Morgunblaðið - 21.11.1985, Síða 17

MORGUNBLAÐIÐ, FIMMTUDAGUR 21. NÓVEMBER1985
17
Myndverk eftir konur
IVyndlist
Bragi Ásgeirsson
Það teygist úr kvennasýningun-
um er lengi hertóku flesta sýn-
ingarsali borgarinnar svo sem
menn urðu áþreifanlega varir
við. Sunnudaginn þriðja nóvem-
ber var opnuð sýning á mynd-
verkum eftir konur í eigu
Reykjavíkurborgar í Gerðubergi.
Mun borgin eiga samtals 90 verk
eftir konur og var því ákveðið
að skipta sýningunni í tvennt. Á
fyrri hluta sýningarinnar eru
þannig verk eftir látnar listakon-
ur og stendur hún til fyrsta
desember.
Á sýningunni eru verk eftir
listakonur eins og Barböru Árna-
son, Eyborgu Guðmundsdóttur,
Gerði Helgadóttur, Gunnfríði
Jónsdóttur, Júlíönu Sveinsdótt-
ur, Kristínu Jónsdóttur, Maríu
H. Ólafsdóttur, Nínu Tryggva-
dóttur, Ragnheiði Jónsdóttur
Ream, og Vigdísi Kristjánsdótt-
ur.
Þessi sýning er öllu áhugaverð-
ari bókasýningu kvenna er þar
var áður og jafnframt stórum
betur sett upp.
Það eru einkum elstu listakon-
urnar er athygli vekja, þær
Kristín Jónsdóttir og Júlíana
Sveinsdóttir — báðar eiga merki-
leg verk og ekki hef ég séð
myndir Kristínar í betra ljósi en
á þessum stað auk þess sem þær
eru allar í háum gæðaflokki.
Myndir Júlíönu Sveinsdóttur eru
fyrir það merkilegar, að þarna
koma fram sterk og greinileg
áhrif frá Jóni Stefánssyni, sem
urðu henni og fleirum heilla-
drjúg varðandi kenningu hans
um óbrotna fleti, ströng form og
sterka burðargrind. Þessi áhrif
má einnig kenna í myndum
Kristínar en á annan hátt því
að þær eru af yngri gerð er per-
sónuleiki hennar sjálfrar var að
fullu mótaður. Júlíana átti og
einnig eftir að móta persónuleika
sinn en í aðra átt en Kristín.
Hjá henni kom hið einfalda og
stranga öllu betur fram eftir því
sem árin liðu en hjá Kristínu.
Það er gæfa íslensku þjóðarinnar
af hve ólíku upplagi listakonurn-
ar voru og að þær kunnu þó að
meta og virkja rökhyggju meist-
arans og skarpskyggni.
Aðrar listakonur eiga færri
verk en eru þó vel kynntar. Að
öllu samanlögðu er þetta sýning
sem óhætt er að mæla með og
hún er mér eftirminnilegri en
flest annað á myndlistarhátíð
kvenna. Ber að þakka öllum þeim
er hér stóðu að fyrir gott verk.
Vísnagleði
Bótemenntir
Erlendur Jónsson
Jón Bjarnason frá Garðsvík:
ANDVÖKURÍM
143 bls.
Skjaldborg, Akureyri, 1985.
Fyrr á öldum ortu menn ævikvæði.
Rímaðar ævisögur gátu verið
skemmtilegar. Þess háttar er ekki
að finna í Andvökurími Jóns
Bjarnasonar frá Garðsvík. Þó er
hér kvæði sem heitir Bækurnar
mínar. Það hefst svona:
Eflir bóndaárin mín
ekkert hef ég lifad
nema einsog upp á grín
átta bækur skrifað.
Jón Bjarnason er maður stuðla
og höfuðstafa. Að skorða hugsun
sina innan þess háttar ramma er
vissulega íþrótt — með því skilyrði
auðvitað að hvorugt sé sveigt undir
annars ok. Jón Bjarnason er lipur
hagyrðingur, kemst víða vel að
orði og sýnist ekki þurfa að láta
rímið stjórna þvi hvað hann segir.
En skáld kveður hann sig ekki
vera: »Mig hefur snilli skáldsins
skort.« (Játning).
Þessi ljóðabók er ekki hin fyrsta
sem Jón sendir frá sér. Fyrsta bók
hans nefndist Þingeyskt loft og
kom út fyrir ellefu árum, kvæði
og stökur. Hér í Andvökurími er
enn vikið að þingeyskum uppruna:
Oft við þann sem mætir mér
málskrafs hef ég glingur.
Montinn þó ég ekki er.
Aðeins Þingeyingur.
1 Andvökurími er hvort tveggja:
stökur og kvæði — eins og líka
tekið er fram á titilblaði. Af því
Jón Bjarnason frá Garðsvík
tvennu þykja mér stökurnar betri.
Og raunar eru sum kvæðin rað-
kvæmt safn af stökum fremur en
samstæð heild. Stakan lifir af
andartaki sínu og tilefni, haglega
orðuðum fyrrihluta og lokaorðum
sem hitta í mark. Jón Bjarnason
setur saman stökur um dægurmál-
in. Báðir eru hér nefndir, svo dæmi
séu tekin, Sólnes og Albert; og vísa
er hér um síðustu formannaskipti
í Sjálfstæðisflokknum. Bæjar-
stjórn Akureyrar fær sitt. Og smá-
mynd er af lífinu í Sjallanum þar
í bæ. Það eru með öðrum orðum
málefni líðandi stundar sem halda
vöku fyrir Jóni Bjarnasyni frá
Garðsvík — eða réttara sagt
skemmtunin af að breyta þeim í
yrkisefni.
Kæmi mér ekki á óvart þó sumar
vísur hans yrðu lærðar og hafðar
eftir. Þannig lifir lausavísan enn
með íslendingum — utan við allar
bókmenntastefnur og menningar-
strauma.
Það er hægt að gera
Reykjavík að ennþá betrí borg
Tryggjum Jónu Gróu öruggt sæti á lista sjálf-
stæðismanna f næstu borgarstjórnarkosningum.
STUÐNINGSMENN
RevKiavíker í öruggum höndum.
Samhentur meirihluti sjálf-
stæðismanna í borgarstjórn
hefur séð til þess.
Borgin blómstrar, og mannlífið
með. T borgarstjórn hafa fjölmargir
einstaklingar lagt sitt af mörkum til að
svo gæti orðið.
Betri innsýn
Jóna Gróa Sigurðardóttir er borgar-
fulltrúi Sjálfstæðisflokksins. Eins og
tíðkast meðal borgarfulltrúa, þá hefur
hún tekið að sér ákveðna málaflokka í
borgarstjórn. Þannig hefur hún fengið
meiri innsýn, og betri tök, á afmörk-
uðum sviðum.
Málaflokkarnir sem Jóna Gróa hefur
haft til meðferðarskipta alla borgarbúa
máli. Það eru atvinnumál, fræðslumál,
umferðarmál, umhverfismál og
málefni aldraðra.
Símanúmer á skrifstofu
stuðningsmanna Jónu Gróu
Sigurðardóttur eru: 685244,
685247 og 81063.
Hæfileikar
Reynsla og þekking borgarfulltrúa er
mikilvæg. Hjá Jónu Gróu fer saman
reynsla og þekking á borgarmálum,
félagsmálum og pólitík. Þetta eru
hæfilelkar sem vert er að vlrkla
áfram í borgarstjórn.
( prófkjöri sjálfstæðismanna vegna
borgarstjórnarkosninga stendur valið
um hæft og gott fólk til að halda áfram
uppbyggingunni. Jóna Gróa Sigurðar-
dóttir hefur sýnt og sannað að hún á
heima í borgarstjórn. Þar nýtist reynsla
hennar og geta.
Reykjavík hefur aldrei haft það
betra. En það er hægt að gera Reykia-
vík að ennþá betri borg. Jóna Gróa
Slgurðardóttlr er til í siaglnn.
Nafn Jónu Gróu Sigurðardótt-
ur er að finna næstneðst ö
atkvæðaseðiinum.