Morgunblaðið - 01.08.1985, Blaðsíða 2

2
MORGUNBLAÐIÐ, FIMMTUDAGUR 1. ÁGÚST 1985
Síbrotamaður
olli íkveikju
Rannsóknarlögregla ríkisins geröi í gærkvöldi kröfu til þess að 24 ára
gamall Reykvíkingur yrði úrskurðaður í gæsluvarðhald allt til 2. október
næstkomandi vegna síbrotastarfsemi. Dómari í Sakadómi Reykjavíkur tók
sér frest þar til í dag til að úrskurða um kröfuna.
Maður þessi fannst meðvitund-
arlítill í brennandi kjallaraíbúð á
Nýlendugötu í fyrrakvöld og er nú
ljóst, að hann hafði brotist þar inn
og valdið íkveikjunni. Þýfi úr
íbúðinni fannst innan klæða á
manninum þegar hann var fluttur
i slysadeild Borgarspítalans.
Mikill reykur var í íbúðinni þeg-
ar slökkviliðsmenn komu á stað-
inn og fundu reykkafarar mann-
inn liggjandi við útidyrnar. Eldur
reyndist vera í bókahillum í einu
herbergi íbúðarinnar og tókst
fljótiega að slökkva hann. íbúðin
er stórskemmd af reyk og sóti og
innanstokksmunir flestir ónýtir
með öllu. Húsráðandi var í útlönd-
um.
Maðurinn, sem nú situr í gæslu-
varðhaldi, lauk afplánun fangels-
isdóms á Litla Hrauni i júni síð-
astliðnum. Hann hélt þá til Dan-
merkur en kom heim um síðustu
mánaðamót. Maður þessi hefur
hvað eftir annað hlotið dóma fyrir
innbrot og þjófnaði. Sem stendur
bíða flutnings fyrir Hæstarétti
fjögur mál, sem hann hefur verið
dæmdur fyrir, og er gert ráð fyrir
að fyrsta málið af þessum verði
tekið fyrir í næsta mánuði. Fleiri
kærur á þennan sama mann eru
til meðferðar hjá Rannsóknar-
lögreglu ríkisins.
Sr. Gutinar
Arnason
látinn
Sr. Gunnar Árnason, fyrrum sókn-
arprestur í Kópavogi, andaðist í gær
84 ára að aldri.
Gunnar fæddist að Skútustöðum
við Mývatn 13. júní 1901, sonur
Árna Jónssonar prófasts og alþing-
ismanns og seinni konu hans, Áuð-
ar Gísladóttur. Hann lauk stúd-
entsprófi frá Menntaskólanum i
Reykjavík 1921 og hóf að því loknu
guðfræðinám við Háskóla íslands
sem hann lauk 1925. Sama ár gerð-
ist hann prestur í Bergstaðapresta-
kalli en færði prestsetrið frá
Bergstöðum að Æsustöðum árið
eftir. Þar sinnti hann prestsskap
og búmennsku allt til ársins 1952.
Gunnar fluttist til Kópavogs
1952 og hóf prestsþjónustu i Bú-
staöaprestakalli, en þá töldust
bæði Kópavogs- og Bústaðasóknir
til þess. Kópavogssókn varð sjálf-
stætt prestakall árið 1964 og tók
hann þá við þvi. Þar þjónaði hann
til 1971 er hann fékk lausn frá
embætti.
Sr. Gunnar Árnason sat í stjóm-
um margra félaga og samtaka.
Meðal annars sat hann i stjórn
Guðbrandsdeildar Prestafélags ís-
lands frá stofnun hennar 1931 til
1952 og var formaður siðustu tiu
árin. Hann var einnig formaður
Framfarafélags A-Húnvetninga
um nokkurt skeið auk þess sem
Skógræktarfélag A-Húnvetninga
laut formennsku hans frá stofnun
þess til 1952.
Fjöldi ritsmíða liggja eftir
Gunnar, ritgerðir, greinar, þýð-
ingar og leikrit. Tvö leikrita hans,
Tvenn spor í snjónum og Síðasta
páskamessa prestshjónanna i Jök-
ulfirði, hlutu verðlaun og einnig
nokkrar af greinum hans.
Gunnar kvæntist Sigríði Stef-
ánsdóttur 1928, en hún lést 1970.
Sr. Gunnar Arnason
Þau eignuðust fimm börn; Þóru,
fædd 1929, Árna, fæddur 1930,
Stefán Magnús, fæddur 1933, Auð-
ólf, fæddur 1937, og Hólmfríði
Kolbrúnu, fædd 1939.
Morgunblaðið/E.G.
Starfsmenn Vogalax fagna tvöþúsundasta laxinum sem snúið hefur aftur úr hafbeitinni. Það er Sveinbjörn
Oddsson stöðvarstjóri sem heldur á laxinum.
Vogalax:
Góðar heimtur úr hafbeit
UM 2.000 laxar af 21.000 seiðum
sem sleppt var í fyrra hafa komið
til baka í fískeldisstöðina Vogalax
að Vogum á Vatnsleysuströnd. Það
eru tæplega tíu prósent heimtur,
sem þykir mjög gott því venjulega
eru heimturnar ekki meiri en sex
til sjö prósent. Starfsfólk stöðvar-
innar fagnaði tvöþúsundasta laxin-
um seint á þriðjudagskvöld, en
endurkomutíma laxins er enn ekki
lokið svo allt stefnir í að heimturn-
ar verði eins og þær gerast bestar í
hafbeitarstöðvum.
Laxinn hefur innbyggða rat-
vísi sem beinir honum aftur á
þær slóðir þar sem hann kom í
sjóinn fyrst. Að sögn Gunnars
H. Hálfdanarsonar eru afföllin
þó alltaf mjög mikil á eldislaxi,
en ef seiðin eru í góðu ásigkomu-
lagi og hafa verið rétt meðhöndl-
uð ættu heimturnar að geta
batnað verulega.
Laxaseiðin sem Vogalax
sleppti í eru af svokölluðum
Kollafjarðarstofni en þann stofn
sagði Gunnar nú orðinn nokkuð
gamlan miðað við aðra eldis-
stofna hérlendis. Þar sem þessi
einkenni laxins að rata aftur á
æskustöðvarnar eru erfðabundin
má reikna með því að nýtnin
aukist stöðugt, hluti laxanna
sem snýr aftur árlega sé notaður
til undaneldis og því hljóti ein-
kennin að styrkjast.
Vogalax mun nú hefja fiskeldi
og er ætlunin að nota 500 af
þeim löxum sem endurheimtast
til undaneldis. Afgangurinn
verður væntanlega seldur til
Ameríku.
Hlé í samningaviðræðiim VMSÍ og VSÍ um nýjan bónussamning:
Bónusvinna stöðvuð 9. sept.
hafi samningar ekki tekist
— Aðalkröfu VMSÍ um 30 króna álag á unna vinnustund vísað frá
SAMNINGAVIÐRÆÐUM Vinnuveitendasambands íslands og Verka-
mannasambands íslands um nýjan bónussamning fyrir fiskvinnufólk hefur
verió frestað fram í byrjun september að ósk vinnuveitenda sem töldu sig
þurfa betri tíma til að kynna sér ýmsar hliðar kröfugerðar Verkamannasam-
bandsins. Næsti fundur hefur verið ákveðinn 4. september og verði þá ekki
orðin breyting á afstöðu vinnuveitenda, en undirtektir þeirra við kröfum
VMSÍ hafa verið mjög litlar, að sögn Bolla Bollasonar Thoroddsen, sem er
fyrir samninganefnd VMSÍ, verður vinna í bónus stöðvuð frá 9. september og
ekki unnið í bónus fyrr en samkomulag hefur tekist um nýjan samning.
Fundir um nýjan bónussamning
hafa staðið það sem af er þessari
viku, en landssamningur um bón-
us var laus 1. júlí sfðastliðinn.
VMSÍ setti fram kröfugerð upp úr
miðjum júlímánuði, þar sem meg-
inkrafan var um að 30 króna fast
gjald kæmi á hverja unna vinnu-
stund í fiskvinnu. Þeirri kröfu
hafa vinnuveitendur vísað frá á
þeirri forsendu að slík launaupp-
bót heyri ekki undir bónussamn-
inga sem slíka, en benda á að sam-
kvæmt ákvæði í síðustu samning-
um frá 15. júní í sumar verði skip-
uð nefnd beggja aðila, þar sem
málefni fiskvinnslufólks verði
skoðuð.
Bolli sagði undirtektir við aðrar
kröfur VMSÍ mjög litlar. í stuttu
máli hefði flestum atriðum kröfu-
gerðarinnar verið hafnað og ekk-
ert atriði væri frágengið. Vinnu-
veitendur hefðu léð máls á einu
atriði, sem varðaði breytingu á
greiðslu fyrir nýtingu hráefnis við
snyrtingu á borðum, og hefðu þeir
á þeirri forsendu óskað frestunar
samningaviðræðna, þar eð þeir
töldu sig þurfa að skoða það mál
betur.
Önnur meginkrafa VMSÍ var að
svonefnt premíulaunakerfi yrði
lagt niður, en að sögn Bolla hefur
því einnig verið hafnað. „Okkar
fólk mun nota tímann. Það mun
hafa samband við aðildarfélögin
og undirbúa það að stöðva bónus-
inn frá 9. september, ef enginn
árangur hefur náðst, og svo mun
verða þar til nýir samningar hafa
verið gerðir," sagði Bolli ennfrem-
Aðalkröfu heilsugæslulækna
var hafnað af gerðardómi
GERÐARDÓMUR hefur fellt dóm í máli Læknafélags íslands gegn Trygg-
ingastofnun ríkisins sem fjallar um gjaldskrá heilsugæslulækna. Aðal-
kröfu, lækna þess efnis að gjaldskrá þeirra yrði sú sama og hjá sérfræðing-
um, var hafnað. í málflutningi tryggingastofnunarinnar kom fram að ef
gengið yrði að þessari kröfu jafngilti það allt að 300% hækkun á gildandi
gjaldskrá.
í gerðardómi sátu Gunnar
Guðmundsson héraðsdómslög-
maður af hálfu læknafélagsins,
Gunnar J. Möller hæstaréttarlög-
maður fyrir hönd Trygginga-
stofnunar rikisins og oddamaður
tilnefndur af Hæstarétti íslands
Haraldur Henrýsson sakadómari.
Að sögn Haralds eru helstu
niðurstöður gerðardóms þær að
uppbyggingu gjaldskrár heilsu-
gæslulækna er breytt. Komið er á
einingakerfi þar sem hvert lækn-
isverk er metið til ákveðinna ein-
inga. Hver eining kostar 15 krón-
ur. Minnstu viðtöl eru metin sem
fjórar einingar, og þau lengri tíu.
Styttri húsvitjanir lækna eru
tuttugu einingar, eða 300 krónur,
samkvæmt dómsúrskurði en fyrir
viðameiri vitjanir fá læknar
greitt ákveðið tímakaup fyrir
ferð auk 10 eininga fyrir viðtal og
skoðun.
Aðrar niðurstöður gerðardóms
eru, að nú hafa heilsugæslulækn-
ar leyfi til að leggja 10% álag
ofan á reikninga sína í sjö mán-
uði eða til febrúarloka 1986,
vegna liðins tíma eða frá því að
kjarasamningur þeirra féll úr
gildi. Felld eru niður gjöld fyrir
símaviðtöl en greiðsla fyrir viðtöl
á læknastofum hækkar um 24%.
Einnig eru ákvæði um greiðslur
til lífeyrissjóðs lækna, sem ekki
hefur verið áður, og rýmkaðar
eru reglur um orlof lækna. Kveð-
ið er á um rétt lækna til launa í
námsferðum og breytt ákvæði eru
um greiðslu í veikinda- og
barnsburðarleyfum.
„Við reyndum að samræma
gjaldskrána til að koma til móts
við kröfur beggja aðila, en um
föst laun lækna var ekkert fjall-
að, enda heyra þau undir samn-
inga BHM,“ sagði Haraldur enn
fremur. „Án efa leiðir gjaldskrár-
breytingin til einhverrar gjald-
hækkunar en um hve mörg pró-
sent er óvarlegt að segja. Gildis-
tími skrárinnar er frá 1. ágúst
1985 til 1. maí 1987 og við tókum
tillit til þess í niðurstöðum okkar.
Frekari hækkanir hennar eru
ekki aðrar en þær sem verða við
samninga BHM og rfkisins."
Bolungarvík:
Heimamenn viö
vegalagningu
UM ÞESSAR mundir standa yfir út-
boð á fyrstu framkvæmdum vegna
uppsetningar radarstöóvar við Bol-
ungarvík fyrir varnarliðið á Keflavík-
urflugvelli.
íslenskir aðalverktakar hafa
verkið með höndum, og sagði
Gunnar Þ. Gunnarsson fram-
kvæmdastjóri að stefnt væri að því
að leggja veg upp á fjallið fyrir
haustið svo framkvæmdir gætu
hafist af fullum krafti næsta
sumar. Taldi Gunnar líklegt að
vegalagningin yrði unnin af heima-
mönnum eingöngu. Uppsetning
radarstöðvarinnar er ekki bundin
ákveðnum tímamörkum, en Gunn-
ar sagði að verkinu yrði í fyrsta
lagi lokið árið 1987.