Morgunblaðið - 26.07.1987, Blaðsíða 9

o
9
T8PI llfTl. 9& íPTDMrJVTMTTVj QJQAlílVTTTOJIOl/
MORGUNBLAÐIÐ, SUNNUDAGUR 26. JÚLÍ 1987
HUGVEKJA <
Að láta rótt
eftir séra JÓN RAGNARSSON
„Ef réttlæti yðar ber ekki af
réttlæti fræðimanna og farísea
komist þér aldrei inn í himnaríki.“
Þessi orð draga fram hlutverk
og markmið lærisveina Krists í
lífi veraldarinnar. Þeir eiga að
standa öllum til sýnis, sem réttlát-
ir menn.
Réttlæti hlýtur alltaf að miðast
við einhvern tiltekinn mælikvarða.
Menn láta rétt, haga sér í sam-
ræmi við einhvern tiltekinn
mælikvarða. Tiltekna, viður-
kennda viðmiðun.
Sú viðmiðun, sem gilti í um-
hverfi Jesú og fyrstu lærisvein-
anna, var hið gyðinglega lögmál.
Boðorðin tíu og Spámannaritin.
Réttlæti samfélagsins fólst í hegð-
un eftir þessu lögmáli í smáu sem
stóru, eins og hver og einn hafði
einurð og getu til.
Fræðimennirnir og faríseamir
eru menn, sem okkur, kristnum
seinni tíma mönnum, þykir gott
að hnýta í. Reyndar þykir okkur
þverúð þeirra við Krist furðuleg,
eins og frá henni er greint í Nýja
Testamentinu.
Hér ættum við samt að fara
með nokkurri gát. Fræðimennirn-
ir og farísearnir voru mjög virtir
menn í sinni samtíð. Þeir nutu
virðingar vegna réttlætis síns.
Vegna kunnáttu sinnar og grand-
varleika og hlýðni við Lögmálið í
öllu sínu dagfari. Það er oft mis-
skilið af kristnum mönnum,
hvernig Kristur tekur á þessum
málum. Okkur finnst stundum,
að hann hafi strikað út Lögmálið
og sett sínar reglur í staðinn.
Þegar betur er að gáð, þá kem-
ur í ljós, að ekkert er brott fallið.
Kristur vill hins vegar skyggnast
bak við bókstafinn. Hann vill
draga fram það „Lögmál lífsins
anda“ sem að baki orðanna býr.
Þau skila til okkar þekkingu á
skikkan skaparans, sem ekki
fjötrar, heldur veitir líf og leið-
beinir, þar sem villugjarnt er.
Kristur leitar til róta Lögmáls-
ins. Flysjar utan af því hvern
vafninginn af öðrum af dempandi
dagfarsnotkun. Þangað til innsti
kjaminn er ljós og engin tvímæli
á erindinu.
Jesús í samkomuhúsinu í Nazaret.
16. sd. e. Trin
Mt. 5:20.-26.
Við sem einstaklingar og við
sem samfélag höfum tilhneigingu
til að alhæfa broddana, sem það
óþolandi nærgöngula erindi otar
að sljóleika okkar. Kristur grípur
á kviku manneðlisins og skyggn-
ist inn í eðli Lögmálsins. Hann
birtir okkur kærleika Guðs til
sköpunar sinnar og til mannsins,
alveg sérstaklega.
Kærleikur Guðs til mannsins
er ekki væmin fleða og máttlaus
blíðmæli við öll tækifæri. Guð
krefst þess af manninum, að hann
hlusti eftir orði sínu. Krefst þess,
að maðurinn víki sér ekki undan
skilja, hvað í því orði felst. Það
er ekki tilgangur Lögmálsins, að
geta þulið upp Guðsorð, en gera
sér enga grein fyrir róttækni þess
og leyfa því ekki að hafa áhrif í
daglegu lífi, er ekki uppeldistil-
gangur hans með lögmálinu.
Guð birtir kærleika sinn ljoslif-
andi í Jesú Kristi. Vitnisburður
þess kærleiks er afdráttarlaus.
Hann lætur okkur ekki í friði með
okkar allsnægtalíf og þægilega
dægurþras. Við reynum að forð-
ast áreitni þess og bregðum skildi
fyrir eigið skinn gagnvart réttlæt-
iskröfunni. Viljum brynja okkur
með bókstafnum. Viljum sjá í
Guðs orði snotrar sögur, fallegar
dæmisögur og forn ævintýri.
Þannig víkjum við frá okkur
sáttaboði Guðs.
Hann hefur fyrir sitt leyti kom-
ið til móts við mannkyn og boðið
því heim. Fyrst með því að gefa
okkur lögmálið, og síðar í Jesú
Kristi.
Kristur er kærleikstilboð Guðs
til manna. Hann birtir okkur kær-
leikann allan, með því að gefa
okkur Lögmálið, og síðar í Jesú
Kristi. Kristur er kærleikstilboð
Guðs til manna. Hann birtir okkur
kærleikann allan, meðan við
göngum okkar veg hér í heimi.
Guð hefur borið fram sína fóm.
Við eigum líka fómargjafir
fram að færa. Fóm kristins manns
er játning hans. Það að viður-
kenna Krist í orði, verki og öllu
dagfari. Taka við honum sem sátt-
argerð Guðs, og leggja sjálfan sig
á móti í þjónustu við samferðar-
mennina.
Páll Postuli segir: „Því áminni
ég yður, bræður, að þér vegna
miskunnar Guðs, bjóðið fram
sjálfa yður að lifandi, heilagri,
Guði þóknanlegri fórn. Það er
sönn og rétt Guðsdýrkun af yðar
hendi.“
Gengi: 24. júlí 1987: Kjarabréf 2,179 - Tekjubréf 1,185 - Markbréf 1,088 - Fjölþjóðabréf 1,030
ÞAÐ SKILAR HAGNAÐI AÐ ÞIGGJA RÁÐ SÉRFRÆÐINGA
FJÁRFESTINGARFÉLAGSINS
ÞÚ GETUR TREYST ÞEIM FYRIR SPARIFÉ ÞÍNU:
ÞÚ FÆRÐ EINKARÁÐGJAFA ÞÉR TIL AÐSTOÐAR
HVAÐ KEMUR SÉR VEL FYRIR ÞIG?
Ráðgjafar Fjárfestingarfélagsins eru þrautreyndir á verðbréfa-
markaðinum.Peir gæta þess að þú fáir hámarks ávöxtun af sparifé þínu.
Upphæðin skiptir ekki höfuðmáli. Pú getur fjárfest í mörgum tegund-
um verðbréfa og byrjað smátt eða stórt. Allt eftir því hvað fjárhagur þinn
leyfir.
Sérfræðingar okkar aðstoða þig við að finna hentugustu leiðina til að
spara og hagnast í fjármálum þínum. Pað margborgar sig fyrir þig að
koma og ræða við okkur á skrifstofunni í Hafnarstræti 7, Reykjavík.
Við, ráðgjafar Fjárfestingarfélagsins, bjóðum ykkur velkomin.
Pú færð svarið þegar þú kemur og ræðir við ráðgjafa okkar. Þér til
glöggvunar koma nokkur dæmi um leiðir til úrlausnar.
Kjarabréf eru einföld og þægileg til ávöxtunar og söfnunar á sparifé. Þú
getur byrjað með rúmar 1000 krónur til kaupa á Kjarabréfum.
Tekjubréf eru hagstæð þegar þú vilt fá greiddar reglulega tekjur af
sparifé þínu.
Markbréf eru fjárfesting í viðskiptakröfum og skuldabréfum - aðallega
til skamms tíma.
Fjölþjóðabréf þegar þú vilt fjárfesta í innlendum og erlendum hluta-
bréfum.
Fjármálareikningurinn er sérlega hagstæður þegar þú ætlar að ávaxta
stærri fjárhæðir með fjölþættum verðbréfaviðskiptum. Pjónustuþættir
eru fleiri s.s. innheimtu-, tekju- og sparnaðarþjónusta.
Anna Heiðdal Kolbrún Kolbeinsdóttir Pétur Kristinsson FJARFESI IMCjARFELACjI'Ð Rósa E. Helgadóttir Valur Blomsterberg
Hafnarstræti 7 101 Reykjavík @ (91) 28566
Símsvari ALLAN SÓLARHRINGINN í síma 28506. Upplýsingar um daglegt gengi Kjarabréfa, Markbréfa, Fjölþjóðabréfa og Tekjubréfa
OSASIA