Morgunblaðið - 25.09.1985, Blaðsíða 27

MORGUNBLAÐIÐ, MIÐVIKUDAGUR 25. SEPTEMBER1985
27
FÍB mótmælir bensínhækkuninni:
Skattar á bifreiðir
nær þrefait hærri á
íslandi en á hinum
N orður löndunum
„TEKJUR ríkisins af auknu bensíngjaldi og þungaskatti á þessu ári eru
áætlaðar um 100 milljónir króna og virðist eiga að nota þær til að greiða
hluta af neyslu ríkisins, en ekki til vegamála. Hér er um ótvíræða misnotkun
þessa skattfjár að ræða, því skattar á bifreiðir og rekstrarvörur þeirra eru
í algjöru hámarki hér á landi. Þessu mótmælir FIB,“ segir í frétt frá Félagi
íslenskra bifreiðaeigenda, sem Morgunblaðinu hefur borist, þar sem félagið
mótmælir eindregið bráðabirgðalögum ríkisstjórnarinnar frá 20. september
sl., sem fela í sér hækkun á bensíngjaldi um 3,60 kr. lítrinn (11,5%) og
tilsvarandi hækkun þungaskatts á dieselbifreiðir. í bráðabirgðalögunum er
einnig kveðið á um lækkun tolla af bifreiðum úr 90 % í 70 %.
í frétt FÍB segir að skattar á mál nú, virðist sem ríkisstjórnin
bifreiðir og rekstrarvörur þeirra
séu nær þrefalt hærri en meðaltal
tilsvarandi skatta á hinum Norð-
urlöndunum. Þá er bent á að hlut-
fall útgjalda ríkisins til vegamála
af tekjum af bifreiðum verði nú
hið lægsta í 10 ár. Þá segir orðrétt
í fréttinni:
„FÍB hefur ekki mótmælt skött-
um, sem lagðir hafa verið á rekstr-
arvörur bifreiða ef fullvíst er, að
féð renni eingöngu til vegamála
sem hrein viðbót við það fé, sem
vegaáætlun gerir ráð fyrir.
Ef dæma má af fréttum um þessi
hafi ákveðið að lækka stórlega
framlög tii vegamála þrátt fyrir
eindregin mótmæli samgönguráð-
herra. Á undanförnum árum hefur
miðað í rétta átt í vegafram-
kvæmdum og landið lyfst upp úr
hópi vanþróuðustu þjóða í þessum
efnum. Þessa þróun má ekki stöðva
og það hæfir ekki lengur að ætla
að skattleggja bifreiðaeigendur
sérstaklega upp í samneysluna."
í lokin skorar FÍB á Alþingi að
fella bráðabirgðalögin úr gildi, en
láta fjárveitingu til vegafram-
kvæmda, 2,4% af vergum þjóðar-
tekjum, haldast.
5 þúsund manns komu á kjötdaga
Um 5.000 manns komu á kjötdaga 1985 sem voni í afurðasölu StS á
Kirkjusandi um helgina, að sögn Steinþórs Þorstcinssonar deildarstjóra
í afurðasölunni. Á kjötdögunum voru kynntar allar framleiðsluvörur
Goða og var kindakjötið sérstaklega tekið fyrir og kynnt. „Undirtektir
fólks sýna okkur að kynning sem þessi er mjög þörf,“ sagði Steinþór.
Umferðarvika í Reykjavík fyrri hluta október:
Reynum að virkja sem
flesta til jákvæðrar um-
ræðu um umferðarmál
— segir Ólafur Jónsson, sem annast skipulagningu vikunnar
UMFERÐARNEFND Reykjavíkur
stendur fyrir umferðarviku dagana
7.-13. október nk. Markmið vik-
unnar er að bæta umferðarmenn-
ingu borgarinnar, og um leið að
fækka slysum. Hvern dag umferð-
arvikunnar verður lögð sérstök
áhersla á einhvern einstakan þátt
umferðarinnar og stefnt er að því
að reyna að gera föstudaginn þann
11. október að slysalausum degi
með samstilltu átaki allra borgar-
búa.
Ólafur Jónsson, framkvæmda-
stjóri Tónabæjar, hefur það hlut-
verk að skipuieggja og annast
umferðarvikuna, en í undirbún-
ingsnefnd eiga sæti þau Katrín
Fjeldsted, Magdalena Schram,
Óskar Ólason og Guttormur
Þormar.
„Hlutverk mitt er að reyna að
virkja sem flesta til jákvæðrar
umfjöllunar um umferðarmál
þessa viku, og reyna að sjá til
þess að fræðslan skili árangri eftir
að umferðarviku lýkur,“ sagði Ól-
afur Jónsson í samtali við Morg-
unblaðið. „Við leggjum mikið kapp
á að ná til sem flestra og munum
í því skyni leita nýrra og óvenju-
legara leiða. Sem dæmi má nefna
umferðarrannsókn barnanna, þar
sem börn úr skólum borgarinnar
gera einfalda könnun á því hversu
vel Reykvíkingar haga sér í um-
ferðinni. Þau munu gera athugun
Ólafur Jónsson, skipuleggjandi
umferðarvikunnar.
á því hvernig gangbrautarréttur
er virtur, hvort beltin séu spennt,
hvort gangandi vegfarendur fari
rétt yfir götur, og mæla ökuhraða
í skólahverfum. Til þess fá þau
lánuð radartæki hjá lögreglunni.
Þá verða gefnir út bæklingar, sem
snerta sérstaklega börn og ungl-
inga í umferðinni. Við reynum að
virkja krakkana til að ganga með
þennan bækling í hús og spjalla
við viðtakendur um efni hans.
Hvern dag umferðarvikunnar
verður, í samráði við lögreglu, lögð
áhersla á einn þátt umferðarinnar
sérstaklega. Sem dæmi má nefna
auknar radarmælingar í tengslum
við slysalausan dag, ljósaskoðun
bifreiða og reiðhjóla, aðalbrauta-
rétt, biðskyldu og stöðvunar-
skyldu, gangbrautir og gang-
brautaljós. Þá verða hættuleg
gatnamót merkt sérstaklega fólki
til umhugsunar og skýringar.
Ennfremur verður gerð tilraun
til að breyta umferðarvenjum
borgarbúa til batnaðar. I því skyni
munum við meðal annars kynna
tannhjólsregluna, sem svo er köll-
uð. Hún felst í því að þegar um-
ferðarteppa myndast af einhverj-
um ástæðum, til dæmis á gatna-
mótum, þá liðki bílar til sem rétt-
inn eiga með því að hleypa hver
einum bíl inn í röðina. Þetta fyrir-
komulag tíðkast víða erlendis en
þekkist varla hér ennþá.
Fjölmargt fleira má nefna, það
verður leitast við að skapa um-
ræðu um ýmsa þætti umferðar-
menningar okkar sem betur
mættu fara, eins og til dæmis
notkun stefnuljósa, sem flestir eru
sammála um að sé í algerum
ólestri hjá okkar,“ sagði Ölafur
Jó'nsson að lokum.
nýjar leiðir
J J ÞRÓUNARFÉLAG ÍSLANDS HF.
Frestur til að skrifa sig
fyrir hlutafé rennur ut
mánudaginn 30. sept-
ember næstkomandi.
Stofnskjal félagsins ligg-
ur frammi í öllum
bönkum og útibúum
þeirra, ásamt kynningar-
bæklingi um félagið, með
lista til þess að skrifa sig
fyrir hlutafé.
Póstleggja þarf áskriftar-
lista hlutafjár I sfðasta
lagi 30. september og
skulu þeir stílaðir á Þró-
unarfélagið hf., pósthólf
5001,121 Reykjavík.
Til klukkan 17:00, mánu-
daginn 30. september
verður einnig tekið á
móti áskriftarlistum hjá
Baldrf Guðlaugssyni,
hæstaréttarlögmanni,
lögmanns- og endur-
skoðu na rskrif stof u,
Skólavörðustfg 12,
Reykjavík, og Hetgu
Jónsdóttur, aðstoðar-
manni forsætisráðherra,
forsætisráðuneytinu,
stjórnarráðshúsinu við
Lækjartorg, Reykjavík.
UNDIRBUNINGSNEFND AÐ STOFNUN ÞRÓUNARFÉLAGS ÍSLANDS HF.