Morgunblaðið - 28.02.1985, Qupperneq 4

4
MORGUNBLAÐIÐ, FIMMTUDAGUR 28. FEBRÚAR 1985
Bifreiðatryggingar
ríkisins:
Tilboði Sam-
vinnutrygg-
inga tekiö
Innkaupastofnun ríkisins hef-
ur ákveðið að taka tilboði Sam-
vinnutrygginga í bifreiðatrygg-
ingar rfkisins. Að sögn Ásgeirs
Jóhannessonar, forstjóra Inn-
kaupastofnunarinnar, var ákvörð-
un þessi tekin eftir nákvæma at-
hugun á öllum tilboðum sem
bárust, frá 6 tryggingarfélögum,
og reyndist tilboð Samvinnu-
trygginga hagstæðast.
Tilboð Samvinnutrygginga felur
í sér grunniðgjald á hverjum tíma,
með 65% afslætti og 12% afslætti
af þeim hluta sem eftir er. Að auki
kemur inn í, að allar ábyrgðar-
tryggingar hjá Samvinnutrygg-
ingum fyrir ríkið verða felldar
undir eina tryggingu, flotatrygg-
ingu ríkisins, og verður iðgjöldum
og tölum haldið í sér reikningi.
Verði tjónareynsla heildarflotans
undir 70% af iðgjöldum haldast
kjör óbreytt, en verði tjónagreiðsl-
ur undir 69% fær ríkið greitt til
baka V3 mismunar á lægra
hundraðsfalli við endurnýjun
næsta tryggingartímabils á eftir,
til lækkunar á iðgjaldagreiðslum
þess tímabils.
Verzlunar-
skólakenn-
arar styðja
framhalds-
skólakennara
UPPSAGNIR kennara í fram-
haldsskólum landsins hafa að und-
anfornu verið til umræðu í fjölmiðl-
um. Par hefur komið fram, að upp-
sagnir hafi ekki borist frá kennurum
í Verzlunarskóla Islands.
I tilefni af þessum fréttum vill
Kennarafélag Verzlunarskólans
koma á framfæri eftirfarandi
upplýsingum: Verzlunarskóli fs-
lands er sjálfseignarstofnun sem
lýtur stjórn Verzlunarráðs ís-
lands, en rekstur skólans er að
fullu greiddur úr ríkissjóði. Kenn-
arar VÍ eru ráðnir af skólanefnd
Verzlunarskólans á sömu launa-
kjörum og aðrir kennarar í fram-
haldsskólum landsins og eru fé-
lagar Hins íslenzka kennarafé-
lags.
Vegna þessarar sérstöðu kenn-
ara Verzlunarskólans taldi stjórn
HÍK að ekki væri rétt að Verzlun-
arskólakennarar segðu upp störf-
um.
Kennarar Verzlunarskólans
lýsa yfir fullri samstöðu með upp-
sögnum framhaldsskólakennara
og harma að geta ekki sýnt hana í
verki.
Grágás, Keflavík:
Hans Christian-
sen sýnir túss-
og vatnslitamyndir
f DAG opnar Hans Christiansen
sýningu á rúmlega 30 vatnslita- og
tússmyndum í Grágás í Keflavík.
Myndirnar eru gerðar á þessu og
síðastliðnu ári. Sýningin er opin í
dag og á föstudaginn frá klukkan
17 til 22 og á laugardag og sunnu-
dag frá klukkan 14 til 22. Sýning-
unni lýkur á sunnudaginn.
Nemendur eru kvíðnir
vegna uppsagna kennara
EF SVO fer sem horfir leggja
rúmlega 400 framhaldskennarar í
Hinu íslenska kennarafélagi niður
störf á morgun, þrátt fyrir fram-
lengingu uppsagnarfrests til 1.
júní. í gær voru nokkrir nemendur
framhaldsskóla á höfuðborgar-
svæðinu teknir tali og spurðir um
afstöðu þeirra til uppsagnar kenn-
Áhyggjufullar, en
styðja kennara
Þær Margrét Jónsdóttir og Jó-
hanna Rútsdóttir, nemendur í
Menntaskólanum í Hamrahlíð,
sögðust hafa áhyggjur af stöðu
mála. „Ég veit varla hvað á að
taka til bragðs ef skólinn stöðv-
ast lengi,“ sagði Margrét, sem
ætlar að taka stúdentspróf í vor.
„Sumir hafa rætt um að færa sig
yfir í aðra skóla, þar sem
kennsla fellur ekki jafn almennt
niður og hér, t.d. Fjölbrautaskól-
ann í Garðabæ, en það komast
nú varla allir þangað. Það er sér-
staklega slæmt ef skólahald
stöðvast alveg í langan tíma, því
það tekur alltaf dálítinn tíma að
komast af stað aftur og svo er
páskafríið ekki langt undan. Mér
hefði þótt betra ef kennarar
hefðu hægt á kennslunni, farið í
„1. gír“, en ekki ákveðið að ganga
alveg út.“
Jóhanna tók í sama streng og
sagði flesta nemendur vera
svartsýna varðandi skólamálin.
„Kennarar eru heldur ekki jafn
harðir nú og þeir voru fyrir um
tveimur vikum,“ sagði Jóhanna.
„Þeir eru nú orðnir áhyggjufull-
ir, t.d. varðandi hugsanlega lög-
sókn á hendur þeim fyrir að
leggja niður kennslu."
Þær Jóhanna og Margrét sögð-
ust sammála kennurum i því að
laun þeirra væru allt of lág, en
að allar áætlanir nemenda færu
úr skorðum ef skólahald lægi
lengi niðri. „Ef svo fer að þessi
önn fellur niður, þá bitnar það
ekki eingöngu á núverandi nem-
endum framhaldsskólanna, held-
ur gæti það einnig tafið fyrir
námi þeirra sem eru að ljúka 9.
bekk í vor,“ sögðu þær. „Það er
varla hægt að taka við þeim
fjölda í skólunum ef hluti nem-
enda núna situr áfram."
Hæfír kennarar skipta
öliu máli
Eggert Gunnarsson, nemandi í
Fjölbrautaskólanum í Breið-
holti, sagði skiptar skoðanir
meðal nemenda um uppsagnir
kennara. „Sjálfur styð ég kenn-
arana fram í rauðan dauðann,
enda eru laun þeirra nú fáránleg
miðað við menntun þeirra,"
sagði hann. „Það skiptir öllu
máli að fá hæfa kennara og þeir
fást ekki ef ekki eru greidd
mannsæmandi laun. Auðvitað
kemur það sér illa fyrir mig eins
og aðra ef kennsla fellur niður í
langan tíma, en ég er vongóður
um að sá tími verði alls ekki
lengri en 3 vikur. Verst er þó
Margrét Jónsdóttir og Jóhanna Rútsdóttir.
MorKunblaðið/Júlíus
Eggert Gunnarsson Gunnar Jensen
Sigurður Jensen
ástandið hjá stúdentsefnum, en
sjálfur ætla ég að ljúka námi að
ári.“
Eggert sagði, að það væri
skiljanlegt að kennarar hefðu
valið þessa leið til að reyna að ná
leiðréttingu á kjörum sínum.
„Hvort kröfur þeirra eru raun-
hæfar er svo annað mál. Þeir
höfðu vissulega þessi laun, sem
þeir eru að krefjast núna, fyrir
nokkrum árum, en mér finnst
óraunhæft að ætlast til að fá
leiðréttingu í eitt skipti fyrir öll,
jafnvel þótt þeir séu vel að því
komnir. Frammistaða stjórn-
valda hefur hins vegar verið
fyrir neðan allar hellur. Fram-
lenging uppsagnarfrests kom til
dæmis allt of seint og samninga-
fundir hófust ekki fyrr en enn
síðar.“
Háskólanámið gæti tafíst
Gunnar Jensen er nemandi í
kvöldskóla Fjölbrautaskólans í
Breiðholti. Hann stundar nám í
viðskiptafræði við Háskóla ís-
lands, en lærir bókfærslu í
kvöldskóianum. „Ég hóf nám í
viðskiptafræði síðasta haust, en
tek nokkra áfanga í bókfærsl-
unni hér til að auðvelda námið,"
sagði Gunnar. „Ef kennsla fellur
niður í bókfærslunni þá þýðir
það að ég yrði að fresta því prófi
í viðskiptafræðinni og jafnvel
eyða sumrinu til að lesa og taka
síðan prófið næsta haust. Kenn-
arana styð ég hins vegar, enda
eru laun þeirra fáránleg. Sjálf-
um finnst mér 35 þúsund króna
byrjunarlaun, eins og þeir fara
fram á, lágmarkslaun."
Þrjósku stjórnvalda
að kenna
Sigurður Jensen er á 7. önn í
Fjölbrautaskólanum í Breið-
holti. Hann sagði að ef kennsla
félli niður í langan tíma gæti
það eyðilagt mikið fyrir sér í
námi. „Ég er hundóánægður með
stöðu mála, en mér finnst þessar
aðgerðir kennaranna eiga rétt á
sér,“ sagði Sigurður. „Ég er hins
vegar reiður út í stjórnvöld, því
þrjóska þeirra hefur komið mál-
um í þennan hnút. Kjör kennara
hafa verið að versna undanfarin
ár og aðstæður nú eru algjörlega
á ábyrgð stjórnvalda. Kennarar
voru beinlínis reknir út í þessar
aðgerðir. Ég styð þá þess vegna
og kæri mig ekkert um að fá ein-
hverja aðra kennara í staðinn."
„Vona að kennarar nýti
það svigrúm sem skap-
ast hefur til samninga“
— segir Ragnhildur Helgadóttir, menntamálaráðherra
„MÉR VIRÐAST málin þokast í
jákvæða átt núna og fannst koma
fram mjög eindreginn vilji hjá
samninganefnd ríkisins í fyrradag
til að sinna kröfum kennara sér-
staklega,** sagði Ragnhildur
Helgadóttir, menntamálaráðherra,
þegar hún var innt álits á stöðu
mála í deilu kennara og ríkisvalds-
ins.
Ragnhildur sagði, að nefnd sú,
sem undanfarið hefur unnið að
endurmati á störfum kennara,
hefði nú lokið störfum og von-
andi leiddu niðurstöður hennar
til þess að samningsaðilar gætu
farið að taka málin fastari tök-
um. „Nefnd þessi hefur unnið
mjög mikið verk að undanförnu
og nú hafa menn vonandi enn
skýrari rök í höndum, sem leitt
fætu til jákvæðrar niðurstöðu.
Ig hef ekki trú á öðru en að
kennarar geri sér grein fyrir því
að það er þeirra hagur að þeir
nýti sér það svigrúm, sem skap-
Ragnhildur Helgadóttir
ast hefur til þess að ná sem hag-
stæðustum samningum núna.
Þetta svigrúm felst annars vegai*
í því hversu snemma og á hvern
veg Kjaradómur var og hins veg-
ar í því, að uppsagnarfrestur
kennaranna hefur verið fram-
„Neita að trúa því að
þessu verði ekki bjargaðu
— segir Guðni Guðmundsson, rektor MR
„í Menntaskólanum í Reykjavík
hafa rúmlega 40% kennara sagt
upp störfum og auðvitað er ekki
hægt að reka skólann af neinu viti
þegar við erum svo fáliðuð. Við
verðum að vona málin verði leyst
sem fyrst,“ sagði Guðni Guð-
mundsson, rektor MR, í samtali
við Morgunblaðið.
Guðni sagðist reikna með að
kennslu yrði haldið áfram fyrst
um sinn, en síðan yrði hún
endurskipulögð ef kennarar yrðu
lengi fjarverandi. „Ég neita að
trúa því að þessu verði ekki
bjargað einhvern veginn, svo ég
hef ekki farið að skipuleggja
neitt og hef ekki einu sinni rætt
við þá kennara sem eftir verða
um breytingu á stundaskrá
þeirra," sagði Guðni. „Ef kenn-
arar ganga út þá missa sumir
bekkir alla kennslu, en aðrir í
raun ekki neitt. Það verður ekki
hægt að gera neinar ráðstafanir
fyrr en eftir helgina, þegar ljóst
er orðið hvort af þessum aðgerð-
um kennaranna verður."
Menntaskólinn í Reykjavik út-
skrifar um 180—200 stúdenta ár-
lega og sagði Guðni að nú yrðu
þeir um 200.
lengdur. Þeir geta að sjálfsögðu
dregið uppsagnir sínar til baka
hvenær sem er á þeim fresti,"
sagði Ragnhildur.
Menntamálaráðherra sagðist
byggja allar áætlanir sínar á því
að kennarar bæru þá umhyggju
fyrir nemendum sínum að þeir
stefndu ekki skólahaldi í óefni
núna, sem yrði þá í annað sinn á
þessum vetri. „Auk þess vil ég
trúa því að kennarar sjái að það
er ekki skynsamleg aðferð í
samningum að hlaupast brott
frá þeim í miðju kafi þegar já-
kvæðar horfur eru,“ sagði Ragn-
hildur. „Ennfremur hefur það
mikil áhrif á viðhorf almennings
til kennarastéttarinnar og þar
með á stöðu skólahalds í landinu
hvaða aðferðum kennarar beita
við þessar aðstæður sem nú
blasa við.“
Er Ragnhildur var innt eftir
því hvort einhverjum aðgerðum
yrði beitt gegn kennurum sem
legðu niður störf á morgun svar-
aði hún að hingað til hefði verið
lögð áhersla á að vinna með
kennurunum en ekki gegn þeim.
„Ef kennarar ganga út þvert
ofan í þau lagaúrræði sem við
höfum til að tryggja skólahald í
landinu, þá snúa þeir vopnum
sínum gegn okkur,“ sagði hún.
„Menn verða að gera það upp við
samvisku sína hvað þeim finnst
rétt, skynsamlegt og sanngjarnt
og meta síðan stöðu og virðingu
stéttar sinnar í ljósi þess. Laga-
ákvæðið um framlengingu upp-
sagnarfrestsins var notað af um-
hyggju fyrir nemendum og ég
trúi ekki öðru en að kennarar
beri slíka umhyggju í brjósti, svo
málin megi leysast á farsælan
hátt,“ sagði menntamála-
ráðherra að lokum.