Morgunblaðið - 16.10.1986, Blaðsíða 19
MORGUNBLAÐIÐ, FIMMTUDAGUR 16. OKTÓBER 1986
19
Hvers vegna veita gálfstæð-
ismenn góðum málum lið?
eftir Guðmund H.
Garðarsson
Meinleg dálkavíxl urðu við
uppsetningu greinar Guðmundar
H. Garðarssonar í gær, og er hún
því birt hér aftur. — Blaðið biðst
velvirðingar á þessum mistökum.
Að hvaða málum munt þú helst
vinna á Alþingi? Að þessu hefi ég
verið spurður vegna prófkjörs Sjálf-
stæðisflokksins. Á stjómmálajferli
mínum hefi ég einkum leitast við
að vinna að atvinnu-, utanríkis-,
trygginga- og heilbrigðismálum,
jafnframt umfjöllun um launa- og
kjaramál. Þessir málaflokkar krefj-
ast mikillar athygli. Þeir eru
umfangsmiklir og snerta alla lands-
menn meira og minna.
Mannúð — um-
burðarlyndi
Tökum daemi: Lífeyris- og trygg-
ingamál. í nútímasamfélagi er
mikilvægt að málefnum aldraðra,
lífeyrisþega, öryrkja og sjúkra sé
sinnt af skilningi og réttsýni. í
ýmsum tilvikum verður að nálgast
lausn þessara mála með sjónarmið
mannúðar og umburðarlyndis í
huga. í þeim efnum geta íslending-
ar haft ákveðna sérstöðu borið
saman við framkvæmd þessara
mála hjá öðrum þjóðum.
Land allsnægta
Fýrir nokkru var ég staddur í
London. Undir samræðum við
breskan vin minn, sem þekkir vel
til íslands, sagði hann m.a.: „Ég
þekki enga þjóð, sem býr við jafn
góðar aðstæður og íslendingar."
Hér talaði víðförull maður. Mér lék
forvitni á að vita nánar, hvað hann
ætti við. Svarið var í stuttu máli:
„íslendingar eru aðeins um 240.000
manns í stóru og gjöfulu landi.
Þeir eru almennt velupplýstir og
ágætlega menntaðir. Jafnfræði
ríkir milli manna. Skilningur er á
milli stétta." Þá sagði hann: „Helsti
útflutningur ykkar, fiskurinn, sem
kemur úr ómenguðum hafsvæðum,
er eftirsótt fæða hinna efnuðu í
auðugustu ríkjum jarðarinnar.
Verðlag á sjávarafurðum er hátt.
Efnahagur íslendinga er þar af leið-
andi góður borið saman við aðrar
stærri þjóðir. Mikið er til skiptanna
fyrir fámenna þjóð.“
Enn hélt hinn breski vinur minn
áfram og sagði: „Þið íslendingar
búið í vemduðu landi með mikið
hafsvæði á milli ykkar og þéttbýlla
ríkja. Enn eigið þið marga ónotaða
möguleika í nýtingu landsins og
þeirra gæða er það býr yfir. Fólk
í hinum stóru, iðnvæddu og þétt-
býlu ríkjum þráir mest að geta
einhvers staðar notið heilnæms lofts
og ómengaðrar náttúru í kyrru og
hljóðlátu umhverfi. Slíkum stöðum
Guðmundur H. Garðarsson
fækkar óðum í heiminum. Að búa
við ákveðna einangrun er að verða
mikils virði. Allt þetta og meira
hafið þið íslendingar," sagði hinn
breski vinur minn að lokum.
Nóg tíl skiptanna
Meðal annars með þetta í huga,
verður mér hugsað til þess að í hita
hinnar pólitísku umræðu um efna-
hags- og peningamál, vilja ýmsir
ofurhugar í stjórnmálum oft gleyma
ábyrgð okkar allra og skyldum
gagnvart þeim, sem miður mega
sín í íslensku þjóðfélagi. Við megum
ekki láta kalda peningahyggju
blinda okkur með þeim hætti að
heilbrigðis- og tryggingamál, sem
eru öðrum þræði líknarmál, verði
vanrækt. Hafi nokkur þjóð mögu-
leika til að búa vel að öldruðum og
sjúkum eru það íslendingar. í þeim
efnum eiga Sjálfstæðismenn að
hafa forystu.
Jákvætt starf
Á umliðnum árum hefur mikið
og gott starf verið unnið í öldrunar-
málum og í þágu öryrkja. Er minnt
á frumkvæði Gísla Sigurbjömsson-
ar á Gmnd, Odds Olafssonar á
Reykjalundi og Péturs Sigurðssonar
hjá DAS. En það eru ótal fleiri sem
hér hafa komið við sögu, ýmist sem
sjálfboðaliðar eða starfsmenn. Of
langt mál væri að telja allt það
ágæta fólk upp í stuttri blaðagrein.
Að heilbrigðismálum starfa hæfír
læknar og hjúkrunarfólk, ásamt
miklum fjölda aðstoðarmanna.
Þetta fólk ber að efla í starfí, m.a.
með jákvæðri umfjöllun þessara
mála og skilningi á mikilvægi þess
sem hér um ræðir.
Aldraðir og líf-
eyrisþegar
í trygginga- og lífeyrismálum er
enn mikið verk að vinna. Nauðsyn-
legt er að endurskoða almenna
tryggingakerfið og stöðu lífeyris-
sjóðanna í heild með það að
markmiði að enginn verði afskiptur
í þessum efnum og allir landsmenn
njóti sama réttar til mannsæmandi
lífeyris að starfsævi lokinni. Árið
1976 var að frumkvæði Geirs
Hallgrímssonar, þáv. forsætisráð-
herra, stofnað til samstarfsnefndar
aðila vinnumarkaðarins og ríkis-
valdsins til að vinna að eflingu
lífeyrisgreiðslna og samræmingu
þessara mála á sviði lífeyrissjóð-
anna. Um svipað leyti lagði ég fram
frumvarp til laga um lífeyrissjóð
fyrir alla landsmenn. Síðan hefur
þessum málum þokað nokkuð
áfram, en þó ekki sem skyldi. Enn
búa þúsundir manna við ófullnægj-
andi lífeyrisréttindi: en ríkir mikið
misrétti í lífeyrismálum, og enn ríkir
ringulreið í tryggingarmálum í
heild. Fjöldi lífeyris- og trygginga-
þega býr við mikla óvissu og þekkir
ekki sinn rétt.
Allir njóti sama réttar
Þetta verður að lagfæra. Allir
verða að njóta sama réttar í lífeyris-
málum. Endurskipulagning lífeyris-
og tryggingamála er eitt af stærstu
verkefnum Alþingis í nánustu
framtíð. Að því verkefni vil ég
vinna, hljóti ég kosningu á Alþingi.
í þessum efnum finnst mér ég eigi
ólokið ákveðnu og þýðingarmiklu
verkefni.
Ég leita því eftir stuðningi Sjálf-
stæðismanna í Reykjavík í prófkjöri
18. október 1986, til að vinna að
framgangi lífeyrismála. Til þess
þarf ég öruggt sæti á lista Sjálf-
stæðisflokksins í næstu Alþingis-
kosmngum.
Ég veit, að Sjálfstæðismenn í
Reykjavík veita ætíð góðum málum
lið.
Bankastræti 10, sími 13122
Garðakaupum, Garðabæ, sími 656812
lOára
í tilefni 10 ára afmælis okkar bjóðum
við 20°/o staðgreiðsluafslátt af öllum
vörum þessa viku, þ.e.
13.-20. október.
(KOSTA)
V _____/
ÍBQOAJ
V____ J