Morgunblaðið - 20.08.1986, Side 46

46 " MORGUNBLAÐIÐ, MIÐVIKUDAGUR 20. ÁGÚST 1986
íslandsmótið
á kjölbátum
Morgunblaöiö/Þorkell
• Skýjaborg á beitivindi út Skerjafjörð. Útsýni til landsins er oft stórfenglegt umhverfis Reykjavík.
SÍÐASTLIÐNA helgi var haldið
íslandsmót á kjölbátum, og var
mest siglt á ytri höfn Reykjavík-
ur. Alls 14 bátar luku keppni, sem
var undir stjórn Odds Friðriks-
sonar.
Skipta má keppni í tvo aðal
flokka. Annars vegar keppni á
''ákveðnum siglingaleiðum þar sem
fast land eða siglingaleið markar
brautir. Þar má t.d. nefna keppni
yfir Atlantshafið, umhverfis eyjar
t.d. England eða Sjáland. Þá er
keppni umhverfis hnöttinn vinsæl,
og er þar skemmst að minnast
nýafstaðinnar „Whitbread round
the world", þar sem frægir aðilar
voru þátttakendur á sérsmiðuðum
bátum.
Hin tegund keppni er byggð upp
á baujum sem lagt er út eftir
ákveðnum reglum, en aðalreglan
þó að fyrsti leggur skal vera sigling
beint upp í vind, eða þar sem bát-
ar þurfa að „krussa" upp fyrsta
legg. Jafnan er slík keppni kölluð
þríhyrningskeppni, enda lögð með
3 baujum.
Öllu jöfnu er keppnisstjóri á
bát, sem ræsir keppendur við línu,
þvert á vind, miðað við bauju nr.
1 og þess reynt að gæta að vind-
stefna sé frá bauju nr. 2.
Keppendur eru ræstir með
merkjagjöf. Hljóð- og fánamerki
byrja 10 mínútum fyrir rásmerki
og innskot 5 og 1 mínútu áður og
tíminn þannig talinn niður.
Ef sigldar eru þríhyrningskeppn-
j^ir er venjulega stuðst við
'„Óplympíuform", þ.e. þríhyrning-
ur, pulsa, þríhyrningur, strik. Þá
er fyrsta umferð frá línu A/1, að 2
og að 1, annar 1—2—1 (pulsa),
síðan annar þríhyrningur, 1/2/3/1
og þá er lagt í síðasta legg (strik-
ið) frá 1 að 2, hvar stjórnbátur
hefur lagst við fast og markað linu
þvert á vind séð frá bauju nr. 2.
Þegar bátar skera línuna er gefið
merki og millitími tekinn. Engan
veginn er gefið, að sá bátur sem
fyrstur kemur í mark sigri, þar sem
möguleikum þeirra er jafnað með
forgjöf. Forgjöfin er reiknitala sem
byggð er upp á hlutfalli lengdar
sjólínu, seglflatar og þyngdar báts.
Siglingatími bátanna í hverri
keppni er umreiknaður og hlut-
fallstalan sýnir endanlega röð
þeirra. Öllu jöfnu eru sigldar 5
umferðir þegar keppt er um titil
og ræður samanlögð stigagjöf
þeirra hver titilinn hreppir. Spenna
í keppni sem þessari er mikil, eink-
um vegna þess að leyfilegt er að
fella niður „lökustu" niðurstöðu
þegar sigldar eru 5 umferðir, þann-
ig að spenna er oft mikil vegna
frákasts slakrar keppni sem hefur
jafnvel gefið 10—14 refsistig.
Þríhyrningskeppni sem þessi er
vinsæl, og eins og vitnað var í, þá
er keppt eftir þessu formi á
Ólympiuleikum. Skammt er að
minnast keppninnar „American
Cup" 1984 þar sem Ástralir mættu
til leiks með sérhannaðan kjöl, kjöl
með vængjum. Kjöl þennan hafa
margir reynt siðan en litlar sögur
eru af eiginlegu gildi hans utan
þess að auglýsingin hafi haft sál-
ræn áhrif á keppinautana, enda
varð sigurinn Ástrala sem þurfa
að verja hann innan skamms.
íslandsmótið
á kjölbátum
Siglingar hérlendis eru í mikilli
sókn og hafa 14—16 kjölbátar lok-
ið keppni á undanförnum árum
þegar keppt hefur verið um meist-
aratitilinn á kjölbátum.
Á bakvið keppni liggur mikil
vinna og samæfing ef sæmilega á
að takast. Öllu jöfnu eru 3—5 skip-
rúm mönnuð á hverjum bát þannig
að yfir 60 beinir þátttakendur voru
í móti helgarinnar.
Bátar og áhafnir í mótinu voru:
18—20 feta bátar:
Carmen:
Gunnlaugur Jónasson,
ísleifur Friðriksson,
Ólafur Jónsson.
Aida:
Daníel Friðriksson,
Valdimar Karlsson.
20-24 feta:
Súsanna:
Jóhann Reynisson,
Ingibjörg Einarsdóttir,
Hannes Tómasson,
Már Hallgrimsson.
Albatross:
Jóhann Gunnarsson,
Þorkell Magnússon,
Edda Þorkelsdóttir,
Jóhann Jóhannsson,
Jóhann Magnússon.
Funi:
Hjörtur Eiríksson,
Rúnar Steinsen,
Páll Hreinsson.
Assa:
Ari Bergmann Einarsson,
Jóhann Hallvarðsson,
Baldvin Einarsson.
Mardöll:
Bjarni Hannesson,
Magnús Karl Pótursson,
Guðjón Torfi Guðmundsson.
25-28 feta:
Skýjaborg:
Baldvin Björgvinsson,
óttarr Hrafnkelsson,
Bjarki Arnórsson,
Guðmundur I. Skúlason.
Frá:
Kristján óli Hjaltason,
Stefán Friöfinnsson,
Sigurjón Kristjánsson,
Ágúst Arnbjörnsson.
Stjarnan:
Erling Ásgeirsson,
Ásgeir Ásgeirsson,
Gunnar Ólafsson,
Steinar Gunnarsson.
30 feta:
Sæstjarnan:
Viðar Ólsen,
Gunnar Hilmarsson,
Amanda Dunn,
Steinn Steinsen,
Birgir Hilmarsson.
Eins og í upphafi var greint frá
var keppnisstjórn í höndum Odds
Friðrikssonar, með aðstoð Andr-
ésar Adolfssonar á „Norninni" fyrri
tvo daga keppninnar og Jóhannes-
ar Jónssonar á „Venusi frá Akra-
nesi" síðasta keppnisdaginn.
Fyrsta umferð hófst á Skerja-
firði. Rásmark var við Kópavogs-
bryggju, sigld var „hafskipaleið"
út Skerjafjörð, fyrir „Akureyjar-
bauju" og markið var í mynni
Reykjavíkurhafnar. Vindur var
mestur NNA 4—5 vindstig, sem
kallast góður byr. Þó var vindur
og alda fyrir Gróttu full mikil fyrir
báta undir 25 fetum þannig að
þeir þurftu að minnka segl, annað
hvort með því að rifa stórsegl eða
skipta um fokku. Ekki voru allir
sáttir við að rifa þannig að beiting
varð hörð frá Gróttu að Akureyjar-
bauju, þar sem áhafnir vissu af
siglingu „undir belgsegli" allt inn
í Reykjavíkurhöfn. Sá leggur var
skemmtilegur, enda lens undirfull-
um seglum á hámarks hraða.
Fyrstu sætum í þeirri keppni
skiptu með sér: 1. Frá, 2. Stjarn-
an, 3. Carmen, 4. Aida, 5. Eva, 6.
Sæstjarnan.
Önnur umferð hófst kl. 10.00 á
laugardag. Rásmark var gefið kl.
10.10 og sigld þríhyrningskeppni:
Rásmark, Hjallaskersbauja, 7
bauja, rásmark, Hjallasker, rás-
mark o.s.frv. í þeirri keppni féll
Engey inn í brautina. Vindur var
NNV 1—2 stig, sem telst fremur
hægur og sigling þvi fremur róleg,
að undanteknum augnablikum þar
sem keppendur reyndu að hrella
hvorn annan með því að „stela"
vindi hvor frá öðrum eða á annan
„löglegan" máta að nýta rétt sinn
til þess að komast framar.
Fyrstu sæti skiptust þannig: 1.
Skýjaborg, 2. Frá, 3. Mardöll, 4.
Assa, 5. Carmen, 6. Sæstjarnan.
Þriðja umferð hófst kl. 15.25 á
laugardag. Þá hafði vindur snúist
meira til norðurs 2—3 vindstig og
var því þríhyrningurinn frá rás-
marki norðan hafnarmynnis, að
Akureyjarbauju/Hjallaskeri/rás-
merki o.s.frv.
Skipting sæta: 1. Skýjaborg, 2.
Frá, 3. Carmen, 4. Eva, 5. Stjarn-
an, 6. Assa.
Á sunnudag voru fyrirhugaðar 2
umferðir, en vegna vindleysis varð
að fella niður þá seinni. Keppnin
hófst kl. 10.10 og sigldur svipaður
þríhyrningur og í keppni 2, nema
innan Engeyjar. Vindur var austan
1—3 vindstig. Rásmarkiö var rétt
sunnan hafnarmynnis og var frem-
ur þröngt. ALIir kusu stjórnborðs-
start og var mikil glíma í markinu
að ná sem bestri stöðu, einkum
þar sem fá stig skildu að marga
báta um fyrstu sætin. Leikar fóru
fljótt á þann veg að Frá, Stjarnan,
Assa og Mardöll náðu að kljúfa sig
út úr hópnum og sigla fritt. Flestir
aðrir bátanna lentu í vindskugga
og gátu illa losnað úr hnappheld-
unni. Fyrsti þríhyrningur var þó
fremur rólegur, en þegar kom að
næsta legg var siglt beint undan
vindi þannig að stærri bátarnir, svo
sem Sæstjarnan og Skýjaborg
náðu að skyggja nokkra fremri
báta og hefta þá. Keppnin ein-
kenndist því af glímu við að losna,
en við baujur þrengdist hópurinn
ætíð og sama glíman byrjaði upp
á nýtt.
Skipting sæta varð: 1. frá, 2.
Stjarnan, 3. Carmen, 4, Aida, 5.
Albatross, 6. Assa.
Eins og greint var áður frá varð
að fella niður síðustu umferðina,
þannig að ekki var hægt að nýta
úrkast. Keppnislok urðu þvi:
1. sæti Frá,
2. sæti Skýjaborg,
3. sæti Carmen,
4. sæti Stjarnan,
5. sæti Aida,
6. sæti Assa.
Með sanni má segja að siglinga-
keppni, séð úr landi, sé litrík og
skemmtileg íþrótt. Marglit segl og
fallegir bátar eru á ferðinni. Oft
eru það bátar sem eigendur hafa
smíðað sjálfir og eiga þá til
skemmtunar fyrir sig, fjölskyldu og
vini. Siglingar hér eru meira en
keppni, því mjög margir bátar eru
til, sem taka ekki þátt í þeim, en
eru mikið notaðir til hollrar og
góðrar útivistar. Við fáar aðrar
aðstæður er glímt meira við nátt-
úruna og duttlunga hennar, með
því að haga seglum í vindi, láta
regnið bylja á sér eða sóla sig úti
á fjörðum og flóum landsins.
Leiðrétting
RANGT var farið með nöfn
tveggja leikmanna i úrslitum ís-
landsmótsins í knattspyrnu yngri
fiokkanna, sem greint var frá í
gær.
Það var Níels Dungal, sem skor-
aði fyrsta mark FH gegn Þór,
Akureyri, i úrslitaleiknum í 5. flokki,
sem FH vann 2:0, og hjá íslands-
meisturum Stjörnunnar í 3. flokki
var Valdimar Kristófersson sagður
Valdimarsson í lista yfir marka-
skorara. í nafnalista undir mynd
af leikmönnum Stjörnunnar féllu
niður nöfn Sigurðar Hilmarssonar,
sem er annar frá vinstri í efri röð,
og Valdimars, sem er þriðji frá
vinstri. Þá féll niður nafn Róberts
Gíslasonar, en hann er þriðji frá
hægri í efri röð á myndinni af ís-
landsmeisturum Fylkis í 4. flokki.
Beðist er velvirðingar á þessum
mistökum.
f
/ í
Morgunblaöið/Þorkell
• Sæstjarnan úr Kópavogi og Stjarnan úr Garðabæ háðu glímu um
gott sæti við Seilubauju. Sæstjarnan varð fyrri bátur að bauju og gat
siðan beitt hærra þannig að Stjarnan fóll í vindskugga og tapaði hæð.