leitast verður
við að minnka erlendar skuldir
landsins.
Kona situr nú í fyrsta sinn í
landsstjórn Færeyja. Er það Jong-
erd Purkhus, sem er verkfræðing-
ur að mennt, og eru það fjármál og
heilbrigðismál, sem verða undir
stjórn hennar.
Formaður Kristilega þjóðar-
flokksins, Adolf Hansen, styður
ekki þessa stjórn. í stjórnarmynd-
unarviðræðunum upphófst rimma
um það í flokknum, hvernig
stjórnarþátttöku skyldi háttað.
Þegar formaðurinn fékk ekki vilja
sínum framgengt, rauf hann allt
samstarf við flokksbróður sinn og
lögþingsfulltrúa, Þórð Niclasen,
sem styður stjórnina. Verið getur
þó, að formaðurinn styðji stjórn-
ina í einstökum málum, sem fram
verða lögð.
Fylgi stjórnarflokkanna á lög-
þinginu er með eftirfarandi hætti:
Atli Dam
Jafnaðarflokkurinn hefur átta
þingmenn, Lýðveldisflokkurinn
sex þingmenn, Sjálfstýriflokkur-
inn tvo þingmenn og Kristilegi
þjóðarflokkurinn einn þingmann.
Stjórnarandstöðuna skipa sjö
þingmenn Fólkaflokksins, sjö
þingmenn Sambandsflokksins,
auk kristilega lausagangsmanns-
ins, Adolfs Hansen.
Brasilía:
Tímamótakosningar
Brasilíu, 14. juúir. AP.
ÞEGAR fjölmennasta þjóð Suð-
ur-Ameríku kýs fyrsta borgara-
lega forseta sinn síðustu tuttugu
árin, á morgun, þriðjudag, munu
kosningar að vísu verða óbeinar,
en fæstir Brasilíumenn draga í
efa að með kosningum þokist
þcir á ný í átt til lýðræðis og hugs-
anlegs bata í efnahagsmálum.
Flestir spá sigri frambjóð-
anda stjórnarandstöðunnar
Tancredo Neves sem er sjötíu
og fjögurra ára að aldri. Hann
hefur ferðast um landið þvert
og endilangt upp á síðkastið og
verið óþreytandi að fullvissa
kjósendur um sigur yfir fram-
bjóðanda Sósíaldemókrata Sal-
im Malif, en hann hefur notið
stuðnings herstjórnarinnar.
Sigurvegari kosninganna
verður að tryggja sér meiri-
hluta 686 atkvæða þeirra kjör-
manna, sem öldungadeildin og
fulltrúadeildin velja til að
kjósa forseta. Eftir öllum sól-
armerkjum að dæma hefur
Neves þegar tryggt sér þennan
meirihluta.
Að sögn fréttaskýrenda gæt-
ir nú meiri almennrar bjart-
sýni meðal Brasilíumanna en
um langa hríð og eru miklar
vonir bundnar við forsetakjör-
ið. Verðbólga var á sl. ári á
þriðja hundrað prósent í land-
inu og atvinnuástand hefur
verið hið versta og mjög víða í
landinu búa tugþúsundir og
fleiri við sára neyð vegna
skipulagsleysis sem kennt er
stjórnvöldum.
Margrét af
sjúkrahúsi
London, 14. janúar. AP.
MARGRÉT Bretaprinsessa fór af
sjúkrahúsi í London á sunnudags-
kvöld eftir að hafa gengist undir
lungnaskurð fyrir nokkru.
Fréttamenn segja að prinsessan
hafi verið föl og tekin þegar hún
gekk niður spítalatröppurnar og
að bílnum sem ók henni til Kens-
ingtonhallar. Prinsessan er stór-
reykingarmanneskja og var óttast
að æxli sem fannst í öðru lunga
hennar væri illkynjað. Að upp-
skurði loknum var sagt frá því að
svo hefði ekki verið.
Bangladesh:
Manntjón
í járn-
brautarslysi
Dhaka, 14. janúar. AP.
TVÆR járnbrautarlestir rákust á í
hafnarborginni Khulna 350 km suð-
vestur af Dhaka, höfuðborg Bangla-
desh, í gær. Fréttum ber saman um
að manntjón hafi orðið, en ekki hef-
ur enn verið skýrt frá því hversu
margir hafi látið lífið.
Mikill eldur kom upp í nokkrum
vagnanna skömmu eftir slysið og
gerði það björgunarmönnum og
slökkviliðsfólki enn erfiðara um
vik.
Talsmaður járnbrautanna í
Bangladesh sagði að nú væri vitað
að 27 hefðu látist og að minnsta
kosti fimmtíu slasast, margir al-
varlega. Samkvæmt fyrstu frétt-
um var talið að allt að hundrað og
fimmtíu hefðu látist og enn fleiri
slasast. Mikil skelfing greip um
sig eftir slysið og margir slösuðust
þegar þeir í angist og fáti reyndu
að brjóta upp lestarglugga og
stökkva út.
Aukinn stuðn-
ingur CIA við
skæruliða
Wa.shington, 14. janúar AP.
BANDARÍSKA leyniþjónustan ætlar
að styðja skæruliða í. Afganistan
með 250 milljónum dollara á þessu
ári og verður það mesta verkefni
hennar frá dögum Víetnamstyrjald-
arinnar að sögn stórblaðsins „The
Washington Post“.
Fjárstuðningurinn við skæru-
liða, sem er þrefalt meiri en Reag-
an forseti bað upphaflega um, er
rúmlega 80% af árlegum útgjöld-
um leyniþjónustunnar til leyni-
legra verkefna að sögn Post, sem
ber fyrir sig 20 heimildamenn,
sem þekkja áætlanir CIA. Með
fénu á að sjá skæruliðum fyrir
vopnum, skotfærum, fatnaði,
sjúkragögnum og mat og er talið,
að það muni gera 2—300.000
skæruliðum kleift að berjast gegn
sovéska innrásarliðinu.
Á sama tima og aðstoðin við
skæruliða í Afganistan hefur auk-
ist hefur hún að sama skapi
minnkað við skæruliða í Nicar-
agua vegna mikillar andstöðu við
hana í þinginu.