Morgunblaðið - 20.08.1986, Síða 27

MORGÚNBLABIÐ, MIÐVIKUDAGUR 20. ÁGÚST 1986
27
UNNU í KNATTÞRAUT
KNATTÞRAUT felst í því að halda bolta sem
lengst á lofti, og má nota alla líkamshluta nema
hendurnar við það.
ísleifur Þórsson úr Breiðabliki varð sigurvegari
í keppni sem Bikarinn á Skólavörðustíg efndi til
fyrr í sumar, fyrir drengi 12 ára og yngri. Hann
hélt boltanum á lofti 313 sinnum. Haukur Þór
Hannesson 10 ára, úr Víkingi, var einnig verðlaun-
aður, en hann hélt boltanum á lofti með 245
snertingum. Adidas-umboðið gaf verðlaunin.
Fljótarottan sýnd
í Regnboganum
KVIKMYNDAHÚSIÐ Regnboginn hefur tekið til sýningar kvikmynd-
ina Fljótarottan (The River Rat). Með aðalhlutverk fara þau Tommy
Lee Jones, Brian Dennehy og Martha Plimton. Leikstjóri er Tom
Rickman.
Myndi fjallar um 12 ára gamla
stúlku, Jonsy McCain sem býr ásamt
ömmu sinni á litlum bát á Missisippi-
fljóti. Faðir hennar, Billy, hefur verið
í fangelsi í 13 ár en er nú, að því er
virðist, frjáls ferða sinna. Þau Jonsy
fá það sameiginlega áhugamál að
gera upp bát sem Jonsy hefur verið
gefmn og skíra hann Fljótarottuna.
En um það bil sem þau eru að leggja
af stað í skemmtiferð niður fljótið
birtist óvæntur gestur, fyrrverandi
fangavörður sem hyggur á hefndir.
Skemmtiferðin verður því á nokkuð
annan hátt en ætlað var í upphafi.
Verðlaunahafarnir I knattþrautarkeppni Bikarsins, ísleifur Þórsson t.h. sem sigraði og Haukur
Þór Hannesson sem fékk sérstök verðlaun.
Norræna húsið:
Dagskrá um
Þingvelli
FIMMTUDAGINN 21. ágúst kl.
20.30 talar sr. Heimir Steins-
son, þjóðgarðsvörður, um
Þingvelli, hvert hlutverk þeirra
hafi verið í vitund þjóðarinnar
og sögn. Spjall Heimis verður
flutt á dönsku, en dagskráin er
einkum ætluð norrænum ferða-
mönnum.
Eftir stutt kaffihlé verður sýnd
kvikmyndin „Þijár ásjónur ís-
lands“ með norsku tali.
Þetta verður síðasta dagskráin
í hinu hefðbundna Opna húsi í
sumar, en Þingvellir verða aftur
á dagskrá í Norræna húsinu
fimmtudagskvöldið 28. ágúst. Þá
verður fjallað um lífriki Þingvalla-
vatns og Mývatns.
Pétur M. Jónasson, prófessor
við Kaupmannahafnarháskóla,
flytur inngangsorð, Karl Gunnars-
son, líffræðingur, sýnir litskyggn-
ur og segir frá hrygningaratferli
silungsins. Sýnd verður ný kvik-
mynd, sem Magnús Magnússon
hefur tekið af fuglalífi Mývatns
og að lokum verður sýnd mynd
frá Kröflueldum 1980, sem Vil-
hjálmur Knudsen tók.
Þessi dagskrá er í tengslum við
ráðstefnu í Norræna húsinu dag-
ana 27. ágúst til 29. ágúst, þar
sem fjallað verður um lífríki Þing-
vallavatns undir forystu Péturs
M. Jónassonar. Einnig verður far-
ið til Mývatns og ráðstefnunni
fram haldið þar.
Leiðrétting
í UMFJÖLLUN um þáttinn á „Á
hringveginum" sem var á dagskrá
útvarps í gær misritaðist nafn
tæknimanns þáttarins. Hið rétta er
að Hallgrímur Gröndal annaðist það
starf. Morgunblaðið biðst velvirð-
ingar á þessum mistökum.