Morgunblaðið - 15.01.1985, Blaðsíða 54

54
MORGUNBLAÐIÐ, ÞRIÐJUDAGUR 15. JANÚAR 1985
VtRÖM
HflRQREIWLM
& bombssiora
STARMÝRI 2 — SÍMI31900
Hárgreiöslumeistari
Ásta Sigurðardóttir
Krem og lotíon
taktu bestu kosti hvors um sig
og þá hefurðu: CREMEDAS
f T,
ir
Jafnvel bestu lotion og bestu
hörundskrem hafa ekki eiginleika
Cremedas.
Cremedas er nefnilega „bœði-og
hörundskrem og hodylotion í
einu.
I Cremedas hefur mýkjandi,
nærandi og verndandi eiginleika
kremsins. Þá eiginleika, sem halda húðinni mjúkri ogþjúlli.
Cremedas er ekki feitt eins og krem og leggst þess vegna
ekki í lag utan ú húöinni.
2 Cremedas er þœgilegt í notkun. Þaö er auövelt aö bera ú
sig og þaö hverfur fljótt inn í húöina, eins og lotion. Þaö
gefur húöinniþann raka, sem hún þarfnast til aö sporna viö
þurrki, ertingu og súrindum. Hin góöu úhrif haldast lengur
en af venjulegu lotion.
Cremedas mýkir og verndar eins og krem,
smýgur fljótt inn í húöina, eins og lotion.
JOPCO h.f. Vatnagörðum 14, sími39130
Nýbrautskriðir stúdentar MH ásamt Örnólfi Thorlacius rektor. Morgunbl»#iS/ Bjami
Menntaskólinn við Hamrahlíð:
Námið upphaflega
tómstundagaman
— segir Kristján Guðmundsson skipstjóri á Ira-
fossi sem útskrifaðist frá skólanum á laugardaginn
MENNTASKÓLINN vió Hamra
hlíð brautskráði 74 stúdenta á
laugardaginn, Þar af voru 17 úr
öldungadcild. Konur voru í meiri-
hluta eða 46 en karlar voru 28.
Hæstar einkunnir á stúd-
entsprófi höfðu Freysteinn Sig-
mundsson, stúdent af eðlis-
fræða- og náttúrufræðabraut,
Garðar Guðnason af eðlisfræða-
braut og Vilhjálmur Þor-
steinsson af eðlisfræðabraut.
Flestar námseiningar, eða 164,
hafði Kjartan Halldórsson stúd-
ent af nátturufræða- og nýmála-
braut. En þess ber að geta að
aöeins 132 eininga er krafist til
stúdentsprófs.
Við brautskráninguna flutti
kór skólans fjölbreytta dagskrá
undir stjórn Þorgerðar Ingólfs-
dóttur. örnólfur Thorlacius
rektor skólans minntist tveggja
ungmenna sem létust í haust,
þeirra Grétars Kristjánssonar
nemanda skólans og Þórs
Sandholt, sem lauk stúdents-
prófi þaðan sl. vor.
Námið var tómstundagaman.
Kristján Guðmundsson skip-
stjóri á írafossi var einn þeirra
sem útskrifuðust frá öldunga-
deild Menntaskólans við Hamra-
hlíð á laugardaginn. Blm. Morg-
unblaðsins ræddi við Kristján í
gær og spurði hann m.a. hver
hafi verið ástæðan fyrir því að
hann hóf menntaskólanám.
„Upphaflega var þetta tóm-
stundagaman hjá mér. Ég stund-
aði mína vinnu og gat því ekki
sótt skólann nema af og til, eftir
því hvernig fríum var háttað. Að
Morgunblaðið/ Bjarni
Kristján Guðmundsson skipstjóri
og nýstúdent.
vísu var ég í fríi meiri partinn af
síðustu önn, enda er ekki hægt
að ljúka við sum fög án þess að
stunda skólann."
Hver var þín námsbraut?
„Ég var á félagsfræðibraut, en
mestan áhuga hef ég þó á þeim
fögum sem tengjast eðlisfræði.
Ég valdi þó ekki eðlisfræðibraut
vegna þess hve lítið ég gat
stundað skólann. Þar eru til-
raunir stór þáttur af náminu svo
það kom ekki til greina. Hins
vegar voru allar þær valgreinar
sem ég gat tekið tengdar
stærðfræði. Það gat oft verið
erfitt að glíma við stærðfræði-
dæmin svona einn og sér, en það
var mjög skemmtilegt. Ég hafði
skólabækurnar með mér út á sjó
og notaði allar frístundir í lær-
dóminn. Áður hafði frítíminn
verið notaður til lestrar ýmissa
bóka.“
Hefur þú hugsað þér að halda
áfram og fara í frekara nám?
„Nei, ég held að ég láti staðar
numið að sinni. Það var ágætt að
vera í skólanum þó að sjálfsögðu
hafi það verið mikil breyting að
setjast allt í einu á skólabekk, en
ég lauk prófi frá Stýrimanna-
skólanum árið 1956. Námið sjálft
nýtist mér ekki beint í starfinu
þó svo að ýmsir þættir þess komi
vissulega til góða.“
Hvað var það sem kom þér
mest á óvart í náminu?
„Það kom mér mest á óvart
hvað ég rakst á mörg íslensk orð
sem voru mér framandi. Þá á ég
ekki við fagorð, heldur orð sem
komu t.d. fyrir í íslenskum
bókmenntum."
Þú varst ekki með stúdents-
húfu við útskriftina. Er einhver
sérstök ástæða fyrir því?
„Já. Ástæðan er sú að það stóð
ekki til aö ég yrði viðstaddur at-
höfnina. Ég átti að vera kominn
út á sjó, en við stjórnum ekki
veðrum og vindum svo að brott-
förin dróst þangað til í kvöld,"
sagði Kristján Guðmundsson
nýstúdent og skipstjóri að lok-
um.
Fjölgað um tvo í stjórn
Grænmetisverslunar
Framleiðsluráð landbúnaðarins
hefur samþykkt að fjölga mönnum í
stjórn Grænmetisverslunar landbún-
aðarins úr fimm í sjö. Eru hinir nýju
stjórnarmenn kartöflubændur og er
meirihluti stjórnarmanna nú skipað-
ur kartöfiubændum.
Stjórn Grænmetisverslunarinn-
ar var fram til ársins 1981 skipuð
þrem mönnum en haustið 1981 var
fjölgað um tvo kartöflubændur í
stjórninni og nú aftur um tvo
kartöflubændur. Öll stjórnin er
eftir sem áður kosin af Fram-
leiðsluráði. Stjórn Grænmetis-
verslunarinnar er nú þannig skip-
uð: Framleiðsluráðsmennirnir:
Ingi Tryggvason, formaður Stétt-
arsambands bænda; Gísli Andrés-
son, Hálsi og Magnús Friðgeirs-
son, framkvæmdastjóri hjá SÍS.
Bændurnir í stjórninni eru: Magn-
ús Sigurðsson, Birtingaholti; Ei-
ríkur Sigfússon, Sílastöðum; Páll
Guðbrandsson, Hávarðarkoti og
Skarphéðinn Larsen, Lindar-
bakka.
Ingi Tryggvason, formaður
Framleiðsluráðs, sagöi i samtali
við blm. Mbl. að fjölgun í stjórn
Grænmetisverslunarinnar væri
gerð vegna áhuga kartöflubænda
á að hafa þar meiri áhrif og til
þess að öll helstu framleiðslu-
svæðin ættu þar fulltrúa. Sagði
hann að þessi fjölgun væri gerð í
fullu samráði við félag kartöflu-
bænda en ekki til þess að tefja
fyrir framkvæmd óska kartöflu-
bænda um að taka yfir fyrirtækið.
Sagði hann að Framleiðsluráð
hefði aldrei haft á móti því að
kartöflubændur tækju við Græn-
metisversluninni.