Morgunblaðið - 12.03.1987, Qupperneq 28

28
MORGUNBLAÐIÐ, FIMMTUDAGUR 12. MARZ 1987
Sameinar þýskt hugvit og
austurlenskt verð og fram-
leiðslugetu.
\
FERÐAÚTVARPSTÆKI
VASADISCO
HLJÓMTÆKJASETT
SJÓNVARPSTÆKI
MYNDBANDSTÆKI
BÍLAÚTVARPSTÆKI
■■■ ÆBBEL ÆSfc ""
BÍLAHÁTALARAR
ÖRBYLGJUOFNAR
ÝMIS SMÆRRI
HEIMILISTÆKI
Umboösmenn á
íslandi:
TÖLVUSPIL HF.
sími: 68 72 70
í för með pflagrímum
Þrjár nýjar vasabrotsbækur frá FOUNT
Erlendar bækur
Torfi Ólafsson
New World eftir Judith Gunn er
skáldsaga, byggð á kvikmynda-
handriti Williams Nicholson um för
pílagrímaskipsins Mayflower til
Vesturheims árið 1620 og baráttu
nýju landnemanna, fyrstu Amerík-
ananna, við að festa rætur í hinu
nýja föðurlandi. Þeir voru kallaðir
„púrítanar" — hreintrúarmenn —
og höfðu dregið sig út úr ensku
kirkjunni og reynt að lifa hreinna
lífi en þeim fannst ríkjandi þar.
Fyrst flýðu þeir til Hollands en leit-
uðu sér loks hælis í hinu nýja landi
vestanhafs, þar sem þeir ætluðu að
koma á laggirnar guðræknu og
réttlátu þjóðfélagi. En í förinni voru
fleiri en hinir trúuðu, þar voru líka
ævintýramenn og harðjaxlar sem
vildu njóta ávaxtanna af eigin erf-
iði en ekki deila með þeim sem
minna máttu sín. Lífið í nýja heim-
inum varð því enginn dans á rósum
en þó varð þetta landnám kveikjan
að nýju þjóðfélagi sem átti eftir að
breiðast út og taka miklum stakka-
skiptum. Myndin, New World, var
gerð fyrir sjónvarp og stóðu að
henni Lella Productions og BBC,
Norman Stone stjómaði og aðal-
hlutverkin léku James Fox og Betsy
Brantley. Bókin er að sjálfsögðu
ekki annað en skáldsaga en gefur
þó góða hugmynd um þá hörðu
baráttu sem landnemamir urðu að
heyja áður en búskapur þeirra
komst í fasta skorður.
Gethsemane — The Transfígur-
ing Love — eftir Martin Israel er
eins og nafnið bendir til hugleiðing-
ar um þjáninguna, krossinn,
dauðann og endurfæðinguna í
líkingu Guðs. Erkibiskupinn af
Kantaraborg hefur valið þessa bók
sem „föstubók" sína í ár og skrifar
hann örstuttan formála að henni.
Höfundur bókarinnar er fæddur í
Suður-Afríku, nam fyrst læknis-
fræði og síðar guðfræði og er nú
anglíkanskur prestur í London.
Hann drepur í bókinni á fánýti ver-
aldlegs ptjáls og að allir „flytji á
einum — allra seinast héðan“ úr
heimi, hvort sem þeir hafi setið
sólarmegin í lífinu eða ekki, þessi
ævagömlu sannindi sem flestir fall-
ast á en fæstir lifa eftir. Síðan rekur
hann þjáningaleið mannsins, hvern-
ig hann þreifar sig áfram í myrkrinu
þangað til hann sér djarfa fyrir hinu
nýja ljósi. „Undirrót vandamála
mannsins er frekar tilgangsleysið
en fátæktin, hversu hræðilega sem
hún vegur að virðuleika hans“ (bls
39). Maðurinn hreinsast í þjáning-
unni, upp úr helvíti þrælkunar og
þrauta rís hin endumýjaða sál sem
hefur skilið í neyð sinni að það var
ekki aðeins verið að kvelja hana
heldur að skíra gullið í eldi.
Þegar höfundur hefur fjallað um
krossferil Krists tekur við niður-
stigningin til Heljar. Að hans
hyggju þjást hinir vansælu ekki í
eldi eins og menn lýstu þessu
ástandi fyrr, heldur eru þeir „úti í
kuldanum, einangraðir og örvænt-
andi, og engin hjálp nær til þeirra
því þeir eru lokaðir inni í sjálfum
sér, ófærir um og ófúsir til að gefa
neitt af sjálfum sér“, þeir geta ekki
einu sinni boðið góðviljaðan gest
velkominn. En hinna hólpnu bíður
friður Guðs í upprisunni.
People and Places eftir Ritu
Snowden, rithöfund, útvarpsmann-
eskju og djákna í kirkju meþódista,
er safn ritgerða sem snerta marg-
víslegustu efni. Hún grípur einstök
atvik upp úr daglegu lífí og fjallar
um þau í stuttum hugleiðingum og
byggir viðhorf sín að sjálfsögðu á
trú sinni. En rauði þráðurinn í bók-
inni er Markús, höfundur elsta
guðspjallsins, það má segja að hann
gangi við hlið hennar hvert sem hún
fer og hún hafi frásögn hans að
leiðarljósi hvar sem hún skyggnist
um. Það er einn af kostunum við
þessar stuttu ritgerðir hennar Ritu
að það er auðvelt að stinga bókinni
í vasann og lesa einhvem hinna
stuttu kafla hvar sem maður þarf
að bíða eftir einhveiju eða er á
ferðalagi.
lifpar
JARÐVEGSDUKUR
UNDIR GANGSTÉTTARHELLUR
• TYPAR kemur í veg fyrir að sandurinn
blandist undirlaginu eða
fljóti burt.
• TYPAR sparar jarðvegsvinnuna.
í VEGAGERÐ
• TYPAR dregur verulega úr kostnaði við
vegi, „sem ekkert mega kosta“
t.d. að sumarbústöðum, sveitabýlum o.s.frv.
• TYPAR kemur í veg fyrir að yfirborðið
sökkvi ofan í undirlagið.
• TYPAR = minni jarðvegsvinna.
GRÓFMÖL
í RÆSAGERÐ
• TYPAR
• TYPAR
• TYPAR
kemur í veg fyrir að jarðvegurinn
renni inn í ræsið og stífli það.
hleypir vatni í gegnum sig.
er varanleg lausn.
BRIMVÖRN
TYPAR®
í BRIMVÖRN
• TYPAR kemur í veg fyrir að sjórinn grafi
undan stórgrýti í varnargörðum.
• TYPAR kemur í veg fyrir að stórgrýtið sökkvi
ofan í undirlagið.
• TYPAR = trygging.
skrásett vörumerki Du Pont
örugg - ódýr
- varanleg lausn
Síöumúla 32 Sími : 38000