Morgunblaðið - 15.01.1985, Blaðsíða 23

MORGUNBLAÐIÐ, ÞRIÐJUDAGUR 15. JANÚAR 1985
23
Þökk til forseta
- eftir Árna
Helgason
Ég vil byrja þessi fáu orð mín til
landsmanna með því að þakka for-
seta landsins, Vigdísi Finnboga-
dóttur, nýársávarp hennar til
þjóðarinnar. Hún var ekki að
draga úr ótta sínum á þróun vímu-
efna í landinu öllum til bölvunar
og andstyggð sinni á dreifingarað-
ilum. Sú iðja er að hennar dómi
„mesta mannfyrirlitning sem
hugsast getur“ og er lítill vandi að
taka undir það.
En er þetta ekki einmitt það
sem við bindindismenn höfum
alltaf verið að vara þjoðina við og
fengið lítið annað en dulda fyrir-
litningu almenningsálitsins upp-
Árni Helgason
kynta af ráðamönnum að miklum
meirihluta til. Forsetinn talar um
að freista þeirra sem veikir eru
fyrir. Þetta er alveg rétt. Þeir bera
ábyrgðina sem annaðhvort gera
sitt til að dreifa vímuefnum í allar
áttir eða loka augunum fyrir því
sem í kringum þá er að gerast og
eykur böl mannanna.
Forsetinn er ekki með neina
tæpitungu: Það skal ítrekað að
mikil ábyrgð hvílir á herðum
þroskaðra manna að leiða æsku-
fólki fyrir sjónir hættu og tor-
tímingarmátt eiturlyfja. Þeim
skelfilega flótta frá raunveruleik-
anum. Hún beinir þeim óskum til
æskunnar og allra þjóðfélags-
þegna að staldra við og hugleiða
afleiðingar, þegar freisting verður
á vegi sem kann að leiða til óláns.
Þökk forseta fyrir þessi ummæli
og ég vil beina því til allra að lesa
aftur yfir ræðu hennar en hún
hefir birst í blöðum.
En hvað skal segja um þann
ósið ráðamanna þjóðarinnar sem í
tíma og ótíma leggja sprek á eld
ógæfu ístöðulítilla með allskonar
veisluhöldum og vímuefnadreif-
ingu, þar sem öll tilefni eru notuð
til að veita fólki görótta drykki, og
beina þeim frá raunveruleikanum
til þess sem ekkert skilur eftir
nema iðrunarmerki og eyðslu úr
„íslenska þjóðin er á
hættulegri braut. Hver
æskumaöurinn á fætur
öðrum fer á kaf í
óminniselfuna.“
sameiginlegum sjóði landsmanna.
Hvaða orð eigum við að nota um
slíkt athæfi. Það hlýtur að vera til
og ekki langt frá „mannfyrirlitn-
ingu.“
Islenska þjóðin er á hættulegri
braut. Hver æskumaðurinn á fæt-
ur öðrum fer á kaf í óminniself-
una. Hvert líf eftir annað sem átti
að vera til uppbyggingar landsins
verðmæta fellur fyrir fíkniefnum
og er hörmung fyrir hugsandi
menn að horfa á. Og mér verður á
að hugsa. Ég er viss um að forset-
inn með sitt góða hjartalag, getur
með áhrifum sínum einmitt bjarg-
að mörgu. Hún getur skapað þjóð-
arvakningu sem skilar sér í bættu
mannlífi og nú er að fylgja orðum
eftir í samhjálp.
Skáldið segir: Lítið megna löng-
um orðin tóm. Þau lýsa naumast
þrá er brjóstin ala: Það eru verkin
sem bera blóm. Minnumst þess.
Hvers vegna þarf allt þetta eit-
ur að vera í landi voru aðeins til
að efla ógæfuna? Uppskeran kem-
ur alltaf eftir sáningu. Þess ber að
minnast. Illgresið verður ekki
upprætt með því að sá öðru. Einar
Benediktsson segir: Sé drepinu
hlúð visnar heilbrigt líf og hefndin
grær á þess leiði. Um þessi áramót
skulum við huga að framtíðinni,
sá til hennar því besta sem við
eigum.
Forseti hefir nú talað til þjóðar-
innar. Ég veit að hún hefir opin
augu fyrir hættunni, hún sér og
heyrir kvein þeirra sem eru að
farast í eiturlindunum. Ég veit að
hana tekur þetta sárt sem góðum
Islendingi og vill leggja sitt að
mörkum.
Hið fyrsta sem þarf að haa
áhrif á er að fækka og helst af-
nema allar veislur sem vín er haft
um hönd. Þar eru freistingarnar
svo miklar undir ögrunum að þora
ekki að vera með eru oft lagðar
línurnar að ógæfu margra ein-
staklinga, það hefir maður orðið
var við. Þegar vímuefnaneysla er
komin jafnvel í grunnskólana,
hvar stendur þjóðin þá? Getur
nokkur horft á það aðgerðarlaus.
Nú þurfa ráðamenn að ganga í
fylkingu forsetans með kjörorði
Éinars Benediktssonar: Sjálfsköp-
uð þján bæði þjóðar og manns,
skal þurrkast úr lífsins bókum. ís-
lendingar. Fram til mannbóta
gegn öllum niðurrifsöflum.
Farsælt ár.
Árni Helgason er fyrrverandi póst-
og símstjóri í Stykkishólmi.
Mazda
626$
MARGFALDUR
VERÐLAUNABÍLL
og metsölubíll á íslandi sem annars staðar og engin
furða, því hann er:
★ Framdrifinn, það tryggir góða aksturseiginleika og
gefur frábæra spyrnu í snjó og hálku.
★ Rúmgóður. MAZDA 626 er rúmbetri en sambærileg-
ir bílar og jafn rúmgóður og margir bílar, sem eru mun
stærri að utanmáli.
★ Eyðslugrannur. MAZDA 626 eyðir aðeins liðlega
6 lítrum á hverja 100 kílómetra á 90 km hraða.
★ Vandaður. MAZDA 626 er hannaður og smíðaður
af alkunnri vandvirkni japanskra handverksmanna og
framleiddur í nýrri bílaverksmiðju, sem talin er vera sú full-
komnasta í heiminum í dag.
★ 6 ára ryðvarnarábyrgð. MAZDA 626 er ryðvar-
inn með nýja ryðvarnarefninu WAXOYL og fylgir honum 6
ára ryðvarnarábyrgð.
Við getum enn boðið
MAZDA 626 árgerð 1985 á ótrúlega
hagstæðu verði:
432•000kr Saloon LX
gengisskr. 3.1.85
með ryðvörn og 6 ára ryðvarnarábyrgð.
VERTI) AlflGGJllIALS
Sparibók meö sérvöxtum aðlagast verötryggingu.
Sama gildir um 18 mánaða sparireikninga.
BUNAÐARBANKIISLANDS
TRAUSTUR BANKl