Morgunblaðið - 14.08.1985, Blaðsíða 45
MORGUNBLAÐIÐ, MIÐVIKUDAGUR 14. ÁGÚST 1985
45
Aðalsteinn Aðalsteinsson á Rúbfn frá Stokkhólma.
Eiríkur Guðmundsson á Hilding frá Hofsstaðaseli.
Ragnari Tómassyni liösstjóra er fleira til lista lagt en að vafstra í félagsmálum hestamanna og
selja fasteignir því hann er prýðis reiðmaður og hér situr hann skeiðgamminn Börk frá
Kvíabekk í úrslitum A-flokksgæðinga á fjórðungsmótinu í sumar.
þess að hafa á flestum ef ekki öll-
um mótunum verið í verðlauna-
sætum. Þótt Reynir sé ekki með í
þetta skipti er ekki þar með sagt
að hann sé búinn að leggja árar í
bát og er vonandi að islenskar
keppnissveitir framtíðarinnar eigi
eftir að njóta félagskapar hans því
það er vandfyllt skarðið sem hann
skilur eftir sig.
Að síðustu er rétt að geta liðs-
stjórans sem er Ragnar Tómasson
sem er velþekktur meðal hesta-
manna. Hann starfar sem fast-
eignasali í Reykjavík en hefur ver-
ið viðriðinn hestamennskuna hátt
í tvo áratugi. Hlutverk liðsstjóra
er að sjá um ýmsa hluti utan vall-
ar, útvega þá hluti sem nauðsyn-
legir mega teljast og vera liðs-
mönnum til ráðuneytis um hvern-
ig best er að haga hlutunum þegar
í keppnina er komið. Dómarar
fyrir Islands hönd á þessu móti
verða þeir Sveinn Jónsson og Haf-
liði Gíslason.
Mótsstaðurinn sagður
sá besti
Mótið er að þessu sinni haldið
hjá bænum Vargarda sem er um
70 km norðaustur af Gautaborg.
Hefst það fimmtudaginn 15. ágúst
en þá fara fram kynbótadómar og
er það í fyrsta skipti sem kynbóta-
hross eru leidd í dóm á evrópu-
móti. Hver þátttökuþjóð má senda
tvö hross en aðeins eitt hross
mætir héðan. Er það hryssan
Hilda frá Stykkishólmi en hún
varð sem kunnugt er önnur í
flokki hryssna sex vetra og eldri á
fjórðungsmótinu í sumar. Meðal
dómara verður Þorkell Bjarnason
og verður hann yfirdómari.
Samkvæmt dagskrá mun mót-
inu Ijúka sunnudaginn 18. ágúst.
Mótssvæðið heiitir Tanga Hed og
er það æfingasvæði sænska hers-
ins. Ragnar liðsstjóri fór þangað
fyrir skömmu til að kanna aðstæð-
ur og taldi hann þetta bestu að-
stöðu sem hann hefur séð fram að
þessu fyrir mót sem þetta. Húsa-
kostur á svæðinu er góður, fjöldi
svefnskála, snyrting og baðað-
staða. Hesthús verða í formi
tjalda en hestarnir frá Islandi eru
í girðingu um 150 metra frá vall-
arsvæðinu og hafa liðsmenn þar
tvö hjólhýsi sem verður þeirra
bækistöð á mótsstaðnum. Sjálfir
munu þeir gista á hóteli skammt
frá og sagði Ragnar að það tæki
um fimm mínútur að ganga frá
hótelinu út á mótssvæðið. Öll að-
staða til upphitunar keppnis-
hrossa er eins og besta verður á
kosið. Vellina, þ.e. 200 metra
hringvöllur og skeiðbraut, kvað
Ragnar vera góða. Ekki var reynd-
ar búið að valta hringvöllinn þeg-
ar Ragnar var þarna á ferðinni en
hann sagði að efnið í honum væri
þess eðlis að hægt væri að ráða
hversu harður völlurinn yrði en
það réðist af því hversu mikið
væri valtað. Skeiðbrautin er aftur
harður malarvegur og sagðist
Ragnar búast við hún reyndist vel.
Upphaflega átti að halda mótið
í Alingsas sem er örlftið nær
Gautaborg. En með stuttum fyrir-
vara var því breytt og töldu marg-
ir vafasamt hvort Svíarnir réðu
við þetta verkefni en eftir að hafa
hitt fólk sem sér um undirbúning-
inn fyrir mótið kvað Ragnar bera
fullt traust til þeirra og efaðist
hann ekki eitt augnablik um að vel
verði staðið að öllum þáttum varð-
andi undirbúning og mótshald.
Hófleg bjartsýni um
árangur Islendinganna
Sú kenning hefur átt vaxandi
fylgi að fagna að tslendingar sendi
annars flokks hesta á annað hvert
evrópumót. Eru rökin þau að árið
fyrir Landsmót séu menn nískir á
góðu hestana og vilji heldur bíða
með þá til Landsmótsins. Ef litið
er til baka má sjá að mikið er til í
þessu. Á evrópumótið í Austurríki
’75 voru sendir nokkuð góðir hest-
ar og árangur nokkuð góður, einn
evrópumeistaratitill auk verð-
launasæta í öðrum greinum.
(Landsmót haldið árið á undan.) Á
næsta mót var einnig gott lið á
ferðinni og stemmir það ekki al-
veg við kenninguna því Landsmót
var haldið 1978 og ’79 var gott lið
aftur á ferðinni en því miður
fengu hestarnir ekki tækfæri til
að sanna getu sína vegna veikind-
anna sem áður var minnst á. I
Noregi ’81 voru hestarnir heldur í
lakari kantinum þótt sumir kepp-
endanna næðu góðum árangri,
ótrúlega góðum satt best að segja.
Síðan í Þýskalandi ’83 sendum við
út sterka sveit og árangurinn varð
þar hreint frábær. Tveir evrópu-
meistaratitlar og fjórir íslend-
ingar í úrslitum í fimmgangi.
Fyrir þá sem ekki vita eða muna
að þá var haldið Landsmót ’82.
Nú er Landsmót í vændum á
næsta ári og telja ýmsir að menn
hafi verið nískir á hesta sína í úr-
tökuna og ekki þurfi að búast við
að íslendingar ríði feitum hesti
frá þessu evrópumóti. Það sem olli
kannski hvað mestum vonbrigðum
var að ekki skyldu fást betri
fimmgangshestar í liðið en raun
varð á. Því þar höfum við verið
hvað sterkastir. Ekki er gott að
spá um árangur nema vita hversu
sterkir hestar munu mæta frá
öðrum þjóðum. Beinast augu
manna því helst að Þjóðverjum en
vitað er að einn mjög sterkur
fimmgangshestur er þar í sveit-
inni, stóðhesturinn Prati frá
Hlöðutúni sem Walter Feldmann
keppir á. Hefur hann náð að
skeiða 250 metrana á 22,0 sek sem
er reyndar sami tími og Hildingur
náði í fyrra. Einnig er Prati talinn
mjög sterkur í fimmgangi og jafn-
vel í töltinu líka. Frá Austurríki
koma tveir sterkir fimmgangs-
hestar, þeir Fjölnir frá Kvíabekk,
sem Tómas Ragnarsson varð
evrópumeistari á í Þýskalandi, og
Sóti frá Kirkjubæ. Þeir bræður
Jóhannes og Piet Hoyos keppa á
þessum hestum. Að sögn hefur
Fjölnir skeiðað á 22,5 sek í sumar
og má búast við að Jóhannes og
Feldmann muni koma sterklega
til greina sem sigurvegarar í
keppninni um stigahæsta kepp-
anda á fimmgangshesti. Af ís-
lendingunum er það Sigurbjörn
Bárðarson sem helst kæmi til með
að blanda sér í keppnina um þenn-
an titil en svona fljótt á litið eru
möguleikar hans hverfandi litlir.
Að mati undirritaðs eru mögu-
leikar okkar manna á evrópu-
meistaratitli mestir í skeiðinu og
er það Hildingur og Eiríkur sem
menn einblína á. Þegar aðstæður
eru góðar og tekst að láta hestinn
liggja er hann nokkuð öruggur
undir 23,0 sek og ætti það að gefa
von um verðlaunasæti en við
ramman er reip að draga sem eru
þeir Fjölnir og Prati. Einnig má
vænta að Blossi frá Endrup og
Dorte Rasmussen hin danska geti
blandað sér í baráttuna.
Öllum á óvart virðast möguleik-
ar á fjórgangslínunni heldur meiri
og er það keppnin um stigahæsta
keppandann sem við gætum átt
möguleika. Þeir Hreggviður og
Kristján verða þar í eldlínunni og
liggja möguleikar þeirra í því að
Þjóðverjarnir Hans Georg Gund-
lach á Skolla og Daniela Stein á
Seif frá Kirkjubæ fari ekki með
hesta sína i víðavangshlaupið, en
Þjóðverjarnir sniðgengu þá grein
á síðasta móti. Á þetta að sjálf-
sögðu við um aðra sterka keppend-
ur á fjórgangshestum, því lítið er
vitað um styrkleika óþekktra
hesta og knapa. Ekki má gleyma
Lárusi og Herði því margir telja
að hann eigi möguleika á sæti í
úrslitum í annaðhvort tölti eða
fjórgang og vissulega yrði það
ánægjulegt því þetta eru greinar
sem við höfum staðið höllum fæti
í.
Óstöðugleiki helsti
veikleikinn
Það væri ósanngjarnt að segja
að nú sé teflt fram lélegum hest-
um því þessir hestar hafa sýnt á
sér mjög góðar hliðar, en vera
kann að veiki punkturinn sé
hversu misgóðir þeir hafa reynst í
keppnum. Er þetta því mikil
spurning um það hvort þeir eigi
það sem kallað er góðan dag. Því
má segja að á góðum degi geti
þessir hestar náð langt og er von-
andi að svo verði með sem flesta
af þessum sjö hestum. í þessu
sambandi má nefna að ósjaldan
hefur það gerst að íslendingarnir
komi verulega á óvart á evrópu-
mótunum.
Fyrst hér var minnst á veikan
punkt er viö hæfi að geta þess
sterka líka. Allir íslensku kepp-
endurnir búa yfir góðri keppnis-
reynslu og menn eins og Benedikt,
Sigurbjörn og Aðalsteinn eru
aldrei sterkari en þegar mikið
liggur við og þarf ekki að búast við
öðru en þeir selji sig dýrt.
Ekki má gleyma hinu fjölmenna
stuðningsliði sem fer utan til að
hvetja landann. Eftir því sem
næst verður komist verða þarna á
þriðja hundrað íslendingar meðal
áhorfenda og er vonandi að menn
liggi ekki á liði sínu við að hvetja
strákana. En það verður þó að ger-
ast á réttum augnablikum.
Að þessu sinni er vert að vera
hóflega bjartsýnn því það þjónar
litlum tilgangi að byggja skýja-
borgir sem standast e.t.v. ekki og
síðan þarf að búa til ýmiskonar
afsakanir ef illa fer. Ef vel gengur
verður gleðin því meiri ef stærð
vonarneistans er stillt í hóf og svo
ber að gera nú.