Morgunblaðið - 27.06.1985, Blaðsíða 14

ðl 14
MORGUNBLAíÐIÐ, FIMMTUDAGUR 27. JÚNÍ 1985
Hestar í Gallerí Borg
Myndlist
Valtýr Pétursson
I tilefni af hestamannamóti hef-
ur verið sett saman sýning á
hestamyndum í Gallerí Borg. Þar
má nú líta myndir eftir þá Balth-
asar, Hring Jóhannesson, Einar
Hákonarson og Jóhönnu Boga-
dóttur ásamt Jóhannesi Geir.
Þetta eru afar ólíkir listamenn í
vinnubrögðum og viðhorfum og
kennir því nokkuð margra grasa á
staðnum. Hesturinn er einkar
merkileg skepna, eins og allir ís-
lendingar vita, sem verið hafa
samvistum við hann. Likami hans
er mjög margþætt samsetning og
hefur yndisþokka í hverri hreyf-
ingu og formi. Gangur er einnig
fjölþættur, en ekki verður um slíkt
fjallað hér, enda margir mér fróð-
ari um þau vísindi.
Jóhanna Bogadóttir á þarna
hressilegar myndir, og líklegast er
það Pegasus, sem leikur aðalhlut-
verkið. Kjarval er í heiðurssessi
með skemmtilega útgáfu af
skáldfáki. Einar Hákonarson stíl-
iserar og nær snöggum hreyfing-
um í myndir sínar. Jóhannes Geir
sameinar stóðið landslagi og notar
hvella og skæra liti. Ekki verður
sama sagt um Balthasar. Hann er
nokkuð þungur og óhreinn í litn-
um, þrátt fyrir snara teikningu.
Hringur teiknar af viðkvæmni og
bezt hjá honum finnst mér mynd
af liggjandi folaldi. Þessi verk
verkuðu ekki sterkt á mig, og mér
fannst eins og hesturinn væri ekki
nægilega túlkaður i heild. Sem
sagt: Sýningin sagði mér ekki
mikið, og sprettirnir voru of fáir
til að sannfæra mig um ástir
manns og hesta. Einar Hákonar-
son og Jóhannes Geir halda þess-
ari sýningu á floti og mega vel við
sinn hlut una.
Sú hugmynd, að gera sýningar
um viss þemu, er ágæt og ætti að
vera meira af slíku hér hjá okkur,
en það eru einkasýningarnar, sem
hafa verið á oddinum um langan
aldur. Samt var þemað notað hér
áður fyrr i einstaka tilfellum.
Væri skemmtilegt, ef þemasýn-
ingar yrðu teknar upp í meira
mæli en tíðkazt hefur. Það mundi
auka á fjölbreytni og gefa fleiri
tækifæri til samanburðar á verk-
um þeirra fjölmörgu myndlist-
armanna, sem starfa meðal okkar.
Tvær sýningar
Myndlist
Valtýr Pétursson
Á vesturgangi Kjarvalsstaða er
nú sýning á myndverkum í
postulínsleir og er um að - ræða
bæði hluti og veggmyndir. Það er
listakonan Eydís Lúðvíksdóttir
sem í hlut á og er þetta í fyrsta
sinn sem hún heldur einkasýningu
á verkum sínum. Eydís hefur að
undanförnu verið listrænn ráðu-
nautur f verksmiðjunni Gliti og
var nýlega valin úr hópi lista-
manna til að hafa umsjón með
Listasmiðju Glits og er hún sjötti
listamaður til að öðlast þá viður-
kenningu.
Þetta er snotur sýning og mynd-
verk Eydísar sýna bæði kunnáttu
og tilfinningu fyrir efnismeðferð.
Hlutir hennar eru einnig áhuga-
verðir, en ekki kann ég svo skil á
tækninni að ég sé fær um að gera
mér skoðanir á því sviði, en segja
mætti mér að hún væri í lagi hjá
Eydísi. Það eru 47 verk á þessari
sýningu og að mínu mati er sýning
Eydísar Lúðvíksdóttur þess virði
að hún sé skoðuð. Það ætti að vera
nýmæli fyrir marga að sjá þessa
hluti og myndir gerðar í postulíns-
leir.
Steinar
í fordyri Norræna hússins hafa
áhugamenn um steinasöfnun sett
upp sýningu, sem er dálítið sér-
stök og einstæð í sinni röð. Þar er
fjöldi steina til sýnis, sem safnað
hefur verið af félagsmönnum og
sumir þeirra slípaðir af mikilli
smekkvísi.
Náttúra íslands virðist ríkari af
steintegundum en flesta grunar,
og það jaðrar við að um gersemar
sé að ræða þegar grjótið okkar fær
rétta meðhöndlun. Það var fjöl-
mennt á sýningunni er ég leit þar
inn og handagangur i öskjunni. Ég
er því miður ekki nægilega kunnur
steinariki okkar til að geta talið
upp þær tegundir sem þarna er að
finna og kann afar lítil skil á þess-
um hlutum, en fallegir eru þeir og
mjög áhugaverðir.
Ég rita þessar línur aðeins til að
vekja athygli á þessari sýningu og
vonast til, að þetta skrif verði ekki
of síðbúið til þess. Eitt er ágætt
við þessa starfsemi: Áhugamenn
eru alltaf viðlátnir til að leiðbeina
gestum og miðla af fróðleik sínum.
Hafi þeir þakkir fyrir.
JRfargmiMiifrffr
Áskriftarsíminn er 83033
Sólrún Bragadóttir Bergþór Páisson
Tvísöngur
Tónllst
Jón Ásgeirsson
Sólrún Bragadóttir og Berþór
Pálsson „debúteruðu" sl. þriðju-
dag og sungu lög eftir Purcell,
Vaughan-Willimas, Brahms,
Strauss, Poulenc, Dupark og
Verdi. Tónleikarnir hófust á
tveimur dúettum eftir Purcell
og var sá seinni, My dearest, my
fairest, mjög vel sunginn.
Næst á efnisskránni voru
„Farandsöngvar" eftir Vaug-
han-Williams er Bergþór söng
einn. Bergþór hefur mjög fal-
lega baritonrödd og beitir henni
af mikilli tækni. Hann hefur
vald á sterkum andstæðum í
styrk og textatækni og túlkun
hans er mjög góð. Sólrún söng
því næst þrjú lög eftir Brahms
og tvö eftir Strauss. Það má í
raun segja það sama um söng
hennar og Bergþórs, nema að
hún hefur þróttmikla sópran-
rödd. Styrkleikaregistur hennar
kom mjög vel fram í Immer
leiser wird mein Schummer eft-
ir Brahms. í lagaflokkinum La
courte Paille, eftir Poulenc, var
söngur Sólrúnar einkar fallegur
og sérstaklega i síðasta laginu,
Apríltunglið, þar sem undirleik-
arinn Jónas Ingimundarson átti
og nokkur undur falleg augna-
blik. Lög þessa lagaflokks eru
stutt, eins konar „smástrá", en
mörg þeirra frábærlega leik-
andi og var flutningur Sólrúnar
í heild mjög góóur. Síðustu ein-
söngslög Bergþórs voru eftir
Duparc, þann sérkennilega
mann er var svo gagnrýninn á
eigin verk, að hann eyðilagði
mikinn hluta þeirra, en sökum
veikinda hætti hann að fást við
tónsmíðar og eru til m.a. eftir
hann 16 söngvar er nægt hafa
honum til heimsfrægðar.
Tónleikunum lauk með dúett-
inum fræga úr La Traviata eftir
Verdi. Sólrún og Bergþór hafa
náð feikna valdi á þeim tækni-
atriðum sem miklu skipta í söng
en auk þess eru þau listamenn
góðir, en listfengi er það sem
hver einstaklingur gefur til
viðbótar við lærdóm sinn, þann-
ig að kunnáttan verður þjónn en
ekki markmið. Það er óhætt að
fullyrða, að hér eru á ferðinni
feikna efnilegir listamenn.
KANNSKIIBUDAPCST
Flugleiðir bjóða flug og bíl í tengslum við áætlunarflug félagsins til 11 borga í Evrópu.
Þessir staðir eru: Björgvin, Glasgow, Gautaborg, Frankfurt, Kaupmannahöfn,
London, Luxemborg, Osló, París, Salzburg og Stokkhólmur. Ef þú vilt hafa
fararstjórnina í eigin höndum, þá hentar enginn ferðamát: þér betur en
flug og bíll.
Það er ódýrt að ferðast um Evrópu á bílaleigubíl.
Við hittum ykkur kannski í Búdapest.
LEITIO FREKARIUPPLÝSINGA UM FLUG & BlL
A SÖLUSKRIFSTOFUM FLUGLEIÐA,
HJÁ UMBOÐSMÖNNUM
FÉLAGSINS, EÐA A
FERÐASKRIFSTOFUNUM.
semviljd
heiminn og
skiljahannbetur
. r «
• • I 'tmm-

-I Jll’M” II* II •'
,, iininin
o
3