Morgunblaðið - 29.04.1986, Side 4
4
MORGUNBLAÐIÐ, ÞRIÐJUDAGUR 29. APRÍL1986
Tillögur um breytingar
á stjórnskipulagi Akureyrarbæjar:
Afgreiðsla
mála auðvelduð
— segir Sigurður J. Sigurðsson,
sem sæti á í stj órnskipulagsnef nd
Akureyri.
„ÞAÐ MA segja að þetta sé hluti af endurskoðun á stjórnskipulagi
Akureyrarbæjar — framhald af vinnu sem Hagvangur vann fyrir
bæinn,“ sagði Sigurður J. Sigurðsson, bæjarfulltrúi Sjálfstæðisflokks-
ins, í samtali við Morgunblaðið vegna tillagna stjórnskipulagsnefndar
um breytingar á stjórnskipulagi Akureyrarbæjar. Tillögunum var
vísað til 2. umræðu og bæjarráðs á bæjarstjórnarfundi nýlega.
Sigurður er í nefndinni ásamt
Sigurði Jóhannessyni, Framsóknar-
flokki, og Sigríði Stefánsdóttur,
Alþýðubandalagi. Þá starfaði Úlfar
Hauksson, hagsýslustjóri, fyrir
nefndina.
Sigurður var spurður hvað hann
teldi veigamesta atriðið í umrædd-
um tillögum.
„Ég tel veigamest að málaflokk-
um er skipt í tvö flokka sem tengj-
ast annars vegar formlega bæjarrit-
ara og hins vegar bæjarverkfræð-
ingi,“ sagði Sigurður. „Með því er
verið að ákveða samskiptaleiðir og
auðvelda afgreiðslu mála. Enn-
fremur er verið að setja fram hug-
myndir um að ákveðin regla muni
ríkja í samskiptum forstöðumanna
málaflokka með skipulögðum
vinnubrögðum. “
Smygl í Hauki
TOLLGÆZLAN hafði um helg-
ina upp á tilraun til smygls á um
110 kílóum af kjöti og 10 kössum
af bjór. Það voru ákveðnir skip-
veijar á flutningaskipinu Hauki,
sem gengust við smyglinu.
Að sögn Tollgæzlunnar fannst
mest af góssinu falið í sérstöku
hólfí f einum af tönkum skipsins,
en lítils háttar annars staðar í skip-
inu. Kjötið var mestmegnis skinka,
en innflutningur á henni er óleyfi-
legur svo og bjór umfram ákveðið
leyfilegt magn.
Sigurður sagði að í framhaldi af
þessu hafi verksvið nefnda verið
endurskoðuð, „sem hefur leitt til
þess að þeim hefur verið fækkað
og öðrum falin víðtækari verkefni."
Að sögn Sigurðar er miðað við
að breytingarnar taki gildi frá
næstu sveitarstjómarkosningum
„þar sem breytingar á nefndarskip-
an eru mjög erfiðar í framkvæmd
á öðrum tímum".
Sigurður sagði ástæðu til að
vekja athygli á því að tillögumar
væm fyrst og fremst það sem menn
gátu orðið sammála um — „en
breytingar á mannahaldi og rekstri
einstakra deilda em ekki þáttur í
þessum breytingartillögum".
Annað athyglivert í tillögunum
er, að mati Sigurðar, að gert er ráð
fyrir því að stofna sérstakt öldr-
unarráð sem fer með málefni aldr-
aðra. „Með því er von manna að
hægt verði að ná betri tökum á
þeim málefnum, sem er eitt brýn-
asta verkefni sem sveitarfélagið
glímir við,“ sagði hann.
Þær raddir hafa heyrst að breyt-
ingar þessar séu fyrst og fremst
„kerfinu" í hag — ekki fólkinu í
bænum. Sigurður var spurður álits
áþví.
„Nei, það er alls ekki rétt. Þó
um breytingu á stjómkerfinu sé að
ræða samfara því á þjónusta við
bæjarbúa að verða skilvirkari og
fljótvirkari. Mál þeirra ganga því
hraðar fyrir sig,“ sagði Sigurður
J. Sigurðsson.
Íslendingar-Danir/Færeyingar:
Ræða réttindakröfur
á Rockall-svæðinu
Sameiginlegur fundur Dana/
Færeyinga og Islendinga um
Rockall-svæðið verður haldinn í
Reykjavík dagana 1. og 2. maí
næstkomandi.
Á fundinum verður rætt um nú-
verandi stöðu mála varðandi rétt-
indakröfur á Hatton-Rockall-svæð-
inu að sögn Ólafs Egilssonar skrif-
stofustjóra utanríkisráðuneytisins.
En auk íslendinga og Dana/Færey-
inga hafa írar og Bretar gert tilkall
til réttinda á svæðinu. í viðræðun-
um nú verður ijallað um sameigin-
lega hagsmuni íslendinga og
Dana/Færeyinga og einnig um
hugsanlegar rannsóknir á svæðinu.
I íslensku viðræðunefndinni eiga
sæti Hans G. Andersen sendiherra,
sérstakur ráðunautur í hafréttar-
málum og er hann formaður nefnd-
arinnar. Aðrir nefndarmenn eru
ÓLafur Egilsson skrifstofustjóri
utanríkisráðuneytisins, Eyjólfur K.
Jónsson formaður utanríkismála-
nefndar Alþingis, Dr. Marvik Tal-
wani, sérstakur ráðunautur, Dr.
Guðmundur Pálmasson forstöðu-
maður Jarðhitastofnunnar Orku-
stofnunar, Jón Egill Egilsson sendi-
ráðsritari og Karl Gunnarsson sem
unnið hefur að landgmnnsrann-
sóknum.
I dönsku sendineftidinni eiga
sæti W. Mcllquham - Schmidt
sendiherra og er hann formaður
nefndarinnar en ásamt honum eru
í nefndinni embættismenn frá
danska utanríkis- og orkuráðuneyt-
inu, jarðfræðingur og fulltrúi fær-
eysku landsstjómarinnar, Daniel
Nolsöe, dómari.
Mötuneyti borgarinnar við Skúlatún:
„Hækkunin nam 10
prósentum en ekki 80“
— segir Haraldur Hannesson formaður starf smannaf élags Reykjavíkurborgar
„ÞAÐ ER rangt hjá Þjóðviljanum, að matarverð I mötuneyti
borgarinnar í Skúlatúni hafi hækkað allt að 80%,“ sagði Haraldur
Hannesson formaður Starfsmannafélags Reykjavíkurborgar.
„Hækkunin nam 34% en að athuguðu máli var ákveðið að hún
yrði ekki nema 10% og gildir hún eingöngu um eina máltíð vi-
kunnnar." Morgunblaðið sneri sér til Haraldar vegna forsíðufrétt-
ar í Þjóðviljanum um þessi mál sl. laugardag.
Ástæður hækkunarinnar sagði sem fyrr segir hækkuð í 150 krón-
Haraldur vera þær að rekstur
mötuneytisins hefði verið óhag-
kvæmur um skeið og því þurft að
leiðrétta matarverðið. Matarverð í
mötuneytum borgarinnar er mjög
misjafnt, lægsta meðalverð máltíð-
ar er 75 krónur í mötuneytinu við
Austurvöll, en hæst er verðið f
Skúlatúni, þar kostar máltíð 100
krónur og ein máltíð vikunnar var
ur. Sum borgarfyrirtæki kaupa
mat á sérstökum matarbökkum,
svo sem Rafveitan, Vatnsveitan,
Slökkviliðið og fleiri og greiða
fyrirtækin matinn niður fyrir
starfsfólkið. Haraldur sagði að
matarverð til starfsfólks væri lágt
á þessum matarbökkum, en að
öllum líkindum væri kostnaður
borgarinnar meiri við aðkeyptan
mat en vei rekin mötuneyti. „Mötu-
neytin hafa mjög mismunandi
aðstæður til að fullvinna ýmis hrá-
efni til matargerðar, sum þeirra
þurfa nánast að kaupa matinn til-
búinn á pönnuna, meðan önnur
geta keypt inn ódýrari hráefni og
fullunnið þau í eldhúsum sínum,
svo sem úrbeinað læri og fleira
þess háttar. Samkvæmt samning-
um eiga starfsmenn Reykjavíkur-
borgar eingöngu að borga hráefn-
iskostnað, en hann getur af þessum
sökum orðið mjög mismunandi
milli mötuneyta. Mötuneytið við
Austurstræti er t.d. með mjöggóða
aðstöðu og matarverð þar því
lægst.“
Haraldur sagði að Starfsmanna-
félagið hefði löngum lagt áherslu
á nauðyn þess að samræma matar-
verð milli hinna einstöku mötu-
neyta borgarinnar þar sem mis-
munurinn væri umtalsverður.
Hann sagði könnun á matarverði
mötuneytanna í undirbúningi með
það í huga að reyna að samræma
verðið. Hugmyndir hefðu einnig
verið uppi um hagkvæmari rekstur
mötuneytanna, svo sem með því
að selja sérstök matarkort sem
gildi viku í senn og væri þannig
hægt að sjá hve matargestir yrðu
margir, en í dag er fjöldi matar-
gesta misjafn dag frá degi.
. -
-**>* . V*
■ ■ ....... '■.. "
Jt
Æfingar við „björgun úr þyrlu eftir nauðlendingu á sjó“.
Landhelgisgæslan:
Þyrluáhafnir við bj#örg-
unaræfingar í Skotlandi
ÞYRLUÁHAFNIR Landhelgis-
gæslunnar hafa að undanförnu
verið þjálfaðar í að yfirgefa
þyrlu eftir nauðlendingu á sjó.
Æfingarnar hafa farið fram í
Aberdeen í Skotlandi hjá Ro-
bert Gordon’s institute of tec-
hnology’s offshore survival
center.
Æfingarnar fara þannig fram
að áhafnimar búa um sig í þyrlu-
líkani sem „nauðlendir í sjó“ (látið
falla niður í laug), sekkur og því
hvolfir síðan. Verða áhafnarmeð-
limir þá að bjarga sér út um
neyðarútganga og blása upp
björgunarvesti til að halda sér á
floti. Eru þessar æfingar endur-
teknar 5 sinnum. Veðurhæð sem
búin er til við þessar aðstæður
er um 4 vindstig og 1 metra öldu-
hæð, en vegna þess hve mikið
endurkast myndast í lauginn
verða skilyrðin eins og í straum-
röst. Hitastig er haft sem næst
hitastigi sjávar. Æfíngamar fara
bæði fram í myrkri og dagsbirtu.
Æfingar með gúmbáta eru í
beinu framhaldi af þyrluæfingun-
um og fara þær þannig fram að
menn eru látnir hoppa í laugina
ofan af 4 metra háum palli í
björgunarbúningi og björgunar-
vesti. Þeir verða síðan að halda
sér á floti í um 20 mínútur og
fara síðan um borð í gúmbjörgun-
arbát og dvelja þar í um klukku-
stund. Líkt er eftir erfiðum veður-
skilyrðum auk þess sem ísköldu
vatni er sprautað á mennina
þannig að þeir eru í stöðugu „sjáv-
arlöðri".
Ferðir sem þessar eru að verða
fastur liður í þjálfun þyrluáhafna
Landhelgisgæslunnar. Þjálfunin
er sniðin eftir þörfum áhafna við
Norðursjó. Skoska æfingastöðin
hefur mikla reynslu í þjálfum á
þessum slóðum og hefur viður-
kenningu frá yfirvöldum í Bret-
landi.
í ferðinni heimsóttu Landhelg-
isgæslumenn björgunarstöð
bresku landhelgisgæslunnar í
Aberdeen en talsvert samstarf
hefur verið á milli björgunar-
stjómstöðvar Landhelgisgæsl-
unnar og þeirra vegna leitar- og
björgunarþjónustu á Norður-
Atlantshafi.
Landhelgisgæslumenn við æfingar í Skotlandi: f.v. Hermann
Sigurðsson, Páll Halldórsson og Sigurður Steinar Ketilsson.