Morgunblaðið - 08.11.1986, Side 57

MORGtMBItAÐIÐ, LAUGARDAGUR,8l NÓVEMBER'íaae
S7
Eyðni besta orðið
Bréfritari vill benda á það meðal annars að orðið „grindhvalur" er
færeyska en samsvarandi íslenkt orð er marsvín.
Hin illræmda veiki „aids“ hefur
fengið þrjú heiti á íslensku: Al-
næmi, ónæmistæring og eyðni.
Þegar ég sá það siðast nefnda
fannst mér strax að það bæri af
hinum. Gladdist ég því þegar sá
mikli málsnillingur, Helgi Hálf-
dánarson, tók þessi orð til athugun-
ar og mælti mjög með því að eyðni
yrði notað.
Alnæmi er villandi. Ónæmistær-
ing skýrir vel áhrif v eikinnar, en
er langt og óþjált. Til dæmis verður
ónæmistæringarsjúklingur æði stirt
í munni. Eyðni bendir á áhrif veik-
innar. Það er stutt og lipurt og þjált
í tengslum við önnur orð.
Ég vil skora á forkólfa nýyrða,
Ríkisútvarpið, blaðamenn og aðra
áhrifamenn um málfar, að taka upp
heitið eyðni á þessari veiki.
Breytingin á fréttatíma sjónvarps
hefur hrundið af stað hörðum mót-
mælum og vil ég taka undir þau.
Þessi breyting er óhentug fyrir
fjölda fólks. Að vísu þykir mörgu
fíimlu fólki, sem er óbundið störf-
um, gott að framhaldsþættir og
fleira efni er fyrr á kvöldin eftir
breytinguna.
Ég hlusta mikið á rás 1 og finnst
mér ástæða til að hrósa því efni sem
þar er boðið fram. Þó hefur mér
þótt leikritaval útvarpsions frekar
misheppnað.
Ýmislegt í málfari manna, sem
láta til sín heyra í útvarpi og sjón-
varpi, lætur illa í eyrum. Flestir
stagiast á því að hlutir gerist „í
dag“, þrátt fyrir að þeir nái yfir
langan tíma. Og enn eru menn
búnir í þann gamla, þrautleiðinlega
stakk, sem ólíkt öðrum klæðnaði
virðist aldrei fara úr tísku. „Alla-
vegana" og „sem slíkur" mættu
alveg missast. Fréttaþulir bafa und-
anfarið haft margt að segja um
„grind" og „grindhvali". Þeir mættu
nú gjaman vita að þessi dýr heita
á íslensku marsvín. „Grind" er fær-
eyska.
Mér þótti leitt, þegar kennari
lýsti aðferð við lestrarkennslu
bama, og sagði hvað eftir annað
„akkúrat“ og Jú“ á danska vísu.
Fyrir nokkru birti kona í dálkum
Velvakanda brot úr enskum texta,
sem sunginn var á rás 2. Var hún
hneyksluð á að slíkt skyldi heyrast
í Ríkisútvarpinu. Enda var þetta svo
argvítugt klám að gömlu íslensku
klámvísumar komust ekki í hálf-
kvisti við enska tgxtann. Ég vil biðja
forráðamenn rásarinnar að reisa
slíkum tekstaflutingi skorður.
Þórunn Guðmundsdóttir
Þessir hringdu . . .
Flóamarkaður-
inn frábær
G. F. hringdi og vildi þakka
fyrir frábæran flóamarkað á
Bylgjunni.
A að selja nýja
útvarpshúsið?
H. J. hringdi:
Þessa dagana er mikið tálað
um hugsanlega sölu á rás 2. Mig
langar til að vita hvort það sé
rétt að einhveijir þingmenn séu
að pota því fram að selja nýja
útvarpshúsið? Ef af því verður þá
eru væntanlega dagar rásar 2
taldir, eða hvað?
Eru þeir síma-
sambandslausir
hjá Veðdeild
Landsbankans?
Guðrún hringdi:
Ég hef oft reynt að ná sam-
bandi við Veðdeild Landsbanka
íslands símleiðis en án árangurs.
Yfirleitt er á tali en ef svarar þá
er það kona í Garðabæ sem seg-
ist ekki óvön að fá slíkar upp-
hringingar. Samt hringi ég í s.
621662 en það númer er gefið
upp á greiðsluseðlum frá stofnun-
inni. Jafnvel starfsmenn í aðal-
bankanum segja mér að það sé
vonlaust að ná sambandi við veð-
deildina. Hvemig stendur á þessu?
Telja forsvarsmenn bankans að
það sé honum til framdráttar að
hafa símasambandslaust við veð-
deildina?
Hugsið um ör-
yrkja
Gunnar Sverrisson hringdi:
Ég vil ekki vera neikvæður en
mig langar til að benda ráða-
mönnum á það að öryrkjar eiga
sífellt erfiðara með að láta sínar
örorkubætur endast mánuðinn á
enda. Margt gott hefur verið gert
fyrir öryrkja hér á landi á undan-
fömum áratugum en eru menn
nokkuð búnir að gleyma þeim?
Rúskinsjakki
tekinn í misgrip-
um
Ungur maður hringdi og sagði
frá því að jakkinn hans, sem er
millibrúnn rúskinsjakki, hefði ve-
rið tekinn í misgripum á veitinga-
staðnum Uppi og Niðri á
föstudagskvöldið 31. okt. í jakk-
anum var bankabók, lyklakippa,
trefill og vettlingar. Sá sem lenti
í því óláni að fá þennan jakka í
misgripum er beðinn að hringja í
s. 13753.
Hvítt BMX hjól
fundið
Bryndís hringdi:
Hér fyrir utan hjá okkur hefur
lengi staðið lítið hvítt BMX reið-
hjól með áletmninni Team.
Enginn virðist eiga það af þeim
sem hér búa f nágrenninu en þeir
sem kannast við að sakna slíks
hjóls getað athugað með það í
Gnoðavogi 76. S.37173.
Svört hliðar-
taska týndist
Kvenmaður hringdi og kvaðst
hafa tapað svartri hliðartösku ein-
hversstaðar á leiðinni frá Þórscafé
að Dalalandi. Þetta var á föstu-
dagskvöldið 31. okt.. í henn i
vom meðal annars skilríki og
fleira sem hún getur illa án verið
og er finnandi beðinn að hringja
í s. 77664.
Vill að meira sé
aðgert
G. hringdi:
Ég er ein af þeim sem hef gef-
ið til Hjálparstofnunar kirkjunnar
og ég verð að segja að ég er af-
skaplega óhress með viðbrögð
stofnunarinnar við þeirri fjár-
málaóreiðu sem er þar á bæ. Ég
vil að skipt verði þar um menn í
æðstu stöðum, að öðmm kosti er
ákaflega hætt við að traust fólks
á stofnuninni rými mjög.
Jónina verður að
gæta orða sinna
betur
Kona hringdi:
Ég hringi fyrir nokkrar mann-
eskjur og viljum við beina þeim
tilmælum til Jónínu Benedikts-
dóttur að hún gæti orða sinna
betur í morgunleikfiminni. Stund-
um sýnir hún hlustendum sínum
og sérstaklega þeim er reyna að
hreyfa sig með henni ákaflega
mikla lítilsvirðingu, talar jafnvel
um kjötskrokka og flissar í tíma
og ótíma.
Af hverju mishiti
á vatninu?
Sundlaugargestur hringdi:
Ég fer oft í sund á morgnana
í Laugardalslaugina. Ég hef tekið
eftir því að hitinn á vatninu úr
sturtunum og í nýja nuddpottinum
er ákaflega breytilegur. Fyrir nú
utan það að vatnið í nuddpottinum
er á stundum kalt svo fólk helst
þar ekki við. Hefur ekki eitthvað
farið úrskeiðis hér?
í annan stað vildi ég biðja um
að keypt yrði klukka og staðsett
við nuddpottinn því illa sést á
klukku úr honum og stundum
jafnvel ekkert þegar gufa eða
myrkur liggur yfir.
■ ■
Okukennsla - endurhæfing
Kenni á Opel Ascona.
Hagkvæmt og árangursríkt.
Gunnar Helgi, sími 78801
Athugið, að Húsasmiðjan í
Reykjavík hefur tekið við söluum-
boði okkar af BYKO.
EVRÓPUFRUMSÝNING
Aftur f
Hann fer aftur í skóla fimmtugur til að vera syni
sínum til halds og trausts. Hann er ungur í anda og
tekur virkan þátt í skólalífinu. Hann er líka virkur í
kvennamálunum.
Rodney Dangerfield grínistinn frægi fer á kostum í
þessari best sóttu grínmynd ársins í Bandaríkjunum.
Aftur í skóla er upplífgandi í skammdeginu.
LEIKSTJÓRI ALAN METTER BURT YOUNG
AÐALHLUTVERK RODNEY DANGERFIELD KEITH GORDON
SALLY KELLERMAN NED BETTY
Sýnd kl. 5.10, 7.10 og 9.10.
DOLBY STEREO |