Morgunblaðið - 08.08.1985, Síða 26

26
MORGUNBLAÐIÐ, FIMMTUDAGUR 8. ÁGÚST 1985
Ceausescu, Rúmeníuforseti:
Ólympíuleikar eru
fyrir allar þjóðir
Kóreu geti að þessu leyti vísað veg-
inn.
Stuðningur Ceausescus við
Ólympíuleikana í Seoul kemur í
kjölfar þeirrar yfirlýsingar Sov-
étmanna, að þeir ætli að taka
þátt í leikunum en nokkur vafi
þótti um, að þeir og aðrar
Austur-Evrópuþjóðir myndu
senda íþróttamenn sína til Seoul.
Juan Antonio Samaranch, forseti
alþjóðaólympíunefndarinnar, var
gestur Ceausescus sl. föstudag og
segir í málgagni rúmenska
kommúnistaflokksins, að þá hafi
Samaranch sæmt Ceausescu einu
æðsta heiðursmerki Ólympíu-
nefndarinnar fyrir stuðning hans
við ólympíuhugsjónina. Rúmenar
voru eina austantjaldsþjóðin,
sem sendi lið til Los Angeles í
fyrra en hinar fóru að dæmi Sov-
étmanna, sem sátu heima.
í Scinteia, málgagni rúmenska
kommúnistaflokksins, segir, að
Ceausescu hafi komist þannig að
orði í ræðu, sem hann flutti í hófi
til heiðurs Samaranch, að á
Ólympíuleikunum ættu bestu
íþróttamenn allra þjóða að keppa
án tillits til stjórnmálalegs
ágreinings eða annarrar tog-
streitu þjóða í milli.
BúkareHt. Kúmeniu. AP. pÓHtískum ÁtÖkum þjÓÓa í mílli Og
NICOLAE ('eausescu, Rúmeníufor- kveóst hann vona, að málin leysist
seti, segir nauósynlegt, aó Ólympíu- þannig „fyrir allar þjóóir“, aó
leikunum verði framvegis hlíft við Ólympíuleikarnir í Seoul í Suöur-
Fagnað á 85 ára afmœlisdeginum
Hér sjást þær Margrét Rósa prinsessa, Elísabet II. Bretadrottning og
Elísabet drottningarmóðir koma frá messu í Sandringham-kirkju á
sunnudag. Drottningarmóðirin átti 85 ára afmæli þann dag, og var
henni vel fagnað af börnum og fullorðnum er hún kom til bústaðar
síns í London á mánudag.
AP/Símamynd
Freddie Laker lávarður á góðri stundu, þegar allt lék í lyndi og flugfélag
hans var enn starfandi.
Laker kvænist
í fjórða
Lewes, Knglandi, 6. ágúsL AP.
Flugfrömuðurinn Freddie Laker
lávarður, eigandi Laker-flugfélags-
ins, sem varð gjaldþrota árið 1982,
gerði smáhlé á áralögnum málaferl-
um sínum í dag, til að kvænast fyrr-
verandi flugfreyju, daginn sem hann
varð 63 ára.
Jaqueline Ann Harvey heitir
brúðurin og er hún fjórða eigin-
kona Lakers. Hjónakornin hyggja
á brúðkaupsferð til ítölsku eyjar-
innar Caprí og fara þaðan til Ba-
hamas-eyjanna.
Harvey er 42 ára gömul og vinn-
ur við almannatengsl, en var áður
flugfreyja hjá flugfélaginu East-
sinn
ern Airlines.
Flugfélag Lakers bauð á árum
áður mjög hagstæð fargjöld á
millilandaflugi yfir Atlantshafið,
en fyrir þremur árum varð félagið
gjaldþrota. Laker stendur enn í
miklum málaferlum vegna gjald-
þrotsins, en fyrir um mánuði síðan
komust nokkrir lánardrottnar fé-
lagsins að samkomulagi við 10
flugfélög sem bjóða ferðir yfir
Atlantshafið og Laker sagði að
hefðu viljandi komið félagi hans
fyrir kattarnef. Hljóðuðu greiðsl-
ur félaganna til lánardrottnanna
upp á 48 milljónir Bandaríkjadala.
Flugslysið við Dallas þar sem 132 fórust:
Þotan flaug inn í högg-
vind rétt fyrir lendingu
TALIÐ ER að höggvindur, óvænt
og skyndilegt niðurstreymi lofts,
hafl valdið því að þota frá Delta-
flugfélaginu fórst í aðflugi til Forth
Worth-flugvallarins við Dallas í
Texas á laugardaginn. Veður var
slæmt við flugvöllinn þegar þotan
skall til jarðar. Biðu 132 bana í
flugslysinu, en 31 komst lífs af.
Þotan var af gerðinni Lockheed
Tri-star.
Að sögn flugvallaryfirvalda
gáfu þar til gerðir vindmælar á
flugvellinum ekki til kynna að
hætta væri í aðsigi. Sérstök og
mjög fullkomin mælitæki innan
vallar og utan mæla stöðugt loft-
strauma á og við flugvöllinn.
Eru þau tengd tölvu, sem gefur
umsvifalaust til kynna ef hegðan
loftstraumanna er á þann veg að
búast megi við höggvindi. Við-
vörun af þessu tagi kom fram 10
mínútum eftir lendingu, og full-
víst þykir því að höggvindur hafi
verið í nágrenni vallarins.
Rannsókn á hljóðrita þotunn-
ar bendir til að hún hafi verið að
liðast í sundur er hún kom út úr
þrumuskýi í 15—30 metra hæð
yfir jörðu. í sama mund heyrist
rödd flugumferðarstjóra, sem í
örvæntingu segir flugmönnun-
um að hætta við lendingu. Einn-
ig gellur viðvörunartæki í klefa
flugmannanna að klifrað skuli.
Sérfræðingar segja að þotan
kunni að hafa snert jörðu áður
en hún kom út úr þrumuveðrinu
og þess vegna verið að liðast í
sundur.
Skömmu fyrir lendingu var
Delta-þotan beðin að hægja
ferðina, því hún nálgaðist óðum
litla einkaþotu, sem átti i erfið-
leikum í aðfluginu vegna óveð-
urs. Flugmaður litlu þotunnar
kvaðst hafa átt í miklum erfið-
leikum með að stjórna fari sínu.
í brotlendingunni skoppaði þota
Delta-flugfélagsins eftir jörð-
inni áður en hún staðnæmdist
skammt frá flugbrautarenda. Er
hún nam loks staðar varð
sprenging í henni.
Samskonar búnað og á Forth
Worth-flugvellinum er að finna
á 60 öðrum flugvöllum í Banda-
ríkjunum, en nú telur banda-
ríska flugmálastjórnin búnað af
þessu tagi ekki nógu áreiðanleg-
an. Sökum þess verður jafnvirði
15 milljarða íslenzkra króna var-
ið til uppsetningar á svokölluð-
um Doppler-veðurratsjám, sem
sagðar eru „sjá“ inn í veðurkerf-
in og vera miklu áreiðanlegri en
þau mælitæki, sem nú eru notuð.
Ætlunin er að 100 bandarískir
flugvellir verði búnir Doppler-
veðursjám.
Þeir sem komust Hfs af í slys-
Þannig hugsa veðurfræðingar og flugsérfræðingar sér að aöstæður hafi
verið við Forth Worth-flugvöllinn. Flugvélin flýgur inn í gífurlegt loftnið-
urstreymi, höggvind, reikar af flugstefnu, missir hæð og hraða og brot-
lendir skammt frá flugvellinum.
inu við Forth Worth sátu aftast
í þotunni, en sá hluti hennar
brotnaði af er hún brotlenti
skammt frá flugbrautinni. I hópi
hinna slösuðu eru nokkrir lífs-
hættulega særðir, en 10 sluppu
án þess að hljóta meiðsl.
Höggvinda er jafnan að finna í
grennd þrumuveðurs. Steypist
þá venjulega kaldur loftstraum-
ur til jarðar og dreifist í allar
áttir niður við jörð. í aðflugi
kemur þetta út sem flugvélin
fljúgi inn í meiri mótvind og
uppstreymi. Aðeins stundar-
korni síðar breytist mótvindur-
inn í meðvind og uppstreymi
lofts í niðurstreymi. Við það
missir flugvélin hæð, enda eins
og þrýst sé ofan á hana af helj-
arafli, og þegar aðstæður af
þessu tagi verða niður við jörð er
lítið svigrúm til athafna, viti
flugmennirnir ekki af hættunni
áður en þeir fljúga þotunni inn í
höggvindinn.
*
S
FLISAR A
NIÐURSETTU VERÐI
Við rýmum fyrir nýrri sendingu af
flísum og seljum hluta af gömlum birgðum
á niðursettu verði.
Gríptu tækifærið meðan það gefst því
hjá okkur færð þú fallegar ítalskar og þýskar
gæðaflísar fyrir lágt verð.
Nú verða þeir fyrstu fyrstir ...
HLISA
SMIOJAINI
Súðarvogi 3-5