Morgunblaðið - 04.06.1985, Blaðsíða 60

KEILUSALURINN
OPINN 10.00-00.30
BTT NORT AilS SHiMUI
ÞRIÐJUDAGUR 4. JÚNÍ 1985
VERÐ f LAUSASÖLU 30 KR.
Portúgalir:
Kaupa saltfisk
fyrir allt að
1.200 milljónir
Verd í dollurum óbreytt frá fyrri samningi
SÖLUSAMBAND íslenzkra fisk-
framleiöenda hefur undirritað samn-
inga um sölu til Portúgals á allt að
14.500 lestum af saltfiski il afhend-
ingar út þetta ár og fram á hið
næsta. Verð er hið sama í dollurum
og var í samningum, sem gerðir voru
í vor og er verðmæti þessa samnings
allt að 1.200 milljónir króna.
Samkvæmt upplýsingum Frið-
riks Pálssonar, framkvæmda-
stjóra SÍF, voru seldar 25.000 lest-
ir af saltfiski í vor og þar af 16.000
lestir til Portúgals. Þessi nýi
samningur er á bilinu 8.500 lestir
til 14.500 lestir, þ.e.a.s. Portúgalir
hafa þegar samþykkt að kaupa
saltfisk á þessu bili, en það er
komið undir aðstæðum framleið-
enda hér heima, hve mikið verður
afhent. Framleiðsla á óverkuðum
saltfiski, þorski, var fram til 15.
maí 30.500 lestir og er þar um 55%
aukningu að ræða frá árinu 1984.
Friðrik Pálsson var spurður,
hvað valdið hefði svo mikilli aukn-
ingu í framleiðslu á þessu ári mið-
að við árið 1984. Hann kvað erfitt
að gefa viðhlítandi skýringu á því,
en mikill samdráttur í fyrra og
léleg vertíð hefði sjálfsagt sitt að
segja í þessari miklu aukningu og
ýkti öll hlutföll.
Undir Eyjafjöllum:
Maðkur
herjar
á tún og
úthaga
Hohi, 2. júní.
HÉR UNDIR Eyjafjöllutn
herjar nú grasmaðkur á tún
og úthaga. Heilu túnin og
hagarnir eru á stuttum tíma
orðin skjannahvít og eru lík-
ur á að um verulegt tjón
bænda geti orðið að ræða.
Þegar þau skilyrði skapast
að vetur er mildur og vorið
þurrviðrasamt er ætíð hætta
á að grasmaðkurinn komi
fram og eyði grösum og rót-
um túna. Síðast kom gras-
maðkurinn hingað og gerði
verulegt tjón fyrir 17 árum.
Bændur reyna með mörgum
ráðum að hefta framgang
grasmaðksins, bera á túnin
kjarna eða eiturefni, grafa
rásir í kring og kveikja síðan
í honum með hjálp steinolíu
eða bensíns. Einnig reyna
þeir að brenna grasið í kring
og dreifa kúahlandi yfir
grasmaðkinn. Fæst þessara
ráða virðast duga.
Fréttaritari
Sölusamband íslenzkra fisk-
framleiðenda á eftir að semja um
saltfisksölur við Spánverja, ítali
og Grikki á síðari hluta þessa árs.
Vegna samninganna við Portúgali
er gert ráð fyrir nokkuð hröðum
afskipunum.
Aðalfundur SÍF verður haldinn
á morgun, miðvikudag, á Hótel
Sögu og lýkur honum á fimmtu-
dag.

Morgunbladið/Júlíus
íslenska kvennalandsliðið í knattspyrnu lék í gærkvöldi vináttuleik gegn bandarísku háskólaliði sem hér er í
heimsókn, liði Brown-háskólans í Boston, og sigruðu íslensku stúlkurnar 6:0 á Smárahvammsvelli í Kópavogi.
Erla Rafnsdóttir úr Breiðabliki skoraði tvö marka landsliðsins í gær — hér er annað þeirra að verða til. Erla
(númer 15) hefur skallað knöttinn og hann stefnir í mark.
Alþýðusamband íslands:
Vill vísitölubindingu og
15 daga uppsagnarfrest
— óaðgengilegar hugmyndir segir framkvæmdastjóri VSÍ
„Ég lít ekki á þetta sem beint gagntilboð, því það eru engar tölur um beinar
kauphækkanir í hugmyndum ASÍ. Hins vegar kemur fram krafa um sjálfvirka
vísitölu, þ.e. sjálfvirkar kauphækkanir miðað við ákveðnar forsendur. Jafn-
framt er farið fram á styttingu samningstímans, en eitt að megin atriðunum í
tilboði Vinnuveitendasambandsins var hugmyndin um lengri samningstíma.
I>essar hugmyndir eru óaðgengilegar, og við verðum því að finna einhverjar
aðrar lausnir á þessum vanda,“ sagði Magnús Gunnarsson, framkvæmdastjóri
Vinnuveitendasambands íslands, þegar blaðamaður Morgunblaðsins innti
hann eftir áliti hans á hugmyndum ASÍ er lagðar voru fram á viðræðufundi
aðilanna í gær.
ASÍ leggur til að samningstíminn
verði frá 1. júní 1985 til 31. ágúst
1986. Fari vísitala framfærslu-
kostnaðar yfir ákveðið mark, þá
hækki laun í hlutfalli við þá hækk-
un 1. september og 1. desember á
þessu ári og 1. marz og 1. júní á
næsta ári. Ennfremur leggur ASÍ
til að kauplagsnefnd reikni á
tveggja til þriggja mánaða fresti út
kaupmátt kauptaxta og reynist
hann lægri en á fjórða ársfjórðungi
1983 skulu samningar uppsegjan-
legir með 15 daga fyrirvara.
Ásmundur Stefánsson, forseti
ASl, sagði að hugmyndirnar væru
tilraun til að setja trausta viðmiðun
í kauptryggingu: „Eins og flestir
muna þá var nokkur ágreiningur
um það á formannafundi ASÍ, fyrir
hálfum mánuði, hvort það væri yf-
irleitt einhver tilgangur í því að
eiga frekari orðastað við atvinnu-
rekendur nú í vor eða hvort fresta
ætti viðræðum til haustsins."
í tillögum ASÍ er lögð áhersla á
að hafður verði hemill á verðhækk-
unum og lagt er til að leitað verði
samninga við ríkisvaldið um að það
tryggi að gengi haldist innan
ákveðinna marka, verð opinberrar
þjónustu og búvöru einnig, jafn-
framt því sem vextir verða lækkað-
ir og raunvextir verði ekki hærri en
3%. Þá eru einnig ákvæði um rétt
foreldra til launa í veikindum
barna, innheimtu sjúkra- og
orlofssjóða og um lífeyrismál, en
þar er gert ráð fyrir að iðngjöld
verði greidd af öllum launum.
Magnús Gunnarsson lagði
áherslu á aðeins væri verið að tala
um sameiginleg samningsatriði
landssambanda ÁSÍ: „í viðræðun-
um í dag kom fram sameiginleg ósk
um sérstakar viðræður við lands-
samböndin, þar sem þau gætu lagt
fram sérkröfur. Til þess að flýta
umfjölluninni um þessi mál buðum
við upp á viöræður strax á morgun,
þriðjudag, og hefjast þær klukkan
14.00,“ sagði Magnús Gunnarsson
að lokum. Það verða fulltrúar vöru-
bifreiðastjóra og byggingarmanna
er ríða á vaðið.
Framkvæmdastjórn VSÍ kemur
saman í hádeginu til að ræða tillög-
ur ASÍ.
Stjórnarandstæðingar andvígir söluskattshækkun:
„Þeir vilja ganga tvöfalt lengra
í skattheimtu en skynsamlegt eru
— segir Þorsteinn Pálsson, formaður Sjálfstæðisflokksins, um stjórnarandstöðuna í húsnæðismálum
FRUMVARP vegna ráðstafana til fjáröflunar fyrir húsnæðislánakerfið mun
að öllum líkindum líta dagsins Ijós á morgun eða hinn, samkvæmt því sem
Steingrímur Hermannsson forsætisráðherra upplýsti blaðamann Morgun-
blaðsins í gær. Þar er gert ráð fyrir að afla á 18 mánaða tímabili eins
milljarðs króna með hækkun söluskatts, hækkun eignaskatts og hækkun á
áfengi og tóbaki.
„Það hefur náðst samstaða í
ýmsum efnum, en það er verulegur
ágreiningur í öðrum," sagði Þor-
steinn Pálsson formaður Sjálf-
stæðisflokksins í samtali við
Morgunblaðið í gær. „Meginástæð-
an fyrir því að ekki varð sam-
komulag við stjórnarandstöðuna
er sú, að þeir vilja ganga því sem
næst tvöfalt lengra í skattheimtu
en við teljum skynsamlegt við
þessar aðstæður, og þeir vilja
100% hækkun á eignaskatti fyrir-
tækja, sem við getum ekki sam-
þykkt og þeir hafa hafnað sölu-
skattshækkuninni," sagði Þor-
steinn jafnframt.
„Við náðum samkomulagi um
sum atriði við stjórnarandstöðuna,
en önnur ekki," sagði forsætis-
ráðherra. Hann sagði að
samkomulagið væri fyrst og
fremst í þá veru að afla bæri tekna
innanlands, en ekki með erlendum
lánum. Samkomulag væru um
eignaskattsviðaukann, þó að
stjórnarliðar vildu ekki ganga
jafnlangt og stjórnarandstaða
hvað varðar eignaskattsviðauka á
fyrirtæki. Ekki hefði náðst sam-
komulag um að hækka söluskatt
um eitt prósentustig. Þá væru aðil-
ar sammála um að útvega þyrfti
einn milljarð á næstu 18 mánuðum
til húsnæðislánakerfisins.
Forsætisráðherra sagði jafn-
framt: „Það er samkomulag um að
setja upp milliþinganefnd, sem á
að endurskoða allt húsnæðiskerfið.
Stjórnarandstaðan fær aðild að
þeirri nefnd." Forsætisráðherra
sagðist telja að viðræðurnar og
samráðið við stjórnarandstöðuna í
þessu máli hefði vissulega verið af
hinu góða. Þó sagðist hann ekki
hafa trú á að stjórnarandstaðan
myndi styðja þær ráðstafanir sem
ákveðnar yrðu, og sagði höfuð-
ástæðu þess vera andstöðu stjórn-
arandstöðunnar við söluskatts-
hækkunina.