Morgunblaðið - 20.08.1986, Page 41
MORGUNBLAÐIÐ, MIÐVlKUDAGUR 20/ ÁGÚST 1986
41
Madonna og Sean Penn komu
m.a. fram á tónleikunum.
íslenskra króna. „Þessi samtaka-
máttur poppara kemur mér alltaf
jafnmikið á óvart," sagði Bono er
allt var yfirstaðið. „Poppheimurinn
er nefnilega geysilega harður —
hann samanstendur af prímadonn-
um og eigingimispúkum, fólki sem
einskis svífst til að koma sjálfu sér
á framfæri og skara eld að eigin
köku. Það má eiginlega segja að
við séum öll; upp til hópa, ofdekrað-
ar dúkkur. I það minnsta hefur lífið
gefið mér miklu meira en ég hef
gefið því — og stundum líður mér
dálítið illa út af því. En þessi tón-
leikaferð var frábær, sannaði það
einu sinni enn að við getum bókstaf-
lega allt, ef við aðeins leggjum
okkur fram gleymum græðginni
svolitla stund.“
Komin í hlutverk dr. Richard
Rankins — horfir málið öðruvísi
við.
Redgrave
í hlutverki
Rankins
og Richards
Síður en svo karhnannleg i útliti
— leikkonan Vanessa Redgrave,
eins og hún lítur út í raunveru-
leikanum.
Og eftir að Rankins gekkst und-
ir kynskiptaaðgerðina verður
karlmaðurinn að kvenmanni.
Redgrave i hlutverki tennis-
stjörnunnar Renee Richards.
Hin heimsfræga leikkona Vanessa
Redgrave er sennilega betur
þekkt fyrir flest annað en sérlega
karlmannlegt útlit. Engu að síður fer
hún með hlutverk karlmanns í sinni
nýjustu mynd „Second Serve“. Þar
leikur hún Dr. Riehard Rankins —
kynskiptinginn, sem varð þekktur sem
kventennisstjarnan Renee Richards.
Rankins var álitinn mjög leikinn með
spaðann, áhugamaður um íþróttina,
áður en hann gekkst undir kynskipta-
aðgerðina. Eftir hana tók hann sér
hinsvegar annað nafn og hóf að keppa
í greininni — og þá að sjálfsögðu í
kvennaflokki. Velgengni hans (henn-
ar) á vellinum varð til þess að leyndar-
málinu var Ijóstrað upp og honum
(henni) neitað um þátttöku í kvenna-
flokki. Þennan dóm kærði Renee —
málið var tekið fyrir í hæstarétti, sem
úrskurðaði Renee konu og neitunina
því óréttmæta. Öll sú athygli sem
þetta mál vakti á sínum tíma, varð
þó til þess að Renee dró sig í hlé og
sagði skilið við atvinnumennskuna á
þessu sviði. — En nú hefur þessi saga
hins vegar verið fest á filmu og með
aðalhlutverkið fer engin önnur en
Vanessa Redgrave.
Zappa. „Við hittumst fyrst fyrir
tveimur árum,“ upplýsir Molly. „Þá
var hann aðeins fjórtán ára, en ég
sextán. Hann vakti strax athygli
mína og þar sem ég er æði blátt
áfram reyndi ég stöðugt að nálgast
hann. Dweezil Zappa er hinsvegar
afskaplega lokaður og feiminn að
eðlisfari og loks var svo komið að
hann lagði alltaf á flótta um leið
og ég birtist. Það var ekki fyrr en
við lékum saman í myndinni „Pretty
in Pink“, sem við kynntumst svona
fyrir alvöru — og þá var nú eftirleik-
urinn auðveldur," segir hún og hlær
dátt. Um framtíðina vill Molly sem
minnst segja. „Ég er bara ákveðin
í að halda áfram að læra, ætla að
setjast aftur á skólabekk eftir tæpt
ár,“ segir hún. „Auðvitað veit ég
að leiklistin kemur til með að verða
stór hluti af lífi mínu, en ég vil líka
læra eitthvað annað. Nú er ég orð-
in 18 ára og unglingahlutverkin
verða vart fleiri. Ég er að færast
upp í flokk fullorðinna leikkvenna
og við það eykst náttúrulega sam-
keppnin. En ég hef fengið að finna
smjörþefinn af frægð og frama —
og tel mig því undir þetta búna.
Það sem skiptir mestu máli I þessu
öllu saman er að maður fylgi ákveð-
inni stefnu, hviki aldrei frá sam-
visku sinni eða sannfæringu og
skapi sér sinn eigin stíl. Þetta er
nauðsynlegt, vilji maður halda söns-
um. Það er líka fyrir þetta sem ég
dái Diane Keaton. Hún er alveg
sérstök, hefur sinn persónulega stíl
og er afskaplega sterk manneskja.
Annað átrúnaðargoð mitt er leik-
konan Jessica Lang. Hún er eina
leikkonan, sem ég hef kynnst, sem
getur verið hvort tveggja í senn —
afskaplega viðkvæm og góð en um
leið sterk ogtraust. Það er nefni-
lega hægara sagt en gert að
samræma þessa tvo þætti," segir
Molly Ringwald, sem nú stendur á
þröskuldi „fullorðinsfrægðarinnar".
Hin 18 ára gamla Molly Ringwal
Warrens Beatty og Johns Hughes.
— nánasta vinkona þeirra
Opna Samveldismótið í skák:
Jóhann Hjart-
arson vann
glæstan sigur
Skák
Margeir Pétursson
London
JÓHANN Hjartarson vann yfir-
burðasigur á Opna breska
samveldismótinu í skák, sem
lauk í London i gær. Jóhann
blaut átta vinninga af níu
mögulegum, vann sjö skákir og
gerði tvö jafntefli. Á mótinu
tefldu m.a. fimm stórmeistarar.
I þremur síðustu umferðunum
vann Jóhann þrjá stórmeistara,
þá Plaskett, De Fermian og
Kudrin.
í öðru sæti á mótinu urðu
bandaríski stórmeistarinn Mick
de Fermian og indverski alþjóða-
meistarinn Prasad með sjö vinn-
inga. Prasad hlýtur því titilinn
„Skákmeistari breska samveldis-
ins 1986“, því hann var efstur
keppenda frá samveldislöndunum.
Aðeins einn af ensku stórmeistur-
unum tók þátt í mótinu, það var
James Plaskett, sem Jóhann vann
í sjöundu umferð.
Sergei Kudrin varð að vinna
Jóhann í síðustu umferð til að
geta náð honum. Kudrin tefldi því
djarft og fómaði manni strax í
tíunda leik til að ná mátssókn.
Þetta kom Jóhanni þó ekki í opna
skjöldu, hann varðist af öryggi
og Kudrin gafst upp þegar leiknir
höfðu verið 26 leikir því þá blasti
mát við honum sjálfum. Skák
þeirra Kudrins og Jóhanns gekk
þannig fyrir sig:
Hvítt: Kudrin, Bandaríkjunum.
Svart: Jóhann Hjartarson.
ítalski leikurinn.
1. e4 - e5, 2. Rf3 - Rc6, 3.
Bc4 - Bc5, 4. c3 — Rf6, 5. b4!?
- Bb6, 6. d3 - d6, 7. 0-0 -
0-0, 8. Bg5 - h6, 9. Bh4 - g5,
10. Rxg5?! — hxg5, 11. Bxg5 —
Kg7, 12. Df3 - Hh8, 13. Rd2 -
Kg6!, 14. h4 - Hh7, 15. Hael?!
Jóhann Hjartarson
- Bg4!, 16. Bxf6 - Dd7, 17.
Dg3 - Kxf6, 18. d4
Hvítur hótar nú 19. f3,
18. - Ke7, 19. Bb5 - Hah8!
Upphafið á gagnsókn svarts,
20. Rc4 — exd4!,
Mun sterkara en 20. — Hxh4?,
21. f3,
21. Rxb6 — axb6, 22. cxd4 —
De6!, 23. d5 - Df6, 24. dxc6 -
Hxh4, 25. f4 - Db2!, 26. Be2 -
Dd4+ og hvítur gafst upp því að
hann er óveijandi mát.
Jón Garðar Viðarsson frá Akur-
eyri var einnig með á Opna
samveldismótinu. Byijaði hann
illa en vann á í lokin og náði jafn-
tefli við spænska alþjóðameista-
rann Calvo í síðustu umferð. Jón
hlaut fimm vinninga.
Vísitala byggingar-
kostnaðar hækkaði um
3,6% á þremur mánuðum
Jafngildir 15,0% verðbólgn á ársgrundvelli
HAGSTOFAN hefur reiknað vísi-
tölu byggingarkostnaðar eftir
verðlagi í ágúst 1986. Reyndist
hún vera 274,53 stig, eða 0,65%
hærri en í júlí.
Síðastliðna tólf mánuði hefur
vísitala byggingarkostnaðar hækk-
að um 21,4%. Undanfama þijá
mánuði hefur vísitalan hækkað um
3,6% og jafngildir sú hækkun 15,0%
verðbólgu á heilu ári.
Hækkun á verði steypu um 2,8%
olli tæplega 0,3% hækkun vísi-
tölunnar en hækkun ýmissa ann-
arra efnisliða olli rúmlega 0,3%
hækkun.
Tekið skal fram, að við uppgjör
verðbóta á fjárskuldbindingar sam-
kvæmt samningum þar sem kveðið
er á um, að þær skuli fylgja vísi-
tölu byggingarkosnaðar, gilda hinar
lögformlegu vísitölur, sem reiknað-
ar em Ijórum sinnum á ári eftir
verðlagi í mars, júní, september og
desember, og taka gildi fyrsta dag
næsta mánaðar. Vísitölur fyrir aðra
mánuði en hina lögboðnu útreikn*
ingsmánuði gilda hins vegar ekki
nema sérstaklega sé kveðið á um
það í samningum.
♦ +■*---
Leiðrétting:
Minni Ingólfs
í FRÉTT blaðsins af hátíðar-
höldum á Arnarhóli á baksíðu í
gær, þriðjudag, misritaðist nafif
á tónverki Jóns Þórarinssonar
og það ranglega nefnt „Minni
íslands“. Verkið heitir „Minni
Ingólfs'* og er tilbrigði við lag
Jónasar Helgasonar við Ijóð
Matthíasar Jochumssonar. Það
leiðréttist hér með og eru hlutað-
eigendur beðnir velvirðingar.