Morgunblaðið - 27.06.1985, Blaðsíða 46
46
MORGUNBLAÐIÐ, FIMMTUDAGUR 27. JÚNf 1985
Þakleki—Svalaleki
Veggjaleki
Plasthúðun þaka, svala og veggja gefur ótrúlega
möguleika í viðhaldi húsa.
Samskeytalausir dúkar fyrir öll þök.
DP Sílan-húðun til varnar alkalí- og frostskemmdum.
T% Látið fagmenn vinna verkið.
Viðhaid og viðgerðir fasteigna er okkar fag.
i>ím\G iii'. Kvöldsúd 54410, dafrími 5*728
Morgunblaðid/ Þorkell
Gervibítlarnir í Bootleg Beatles á sviðinu og syngja „Sbe Loves You“ fullum hálsi.
Gervibítlar í Broadway:
„Ég vona að við höf-
um staðist prófið“
ÞRIÐJA breska hljómsveitin, sem stendur að „innrás 7. áratugarins" í
veitingahúsinu Broadway í þessum mánuði og næsta, leikur í Reykjavík
og á Akureyri um næstu helgi. Það eru fjórmenningarnir Dozy, Beaky,
Mick & Tich, sem gerðu garðinn frægan með Dave Dee fyrir um tuttugu
árum og voru einskonar „Wham!“ þeirra tíma. Fyrst var hijómsveitin
Tremeloes, sem kom hingað til lands ásamt söngvaranum Brian Poole,
síðan Bootleg Beatles um síðustu helgi, þá DBM&T og loks hljómsveitin
Searchers, sem átti feiknarlegum vinsældum að fagna hér á sínura tíma.
Skv. upplýsingum Broadway er um það bil að verða uppselt á skemmtun
Searchers 6. júli.
Bootleg Beatles var í Broad-
way og Sjallanum á Akureyri
um síðustu helgi. „ólöglegu Bítl-
arnir" eru fjórir ungir, breskir
leikarar, sem líkjast misjafnlega
mikið hinum einu og sönnu
Beatles en eru glettilega leiknir
við að herma eftir þeim á sviði
og spila klassísk Bítlalög feikna-
vel. Þó kunnu þeir ekki allir á
gítar fyrir fimm árum.
Þessir gervibítlar hófu tónlist-
arferilinn að marki þegar þeir
fluttu tónlist Bítlanna í heim-
ildasöngleiknum „Beatlemania"
í West End fyrir nokkrum árum.
Síðan hafa þeir ferðast um, leik-
ið Bítlalög og hermt eftir þeim
John, Paul, George og Ringo.
Þeir kalla hver annan þessum
sömu nöfnum á sviðinu og hafa
náð meistaralegum tökum á
sviðstöktum fyrirmynda sinna.
Þeir byrja skemmtunina í gráu
bítlajakkafötunum og bítlaskón-
um eins og í árdaga bítilæðisins,
fara síðan í indversku herfor-
ingjakkana og leika „psyche-
delíu“ (árgerð 1967) af Sgt.
Pepper og enda loks síðhærðir og
klæddir eins og fjórmenningarn-
ir frá Liverpool á forsíðumynd
síðasta meistaraverksins, Abbey
Road. Gervibítlarnir segja til og
með gamla frasa, sem hrutu af
vörum Lennons forðum: „Ég
vona að við höfum staðist próf-
ið!“ og (í stað þess að útskýra
hverjir klappi og hverjir láti
skrölta í skartgripunum): „Þeir
sem eru enn að borða geta látið
hringla í hnífapörunum sínum.“
Fleiri brandarar fjúka; þegar
„John“ er einn á sviðinu á meðan
hinir klæða sig í Sgt. Pepper-
jakkana segir hann: — Mig
langar mest að syngja fyrir ykk-
ur „Imagine" en nú er bara 1966
svo ég er ekki búinn að semja
það!
Bítlakynslóðin er nú að nálg-
ast fertugt — en hún lætur ekki
aftra sér frá að storma á dans-
gólfið þegar Bootleg Beatles
kveðja með „Twist and Shout“ og
„All My Loving", syngja með
fullum hálsi og dansa, bæði tvist
og síðari tíma hristing.
Fundur forystumanna tannlækna á Norðurlöndum:
Rætt um opinberar aðgerðir
tii varnar tannskemmdum
FYRIR skömmu var haldinn hér á landi fundur forystumanna tannlskna a
Norðurlöndum. Meginviðfangsefnið voru þsr opinberu aðgerðir, sem nú er
unnið að og dregið geta úr tannskemmdum og munnsjúkdómum. Þá var
fjallað um ískyggilegar horfur í atvinnumálum tannlskna og lögð drög að
nsstu Norðurlandaráðstefnu tannlækna, sem vsntanlega verður haldin hér
að þremur árum liðnum.
Framfarir í tannheilbrigðis-
fræði, tannlækningum og skipu-
lagi tannheilbrigðismála hefur
víðast á Norðurlöndum leitt til
þess að stórlega hefur dregið úr
tannsjúkdómum, einkum tann-
skemmdum. Lögð hefur verið
áhersla á að gera við tennur í
börnum og fylgst með þeim fram á
fullorðinsár. Þetta hefur leitt til
þess að unga kynslóðin er víða
með góðar og heilbrigðar tennur.
Nú er svo komið að mjög hefur
dregið úr tannviðgerðum og kostn-
aður fjölskyldna minnkað mjög
hvað þetta snertir. Skipulag há-
skólamenntunar hefur ekki tekið
mið af þessu fyrr en um seinan,
þannig að nú herjar atvinnuleysi
víða á tannlæknastéttina.
Ekki er jafnbjart yfir tann-
heilbrigðismálum íslendinga nú,
en búast má við að um síðir komi
til þess að dragi úr tannskemmd-
um meðal íslendinga og þörf fyrir
tannlækna minnki.
Meðan tannlæknaskólar loka
víða, hefur fjöigað í tannlækna-
skólanum hér á landi. Stefnir því
einnig hér í atvinnuleysi meðal
tannlækna. Þyrfti með sama hætti
og í grannlöndunum að vara unga
stúdenta við þróuninni og hvetja
þá til að finna sér annað verksvið.
Til þess að draga úr þeim félags-
legu og persónulegu áföllum, sem
af atvinnuleysi hlýst, hafa tann-
læknum sums staðar verið fundin
verkefni á öðrum sviðum heil-
brigðismála.
Það dregur nokkuð úr þeim
vandræðum, sem steðja að í at-
vinnumálum, að nú gerir fólk
miklar kröfur um heilbrigðar og
góðar tennur. Með bættu heil-
brigði eru færri tennur dregnar úr
og þvi um viðhald fleiri tanna að
ræða. Þá er og meiri hætta í nú-
tímasamfélaginu að fólk fái tann-
vegssjúkdóma, einkennalitla, en
sem geta valdið varanlegu tjóni.
Hér þarf samfélagið mjög að
halda vöku sinni.
Almenn fræðsla var mikið rædd
á fundinum, en hún er undirstaða
þess að árangur náist í tannvernd-
arstarfinu. Víða hefur verið lögð
mikil vinna í upplýsingaherferðir,
markvissan áróður og fræðslu í
blöðum, tímaritum og sjónvarpi,
ásamt útgáfu bæklinga fyrir al-
menning. Reynslan hefur hvar-
vetna sýnt, að mikið gagn er að
þessu og fólk lætur skoða sig
reglulega.
Hér á landi er unnið markvisst
á þessu sviði, t.d. með framleiðslu
upplýsingabæklinga, tannvernd-
ardögum í samráði við heilbrigð-
isráðuneytið og margvíslegt annað
efni í boði, t.d. á myndböndum,
sem ýmsir tannlæknar hafa verið
iðnir við að koma á framfæri. Mik-
ill kostnaður er við starfsemi af
þessu tagi, en einungis 1% af
tannviðgerðarko8tnaði Trygg-
ingastofnunar ríkisins rennur til
Frá fundi forystumanna tannlækna á Noröurlöndum.
þessara þarfa og þyrfti mun meira
til að koma.
Margvísleg önnur mál voru tek-
in fyrir á fundinum, sum sem enn
hafa ekki þýðingu hér á landi. T.d.
má geta þess að mjög er sóst eftir
tannlæknum til starfa í sumum
þróunarlöndum. Eru þeim boðnir
gull og grænir skógar ef þeir vilja
ráða sig m.a. til nokkurra araba-
landa, svo og Tyrklands og Ind-
lands. Ekki er þar ævinlega allt
með felldu og margvísleg vanda-
mál fylgja í kjölfarið.
Merkilegar tilraunir er verið að
gera í sumum Norðurlöndunum
með tryggingagreiðslur vegna
tannviðgerða. Einkatryggingafé-
lög bjóða almenningi tryggingar
vegna tannlækninga. Hafa þær
reynst misvel og mörg ljón í veg-
inum. Tryggingartakinn þarf að
greiða allhátt tryggingariðgjald
og fær á móti reglubundna skoðun
hjá tannlækni og endurgreiðslu
viðgerðarkostnaðar. Hér á landi
hefur þessi tegund trygginga aldr-
ei verið reynd. Full ástæða er til
að athuga málið. Bæði er að fólk á
erfitt með að standa undir óreglu-
legum kostnaði, og eins hitt að
menn hafa kynnst þessari aðferð
erlendis.
Fundir sem þessir eru mikil-
vægir fyrir framþróun tannheil-
brigðismála á Norðurlöndum og
víðar. Á þeim kemur fram allt hið
helsta sem á döfinni er í tann-
heilbrigðismálum og mikið kapp
lagt á að kynna hverju tannlækn-
ar geti til leiðar komið til bættrar
heilbrigði. Markmiðið er að sjálf-
sögðu að draga sem mest úr tann-
sjúkdómum, minnka kostnað sam-
félagsins og bæta almenna heilsu,
en tennurnar eru einmitt mikil-
vægur þáttur hennar.
(Úr frélU(ilkynninioi )