Morgunblaðið - 25.06.1985, Blaðsíða 26
26
MORGUNBLADIÐ, ÞRIÐJUDAGUR 26. JÚNÍ 1985
Morgunblaðið/Þorkell
Sigurreifir fiugmennirnir sem hrepptu verðlaun fyrir áfangann Grænland-fsland í Atlantshafsrallinu. F.v.: Dr.
Sterling Ainsworth og Alec King, sem fengu verðlaun fyrir nákvæmustu áætlun um eldsneytiseyðslu, Julie og
Juergen Puetter verðlaunahafar fyrir bestu lendinguna, Sid MacMurray og Tom Sibley, sem hrepptu verðlaunin fyrir
nákvæmustu flugáætlunina. Verðlaunin voru afhent á glæsilegri fiughátíð í Broadway.
Atlantshafsflugrallinu lokið:
Aðeins þrjátíu og sex
f lugvélar luku keppni
Þekkt nöfn úr fluginu
Þekktasti flugmaðurinn í
keppninni var án efa Robert Mori-
arty frá Miami á Flórída. Hann
var með þeim fyrstu til Reykjavík-
ur á vél af gerðinni Beechcraft
Bonanza V 35 Turbo sem bar nafn-
ið „Spirit of Tulsa“. Árið 1981
vann hann flugkeppni yfir Atl-
antshafið en hann er kannski
frægastur fyrir að hafa flogið
undir Eiffelturninn í París árið
1984. Eitt af „stóru nöfnum" flugs-
ins skráði sig til keppni en forfall-
aðist á síðustu stundu. Það var
Charles „Chuck" Yeager sem flaug
fyrstur í gegnum hljóðmúrinn á
árinu 1946. Þá flaug hann XI til-
raunavél á 1.556 km hraða. Rúm-
um 7 árum síðar bætti hann um
betur og náði 2.459 km/klst.
Ýmis verðlaun voru veitt, m.a.
hér í Reykjavík. Þrír efstu flug-
mennirnir skipta á milli sín 20
þús. dollara verðlaunum samsvara
83.000 íslenskar krónur. Auk þess
voru veitt mörg minni verðlaun í
París frá fyrirtækjum eins og
Shell, Pratt & Whitney of Canada
og franska hátæknifyrirtækinu
HVA 55-57 Cybernitic. Hver flug-
stjóri fékk einnig svokallað flugúr
frá svissneska framleiðandanum
Bretling of Swiss. Á veglegri flug-
hátíð í Broadway sl. laugardags-
kvöld voru veitt verðlaun fyrir áf-
angann milli Grænlands og ís-
lands sem Skeljungur, Veitinga-
húsið Broadway og Flugleiðir
gáfu. Flugleiðir gáfu farseðla á
N-Atlantshafsflugleiðinni en það
er væntanlega öruggari ferðamáti
yfir hafið en flug á smá rellu.
mjög tíguleg og við hjónin höfum
ákveðið að skoða hana þegar við
komum hingað á leiðinni vestur
um haf. Ég er ekki alveg ókunnug-
ur í Reykjavík því ég hef komið
hingað tvisvar áður.“ Hann er
einkaflugmaður og er vélin, sem er
ný endurbætt, í eigu fyrirtækis
hans.
Verðlaunin fyrir nákvæmustu
áætlun um eldsneytiseyðslu,
hrepptu Bandaríkjamennirnir, Dr.
Sterling Ainsworth og Alec King á
Becchcraft Bonanza V 35. Dr.
Sterling hefur stundað flug í tæp
þrjátíu ár og aðstoðarflugmaður-
inn starfar sem flugumferðar-
stjóri.
Dr. Sterling, sem er virtur
læknir við Medical University of
South Carolina í bænum Charlest-
on í S-Karólínufylki, hafði óvenju-
lega sögu að segja við komuna
hingað til lands. „Við höfðum skírt
flugvélina okkar „Charlé South"
eftir heimabæ mínum og litum við
á okkur sem sérstaka fulltrúa
hans. Daginn áður en við lögðum
af stað hafði ég annast aðgerð á
sjö ára gömlum dreng sem var
haldinn hvítblæði. Hann hafði átt
erfiða sjúkralegu og var mikill
vinur minn. U.þ.b. fjórum dögum
síðar lést þessi litli vinur minn og
höfðu þær fréttir mikil áhrif á
mig. Ég hafði gert allt sem í mínu
valdi stóð fyrir hann. Til minn-
ingar um þennan dreng ákváðum
við að endurskíra vélina og gáfum
henni nafnið Philip Super Trooper
í höfuð á honum og hetjulegri bar-
áttu hans fyrir lífinu. Þessar sorg-
arfréttir hafa haft mest áhrif á
mig af öllu í rallinu."
— keppendur róma móttökurnar á íslandi
Flug
Gunnar Þorsteinsson
Morgunbladið/Bjarni
Þessar þrjár fóngulegu fiugkonur frá Kanada voru ekkert bangnar þótt fiugið væri erfitt Á milli tuttugu og þrjátíu
konur voru í áhöfn vélanna.
Aðeins 36 flugvélar náðu að Ijúka
keppni í flugkeppninni yfir Atlants-
hafið á fyrirskipaðan hátt. Þær náðu
að lenda á Le Bourget-flugvellinum
við París fyrir kl. 16. sl. sunnudag.
Flugkappinn Charles A. Lindbergh,
sem fyrstur manna flaug viðstöðu-
laust yfir Atlantshafið, lenti á þess-
um sama velli fyrir 58 árum. Flug-
keppnin í ár á að tákna vináttu milli
Bandaríkjamanna og Frakka.
Mbl. hefur ítrekað reynt að ná í
skipuleggjendur flugkeppninnar til
að fá úrslit en það tókst ekki áður en
þessi frásögn var skrifuð.
Veöur tafði á leiðinni
um ísland
Keppnin hófst í New York 14.
júní sl. Hún skiptist í sex áfanga,
samtals 4.781 sjómílu eða 7.694
km.
Keppendur lögðu upp frá Morr-
istown í New Jersey og héldu það-
an til Montreal í Kanada, Frobish-
er Bay á Baffinslandi í Kanada,
Godthaab á vesturströnd Græn-
lands, Reykjavíkur, Aberdeen á
n-austur Skotlandi og enduðu í
París. Rúmlega 80 keppendur létu
skrá sig en aðeins 65 lögðu af stað
frá Bandaríkjunum. Þegar komið
var til Grænlands röskuðu veður-
guðirnir keppninni því keppendur
töfðust vegna þoku og komust ein-
ungis 40 vélar til Reykjavíkur. Sl.
laugardag héldu keppendurnir frá
Reykjavík í góðu veðri, hægum
andvara og sólskini. Góða veðrið í
Reykjavík dugði skammt því 7
flugvélanna snéru til baka til
Reykjavíkur vegna mikils mót-
vinds á leið til Hornafjarðar, allt
að 10 vindstigum. Þá þegar varð
nokkurn veginn ljóst að þær
myndu eiga í erfiðleikum með að
ljúka keppninni á tilsettum tíma.
Flestar héldu þær svo aftur í loft-
ið á sunnudagsmorguninn til
Aberdeen í Skotlandi sem var
lengsti áfangi keppninnar. Þrjár
komust þó aldrei frá íslandi. Éin
bilaði í Reykjavík, önnur lenti á
Hellu vegna gangtruflana og sú
þriðja á Hornafirði. Margar flug-
vélanna munu aftur hafa viðkomu
á íslandi á leið vestur um haf að
keppni lokinni.
í fótspor frumherjanna
Strax á fyrstu árum flugsins
voru flugkeppnir og verðlauna-
veitingar til handa flughetjunum
mjög áberandi. Dagblöð og ýmsir
auðkýfingar lögðu fram mikla
peninga gegn því að ný afrek væru
unnin. Þessi verðlaun voru örv-
andi og hjálpuðu frumherjunum
oft til að yfirstíga mestu erfiðleik-
ana og áttu örugglega sinn þátt í
framgangi flugsins. Þau örvuðu
keppnisanda og dirfsku flughetj-
anna. Gjarnan var litið á keppend-
urna á þessum árum sem frægð-
arstjörnur og minningin um
margar þeirra er enn umvafin
frægðarljóma. Flugkeppnirnar
sem voru haldnar fram að seinni
heimsstyrjöld eru taldar hafa haft
úrslitaáhrif á þróun og framfarir í
flugtækni. Eftir það urðu mestu
framfarir flugsins tengdar hern-
aði.
Flughetjur vorra tíma — þátt-
takendurnir í Atlantshafsflugrall-
inu, voru aðallega kappfullir
einkaflugmenn sem voru margir
ekki með mjög mikla flugreynslu á
svona erfiðri leið. Að sögn Nico
Bignam, fulltrúa skipuleggjenda
keppninnar, kostaði tæpa 30 þús-
und dollara að taka þátt í keppn-
inni og reiknar hann þá með öllu
saman, eldsneyti, lendingargjöld-
um, gistingu o.s.frv. Sagði hann að
margir ættu sjálfir vélarnar sem
þeir kepptu á en einnig hefði
nokkuð verið um að menn væru á
leiguvélum. Dæmi voru þess að
keppendur frá smærri borgum í
Bandaríkjunum væru sérstaklega
styrktir til keppni af byggðarlag-
inu. Blm. Mbl. var viðstaddur upp-
lýsingafund með flugmönnunum
og þar kom glöggt fram að þeir
voru mjög áhugasamir og hlust-
uðu vel og spurðu margs um fram-
kvæmd fiugsins og veðurútlit
næsta áfangann. Á fundinum kom
greinilega fram að margir voru
óvanir svona erfiðu flugi.
Verðlaunahafar teknir tali
Flugstjóri Cessna-þotunnar, Sid
Macmurray, fékk verðlaun fyrir
nákvæmustu flugleiðsöguna.
Hann sagði í samtali við blm.
Mbl.: „Ég og aðstoðarflugmaður-
inn sátum sveittir alla leiðina við
leiðarútreikninga og ég er ánægð-
ur að það skuli hafa borið þennan
árangur. Flugtími milli Græn-
lands og íslands var 2:26 klst.
Okkar vél er eina þotan í keppn-
inni svo við urðum að sæta því
skilyrði að fljúga ekki hraðar en
300 hnúta/klst, en skrúfuvélarnar
máttu fljúga eins hratt og þær
komust. Auðvitað er þetta eðlilegt
skilyrði því annars hefðum við
strax stungið þær af.“ Hann sagði
aðspurður um ísland: „ísland er
eitt fallegasta land sem ég hef séð
úr lofti og enn meira álit fékk ég á
landinu eftir hinar frábæru mót-
tökur." Sid Macmurray er frá Tor-
onto í Kanada og sagðist nota þot-
una í viðskiptaerindum. Hann er
annar tveggja Kanadamanna, sem
eiga, og hafa jafnframt flugstjóra-
réttindi á einkaþotur.
Kanadísku hjónin Juergen og
Julie Puetter fengu verðlaun fyrir
nákvæmustu lendinguna í Reykja-
vík. Þau voru spurð hvort þeirra
hefði lent svona snilldarvel. „Ég
lenti,“ sagði Juergen, „konan sá
um siglingafræðina. Ég einbeitti
mér mikið við lendinguna en gaf
mér þó góða stund til að dást að
Hallgrímskirkju. Mér finnst hún
Ánægja með íslendinga
Frönsku samtökin, Vap Organ-
isation, sem skipulögðu keppnina
voru stofnuð fyrir fimm árum af
Frakkanum Robert Laffarge og
munu þau hafa einna mesta
reynslu af skipulagningu keppna
af þessu tagi. I maí sl. héldu þau
Miðjarðarhafsflugrallý og í janú-
ar sl. stóðu þau fyrir mikilli
keppni frá París til Dakar í Sene-
gal á vesturströnd Afríku. Vico
Bignam frá YPO sagðist vera
mjög ánægður með samvinnuna
við Vélflugfélag íslands sem að-
stoðaði við framkvæmdina hér.
Hann sagði m.a.: „Frá því við lögð-
um af stað höfum við hvergi feng-
ið eins góðar móttökur og stuðn-
ing og í Reykjavík. Vélflugfélagið
hefur skipulagt allt sérstaklega
vel og hinir fjölmörgu starfsmenn
þess lagt sig alla fram um að gera
dvölina sem ánægjulegasta. Þá
hefur íslenska flugmálastjórnin
einnig veitt okkur mikilvægan
stuðning." Flugbjörgunarsveitin,
Slysavarnafélag íslands, Hjálpar-
sveit skáta og Landhelgisgæslan
höfðu einnig viðbúnað þá daga
sem rallið stóð.
Allir keppendurnir sem blm.
Mbl. ræddi við luku miklu lofsorði
á móttökurnar hér, og þátt Vél-
flugfélagsins, og sögðust margir
ekki hafa mætt öðrum eins al-
mennum áhuga í flugkeppni af
þessu tagi.
Morgunbladið/Bjarni
Margir flugmannanna litu sérstaklega á sig sem fulltrúa sinnar heimabyggð-
ar. A myndinni sjást fiugmenn frá Winnipeg í Manitoba afhenda Magnúsi L.
Sveinssyni forseta borgarstjórnar gjafir og bréf frá borgaryfirvöldum í
Winnipeg og Gimli. Fonger-feðgarnir eru báðir með atvinnuflugmannspróf
en starfa ekki sem slíkir.