Morgunblaðið - 28.02.1985, Blaðsíða 20

20
MORGUNBLAÐIÐ, FIMMTUDAGUR 28. FEBRÚAR 1985
Séð yfir hluta fundarmanna. Davíð Oddsson borgarstjóri í ræðustóli, en næst honum situr Reynir Karlsson fundarstjóri og þá Benedikt Bogason fundarritari.
Seinasti hverfafundur borgarstjóra:
Hátt á fjórða
hundrað fundargestir
SJÖUNDI og síðasti hverfafundur Davíðs Oddssonar borgarstjóra að þessu
sinni, fór fram í veitingahúsinu Ártúni við Vagnhöfða og voru fundargestir
hátt á fjórða hundrað, bæði núverandi og tilvonandi íbúar Grafarvogs. Á
fundinum voru sýndar litskyggnur, líkön og skipulagsuppdrættir. Fundar-
stjóri- var Reynir Karlsson lögfræðingur og fundarritari Benedikt Bogason
menntaskólanemi.
Grafarvogsskóli í
notkun í haust
í framsöguræðu borgarstjóra,
þar sem hann fjallaði um málefni
Reykjavíkur í heild, kom meðal
annars fram, að í haust er gert ráð
fyrir að taka í notkun fyrsta
áfanga Grafarvogsskóla, sem er
1765 fm að stærð. Annar áfangi
verður 1722 fm., þriðji áfangi 2152
fm. Fjórði og seinasti hluti bygg-
ingarinnar er íþróttahús en stærð
þess hefur ekki verið endanlega
ákveðin. í skólanum verður einnig
félagsmiðstöð fyrir Grafarvoginn,
auk þess sem Borgarbókasafnið
mun hafa þar útibú. Þá er einnig
ráðgert að skóladagheimili verði
þar til húsa. Vegna þessa leggur
borgarsjóður hlutfallslega meira
til byggingarinnar en ella á móti
ríki.
Davið Oddsson tók það að lokum
fram að tekist hefðu samningar
milli borgarinnar og ríkisins,
þannig að við hönnun og skipu-
lagningu skólans verður auðvelt
að koma fyrir samfelldum skóla-
degi.
Ragnhildur Pálsdóttir lagði
tvær spurningar fyrir borgar-
stjóra. Annars vegar um dagvist-
un barna í Grafarvogi og hins veg-
ar um það hvenær byrjað yrði að
kenna 7. 8. og 9. bekk í Grafar-
vogsskóla. í svari Davíös Oddsson-
ar við fyrri spurningunni kom
fram að dagheimili, leikskólar og
gæsluvellir verða í báðum hverf-
unum. Sem svar við seinni spurn-
ingunni sagði hann að ekki væri
ráðgert að hefja kennslu þessara
aldurshópa í skólanum i haust,
þar sem enn er of fámennt í þeim.
Hugsanlegt er að taka hana upp
haustið 1986. Um 60 börn á
grunnskólaaldri eru búsett í Graf-
arvogi.
ÁburAarverksmiðjan
í Gufunesi
Aðspurður um Áburðarverk-
smiðjuna í Gufunesi og um það
hvort ráðgert væri að leggja hana
niður eða flytja, sagði Davíð
Oddsson að engar umræður um
það hefðu átt sér stað. Hins vegar
hefur verið hert á öryggiskröfum
og áburður er ekki geymdur eins
lengi í verksmiðjunni og áður, en
það minnkar verulega sprengju-
hættuna. Þó er hún enn til staðar
en íbúum Grafarvogs er ekki meiri
hætta búin af Áburðarverksmiðj-
unni, en t.d. íbúum Kleppsholts.
Anna Guðmundsdóttir innti
borgarstjóra eftir því hvort skóla-
sundlaug verði við skólann, en
fékk nei við. Sundlaug verður á
íþróttasvæði, um 200 metrum frá.
Strætisvagnaferðir
Bergþóra Skúladóttir spurðist
fyrir um strætisvagnasamgöngur.
f svari borgarstjóra kom fram að
enn sem komið er eru þær all
frumstæðar, en það er forgangs-
verkefni fyrir yfirstjórn SVR að
auka tengsl við Gullinbrú og
Höfðabakkabrú, jafnframt því að
bæta þjónustuna á öðrum sviðum.
Ginar Gunnarsson var ekki
ánægður með svar borgarstjóra og
innti hann eftir hvort ekki væri
hægt að láta vagnana ganga leng-
ur á kvöldin og undir þetta tók
Bergþóra. Davíð Oddsson sagðist
forðast að lofa upp í ermina á sér,
slíkt yki aðeins á vonbrigði. Þess-
ari spurningu er ekki hægt að
svara á þessu stigi málsins en
óskum íbúa Grafarvogs yrði kom-
ið á framfæri við forráðamenn
SVR.
Ómar Friðþjófsson spurðist fyrir um
brú yfir Elliðavoginn.
Ólafur Jónsson vildi láta fjarlægja
eyjurnar á Miklubrautinni.
Bergþóra Skúladóttir spurðist fyrir
um strætisvagnasamgöngur við
Grafarvoginn.
Sigurður Guðmundsson lagði marg-
ar fyrirspurnir fyrir borgarstjóra.
Einar Sigurbergsson vildi vita
hvort tengja ætti Vesturlandsveg
og Suðurlandsveg og fékk hann
þau svör að það yrði vonandi gert
á næsta ári, en Vegagerð ríkisins
annast þær framkvæmdir.
Sigurður Guðmundsson hafði
margs að spyrja. í fyrsta lagi
hvort fyrirhugað væri að leggja
hjólreiðabrautir í hverfinu, en
töluvert verður um stíga og
gangbrautir. t annan stað um
merkingar gatna og sagði Davíð
Oddsson að hann myndi athuga
þær strax. I þriðja lagi spurðist
Sigurður fyrir um hvort ráðgert sé
að gera göngubraut yfir Gullinbrú
og svaraði Davíð Oddsson því ját-
andi og verður hún gerð á þessu
ári.
Að lokum gerði sami fyrirspyrj-
andi að umtalsefni símamál hverf-
isins, eins og fleiri á fundinum, en
óánægju gætti með þau og nefndi
einn fundargesta að hann hefði
þurft að bíða eftir að fá tengdan
síma í hálft ár. I svari Davíðs
Oddssonar kom fram að verið er
að tengja nýja sjálfvirka símstöð í
Árbæ — Hraunbæ og því ætti að
vera hægt að leysa þessi mál í
Grafarvogi. Sagðist hann myndi
kom kvörtunum til yfirmanna
Pósts og síma í Reykjavík og ræða
þessi mál við þá.
Þvínæst var Davíð Oddsson
spurður um Rannsóknarstöðina í
Keldnaholti og hvort einhver
hætta kynni að stafa frá henni og
kvað hann nei við. Benti Davíð á
að við rannsóknarstöðina störfuðu
færir vísindamenn og treysti hann
þeim fullkomlega, en hins vegar
hafa engar rannsóknir vegna
þessa farið fram.
Gunnar Sveinsson gerði að um-
talsefni mikinn umferðarhraða á
Fjallkonuvegi og innti hann borg-
arstjóra hvort ekki kæmi til
greina að setja þar upp hraða-
hindranir til að draga úr hraða
ökutækja og forða slysum. Davíð
Oddsson sagði að ef mönnum
þætti umferðarhraði of mikill yrði
að grípa til þess ráðs að setja upp
hindranir, en það verður ekki gert
ágreiningslaust. En ákveðið er að
leggja göngubraut við skólann.
Omar Friðþjófsson spurði borg-
arstjóra að því hvort fyrirhugað
sé að byggja brú yfir Elliðavoginn
á þessu ári, en fékk nei við.
Ólafur Jónsson tók næstur til
máls og vildi láta fjarlægja eyj-
urnar á Miklubraut frá Hringtorgi
og að Miklatorgi, þar sem þær
væru slysagildrur auk þess að
vera til ósóma. Davíð Öddsson
sagðist vera Ólafi sammála að eyj-
urnar væru ekkert augnayndi, en
á sínum tíma var talið rétt að gera
þær af öryggisástæðum, sérstak-
lega fyrir gangandi vegfarendur.
Sami fyrirspyrjandi spurði
borgarstjóra hvort ekki kæmi til
greina að afnema skiptimiða (
strætisvagna, eins og vagnstjórar
hefðu mælt með. í svari Davíðs
Oddssonar kom fram að nokkur
brögð eru að því að skiptimiðar
séu misnotaðir, en ef fella ætti þá
niður yrði að gjörbreyta leiðakerfi
SVR til að koma á móts við þá sem
niðurfellinging kæmi niður á. Þá
gat Davíð þess að borgarsjóður
greiðir 80 til 90 milljónir á ári með
rekstri strætisvagnanna.
Borgin standi við sínar
skuldbindingar
Þá var Davíð Oddsson inntur
eftir því hvort leikvellir yrðu sett-
ir upp í sumar og svaraði hann því
til að það væri ekki á dagskrá.
Hanna Sigurðardóttir spurði þá
Davíð hvort ekki kæmi til greina
að setja upp einhver leiktæki s.s.
mörk til bráðabirgða í sumar.
Borgarstjóri sagðist ætla að sjá til
þess að það yrði gert.
í lokaorðum sagðist borgar-
stjóri bera vissa ábyrgð á Graf-
arvogshverfinu og til hennar fyndi
hann. Lagði Davíð áherslu á að
borgin stæði við sínar skuld-
bindingar gagnvart íbúum þess,
sem legðu mikið á sig að koma
þaki yfir höfuðið.
Eins og áður segir var þetta síð-
asti hverfafundur borgarstjóra að
þessu sinni, en þeir voru 7 talsins
og lætur nærri að milli 1.400 og
1.500 íbúar Reykjavíkur hafi sótt
þá.