Morgunblaðið - 30.12.1986, Qupperneq 17

MORGUNBLAÐIÐ, ÞRIÐJUDAGUR 30. DESEMBER 1986
17
Athugasemd við plötudóm
Krossmiðjan
Líf jarðar er dásamlegt undur.
Við hugsum þó sjaldnar um það en
vert væri. Við þyrftum ef til vill
að horfa á jörðina bláa frá geimnum
til þess að hrífast sem skyldi. En
hver einasta lífshræring, fruma og
hjartsláttur sýnir það þó. En lífið
er viðkvæmt. Það þarfnast umönn-
unar og elsku til að fá þrifist og
dafnað. Illska og íjandskapur ógnar
því, ábyrgðarleysi og skammsýni
manna. „Sjáandi sjá þeir ekki og
heyrandi heyra þeir ekki,“ sagði
Jesús oft um samtíðarmenn sína á
jarðvistardögum sínum. Það má
ekki henda okkur sem nú lifum.
Við verðum að vita nú og viður-
kenna hvað til okkar friðar heyrir.
Brátt getúr það orðið of seint.
Á heimskorti og utan úr geimn-
um sést að ísland liggur miðja vegu
milli stórvelda og það var sem þjóð-
ir heimsins tækju eftir því á liðnu
hausti þegar kastljósi fjölmiðla
heimsins var beint hingað vegna
fundar stórveldaleiðtoga. Nú er sem
lega landsins hafi breyst í vitund
umheimsins frá því sem áður var.
Það er ekki lengur landið fjarlæga
í norðri, fáum kunnugt, heldur miðj-
an á milli stórveldanna.
Sem kristinn maður sé ég Island
fýrir mér sem miðju á stórum krossi
sem teygir arma sína milli austurs
og vesturs og myndar brú sáttar
og friðar. Það er veglegt hlutverk
lands og þjóðar að vera slík brú,
en til þess þarf fagnaðarerindið um
dýrð Guðs og frið á jörðu að skerpa
sýn og heym svo við sem hér lifum
högum málum okkar þannig að við
verðum ekki um of bundin ófriðar-
hugsun og hemaði heldur gætum
hvarvetna að hagsmunum lífs og
séum ávallt málsvarar friðar á
jörðu.
Á aðventu 1986.
Höfundur er sóknarprestur í
Hafnarfirði.
Mig langar til að þakka Agli
Friðleifssyni vinsamleg orð um
hljómplötu okkar Jónasar Ingi-
mundarsonar, „Ljóðaperlur“, í
Morgunblaðinu hinn 23. desember
síðastliðinn. I enda greinar hans er
þó klausa, sem ég vil gera athuga-
semd við. Þar segir: „Með plötunni
fylgir textablað, sem er til bóta.
Þó vekur dálitla furðu að Kristinn
vikur frá skrifuðum texta á a.m.k.
þrem stöðum, og ætti slík óná-
kvæmni að vera óþörf."
Það er rétt, sem Egill segir. Það
gætir misræmis í texta á plötu og
textablaði í nokkmm tilvikum.
Þetta misræmi stafar af því, að ég
söng textana eins og þeir voru á
nótnablöðunum, en textablaðið var
hins vegar unnið upp úr ljóðabókun-
um. Við vinnslu textablaðsins kom
í ljós að tónskáldin viðhöfðu ekki
öll jafnmikla nákvæmni. Áður en
lengra er haldið vil ég taka það
fram, að ég segi þetta ekki þessum
mönnum til hnjóðs. Eg leyfi mér
að benda á, að sjálfur Schubert,
konungur ljóðatónlistarinnar, átti
til svipaða ónákvæmni í textameð-
ferð.
Eftirfarandi dæmi ættu að sýna,
hvað við er átt.
í litla kvæðinu um litlu hjónin
stendur „ . .. litla jörð og lygnan
sæ“ hjá Davíð, en í höndum Páls
ísólfssonar verður þetta að „ ...
litla jörð og lítinn sæ“.
Sveinbjörn Sveinbjörnsson fellir
eina línu úr kvæðinu sem hann
nefnir „Valagilsá“, en heitir „Við
Valagilsá". Þessi lína er: „Hestam-
ir híma uppi á völlum“. I sama
kvæði segir Hannes Hafstein á ein-
um stað: „.. . hve grenjandi
hrönnin við hrikaberg sýður“. í
meðförum Sveinbjöms verður þetta:
„ . . . hve grenjandi hrönn þar við
hrikaberg sýður“. Dæmin era fleiri,
en þessi ættu að nægja.
Þessi ónákvæmni er smávægileg
sem betur fer, og skiptir ekki máli
um innihald textanna, en það voru
að sjálfsögðu mistök að geta ekki
um þetta misræmi á sjálfu texta-
blaðinu.
Með vinsemd og virðingu.
Kristinn Sigmundsson
eð stóru vinningunum okkar
eru þér allir vegir færir!
ARGUS/SlA
'8 9 á kr. 2.000.000; 108 á kr. 1.000.000; 216 á kr. 100.000;
])71 á kr. 10.000; 122.202 á kr. 5.000; 234 aukauinningar á kr. 20.000.
m ar á kr. 907.200.000.
HAPPDRÆTTl
HASKÓLA ÍSLANDS
Vœnlegast til vinnings