Morgunblaðið - 27.06.1985, Blaðsíða 17

MORGUNBLAÐIÐ, FIMMTUDAGUR 27. JtJNÍ 1985
17
Samvinnuferðir — Landsýn:
Nær uppselt í ódýru
ferðirnar
Ferðaskrifstofan Samvinnu-
ferðir-Landsýn auglýsti um síðustu
helgi ódýrar flugferðir í tengslum við
svokallað „Gagnkvæmt leiguflug“.
Hér er um að ræða flugfar til Salz-
burg 30. júní og Þrándheims 1. júlí
fyrir 8.900 krónur.
Áður hefur ferðaskrifstofan
boðið upp á ódýrar ferðir eins og
t.d. BSRB ferðirnar til Kaup-
mannahafnar og vikuferð til Ála-
sunds. Ferðirnar til Kaupmanna-
hafnar seldust strax upp og sömu
sögu er að segja um ferðina til
Álasunds. Sú ferð var jafnvei enn
ódýrari því flugfarið fram og til
baka kostaði 6.500 krónur, en auk
þess var boðið upp á rútuferðir
o.fl. og var miðað við að þessi
vikuferð kostaði um 15.000 krónur.
I auglýsingunni kemur fram að
ástæðan fyrir því að ferðaskrif-
stofan getur boðið upp á svo lág
fargjöld sé sú, að útlendir sam-
starfsaðilar nýta flugvélina aðra
leiðina, en íslendingar hina. Með
því næst hámarks sætanýting og
kostnaður við hvern farþega er því
í lágmarki.
Að sögn Helga Daníelssonar
sölustjóra Samvinnuferða-Land-
sýnar er ferðaskrifstofan með
þessu að sýna fram á hvað hægt er
að bjóða upp á og að fólk þurfi
ekki alltaf að borga sama háa
verðið fyrir flugferðir til útlanda.
Knn eru nokkur sæti laus til
Salzburg.
„Það er alltaf hægt að fá nokkr-
ar svona ódýrar ferðir á hverju
ári,“ sagði Helgi. „Við erum með
sterka innanlandsdeild sem tekur
á móti fjölda útlendinga á hverju
ári og með því að nota ferðina til
baka er hægt að bjóða tslending-
um svona ódýrar flugferðir. Hins-
vegar eru flestir sem kaupa ýmsa
þjónustu að auki, svo sem hótel-
gistingu, bílaleigubíla o.fl. og að
sjálfsögðu eykst þá kostnaðurinn,"
sagði Helgi Daníelsson.
Félagsmálastofnun Reykjavíkur:
Útideildin kynnir
starfsemi sína
ÚTIDEILDIN, sem rekin er af Fé-
lagsmálastofnun Reykjavíkur, hefur
sent frá sér dreiflbréf og kynnir þar
unglingum og foreldrum starfsemi
sína.
í dreifibréfinu kemur fram að
Útideildin er sérstaklega ætluð
fyrir unglinga og að markmiðið
með starfinu er fyrst og fremst að
hjálpa unglingum og koma í veg
fyrir að þeir lendi í erfiðleikum, og
að aðstoða þá ef slíkt kemur fyrir.
„Þið þurfið samt ekkert að vera á
kafi í einhverri vandamálasúpu til
að spjalla við okkur.“
Allavega mál geta komið upp
sem þarf að ráða fram úr. Til
dæmis atvinnu- og húsnæðisleit,
erfiðleikar í skólanum og heima
fyrir, notkun vímuefna, þar með
talið brennivín, og svo framvegis.
„í sumum tilfellum getur það
hjálpað upp á sakirnar að pæla í
hlutunum með okkur, en við erum
ekkert síður til þess að hjálpa til
við að rata í kerfinu og kynna ykk-
ur rétt ykkar."
Útideildin starfar á heimavelli
unglinganna sjálfra. „Ef þér ligg-
ur eitthvað á hjarta er velkomið
að tala við okkur. En auðvitað get-
urðu líka sleppt því. Hafðu alla-
vega á hreinu að við förum með
allar upplýsingar sem trúnaðar-
mál.“
Útideildin er til húsa í Tryggva-
götu 12. Síminn er 20365 og
621611. „Við erum á ferðinni flesta
daga þar sem unglingar safnast
saman og auk þess er opið í
Tryggvagötunni eftir hádegi. Svo
er líka opið hjá okkur á föstu-
dagskvöldum."
Sýning í Gallerí Salnum
ÞANN 27. júní verður opnuð í Gall-
erí Salnum samsýning flmm ungra
myndlistarmanna sem útskrifuðust
frá Myndlista- og handíðaskóla ís-
lands, grafíkdeild, í vor.
Þar sýnir Anna Líndal dúkrist-
ur sínar. Myndefnið er fjölskyldu-
líf að fornu og nýju. Guðný Björk
og Magnús Þór sýna málaðar
myndir. Margrét sýnir blandað
efni. Sigrún sýnir málaðar graf-
ískar mannamyndir ásamt mynd-
um er sýna samspil manns og
hljóðfæris.
Opnað verður kl. 8:00 fimmtu-
dagskvöld. Þá lesa ung skáld upp
úr verkum sínum og ef til vill
verður leikið á klarinett. Sýningin
stendur til 17. júlí og er galleríið
opið frá kl. 1—6 alla daga nema
mánudaga.
(Or fréttatilkynningu frá Gallerl Salnum)
Grafíska Meyjafélagið og Magnús Þór í Gallerí Salnum.
Bta
■HfUJ
Sími78900
frumsýnir:
James Bond
myndina
AVIEWtq a KILL
Víg í sjónmáli
Stærsta James Bond-opnun frá upphafi í Bandaríkjunum.
ALLRA TÍMA AÐ-
SÓKNARMETÁ
STÆRSTA BÍÓ í
LONDON ODEON
LEICESTER SQUARE
»A VIEW TO A KILL“ ER
FYRSTA MEIRIHÁTTAR
ERLENDA KVIKMYNDIN
SEM TEKIN ER AÐ
HLUTA TIL Á ÍSLANDI.
BIÓHÖLLIN ER ANNAÐ KVIKMYNDAHÚSIÐ í EVRÓPU SEM
FRUMSÝNIR „A VIEW TO A KILL“. ÞAR MEÐ ER ÍSLAND
ANNAD LANDIÐ í EVRÓPU TIL AÐ FRUMSÝNA ÞESSA
STÓRMYND.
„A VIEW TO A KILL“ JAMES BOND-MYND ALLRA TÍMA.
GÓÐA SKEMMTUN — BÍÓHÖLLIN