Morgunblaðið - 14.08.1985, Blaðsíða 4

4
MORGUNBLAÐIÐ, MIÐVIKUDAGUR 14. AGÚST 1985
Italskt skemmtiferða-
skip varð frá að
hverfa vegna veðurs
ÍTALSKT skcmmtiferöaskip, C. Eugenio, komst ekki að bryggju í Keykjavík
í gærdag vegna veðurofsa, og varð frá að hverfa án þess að nokkur af 750
farþegum þess fengi stigið fæti á íslenska grund. í gærmorgun voru milli 9
og 11 vindstig úti af Ytri höfninni í Reykjavík og ekki á það hættandi að taka
skipið upp að. Var ákveðið að bíða fram eftir degi og sjá hvort veður lægði, en
um miðjan dag var vindur enn mikill, svo skipstjórinn taldi ekki ástæðu til
að bíða lengur og sigldi skipið á haf út skömmu síðar. C. Eugenio er 217
metra langt og er stærsta skemmtiferðaskip sem til landsins mun koma í
Ferðaskrifstofan Atlantik hafði
undirbúið skoðunarferð og mat
fyrir um 600 farþega skipsins og
sagði Ólafía Sveinsdóttir hjá Atl-
antik að þarna hefðu veðurguðirn-
ir reynst þeim dýrir.
„Þetta er búið að vera mikill
barningur frá því snemma í morg-
un. Skipið fylgir strangri tíma-
áætlun og það stóð til að það færi
aftur um sexleytið, en við lifðum í
voninni fram yfir hádegi að hægt
yrði að taka skipið upp að og
seinka brottför eitthvað. En spáin
fyrir kvöldið var slæm og því
ákvað skipstjórinn að tefja ekki
frekar. En okkur tókst þó að skila
nokkrum farþegum um borð, sem
komu til landsins flugleiðis," sagði
Ólafía.
Ólafía sagði að svo virtist sem
þetta skip væri hálfgerður óheilla-
gripur, því síðast þegar það kom
til Reykjavíkur fyrir tveimur ár-
um skemmdi það krana í Sunda-
höfn. „Við erum farin að verða
hálf hjátrúarfull varðandi þetta
skip,“ sagði Ólafía.
C. Eugenio kom til íslands frá
Bretlandi og hélt héðan áleiðis til
Boston og New York. Það mun
ekki hafa viðdvöl í Reykjavík á
heimleið sinni.
ítalska skemmtiferðaskipið C. Eugenio, 217 metrar að lengd. Veðurhæðin
var svo mikil í Reykjavík í gær að skipið komst ekki að bryggju.
Umferð frá heimkeyrslum
að sveitabæjum víki ávallt
fyrir umferð á þjóðvegum
UMFERÐ á einkavegum, svo sem
heimkeyrslum að sveitabæjum,
skal ævinlega víkja fyrir umferð á
þjóðvegum, þó að engin umferðar-
'merki séu er gefi slíkt til kynna.
Ákvæði um þetta er að finna í
48. grein umferðarlaganna en
þar segir: „Þeir sem aka frá brún
akbrautar, einkavegum, löndum,
lóðum, bifreiðastæðum eða aka
yfir gangstéttir, skulu víkja fyrir
umferð á vegi þeim, sem ekið er
inn á.“
Morgunblaðið hafði samband
við Óskar Ólason, yfirlögreglu-
þjón umferðardeildar, vegna
fyrirspurnar lesanda, sem að
gefnu tilefni lék hugur á að vita
hver væri réttur ökumanna á
þjóðvegum. Sagði óskar að um-
ferð af þeim vegum sem nefndir
væru í lagagreininni ætti skil-
yrðislaust að víkja fyrir umferð á
þeim vegi sem ekið væri inn á.
Þar gilti almennur umferðar-
réttur aldrei, þó ökumenn álitu
oft svo, þar sem hvergi væri að
finna biðskyldu- eða stöðvun-
arskyldumerki á slíkum vegum.
o
INNLENT
Frá fundi Greenpeace á Hótel Loftleiðum í fyrrakvöld. Lengst til vinstri er Stephen McAllister.Mor|íunblað'ö/RAX
Miklar deilur meðal grænfriðunga um baráttuaðferðir eftir
opinn fund þar sem þeir fóru mjög halloka:
Sögðu fundinn
vera „stórslys“
MIKLAR deilur risu meðal græn-
friðunga eftir almennan kynningar-
fund, sem þeir héldu í fyrrakvöld á
Hótei Loftleiðum. Þóttu grænfrið-
ungar fara þar mjög halloka og ekki
hafa á reiðum höndum mótrök gegn
rökum íslendinga fyrir vísindalegum
veiðum sínum. Var hart deilt á for-
svarsmennina fyrir að hafa undir-
búið fundinn illa, meðal annars að
hafa ekki séð til þess að túlkur yröi
viðstaddur til að túlka milli íslensku
og ensku. Þótti það bera vott um
lítilsvirðingu á málstað íslendinga
að ætlast til þess að þeir ræddu mál-
in á ensku við grænfriðunga. Þá
voru margir Evrópubúar í hópi
grænfriðunga ekki hrífnir af hótun-
um um refsiaðgerðir gegn íslenskum
útflutningi breyttu íslendingar ekki
um afstöðu. „Stórslys" var orðið
sem grænfriðungar um borð í Síríusi
notuðu um fundinn er Morgunblaðið
hitti þá þar að máli i gærdag.
Á fundinum kom fram að and-
staða grænfriðunga gegn hval-
veiðum íslendinga í vísindalegu
skyni, markast ekki af því að þeir
hafi á reiðum höndum efnisleg rök
gegn vísindalegum veiðum íslend-
inga, heldur af því að þeir bera
velferð hvala fyrir brjósti umfram
önnur spendýr á jörðinni. Þeir
munu aldrei koma til með að
sætta sig við hvalveiðar af einu
eða öðru tagi, þó svo sýnt verði
fram á að óhætt sé að veiða úr
stofnunum án þess að þeim stafi
útrýmingarhætta af.
Þessi var í það minnsta afstaða
Stephen McÁllister, talsmanns
grænfriðunga á fundinum. Hann
fullyrti ennfremur að þetta væri
og afstaða 2 milljóna stuðnings-
manna grænfriðunga, en það kom
ekki heim og saman við það sem
grænfriðungar um borð í Síríusi
sögðu. Virtust þeir ekki á einu
máli hvað þetta atriði varðaði.
Aðspurður um hvað grænfrið-
ungar hefðu við vísindaáætlun ís-
lendinga að athuga, sagðist McAll-
ister ekki geta svarað því, til þess
skorti hann þekkingu, en hann
sagði vísindamenn væntanlega
síðari hluta vikunnar sem gætu
svarað því. Þá vísaði hann til álits
vísindanefndar Alþjóðahvalveiði-
ráðsins. Bandarískur vísindamað-
ur, dr. Lampertsen, sem stundað
hefur rannsóknir á hvölum hér við
land, sagði vísindanefndina ekki
virðulega vísindastofnun, margir
viðkomandi vísindamanna væru
handbendi ríkisstjórna sinna og
hefðu ekki einu sinni séð hvali.
Jakob Jakobsson, forstjóri Haf-
rannsóknarstofnunar, sagði það
alrangt að vísindanefndin hefði
lagst gegn vísindalegum veiðum
Islendinga, eins og grænfriðungar
héldu fram. Hið rétta væri að hún
hefði aðeins skoðað fyrstu þrjá liði
áætlunarinnar og klofnað í fjóra
minnihluta í afstöðunni til henn-
ar. Aöeins einn þessara minni-
hluta hefði verið á móti fyrirætl-
unum íslendinga.
„Ég hef tekið þátt í aðgerðum
grænfriðunga gegn losun úrgangs-
efna í hafið og hefði verið tilbúinn
til að hætta lífi mínu fyrir mál-
staðinn, en nú er ég efins. Ég er
ekki sammála því að reynt sé að
beita Islendinga viðskiptaþving-
unum. Ég hélt við værum hingað
komnir til að ræða við íslendinga
fyrst og sannfæra þá með rökum,
en vera ekki með yfirgang," sagði
Ricardo Sagarminaga, sem er frá
fiskiþorpi í spánska Baskalandi.
Hann sagðist hafa óbeit á svona
vinnubrögðum og skilja viðbrögð
íslenskra sjómanna vel, sem ættu
allt sitt undir fiskveiðum, enda
væri hann frá fiskiþorpi. Sama
viðhorf kom fram hjá fleiri
grænfriðungum. „Þegar við reynd-
um að stöðva það að úrgangsefni
væru losuð í Norðursjóinn, fannst
mér það göfugur málstaður sem
við börðumst fyrir. Við vorum
Davíð að berjast við Golíat og það
fannst fólki út um allan heim líka
og við höfðum samúð þess. Nú er
allt annað upp á teningnum. Menn
verða að hugsa sinn gang. Þeir
þykjast geta komið frá sínum
stóru Bandaríkjum og sagt: „Ef
þið gerið ekki eins og við viljum þá
eyðileggjum við alla ykkar mark-
aði“. Margir okkar eru frá litlum
þjóðum, Hollendingar, Danir og
fleiri og við kunnum ekki að meta
svona yfirgang,” sagði Ricardo
Sagarminaga ennfremur.
Hjá öðrum grænfriðungum kom
fram að um taktísk mistök væri að
ræða í þessari baráttu. Hins vegar
voru þeir á einu máli um það að
lslendingar hefðu visindin að yfir-
skini í veiðum þeim sem þeir ætl-
uðu að stunda. Sögðu þeir að
hvalveiðar í atvinnuskyni gætu
ekki farið saman við vísindalegar
veiðar og nefndu að opna þyrfti
hvalinn strax og hann hefði veiðst
til að kæla hann, þannig að hann
gæti orðið útflutningsvara. Við
það töpuðust mikilvæg vísindaleg
gögn.
Hafnarfjörður:

Framkvæmdir hefjast við
nýja lögreglustöð í haust
Llki*TJ<U*T,rtÍl(e"*0
Ktt»
Samstarfsnefnd um opinberar
framkvæmdir hefur heimilað út-
boð á framkvæmdum við innrétt-
ingar og fullnaðarfrágang í nýju
lögreglustöðinni við Helluhraun í
Hafnarfirði, og má búast við að
vinna hefjist þar með haustinu.
Áætluð verklok eru í janú-
armánuði árið 1987 og er gert
ráð fyrir að verkið kosti 23
milljónir króna. Fjárveiting er
fyrir hendi til að byrja á verk-
inu, en viðbótarfjárveiting
verður að koma til á næsta ári,
að sögn Þorsteins Geirssonar
ráðuneytisstjóra dómsmála-
ráðuneytisins.
Lögreglumenn í Hafnarfirði
hafa verið mjög óánægðir með
núverandi húsakost sinn í
Hafnarfirði, og hafa Vinnueft-
irlit ríkisins og Heilbrigðisráð
Hafnarfjarðar lýst húsnæðið
óviðunandi. Á það bæði við um
vinnuaðstöðu lögreglunnar og
fangageymslur. Húsnæðið á
Helluhrauni var keypt fyrir
hálfu þriðja ári, þá tilbúið und-
ir tréverk, en ekkert hefur ver-
ið unnið í því hingað til.
Um síðustu mánaðamót
skoðuðu fulltrúar Heilbrigðis-
ráðs Hafnarfjarðar fanga-
geymslurnar og gerðu þá kröfu
að þær yrðu færðar til betri
vegar fyrir 15. þessa mánaðar,
ella yrði farið fram á það við
lögreglustjóra að geymslunum
yrði lokað. Var einkum lögð
w* •«* **
I I l ---- I
Lrr
[\
Fyrsta fréttin um ástandið í gömlu lögreglustöðinni í Hafnarfirði birtist i
Morgunblaðinu I. ágúst sl.
áhersla á að loftræstingin yrði hefðu komið til að kann að-
bætt. stæður og væntanlega yrði haf-
Lögreglumenn í Hafnarfirði ist handa við endurbætur inn-
sögðu í gær að iðnaðarmenn an tíðar.