Morgunblaðið - 01.08.1985, Blaðsíða 16
m
MORGUNBLAÐIÐ, FIMMTUDAQUR 1. ÁGOST 1985
SUMARTILBOÐ
Copco útigrillin
meö 10% afslætti.
Góð vara Gott verð
Vandalisminn
á Hamrinum
— eftir Kristján
Bersa Ólafsson
Er ég sit við að fletta dagblöð-
um síðustu vikna, nýkominn úr
sumarleyfi, sé ég að bæjarstjórinn
í Hafnarfirði hefur talið sig þurfa
að svara aðfinnslum mínum út af
nýlegum framkvæmdum á Ham-
arskotshamri í Hafnarfirði, en
þær birtust í Morgunblaðinu 2.
júlí sl. Grein bæjarstjórans birtist
9. júlí, og tel ég óhjákvæmilegt að
gera við hana fáeinar athuga-
semdir, jafnvel þótt nokkur tími
sé liðinn.
Bæjarstjórinn segir að umrædd-
ar framkvæmdir á Hamrinum séu
í samræmi við skipulag svæðisins
sem samþykkt hafi verið um leið
og farið var fram á friðlýsingu
þess. Það má vel vera rétt, en sé
svo, þá hefur skipulaginu verið
breytt frá þeim tillögum sem lagð-
ar voru fyrir ýmsa aðila til um-
sagnar á undan og þær breytingar
ekki lagðar fyrir sömu aðila aftur.
Flensborgarskólinn og Fræðslu-
ráð Hafnarfjarðar fengu tillögur
um skipulag Hamarsins til um-
sagnar vorið 1982, og þá stóð á
teikningunni að umrætt svæði
skyldi vera „óhreyft land“, en til
greina kæmi þó að planta þar út
ýmsum trjágróðri, sem þó mætti
ekki verða of áberandi í landslag-
inu. Þessar tillögur voru sam-
þykktar í Fræðsluráði og síðan
hefur þar ekki verið um málið
B 0 K I N
Sparibókmésénmtum
Gullbókin sameinar kosti annarra sparnaðar-
leiða, en sníður af vankanta þeirra.
• V '
og þeim fjölgar ört, enda höfum
við hækkað vextina um 3% -
úr 31 upp í 34% á ári.
Samkvæmt spá Seðla-
bankans, hækkar lánskjara-
vísitala um 10,6% til áramóta,
en það samsvarar 22,3% á ári.
Ársfj órðungslega
er gerður samanburður á kjörum
Gullbókar og verðtryggðum þriggja mánaða
reikningum.
Pað skiptir engu máli hve oft þú tekur út, þú
færð ætíð fulla vexti á alla þína innstæðu.
Dæmi: Þú tekur út 10.000 kr. af 100.000
króna innstæðu. 1,7% vaxtaleiðrétting, 170 kr.
af 10.000 króna úttekt, dregst frá við vaxta-
færslu um næstu áramót.
Innstæðan, 90.000 krónur, ber eftir sem áður
hæstu vexti - nú 34% - allan tímann.
BÚNAÐARBANKINN
TRAUSTUR BANKI
Kristján Bersi Ólafsson
„Slíkt arkitektalandslag
getur vissulega farið vel,
en ekki á friðlýstu landi
eins og Hamrinum í
Hafnarfirði.“
fjallað, svo mér sé kunnugt, og
engar breytingar á skipulagstil-
lögunum lagðar þar fram til um-
sagnar. Ég stóð þess vegna í þeirri
trú að skipulagið sem bæjarstjórn
samþykkti 1. júní 1983 hefði verið
sama skipulagið og Fræðsluráð
Hafnarfjarðar fjallaði um vorið
1982, og af þeim sökum spurði ég
að því í grein minni, hvenær
skipulaginu hefði verið breytt.
Núna sé ég að nákvæmar hefði
verið að spyrja hvenær skipu-
lagstillögunum hafi verið breytt.
í grein minni lagði ég fram
þrjár ákveðnar og afmarkaðar
spurningar og bjóst við að fá við
þeim ákveðin og afmörkuð svör.
Þau er ekki að finna í grein bæjar-
stjórans, þótt túlka megi sumt í
henni sem óbeint svar við einni af
spurningunum. En hann sniðgeng-
ur alveg spurningu mína um hlut
Náttúruverndarnefndar Hafnar-
fjarðar og Náttúruverndarráðs að
þessum framkvæmdum, en þetta
eru þeir aðilar sem eiga að hafa
eftirlit með svæðinu samkvæmt
friðlýsingarskilmálunum.
En í rauninni er það ekkert af
þessu sem skiptir mestu máli. Það
sem skiptir máli er að á Hamrin-
um hafa verið unnin Iandspjöll,
sem sennilega eru óbætanleg, og
þá má einu gilda hvort þau hafa
verið ákveðin af mörgum eða fáum
ellegar samþykkt af þessum eða
hinum aðilanum. Verkið hefur
þegar verið unnið og það verður
tæplega aftur tekið. Verst er þó að
þeir sem fyrir verkinu standa
virðast ekki átta sig á því hvað
þeir hafa gert. Þeir virðast standa
í þeirri trú að með þessu séu þeir
að bæta landið og laga það,
„fegra“ það eins og nú er í tísku að
komast að orði. Bæjarstjórinn
segir að framkvæmdin sé fólgin i
því „að slétta út kargaþýfi", og
hann segir að það sé gert til „að
fegra“ og til að „gera svæðið að-
gengilegra fyrir almenning til úti-
vistar og skoðunar".
Sá sem svona talar virðist ekki
skilja að „kargaþýfi" — sem í
þessu tilviki voru þó ósköp venju-
Iegar smáþúfur — er iðulega
langtum eðlilegra landslag og
ánægjulegra „til útivistar og skoð-
unar“ en gervilandslag búið til af
skrúðgarðaarkitektum. Slíkt arki-
tektalandslag getur vissulega far-
ið vel víða, en ekki á friðlýstu
landi eins og Hamrinum í Hafnar-
firði. Með því að „slétta út karga-
þýfi“ og fylla upp í hvamminn,
sem áður var eitt helsta einkenni
landslagsins á þessum stað, hefur
landinu verið umturnað, og engin
leið er að kalla slíkt annað en
náttúruspjöll og vandalisma. Sú
nafngift breytist ekkert, þótt ljóst
sé að verkið hafi verið unnið í góð-
um tilgangi og i þeim einlæga
ásetningi að „fegra“ landið. Sá
vandalismi er oft og einatt verstur
sem unninn er með sliku hugar-
fari, og á honum er erfiðast að
taka, því að þeir sem hann vinna
vita ekki upp á sig neina skömm
og eru jafnvel hreyknir af ósóm-
anum.
Höfundur er skólameistnri Flens-
borgarskóla í Hafnarfirði.