Morgunblaðið - 18.01.1987, Blaðsíða 1
96 SÍÐUR B
STOFNAÐ 1913
14. tbl. 75. árg.__________________________________SUNNUDAGUR 18. JANIJAR 1987________________________________Prentsmiðja Morgunblaðsins
Afganistan:
Skæruliðar mynda
LEIÐTOGAR afganskra skæru-
liða hafa samþykkt að koma á
fót bráðabirgðastjórn, sem á að
taka við völdum þegar sfjórn
Najibullahs og sovéski innrásar-
herinn hafa verið hrakin burt.
George P. Shultz, utanríkisráð-
herra Bandaríkjanna, sagði í
fyrradag, að sovéska herinn yrði
að flytja frá Afganistan á „mjög
skömmum“ tíma til að greiða
götuna fyrir myndun nýrrar
stjórnar í landinu.
Sjö stærstu skæruliðahreyfing-
amar í Afganistan skýrðu frá þessu
á fundi, sem 70-80.000 afganskir
útlagar í Pakistan sóttu, og var þar
einnig vísað á bug vopnahléstilboði
Kabúlstjómarinnar. Hétu skæmlið-
ar að halda baráttunni áfram þar
til síðasti sovéski hermaðurinn væri
farinn frá Afganistan og Kabúl-
stjómin fallin. Fyrir lok febrúar á
nefnd, sem skipuð er fulltrúum allra
hreyfinganna, að vera búin að
semja drög að starfsreglum nýju
stjómarinnar en hennar fyrsta verk
á valdastóli verður að efna til al-
mennra kosninga.
Shultz, utanríkisráðherra Banda-
ríkjanna, sagði á fréttamannafundi
í Washington á föstudag, að Sovét-
menn yrðu að flytja her sinn frá I
Afganistan á „mjög skömmum“
tíma, að öðrum kosti yrði ekki sam- |
inn friður í landinu. „Við munum
ekki bregðast Afgönum," sagði
Shultz og lagði áherslu á, að hugs-
anlegir friðarsamningar gætu ekki
falið annað í sér en að landsbúar
sjálfir fengju að ráða sínum málum.
Ecuador-
forseta
sleppt
Quito og Guayaquil, Equador, AP. Reuter.
LEON Febres Cordero, forseti
Ecuador, var látinn laus í gær
þegar orðið var við kröfum ræn-
ingja hans um að leiðtogi þeirra,
Frank Vargas Pazzos, hershöfð-
ingi, yrði látinn laus úr fangelsi.
Það voru fallhlífarhermenn í
Taura-flugstöðinni, sem tóku
forsetann til fanga.
„Lýðræðið hefur sigrað," sagði
Febres Cordero í sjónvarpsræðu
skömmu eftir að losnaði úr prísund-
inni. Hann sagði að Vargas hefði
verið sleppt til að tryggja frið í
landinu. Vargas stjórnaði mishepp-
naðri byltingartilraun hersins í
marz í fyrra og lét Febres Cordero
fangelsa hann. -
Forsetinn beygði sig fyrir kröfum
ræningja sinna og fyrirskipaði að
Vargas skyldi látinn laus og flogið
til Taura.
Ameríkubikarinn:
Conner feti
frá úrslitum
Fremantle, AP.
DENNIS Conner á skútunni Stars
& Stripes þarf nú aðeins að vinna
eina kappsiglingu við Chris Dick-
son á skútunni New Zealand til
að komast í úrslit Ameríkubikars-
ins i siglingum.
í gær vann Conner fjórðu kapp-
siglingu þeirra Dickson í undanúrslit-
unum og er staðan því 3-1 fyrir Stars
& Stripes. Þeir keppa aftur í dag og
gæti þá fengist úr því skorið hvor
þeirra kemst í úrslitakeppnina, sem
hefst 31. janúar.
Conner var í essinu sínu í gær og
hafði góðan byr, 27 hnúta vind. Tók
hann forystu strax og var hálfri
mínútu á undan við fyrstu bauju.
Úrslitin réðust þegar stórseglið á
New Zealand rifnaði undir lok sigl-
ingarinnar.
I flokki veijenda er staðan 3-0
fyrir Kookaburra III eftir 2:06 mín.
sigur hennar á Australia IV í gær.
Hörkumar íþyngj a
sovésku efnahagslífi
London. Moskvu. AP. Reuter.
London, Moskvu. AP, Reuter.
ENN eru miklir kuldar um mestalla Evrópu þótt sums staðar
hafi dregið nokkuð úr hörkunum. í Bretlandi nema í Kent i suð-
austurhluta landsins hefur hlánað og finnst mörgum sem nú fyrst
hafi steininn tekið úr. Niðurföll og frárennslisrör, sem sprungið
hafa i frostunum, geta ekki tekið við vatnselgnum og flæðir því
vatnið um ganga og göng og kjallarar á kafi. í Sovétríkjunum
eru kuldamir farnir að valda verulegum erfiðleikum í efna-
hagslífinu.
Vitað er um rúmlega 250
manns, sem látið hafa lífið í kuld-
unum í Evrópu og berast daglega
fréttir af nýjum slysum. Á Suð-
austur-Englandi er enn sama
vetrarríkið og þar var hálf milljón
heimila rafmagnslaus í fyrradag
þegar ísing skemmdi rafleiðara
og annan búnað. Annars staðar á
Bretlandseyjum hlánaði með rign-
ingu og varð af mikið vatnsflóð.
Þegar frostinu linnti kom í ljós,
að víða voru illa varin frárennslis-
rör sprungin og hafa slökkviliðs-
menn haft nóg að gera við að
dæla úr yfirfullum kjöllurum.
I Austur-Evrópu hefur sums
staðar verið dregið úr framleiðslu
verksmiðja vegna eldsneytisskorts
en verst er ástandið í Sovétríkjun-
um. Yegor Ligachev, hugmynda-
fræðingur kommúnistaflokksins
og næstráðandi í Kreml, varaði í
gær flokksleiðtoga og aðra ráða-
menn í ríkjunum við og sagði, að
kuldamir væru famir að hafa al-
varleg áhrif á efnahagsstarfsem-
ina. Flutningar á eldsneyti,
hráefnum og byggingarefnum
væm í lamasessi og gæti svo far-
ið, að víðtækur orkuskortur blasti
við. Sagði Ligachev, að vanhugs-
uð áætlanagerð legðist á eitt með
kuldunum og að hætta væri á,
að það, sem áunnist hefði í efna-
hagsmálunum að undanfömu,
færi nú forgörðum.