Morgunblaðið - 18.03.1986, Side 64

ÞREÐJUDAGUR18. MARZ 1986
VERÐ í LAUSASÖLU 40 KR.
Sólarhæðin tekin
Um helgina fóru nemar I Stýrimannaskólanum
í þjálfunarferð með varðskipinu Óðni. Það var
vel við hæfi með hækkandi sól að eitt verkefna
hinna verðandi skipstjórnarmanna var að taka
sólarhæðina með sextant. Annars er óvist að
mikið sjáist tíl sólar f dag. Spáð er suðvestanátt
og éljagangi í dag á sunnan- og vestanverðu
landinu. Norðan- og austanlands er útlit fyrir
að verði bjartara og úrkomulítið.
Tillaga iðnaðarráðherra í ríkisstjórninni:
Opinber gjöld falli
niður af skipasmíðum
IÐNAÐARRÁÐHERRA, Albert Guðmundsson, hefur lagt það til í
ríkisstjóminni, að við samanburð á tilboðum i skipasmíðaiðnaði,
verði opinber gjöld dregin frá upphæðum íslenzkra tilboða, þegar
þau eru borin saman við erlend. Lán verði ekki veitt úr opinberum
sjóðum fyrr en að undangengnum útboðum og samanburði nettó-
upphæðar tílboða. Albert sagði í samtali við Morgunblaðið, að hann
teldi rétt að fella niður opinber gjöld af verkiun sem þessum tíl að
auka samkeppnishæfni innlends iðnaðar. Það gæti orðið tíl að lækka
tílboðsupphæðir um 14 tíl 17%.
Tillaga iðnaðarráðherra er svo-
hljóðandi: „Ríkisstjómin samþykkir
að ekki megi veita lán úr opinberum
sjóðum til nýsmíða, endurbóta eða
viðgerða á fiskiskipum án undan-
genginna útboða á verkþáttum, þar
sem borin eru saman nettó-verð
þeirra, sem þjónustuna bjóða.
(Draga skal allan innlendan kostn-
að, svo sem opinber gjöld, frá inn-
lendum tilboðum, þegar um sam-
keppni við erlenda aðila er að
ræða.)“
Albert Guðmundsson sagði í
samtali við Morgunblaðið, að nauð-
synlegt væri að gera tilboðin sam-
keppnishæf með þessu. Sér fyndist
ennfremur meira vit að fella niður
opinber gjöld af verkum og að-
föngum í þessu tilliti en að missa
þessa þjónustu úr landi. Með þeim
hætti hefði ríkið hvort eð er ekkert
upp úr þessu. Það skipti meira máli
að vinna væri við það hér heima
að þjóna flotanum en að fá fólk á
atvinnuleysiskrá. Þó þessi gjöld
væru felld niður yrði ekki um neitt
tekjutap að ræða, þar sem vinna
færi að mestu til útlanda. Þar að
*'~*auki yrði af þessu talsverður gjald-
eyrisspamaður. Þetta mál stæði
því miður ekki vel í ríkisstjóminni
og það hefði að sínu mati ekki
fengið nógu góðar undirtektir, en
hann vonaðist eftir endanlegri nið-
urstöðu. Hann legði mikla áherzlu
á að fsienzkum iðnaði yrðu veitt
tækifæri sem þessi.
Það mætti til dæmis benda á
það, að nú væri verið bera saman
tilboð í breytingar á togaranum
Júní, sem gætu kostað á bilinu 80
til 150 milljónir og það munaði um
minna. Þetta væri bara einn togari
og þegar litið væri til framtiðarinn-
ar ættum við á hættu að missa
mörg verk af þessu tagi til útlanda,
yrði ekkert að gert. I þessu tilfelli
væri hægt að lækka kostnað um
14 til 17% með niðurfellingu opin-
berra gjalda.
Halldór Ásgrímsson, sjávarút-
vegsráðherra, sagði ekki alveg ljóst
hvað iðnaðarráðherra ætlaðist til í
málinu. Hann sagðist margoft hafa
tekið það fram, að íslenzkur sjávar-
útvegur væri í mjög harðri sam-
keppni á alþjóðavettvangi og að-
föng hans yíðu að sjálfsögðu að
kosta það, sem gengi og gerðist
erlendis. Iðnaðurinn almennt byggi
hins vegar við óréttláta samkeppn-
isaðstöðu við mörg önnur lönd og
til þess að taka á því væru ýmsir
möguleikar, bæði með opinberum
stuðningi og verulegri lækkun tolla.
Hann teldi að taka ætti á málum
með þeim hætti. Hann hefði átt
fund með iðnaðarráðherra á mánu-
dagsmorgun um þetta mál og því
kæmi honum það á óvart að hann
skyldi snúa sér beint til fjölmiðla
með það á sama tíma og verið
væri að vinna að málinu.
Gasolía o g svart-
olía lækka í dag
GASOLÍA og svartolía lækka í dag, samkvæmt ákvörðun verðlags-
ráðs. Verð á gasoliulítranum lækkar um 40 aura, úr 11,10 kr. í
10,70, eða um 3,6%. Svartolíutonnið lækkar um 900 krónur, úr 9.600
kr. i 8.700, eða um 9,4%. Bensinverðið er óbreytt, en horfur eru á
að það geti lækkað á næstunni.
Gasolían hefur lækkað um 1,20
kr. á árinu, úr 11,90 í 10,70 kr.,
eða um 10%. Svartolían hefur lækk-
að um 1.900 krónur tonnið, úr
10.600 krónum í 8.700, eða um tæp
18%. Bensínlítrinn hefur lækkað um
3 krónur það sem af er árinu, úr
35 krónum í 32, eða um 8,6%. Að
sögn Georgs Ólafssonar verðlags-
stjóra eru horfur á að bensínlítrinn
geti farið niður í 29 krónur í byijun
næsta mánaðar. Verði af því hefur
lítrinn lækkað um 6 krónur á tveim-
ur mánuðum, eða um 17%. Að sögn
Georgs eru allar þessar lækkanir
tilkomnar vegna lækkunar á inn-
kaupsverði olíuvara erlendis. Smám
saman gengi á birgðimar hér en
ennþá væm þó olíuvörur á háa
verðinu í birgðum.
Síðustu farmar af gasolíu, sem
keyptir voru til landsins, voru lest-
aðir 28. janúar og 4. mars. Verð á
hverri lest á fyrri farminum er
199,50 dalir og var hann keyptur
frá Rússlandi. Hver lest í síðari
farminum kostaði 193,80 dali auk
gæðaálags, en hann var keyptur
frá Rotterdam.
Mjólkurkvótinn:
350 fengu aukningn
af milljón lítrum
TÆPLEGA 500 bændur sóttu til
Framleiðsluráðs landbúnaðarins
um aukningu á mjólkurkvóta sín-
um fyrir yfirstandandi verðlagsár
en Framleiðsluráð hefur milljón
lítra til að úthluta til bænda með
innan við 300 ærgilda bú. Ákveðið
hefur verið að úthluta þessum
milljón Htrum til 350 bænda, en
þeir fá þó ekki nema rúmlega 60%
af því mjólkurmagni sem þörf er
talin á. Tilkynningar um þetta
verða sendar út i dag.
í reglugerð um stjómun mjólkur-
framleiðslunnar verðlagsárið 1985-
86 segir að milljón lítrunum eigi að
úthluta til þeirra mjólkurframleið-
enda sem framleiddu innan við 300
ærgildisafurðir í mjólk og sauðíjár-
afurðum á síðasta verðlagsári og
höfðu meirihluta tekna sinna af
nautgripa- og sauðfjárrækt á árun-
um 1983 og 1984, þannig að fullvirð-
isréttur þeirra í mjólk að viðbættri
framleiðslu sauðQárafurða nemi al!t
að 300 ærgildisafurðum. Síðan átti
að úthluta því mjólkurmagni sem
ekki gengi út með þessum hætti til
þeirra búmarkssvæða sem urðu fyrir
mestri skerðingu og því sem þá yrði
eftir átti að deila á öll búmarkssvæð-
in.
Nefnd Framleiðsluráðs fór yfir
þær 500 umsóknir sem bárust. Hún
hafnaði 150 umsóknum af ýmsum
ástæðum en þegar kom að úthlutun
Verkföll boðuð í Eyjum
og hjá mj ólkurfræðingum
Hjúkrunarfræðingar í Reykjavík halda annan fund um
samningana, sem voru felldir á jöfnum atkvæðum
Mjólkurfræðingafélag íslands
hefur boðað verkfall frá og með
næsta mánudegi og Starfs-
mannafélag Vestmannaeyjabæj-
ar hefur boðað verkfall frá og
með 1. april náist ekki samningar
fyrir þessa daga.
Hjúkrunarfræðingar hjá Reykja-
víkurborg halda fund í kvöld þar
sem til umræðu er að greiða aftur
atkvæði um aðalkjarasamning ASÍ
og vinnuveitenda, en samningurinn
var felldur með jöfnum atkvæðum
á fundi þar sem 58 af 289 hjúkrun-
arfræðingum greiddu atkvæði.
Geir Jónsson formaður félags
mjólkurfræðinga sagði í samtali við
Morgunblaðið í gær, að með verk-
falisboðuninni væru mjólkurfræð-
ingar að leggja áherslu á að þeir
vildu fá raunhæfar viðræður um
sérkröfur sínar, sem eru samkvæmt
upplýsingum Morgunblaðsins m.a.
um fjölgun launaflokka og varðandi
greiðslu ferða- og fæðiskostnaðar.
Þórarinn V. Þórarinsson, fram-
kvæmdastjóri VSÍ, sagði í samtali
við Morgunblaðið, að útilokað væri
að semja við fámenn félög um
annað og meira en gert var í al-
mennu samningunum. „Það væru
svik gagnvart öllu því fólki sem
hefur ákveðið að taka þátt í þeirri
niðurfærsluleið sem samningar
okkar og verkalýðshreyfíngarinnar
gera ráð fyrir," sagði Þórarinn.
Sjá nánar á bls. 4.
til þeirra 350 sem áttu rétt á aukn-
ingu kom í ljós að milljón lítramir
dugðu engan veginn til að veita þeim
úrlausn, hvað þá til annarra hluta
sem reglugerðin gerði ráð fyrir, því
1,6 milljónir lítra þurfti til að sinna
umsóknum þeirra. Að sögn Guð-
mundar Stefánssonar hagfræðings
Stéttarsambandsins var því skorið
hlutfallslega af úthlutuninni og
fengu þessir 350 bændur því rúm
60% af þeirri aukningu sem þeir
hefðu átt rétt á ef mjólkurmagnið
hefði dugað.
Búnaðarsamböndin hafa 5% full-
virðisréttarins til að ráðstafa heima-
fyrir. Umsóknarfrestur um aukn-
ingu úr þeim potti er liðinn og á
úthlutun að fara fram fyrir 1. apríl
næstkomandi.
Banaslys í
umferðinni
tvöfalt fleiri
en í fyrra
TVÖ hörmuleg banaslys urðu
í umferðinni um síðustu helgi.
Á Sauðárkróki lést 5 ára
gamall drengur er hann varð
fyrir bU og á Vesturlandsvegi
lést 35 ára gömul kona eftir
árekstur. Það sem af er þessu
ári hafa 8 manns látist af
völdum umferðarslysa, sem
er tvöfalt meira en á sama
tíma í fyrra.
Að sögn Óla H. Þórðarsonar
framkvæmdastjóra Umferðar-
ráðs er tala látinna nú sambæri-
leg við apríllok ef miðað er við
meðaltal síðustu ára. Hann
sagði að á árunum 1966 til 1985
hefðu 450 manns látið lífíð í
umferðarslysum hér á landi. „Ef
reiknað er út frá þessari hræði-
legu meðaltalsreglu, að tvö
banaslys verði í umferðinni í
hveijum mánuði, má búast við
að 336 látist í viðbót á næstu
14 árum fram til aldamóta,"
sagði Óli H. Þórðarson. „Þetta
eru vissulega óhugnanlegar
staðreyndir og því full ástæða
fyrir ökumenn að gera verulegt
átak til að snúa þessari þróun
við.“ Sjá bls. 4.