Morgunblaðið - 12.03.1987, Page 26

26
MORGUNBLAÐIÐ, FIMMTUDAGUR 12. MARZ 1987
Sigurður Jónsson kosinn
f ormaður „Okkar manna“
SIGURÐUR Jónsson, fréttaritari
Morgunblaðsins á Selfossi, var
kosinn formaður „Okkar
manna“, félags fréttaritara
Morgunblaðsins, á aðalfundi fé-
lagsins sem nýlega var haldinn í
Reykjavík. Félagið Okkar menn
var stofnað fyrir tveimur árum
í þeim tilgangi að efla fréttaöfl-
un Morgunblaðsins og vinna að
hagsmunamálum fréttaritara
blaðsins.
Úlfar Ágústsson á ísafirði, frá-
farandi formaður félagsins, flutti
skýrslu stjómar á aðalfundinum.
Fram kom hjá honum að í félaginu
eru nú 100 innlendir fréttaritarar
Morgunblaðsins og eru þeir dreifðir
um allt land. Úlfar sagði frá starfí
stjómarinnar þetta fyrsta starfs-
tímabil félagsins. Gat hann þess að
stjómendur Morgunblaðsins hefðu
sýnt félaginu mikinn áhuga og vel-
vild.
Fyrir forgöngu félagsins hefur
Morgunblaðið efnt til fræðslunám-
skeiða fyrir fréttaritara og ber það
hæst í starfí félagsins, að sögn
Úlfars. Fyrsta námskeiðið var hald-
ið í haust og annað í mars. 28
fréttaritarar hafa sótt þessi nám-
skeið og hafa þau þótt takast vel.
Greiðslur fyrir fréttir fréttaritara
hafa komist í fastara form en áður.
Fyrstu fréttaritaramir hafa fengið
tölvur hjá blaðinu og senda þeir
fréttir sínar beint inn á móðurtölvu
Morgunblaðsins. Félagið hefur gef-
ið út nokkur fréttabréf. „Fræðslu-
starf Morgunblaðsins og félagsins
hefur orðið til þess að skrif fréttarit-
aranna hafa stóraukist í blaðinu,
jafnframt því sem gæði og fagleg
vinnubrögð hafa batnað," sagði
Úlfar.
Styrmir Gunnarsson ritstjóri
Morgunblaðsins flutti erindi um
Morgunblaðið. Að lokum voru af-
hentar viðurkenningar til fréttarit-
ara fyrir „fréttir mánaðarins"
undanfama mánuði. Magnús Finns-
son fréttastjóri afhenti bókaverð-
laun sem Morgunblaðið veitir
höfundum fréttanna. Eftir fundinn
bauð Morgunblaðið fréttariturum
að þiggja veitingar.
Stjóm félagsins gaf ekki kost á
sér til endurkjörs, en í henni voru,
auk Úlfars á ísafírði, Ólafur Guð-
mundsson á Egilsstöðum og Helgi
Kristjánsson í Ólafsvík. Sigurður
Jónsson var kosinn formaður eins
og áður segir. Með honum í stjóm
eru: Jón Gunnlaugsson á Akranesi,
sem er ritari og Jón Sigurðsson á
Blönduósi, sem er gjaldkeri. í vara-
stjóm eru: Kristinn Benediktsson í
Grindavík, Hermann Kr. Jónsson í
Vestmannaeyjum og Trausti Þor-
steinsson á Dalvík.
Morgunblaðið/Sigurður Sigmundsson
Viðtakandi og fráfarandi stjórn i lok aðalfundar Okkar manna.
Formennirnir silja, Úlfar Ágústsson fráfarandi formaður til vinstri
og Sigurður Jónsson núverandi formaður félagsins til hægri. Stand-
andi f.v.: Ólafur Guðmundsson fráfarandi ritari, Helgi Kristjánsson
fráfarandi gjaldkeri, Jón Gunnlaugsson ritari og Jón Sigurðsson
gjaldkeri félagsins.
Bókaforlagið Svart á hvítu:
Ný tækni notuð við
útgáfu vasabrotsbóka
BÓKAFORLAGIÐ „Svart á
hvítu“ hefur nú hafið útgáfu nýs
bókaflokks er nefnist Regn-
bogabækur og fer setning
bókanna alfarið fram hjá forlag-
inu, en ekki hjá prentsmiðju eins
og tíðkast hefur við útgáfu bóka.
Við þessa breytingu hefur tekist
að stilla verði bókanna í hóf enda
ætlun bókaforlagsins að umbylta
bókamarkaðinum þannig að unnt
sé að ná til stærri lesendahóps
en nú viðgengst, að sögn Jörund-
ar Guðmundssonar, fram-
kvæmdastjóra Regnbogabóka.
Hugmyndin að baki útgáfunni
er meðal annars að sú, að sögn
Jörundar, að gera gott lesefni að-
gengilegt fyrir þá sem ekki hafa
aðstæður til þess að leita lesefnis
í almennum bókaverslunum og
bókasöfnum. Þessum nýju bókum
verður því dreift í allar smásölu-
verslanir, stórmarkaði, ferðamið-
stöðvar og á fleiri staði og er
ætlunin að gefa út eina bók í hveij-
um mánuði. Um er að ræða þýddar
erlendar bækur, sem njóta vinsælda
erlendis á hveijum tíma.
Vinnslan fer þannig fram að þýð-
andinn þýðir bækumar á tölvu og
fer með tölvudiskinn til bókafor-
lagsins, sem prentar verkið út fyrir
handritalestur og próförk. Handrit-
ið er keyrt út á umbrots- og setn-
ingaforriti, sem nefnist „pagema-
ker“, en það er sambærilegt forrit
og prentsmiðjur nota í umbroti. Þá
er handritið prentað út á laserprent-
ara og farið með það, uppsett
nákvæmlega eins og það á að líta
út, í prentsmiðjuna, sem tekur af
því fílmu og minnkar það niður í.
þá stærð, sem þegar hefur verið
ákvörðuð í forritinu. Eftir því eru
síðan gerðar plötur.
„Með þvi að sjá um setninguna
alfarið sjálfír, flýtir það vinnslunni
fyrir okkur og gerir okkur kleyft
að gefa út eina bók í mánuði á
ódýrari hátt en ella væri hægt. Ég
get ekki sagt nákvæmlega hversu
mikið framleiðslukostnaðurinn
lækkar við þetta. Það fer eftir hvað
hinar ýmsu prentsmiðjur myndu
bjóða í verkið, en mér sýnist 20 til
30% ekki vera ij'arri lagi,“ sagði
Jörundur.
Magnús E. Sigurðsson, formaður
Félags bókagerðarmanna, sagði í
samtali við Morgunblaðið að tækni-
nýjungar á sviði bókagérðar og
prentiðnaðar væru allar í athugun
og væri nefnd að taka til starfa sem
í sætu fulltrúar frá Félagi bóka-
gerðarmanna og Félagi íslenska
prentiðnaðarins. Nefndinni er ætlað
að ljúka störfum í lok samnings-
tímabilsins, það er í lok þessa árs.
„Mér fínnst ástæðulaust að ræða
sérstaklega um þessa nýjung Svart
á hvítu því dæmin eru miklu fleiri
þar sem verk, sem áður voru unnin
í prentsmiðjum, hafa færst til,“
sagði Magnús.
Fyrsta Regnbogabókin er ný-
komin út. Hún nefíst „Bijóstsviði"
og kostar 390 krónur út úr búð.
Höfundur er bandaríski rithöfund-
urinn Nora Ephron og segir hún frá
litríku hjónabandi og skilnaði sögu-
persónanna, sem eiga sér fyrirmynd
í bókarhöfundi og blaðamanninum
Carl Berstein, sem frægur varð
fyrir afskipti sín af Watergate-
málinu. í frétt frá forlaginu segir
að bókin hafí hlotið frábærar mót-
tökur erlendis þegar hún kom út
og varð margföld metsölubók. Ný-
lega var gerð kvikmynd eftir
sögunni undir leikstjóm Mike Nic-
hols með þeim Meryl Streep og
Jack Nicholson í aðalhlutverkum
og myndin sýnd hér á landi um
þessar mundir.
Af bókum, sem Regnbogabækur
ætla að gefa út á næstunni, má
nefna metsölubækumar „Wiseguy"
eftir Nicholas Pileggi, „The Red
Fox“ eftir Anthony Hyde og „I’U
Take Manhattan" eftir Judith
Krantz.
Morgunblaðið/JúIIus
Jörundur Guðmundsson framkvæmdastjóri Regnbogabóka stendur
við laserprentara bókaforlagsins „Svart á hvítu“ sem gerir fyrirtæk-
inu kleyft að lækka framleiðslukostnað bóka verulega.
Nýr húsbúnaður í matsal þingsins. Myndin sýnir aðeins helft salarins.
Forsalur þinghúss á fyrstu hæð. Þar var til skamms tima einskonar
biðsalur viðmælenda þingmanna, sem nú flytzt í fordyri.
Magnús Finnsson fréttastjóri afhendir Jóni Sigurðssyni viðurkenn-
ingu fyrir „frétt nóvembermánaðar". Fyrir framan Jón sést á
Theodór Kr. Þórðarson i Borgarnesi.
Hjalti Sigurbjörnsson á Kiðafelli, Magnús Gíslason á Stað, Kristinn
Benediktsson i Grindavík og Arnór Ragnarsson í Garði.
Stjórn Félags sauðfjárbænda í Borgarfirði:
Mótmælt frestun á
launahækkun bænda
STJÓRN Félags sauðfjárbænda
í Borgarfjarðarhéraði hefur
samþykkt ályktun þar sem harð-
lega er mótmælt frestun á
launahækkun bænda, sem taka
átti gildi 1. mars síðastliðinn.
í ályktun félagsins er bent á
frestun gildistöku verðlagsgrund-
vallar sauðfjárafurða á síðastliðnu
hausti, en það hafi haft í för með
sér verulega kjaraskerðingu.
„Stjóm FSB skorar því á stjómvöld
að tryggt verði að bændur fái þau
laun sem þeim ber samkvæmt lög-
um. Sé talið nauðsynlegt að
oúvöruverð hækki ekki, hlýtur það
að vera lágmarkskrafa að leitað sé
annarra leiða en að lækka laun
bænda,“ segir einnig.
Sauðíjárbændur í Borgarfirði
segja að einnig liggi fyrir að ullar-
iðnaðurinn telji sig ekki þurfa
íslenska ull í framleiðsluna og ullin
þar af leiðandi verðlaus og tekjur
bænda minnki enn. Stjómin hvetur
til leitað verði annarra markaða,
sem nýta vilja sérkenni íslensku
ullarinnar. Jafnframt hljóti sauð-
fjárbændur að endurskoða þátttöku
sína í uppbyggingu og starfrækslu
ullar- og skinnaiðnaðarins í landinu.