Morgunblaðið - 02.06.1985, Síða 19

MORGUNBLAÐIÐ, SUNNUDAGUR 2. JUNI 1985
B 19
Sandgerði:
Hvernig eiga menn
sem eru að selja
atvinnutæki
að vera hressir?
— spyr Sigurður Friðriksson
á Guðfinni frá Sandgerði
„Nei, það er nú síður en svo að
það sé gott í manni hljóðið," segir
Sigurður Fuðriksson skistjóri á
Guðfínni frí Sandgerði, þar sem
hann situr undir stýri i bryggjunni
í Sandgerði á tali við háseta sinn,
Jónas Snorrason, og Ragnar Ragn-
arsson skipstjóra á Arnari. „Ég
veit ekki hvernig menn sem eru að
selja undan sér atvinnutæki ettu
að geta verið hressir og það er ekki
gaman að vera í þessum sporum og
þurfa að segja mönnum sem eru
búnir að vera með manni árum
saman frá því að enginn grundvöll-
ur sé fyrir því að gera bátinn út
lengur. Þeir sem ráða eru búnir að
sjá fyrir því. bað voru tekin 50
tonn af rækjukvótanum okkar og
það munar einfaldlega því að
dæmið gengur ekki upp. Skuldirn-
ar hlaðast bara upp og maður hugs-
ar til þess með óhug hve miklar
þær gætu orðið á ári. Ég er búinn
að eiga Guðfinn í fimm ár og þetta
hefur alltaf verið toppbátur og svo
er allt í einu bara enginn grund-
völlur fyrir rekstrinum lengur. Það
er með ólíkindum hvað bátanir hér
á Faxaflóasvæðinu hafa farið illa
út úr kvótaskiptingunni.“
„Ertu búinn að selja bátinn?“
„Nei, ég var að láta hann i sölu
og er strax búinn að fá tilboð í
hann. Það kom frá Vestmanna-
eyjum. Þeir eru víst ekki í vand-
ræðum þar.“
„Og hvað tekur þá við hjá
þér?“
Ætli maður athugi ekki hvort
hægt er að fá eitthvað að gera á
Vellinum, nú eða þá að maður
athugar með fiskverkun. Mér
hafði reyndar dottið í hug að
fara annað með bátinn, eitthvað
út á land þar sem meiri mögu-
leikar eru á því að fá viðunandi
kvóta. En það er bara hægara
sagt en gert að rifa sig upp með
fjölskyldu og flytjast búferlum
til að eltast við þetta.“
„Hvað eru margir rækjubátar
gerðir út frá Sandgerði?"
„Nú eru þeir 22 en voru 11.
Þetta er framsóknarstefnan i
hnotskurn. Bátunum er fjölgað
um helming eins og ekkert sé
sjálfsagðara og heildarkvótinn
látinn halda sér með þvi að
minnka hann hjá þeim bátum
sem fyrir eru. Það er ekkert hér
að hafa lengur. Vetrarvertíðin
var nú ekki buröug i ár, 91 tonn
af þorski, en fjórar undanfarnar
vertíðir höfum við verið með 200
tonn. Og það er langt í frá að
minn bátur sé sá eini sem svona
er komiö fyrir. Þeir eru að fara
þessir bátar, hver af öðrum."
„Og ástæðan er kvótakerfið
eða hvað?“
Ragnar Ragnarsson, Sigurður Friðrikamn og Jónas Snonanon. MorgunbU»ið/Júliui
„Nei, það er ekkert á móti
kvótakerfinu út af fyrir sig. Það
er skiptingin og stjórnunin sem
er vandamálið. I fyrra var út-
hlutað 150 tonnum af rækjum en
nú fást ekki nema 100 tonn til
skiptanna á sama tima og bátun-
um er fjölgað um helming. Áður
var búið að skerða þorskinn og
svo kemur þet*a með rækjuna.
Þessir menn vita ekkert hvað
þeir eru að gera. Skiptaverðið á
rækju er 16,70 á kílóið og aflinn
er um átta tonn á viku á fjögurra
manna bát. Það sér hver maður
að það gengur ekki upp. I vetur
var okkur sagt að við yrðum að
sætta okkur við skertan
þorskkvóta af þvf að við fengjum
síðan rækjukvóta í vor. Síðan
skerða þeir rækjukvótann um
30%. Á sama tíma hefur allt
hækkað, allur kostnaður við út-
haldið hefur rokið upp.“
„Hvernig viltu láta skipta
kvótanum, Sigurður?"
„Það þarf að hugsa fyrir nýju
kerfi og það þarf að grundvallast
á aflaverðmæti en ekki klíku-
skap og úreltum forsendum. Þeir
í ráðuneytinu og hjá LÍÚ virðast
steinsofandi fyrir því að það
þarf að koma á réttlátara og
skynsamlegra kerfi en nú er við
lýði. Með þessu móti verður
þetta áfram á niðurleið þangað
til bátaútgerð leggst bara niður
hér um slóðir. En það eru fleiri
sem berjast í bökkum en þeir
sem gera út báta. Fiskverkunin
er mjög illa stödd líka. Eitt veit
ég og það er það að sízt af öllu
mundi ég ráðleggja ungum
mönnum að fara í sjómanna-
skóla í dag. Þetta er ekki atvinna
sem ráðlegt er að leggja fyrir
sig. Það er í rauninni alveg
óskiljanlegt hvérnig Sjálfstæðis-
fíokkurinn lætur framsóknar-
mennina vaða uppi í sjávarút-
vegi.“
Undir þetta tekur Ragnar
Ragnarsson: „Það er ekki vafi á
því að bátarnir hér hafa farið
mjög illa út úr kvótaskipting-
unni. Þær ráðstafanir sem sjáv-
arútvegsráðuneytið stendur
fyrir hér jafngilda eignaupp-
töku. Fótunum er kippt undan
fólki sem hefur haft afkomu sína
af þessu á meðan maður veit
dæmi þess að sumir fá svo mik-
inn kvóta að þeir geta ekki nýtt
hann. Ég veit dæmi þar sem
skuld í vélsmiðju var borguð með
kvóta.“
„Hvað segir þú um þetta, Jón-
as?“
„Ég segi fátt. Ég er varla bú-
inn að átta mig á því að ég er í
þann veginn að missa plássið af
því að það þarf að selja bátinn."
Welkom, Gruetsi,Wilkommen.
Arnarflug býður ykkur velkomin til þriggja borga í Evrópu
Þessi Ijúfa heimsborg er í
uppáhaldi hjá öllum sem
hafa heimsótt hana. Það er
sérstaklega gaman og gott
að versla í Amsterdam, þar
er meira úrval af frábærum
matstöðum en í flestum
öðrum borgum og skemmt-
analífið er fjölbreytt og létt.
Það verður flogið fimm sinn-
um í viku milli Amsterdam
og Keflavíkur í sumar. Arnar-
flug býður hagstæðar pakka-
ferðir til Amsterdam, útvegar
hótel og bílaleigubíla og far-
miða í tengiflug ef ferðinni
er heitið lengra. Engin flug-
höfn í heiminum býður upp
á betri og auðveldari tengi-
flugsmöguleika en Schiphol
í Amsterdam.
Auk þess að vera hliðið að I
Ölpunum og hinum fögru
fjallahéruðum Sviss er Zurich
stærsta borgin þar í landi. Þar
er að finna einkar vandaðar
verslanir og menningar- og
skemmtanalífið er í samræmi
við það. Borgin stendur við
stórt stöðuvatn og um það
sigla falleg, gamaldags hjóla-
skip, með ferðamenn. Zúrich
er í fögru umhverfi og feg-
urðin blasir hvarvetna við þér
þegar þú ekur frá borginni,
um frjósama dali og tignarleg
fjöll til að gista í litlum Qalla-
þorpum og skoða forna kast-
ala. Arnarflug flýgur vikulega
til Zúrich í sumar.
Það er í Dússeldorf sem
Rínarævintýrin heQast. Þaðan
er lagt upp í ferðir um fögur
héruð Rínardalsins og ferðin
verður sérstaklega þægileg
og skemmtileg ef þú tekur
einn af húsbílunum sem Arn-
arflug hefur á boðstólum. Bíl-
arnir eru afýmsum stærðum,
allt upp í að vera hreinar
lúxusvillur, á hjólum. Dúss-
eldorf sjálf er falleg borg og
sérstaklega gaman að heim-
sækja „gamla bæinn". Hann
er innan við ferkílómetra að
stærð, en þar eru yfir 200
gamaldags veitingahús og
Qölmargar verslanir. Þar heQ-
ast líka skemmtilegar báta-
ferðir um Rín. Arnarflug flýgur
vikulega til Dússeldorf.
ARNARFLUG
LAGMÚLA 7 SÍMI 29511