Morgunblaðið - 22.06.1985, Side 42

42
MORGUNBLAÐIÐ, LAUGARDAGUR 22. JUNl 1985
I
e f s 3
Þú hnippir í mig þegar ég er
orðinn góðglaður því þá er ég
búinn að fá of raikið!
HÖGNI HREKKVÍSI
„pOKKALÉöT pBTTA'. Í6Z.K FyeSTi fiJSMANPINH
3BM Eft ZEKINN úróz ., 6ýNlÐ.06-5E6lÐ-FflA "tÍM "
Hægjum á okkur í umferðinni
Svavar Bjarnason, Kóp. skrifar:
Eru umferðarmerki of mörg eða
óþörf? Svo virðist vera að enginn
tími sé til að fara eftir þeim. Það
stefnir ótvírætt í þá átt að svo sé
þegar ekki er hægt á bifreið þegar
komið er að biðskyldumerki. Skil-
yrðislaus biðskylda gagnvart um-
ferð þess vegar sem verið er að
aka inn á eða yfir ef ekki er full-
komið útsýni yfir veginn er skylt
að nema staðar.
Það er vítavert gáleysi að aka á
fullri ferð inn á aðalbraut inn í
bílaumferðina og reyna svo að
krussa á milli þeirra án nokkurs
tillits. Annað er að verða nýr þátt-
ur í umferðinni og það er akstur á
móti einstefnumerki og það svona
heldur hressilega þegar í þeirri
tölu eru atvinnubílar.
Já, er ekki kominn tími til að
fara að hugsa og hægja svolitið
hraðann í umferðinni. Ég hef þá
trú að ef við legðumst öll á eitt i
þeim málum, þá gæti farið betur.
Við erum að hrósa okkur af góðri
menningu. Eigum við þá ekki að
reyna að koma á góðri umferðar-
menningu? Við skulum huga að
því að það eru stundum börn i bíl-
um okkar og þau eru þátttakendur
í umferðinni. Síðan getur það allt
saman haft jákvæð áhrif á börnin
þegar þau eru farin að ferðast og í
því sambandi dettur mér í hug
drengur, sem var nýbúinn að fá
bílpróf. Hann kom á bensínstöð til
að taka bensín og sagðist koma
hingað af því að pabbi og mamma
væru vön að taka bensín einmitt
hér. Já, þar höfum við það.
Hallað á góðan dreng
Jón Bjarni Guðmundsson,
knattspyrnuunnandi skrifar:
Mjög var dapurlegt að hlusta á
málflutning landsliðsþjálfarans,
Tony Knapp, í íþróttaþætti sjón-
varpsins þ. 10/6 1985. Þar ber
landsliðsþjálfarinn Lárusi Guð-
mundssyni, atvinnuknattspyrnu-
manni í Þýskalandi, ýmislegt á
brýn og hallar mjög réttu máli svo
ekki sé meira sagt.
Skrifið eða
hringið til
Velvakanda
Velvakandi hvetur lesendur til að
skrifa þættinum um hvaðeina, sem
hugur þeirra stendur til — eða
hringja milli kl. 14 og 15, mánudaga
til föstudaga, ef þeir koma því ekki
við að skrifa. Meðal efnis, sem vel
er þegið, eru ábendingar og orða-
skipti, fyrirspurnir og frásagnir,
auk pistla og stuttra greina. Bréf
þurfa ekki að vera vélrituð, en nöfn,
nafnnúmer og heimilisföng verða
að fylgja öllu efni til þáttarins, þó
að höfundar óski nafnleyndar.
Sérstaklega þykir ástæða til að
beina því til lesenda blaðsins utan
höfuðborgarsvæðisins, að þeir láti
sinn hlut ekki eftir liggja hér í
dálkunum.
Gefur landsliðsþjálfarinn m.a. í
skyn að Lárus hafi kvartað undan
því að sitja á varamannabekk í
fyrri landsleik Skota og íslend-
inga og jafnframt að Lárus hafi
verið með rembing og talið sig
eiga sæti í landsliðinu umfram
aðra.
Hér er farið með alrangt mál og
hallað á góðan dreng sem miklu
fremur er kunnur að kurteisi, lát-
leysi og íþróttamannslegri fram-
komu í hvívetna, en þeim oflát-
ungshætti sem landsliðsþjálfar-
inn, Tony Knapp, eignar honum.
Og verður það að teljast meiri-
háttar ókurteisi að bera saklaus-
um manni slfkt á brýn frammi
fyrir alþjóð.
Má hér m.a. vísa til ummæla
Lárusar í blaðaviðtali eftir fyrri
Skotaleikinn þar sem hann segir:
„Það er engin skömm að sitja á
varamannabekk, en þegar maður
finnur að maður er ekki inni i
myndinni hjá landsliðsþjálfaran-
um, þá er til lítils að vera að
koma.“
íslenska landsliðið þarfnast
sinna bestu manna og sé svo að
Lárus Guðmundsson, sem keppir í
fremstu viglinu hjá einni fremstu
knattspyrnuþjóð Evrópu, teljist til
þeirra, þá er slæmt til afspurnar
að kaldranaleg framkoma lands-
liðsþjálfarans flæmi slfka menn
frá.
Tony Knapp landsliðsþjálfari
ætti að biðja Lárus afsökunar á
ummælum sínum um hann undan-
farið.
Þjóðhátíðin 1974
Formaður Þjóðhátíðarnefndar
1974 kom að máli við Velvak-
anda vegna ummæla í bréfi í
dálknum í gær þar sem haft er
eftir honum að þjóðhátíðin 1974
hafi verið til fyrirmyndar „enda
sást þar hvergi kona í hlutverki"
eins og bréfritari bætir við.
Þetta eru dylgjur. Hann vill
koma því á framfæri að þjóðhá-
tíðin 1974 hafi tekizt svo vel sem
raun ber vitni vegna þess að hún
stóð undir nafni með mikilli
þátttöku allrar íslensku þjóðar-
innar. Þjóðhátíðin stóð yfir allt
árið 1974. Konur tóku sem betur
fer mikinn þátt í henni, ekki sízt
úti á landi. Það er ábyrgðarhluti
að skrifa í blöð og fólk ætti að
fara varlega í að leggja öðrum
orð í munn eins og þetta dæmi
sýnir. Konur eiga að láta mikið
að sér kveða í þjóðfélaginu og
gera í vaxandi mæli. Þær eiga
skilið góða málsvara.
Ekki gaul-
hljómsveitir
Duran-aðdáandi skrifar:
Kæri Velvakanai!
Ég hlusta mikið á rás 2 og skil
ekki í fólki sem segir að mikið sé
spilað af Duran Duran og Wham,
(ég held ekki upp á Wham), sem
eru næstum aldrei spilaðar nema
á vinsældarlistanum. 4. júni síð-
astliðinn skrifaði Duran-aðdáandi
í Velvakanda að hljómsveitirnar
U2 og Frankie goes to Hollywood
væru gaul-hljómsveitir, ég er
mjög ósammála honum því þetta
eru góðar hljómsveitir.
Svo vil ég spyrja sjónvarpið
hvort hægt sé að sýna tónleika
með Nik Kershaw.