Morgunblaðið - 29.04.1986, Síða 27

MORGUNBLAÐIÐ, ÞRIÐJUDAGUR 29. APRÍL 1986
27
Nidal lýsir yfir morði
á breskum ferðamanni
AP/Símamynd
Lík hertogaynjunnar
komið til Bretlands
Jarðneskar leifar hertogaynjunnar af Windsor komu til Bret-
lands á sunnudag með einni af flugvélum breska flughersins.
Jarðarförin verður gerð í dag að viðstaddri konungsfjölskyld-
unni í Frogmore-garðinum i Windsor, þar sem grafreitur bresku
konungsfjölskyldunnar er. Verður hertogaynjan lögð til hinstu
hvíldar við hlið manns síns, hertogans af Windsor, sem sagði
af sér konungdómi í Bretlandi 1936 til þess að geta kvænst henni.
Jerúsalem og- Beirút. AP.
TUTTUGU og átta ára gamall
breskur ferðamaður var skotinn
til bana fyrir utan helgan stað i
Jerúsalem á sunnudag. Hryðju-
verkamaðurinn Abu Nidal lýsti
yfir því á mánudag að sveitir
hans hefðu framið morðið til að
hefna fyrir þátt Breta í árás
Bandaríkjamanna á Líbýu. ísra-
elsk yfirvöld hafa fordæmt
verknaðinn og segja þetta vera
tilraun hryðjuverkamanna til að
fæla ferðamenn frá ísrael.
Vélrituð yfirlýsing barst á skrif-
stofu vestrænnar fréttastofu í Beir-
út um að „Fatah — byltingarráð"
Abus Nidal stæði að baki verknað-
inum. Sagði að Monzer Kadry-
sveitin, sem starfí í Jerúsalem, hefði
framfylgt dauðadómi yfir Paul
Appelby. Hann hefði verið njósnari
dulbúinn sem ferðamaður.
Appelby er þriðji ferðamaðurinn,
sem hefur verið skotinn til bana á
sex vikum í austurhluta Jerúsalems.
íbúar hans eru að mestu arabar,
en borgin hefur verið full af ferða-
mönnum og pílagrímum síðan um
páska.
Appleby, sem er frá Bristol, kom
til ísraels fyrir mánuði og leigði þar
íbúð ásamt vinum sínum.
Yitzhak Shamir, utanríkisráð-
herra, sagði að hryðjuverkamenn
stæðu að baki verknaðinum og sór
að Israelar myndu betjast gegn
hiyðjuverkamönnum þar til endi
hefði verið bundinn á starfsemi
þeirra.
Henti barni sínu út um
glugga á fjórðu hæð
New York. AP.
LÖGREGLAN í New York hefur
handtekið tuttugu og þriggja ára
gamlan mann fyrir að gera til-
raun til að myrða átján mánaða
dóttur sína. Hann kastaði stúlku-
barninu út um lokaðan glugga
íbúðar sinnar á fjórðu hæð. Það
vildi barninu til lífs að maður
nokkur átti leið fram hjá húsinu
og greip það.
„Ég vissi ekki hvað var að ger-
ast. Eg sá einhvern stranga, sem
líktist helst gluggatjaldi, koma
fljúgandi út um gluggann og ég
greip hann,“ sagði Keith Manigault,
vinur foreldra barnsins.
Barnið var flutt á spítala og var
líðan þess með ágætum.
Aðdragandi þessa máls var sá
að foreldrar barnsins rifust heiftar-
lega á sunnudagskvöld.
Móðir barnsins, Rhonda Boone,
og faðirinn eru skilin að skiptum.
Purcell hafði farið í íbúð Boones
og núverandi sambýlismanns henn-
ar. Boone sagðist aldrei vilja sjá
hann aftur og hann fengi aldrei að
hitta barnið. Purcell mótmælti:
„Þetta er mitt barn. Það fær hana
enginn," og þeytti barninu út um
lokaðan gluggann svo að rúðan
mölbrotnaði.
Purcell reyndi að flýja af vcH-
vangi, en lögreglan hafði hendur í
hári hans.
Alþjóða gjaldeyrissjóðurinn:
Iðnríki á uppleið — slæmar
horfur hjá fátækum ríkjum
Washington. AP.
RÍKAR þjóðir mega búast við
auknum hagvexti, frekar á eftir
að syrta í álinn hjá fátækum ríkj-
um og ekki gengur jafn vel í
kommúnistaríkjum og leiðtogar
þeirra glaðir vildu, að því er
Alþjóða gjaldeyrissjóðurinn
greindi frá á sunndag.
Kínveijar eru reyndar undan-
tekning þar á og greindi sjóðurinn
frá því að framleiðsla í Kína hefði
aukist um 12 prósent á síðasta ári.
Það er rúmum fjórum prósentum
meira en að meðaltali í heiminum.
Meðaltalið er 2,9 prósent. Gert er
ráð fyrir því að hagvöxtur minnki
í Kína á þessu ári þar sem stjómin
heldur niðri tekjum þjóðarinnar og
ERLENT
einnig innflutningi.
„Iðnríkin virðast nú vera þess
umkomin að halda hagvexti í jafn-
vægi,“ sagði á ársfundi Alþjóða
gjaldeyrissjóðsins um „heimshorfur
í efnahagsmálum".
Það, sem mestu mun valda um
stöðu iðnríkja á þessu ári, er minni
útgjöld og hærri skattar í Banda-
ríkjunum og Kanada, áframhald-
andi aðhald í Japan og afslappaðri
efnahagsstefna í Vestur-Evrópu.
Bandaríkjadollari hefur ekki
verið jafn lágur gagnvart vest-
ur-þýska markinu í fimm ár og
svissneska frankanum í fjögur ár
og þegar gjaldeyrismörkuðum
var lokað á mánudag.
Enn lækkar dollarinn gagnvart
japanska jeninu og kostaði í Tókýó
síðdegis á mánudag 167,35 jen
(170,25).
Einnig lægju meiri peningar á lausu
en áður.
Sjóðurinn sagði að fátæk ríki
hefðu valdið vonbrigðum á síðasta
ári vegna þess að staða þeirra í
efnahagsmálum hefði batnað 1984.
Ein ástæðan fyrir þessu væri að
iðnríkin keyptu minna af fátækum
ríkjum, en þau hefðu að selja. Aftur
á móti hefði þróunarríkjum ekki
tekist að laga sig að breyttum
aðstæðum.
Gengi dollarans gagnvart öðrum
helstu gjaldmiðlum var á þann veg
að dollarinn kostaði:
2,1635 vestur-þýsk mörk
(2,2015), 1,8170 svissneska franka
(1,8380), 6,9175 franska franka
(7,0150), 2,4430 hollensk gyllini
(2,4840), 1.491,50 ítalskar lírur
(1.508,50)og 1,37875 kanadíska
dollara (1,3875).
GENGI GJALDMIÐLA
London. AP.
UPPLYSINGAR
OG INNRITUN
10004/21655
I maí v
erðamannsins
hin vinsælu ferðanámskeið Mímis
Reynslan erfitt
með að bjar^BMHHSlHy þrátt
fyrir einhvernHRHH|MP feróa-
námskeiöum Mímis lærir þú það sem þú hef-
ur þörf fyrir. Vió fetum í fótspor ferðamanns-
ms og markmið okkar er einfalt: að þú lærir
að bjarga þér á ferðalagi við sem flestar
kringumstæöur. Jafnframt tungumálanáminu
færóu innsýn í líf og hugsunarhátt þjóðarinn-
ar sem þú heimsækir. Það gerir þig færari
um að njóta ferðalagsins betur — eykur skiln-
ing þinn á viókomandi þjóð og þú öólast
meira feróaöryggi.
í hverjum hóp eru ekki fleíri en 10—15 og á
námskeiðum okkar er lögð áhersla á að hver
þátttakandi læri sem mest í afslöppuóu and-
rúmslofti. Feróanámskeióin eru fyrir fólk á
öllum aldri — sérhönnuö fyrir þarfir þínar
sem ferðamanns.
vikur
sinnum í viku
mánud.-miðvikud.-fimmtud.
18.30—20.30 20.30—22.30
enska
þýska
franska
ítalska
spænska
aanska
gríska
enska
þýska
franska
ítalska
spænska
danska
gríska