Morgunblaðið - 08.08.1985, Blaðsíða 46

46
MORGUNBLADIÐ, FIMMTUDAGUR 8. ÁGÚST 1985
Reykjavík:
Danshöfundar á námskeiði
NÚ STENDUR yfir í Reykjavík námskeiA fyrir danshöfunda, sem haldið
er á vegum Norrænu leiklistarnefndarinnar og er þetta í fyrsta sinn sem
námskeið af þessu tagi er haldið hér á landi.
íslandslax:
Boranir
ganga vel
Boranir eftir heitu vatni á vegum
laxeldisfyrirtækisins íslandslax við
bæinn Stað vestur af Grindavfk hafa
gengið vel og rikir bjartsýni á að þær
skili þeim árangri sem til var vonast,
að því er Þórður H. Ólafsson, starfs-
maður íslandslax, tjáði Morgunblað-
inu.
Búið er að bora niður á 1050
metra dýpi og sagöi Þórður að
vatnið í botninum væri yfir eitt-
hundrað gráðu heitt. En til þess að
borholan skili tilætluðum árangri
þarf að vera hægt að dæla upp úr
henni 10 lítrum á sekúndu af 100
gráðu heitu vatni. Fæst væntan-
lega úr því skorið i næstu viku
hvort svo verður, en nú er verið að
athuga hve miklu vatnsmagni hol-
an getur skilað.
Þá er einnig verið að gera til-
raunir með að bora eftir sjó u.þ.b.
300 m frá landi á sömu slóðum á
vegum íslandslax. Er verið að
ganga frá fyrstu holunni með því
að stálfóðra hana að innan til þess
að útiloka ferskvatnið. Sagði
Þórður að ef vel tækist til með
saltvatnsboranirnar þýddi það að
hægt yrði að ala seiðin í saltvatni,
sem er þeim lífsskilyrði frá því að
þau hafa náð 30 gramma stærð,
þangað til þau ná slátrunarþunga
þar sem neðri mörk eru um tvö og
hálft kíló.
Fyrirtækið íslandslax er hluta-
félag, stofnað í desember sl., sem
Samband íslenskra samvlnnufé-
laga og dótturfyrirtæki þess eiga
51% í, en norska fyrirtækið Nord-
lax á 49%. Fyrirtækið á stóra
seiöaeldisstöð og nú er verið að
leggja síðustu hönd á hönnun á
eldisstöð sem tekið getur við seið-
unum eftir að þau ná 30 gramma
þyngd.
Á námskeiðinu er aðallega
fjallað um leikræna uppbygg-
ingu í dansverkum. Meðal kenn-
ara er Ulf Gadd, einn þekktasti
danshöfundur Svía. Hann hefur
gert mikið af því að semja sögu
balletta og á námskeiðinu fjall-
ar hann meðal annars um „Vor-
blót" eftir Stravinsky og sýnir
myndband með útfærslu sinni á
því verki. Einnig ve'rða aðrar út-
færslur þess sýndar og bornar
saman. Átli Ingólfsson tónskáld
fjallar sérstaklega um tónlist-
ina.
Annar fyrirlesari á námskeið-
inu er Dr. Bernd Köllinger frá
Austur-Berlín, en hann er list-
dansstjóri við „Den Komische
Oper“ þar í borg. Hann hefur
samið dansa við mörg þekkt
ballettverk, sem sýndir hafa
verið í Moskvu, Helsinki, Wies-
baden og víðar.
Þátttakendur á námskeiðinu
eru 26, 4 frá Finnlandi, 8 frá
Noregi, 5 frá Svíþjóð, 1 frá
Danmörku og 8 frá Islandi.
Hafa þeir flestir meðferðis
myndbönd af eigin verkum, sem
sýnd verða og rædd á námskeið-
inu.
Hópur dansara úr íslenska
dansflokknum og Kramhúsinu
munu sýna þátttakendum í
námskeiðinu dansverk eftir sig í
húsi Jóns Þorsteinssonar við
Lindargötu á föstudagskvöldið
9. ágúst og er sýningin jafn-
framt opin öðrum sem áhuga
hafa. Verk þetta verður sýnt á
Listahátíð æskufólks í Stokk-
hólmi síðar í þessum mánuði.
Réttvr
dðgsins
Margrét Þorvaldsdóttir
Agirnd gerir manninn fátækan
því auðæfi þessa heims veita ekki
sanna hamingju.
Hamingjusamur er sá sem heilbrigði
nýtur
og auðugur sá sem ekki skuldar.
Þessi gamla kínverska lífsspeki er
umhugsunarverð. Það á um leið vel
við að á borð verði borinn einfaldur
kínverskur fiskréttur. Þykir þessi
einkar bragðgóður. Þetta eru:
Sæt-súr
fiskflök með
sveppum
(fyrir 4—6)
800 gr fiskflök (smálúða, ýsa, karfi)
2 matsk. kínversk soya
1 tsk. monosodíum glutamate (þriðja
kryddið, má sleppa)
1 góðurlaukur
2 matsk. þurrkaðir kínverskir svepp-
ir eða (1 dós sveppir lítil)
4 matsk. matarolía
1 matsk. kartöflumjöl
2 matsk. hveiti
1 lítil dós tómatþykkni
2 matsk. vatn
2 matsk. edik (cider)
4 matsk. sykur
1. Ef notaðir eru þurrkaðir svepp-
ir þá eru þeir settir í sjóðandi vatn
og látnir standa um stund. Ef not-
aðir eru niðursoðnir svepir, sem
einnig eru ágætir, þá eru þeir sett-
ir á sigti og vökvinn síaður frá.
2. Fiskurinn er roðflettur og
hreinsaður vel og síðan skorinn í
3x3 cm stóra teninga. Þeim er síð-
an raðað á disk eða fat og er gluta-
mati stráð yfir fiskinn og síðan
soyunni og látið standa í 10 mín.
(Glutamatið dregur fram bestu
bragðefnin I hráefninu, í þessu til-
felli í fiskinum.)
3. Hveiti og kartöflumjöli er
blandað sarnan og er fisktening-
unum velt upp úr mjölinu. Matar-
olía 2 matsk. er hituð vel á pönnu
og er fiskstykkjunum raðað á
pönnuna, ekki þétt og síðan steikt
ljósbrún. Þau eru tekin af pönrt-
unni og haldið heitum.
4. 2 matsk. matarolía er hituð á
pönnu og er laukurinn léttsteiktur
í feitinni og er sveppunum síðan
bætt út í og steiktir með smá-
stund.
5. Laukur og sveppir eru settir yf-
ir fiskinn og blandað varlega sam-
an.
6. Þá er það sósan. Hún er ómiss-
andi með þessum fiskrétti. í litl-
um potti er tómatþykkni, vatni,
ediki og sykri blandað saman og
hitað varlega að suðu. Þeir sem
vilja sterkari sósu bæta við cider-
ediki.
Með fiskinum eru einnig borin
fram soðin grjón og gjarnan sæt-
súrt
Agúrkusalat:
1 agúrka
1 sftróna
'A bolli mayones
2 matsk. sykur u.þ.b.
Agúrkan er hreinsuð vel og
græna skinnið numið burt. Hún er
síðan skorin í strimla og söxuð
smátt. I mayones er blandað sykri
og er hann síðan hrærður út með
safa úr 'h—1 sítrónu, eða eftir
smekk.
Verð á hráefni
kr.
HVERTSEM
TILEFNIÐ ER
ÞÁ ER ÁTTHACASALURINN SNJÖLL LAUSN
Átthagasalurinn Hótel Sögu er sniðinn fyrir öll hugsanleg mannamót. Hann hentar jafnt stórum sem
smáum hópum, allt frá 20 tll 200 manns og starfsfólk okkar kappkostar að uppfylla hvers konar óskir
um veitingar og þjónustu.
Viö veitum allar frekari upplýsingar um verð og þjónustu og gefum góð ráð. Hafðu samþand við
veitingadeildina í síma 29900.
Við leysum málið.
GILDIHF
• smá og stór afmæll
• Fermingarvelslur
• Skírnarveislur
• Ættarrmót
• Erfldrykkjur
• Hádeglsverðarboð
• Kaffisamsætl
• Kvöldverðarboð
• Brúðkaup
• Árshátíðir
• Útskriftarveislur
• Fundir
• Ráðstefnur
• Vinasamsæti
• o.fl. o.fl.
800 gr smálúða 120,00
1 lítil dós sveppir 51,00
1 sítróna 10,00
1 dós tómatkraft 7,80
1 agúrka 28,00
216,80