Morgunblaðið - 07.10.1987, Blaðsíða 2

2
MORGUNBLAÐIÐ, MIÐVIKUDAGUR 7. OKTÓBER 1987
Uppsteypa Safnahúss á Egilsstöðum:
Samið við fyrirtækið
sem átti hærra tilboð
STJÓRN Safnastofnunar Aust-
urlands hefur hafnað tílboðum
tveggja byggingarfyrirtækja,
sem buðu í uppsteypu í Safnahús
á Egilsstöðum, en jafnframt
gengið tíl samninga við það fyrir-
tæki sem áttí hærra tilboð. Mál
þetta hefur vakið umtal eystra,
ekki síst þar sem tveir stjórnar-
manna í Safnastofnun Austur-
lands eru jafnframt stofnaðilar
að því fyrirtæki, sem nú hefur
verið gengið til samninga við og
að lægra tilboðið, sem barst í
Safnahúsið, var undir kostnað-
aráætlun.
Tvö tilboð bárust í uppsteypun á
Safnahúsinu á Egilsstöðum. Hið
hærra var frá fyrirtækinu Brúnás
hf. og hljóðaði upp á 13,9 milljónir
króna, en hið lægra frá byggingar-
fyrirtækinu Baldur og Óskar hf.,
upp á 12,3 milljónir. Kostnaðar-
áætlun hljóðaði upp á um 12,7
milljónir króna, samkvæmt heimild-
um Morgunblaðsins.
í bréfí, sem undirritað var af
Halldóri Sigurðssjmi, stjómarfor-
manni Safnastofnunar Austur-
lands, Guðmundi Magnússyni
fyrrum sveitarstjóra á Egilsstöðum,
Vilhjálmi Hjálmarssyni fyrrum ráð-
herra og Sigurði Eiríkssyni sýslu-
manni í Suður-Múlasýslu var
forsvarsmönnum Baldurs og Óskars
tilkynnt að báðum tilboðunum hefði
verið hafnað þar sem fram hefðu
komið nýjar hugmyndir til lækkun-
ar byggingarkostnaðar. Samkvæmt
heimildum Morgunblaðsins mun
jaftiframt hafa verið gengið til
samninga við Brúnás hf. um fram-
kvæmdir, en þeir Halldór Sigurðs-
son og Guðmundur Magnússon eru
stofnaðilar að því fyrirtæki.
Halldór Sigurðsson, stjórnar-
formaður Safnastofnunar Austur-
lands, sagði í samtali við
Morgunblaðið í gærkvöldi að ýmsar
ástæður hefðu legið að baki því að
tilboði Baldurs og Óskars hefði ver-
ið hafnað. „Þetta var almennt útboð
og við höfúm skilið það þannig að
það væri frjálst hvort tilboðum yrði
tekið eða hafnað," sagði Halldór
„Bæði tilboðin sem bárust voru frá
fyrirtækjum héðan úr Héraði og
gerðu þau ráð fyrir að hluti af fram-
kvæmdunum, varðandi riijaplötu-
loft, yrði aðkeypt frá öðrum
landshlutum. Síðan komu upp hug-
myndir um að flytja þessar fram-
kvæmdir heim í Hérað, ekki bara
fyrir þessa byggingu heldur fyrir
framtíðina, og það telja þeir hjá
Brúnás hf. sig geta gert í tengslum
við þetta verk. Þetta er ein af
ástæðunum fyrir því að gengið var
tjl samninga við Brúnás um verkið.
Önnur ástæða er sú að við töldum
eðlilegt að dreifa verkefnum hér í
fjórðungnum," sagði Halldór Sig-
urðsson.
JRoreunblabib
í dag

BLAO
B
Egilsstaðir:
Fundi frest-
að um bréf
ráðherra
FUNDI bæjarstjórnar Egils-
staða, sem vera áttí i gærkvöldi
um svar samgönguráðherra til
bæjarstjórnarinnar i gær, var
frestað tíl dagsins í dag vegna
þess hve seint fulltrúar bæjar-
stjórnar komu frá Reykjavík
Matthías Á. Mathiesen sam-
gönguráðherra afhenti bæjarstjórn-
armönnum svar sitt á St.
Jósepsspítala í gær. Þar kemur
fram að ákvörðun ráðuneytisins um
útboð við gerð Egilsstaðaflugvallar
stendur óhögguð en ráðherra hefur
óskað eftir því að gerð útboðsgagna
verði hraðað.
Sjá nánar á bls. 37.
Morgunblaðið/Bjarni
Stefán íslandi og Magnús Jónsson söngvari heilsast kampakátír. Markús Örn Antonsson útvarps-
stjóri stendur álengdar og brosir breitt.
Stefán íslandi heiðraður
STEFÁN íslandi varð áttræður
í gær. Af því tilefni gekkst
Sjónvarpið fyrir tónleikum í
íslensku óperunni i gærkvöldi
og var efni þeirra sjónvarpað
beint.
Fram komu einsöngvaramir
Hrönn Hafliðadóttir, Magnús
Jónsson, Kristinn Sigmundsson,
ólöf Kolbrún Harðardóttir og
Gunnar Guðbjömsson. Karlakór
Reykjavíkur söng undir stjóm
Odds Bjömssonar og Kór íslensku
óperunnar söng undir stjóm Jóns
Stefánssonar. Undirleik önnuðust
Christine Williams og Jónas Ingi-
mundarson. Anna Júlíana Sveins-
dóttir ávarpaði afmælisbamið
fyrir hönd íslenskra ópemsöngv-
ara. Einnig vom flutt hljóðrituð
ávörp frá Sigríði Ellu Magnús-
dóttur sem ávarpaði Stefán frá
London og Kristjáni Jóhannssyni
sem leiddi fjöldasöng samkomu-
gesta um síma frá Bilbao á Spáni.
Meðal gesta á tónleikunum auk
afmælisbamsins og fjölskyldu
hans vom Þorsteinn Pálsson for-
sætisráðherra og Ingibjörg
Rafnar kona hans auk helstu
frammámanna í tónlistarlífi
landsmanna.
Álafoss og ullariðnaður SÍS:
Stefnt að helmingafélagi
í VIÐRÆÐUM fulltrúa Fram-
kvæmdasjóðs íslands og Sam-
bands íslenskra samvinnufélaga
er stefnt að stofnun hlutafélags
sem yfirtæki rekstur Álafoss hf.
og ullariðnaðar SÍS á Akureyri.
Framkvæmdasjóður og SÍS ættu
helming hlutafjár hvor aðili.
Þórður Friðjónsson formaður
stjómar Framkvæmdasjóðs segir
að ekki sé búið að ganga frá samn-
ingum á milli aðila, en mönnum sé
ljóst að mjög sterk rök séu fyrir
sameiningu fyrirtækjanna. Allar
viðræður fulltrúa fyrirtælq'anna
hefðu styrkt sameiningarhugmynd-
ina. Býst Þórður við því að gengið
verði frá tillögum viðræðunefndar-
innar til stjóma fyrirtækjanna
innan hálfs mánaðar.
Fulltrúar Framkvæmdasjóðs og
Álafoss í viðræðunum við Samband-
ið em Guðmundur B. Ólafsson
forstjóri Framkvæmdasjóðs, Sig-
urður Helgason (stjómarformaður
Flugleiða) stjómarformaður Ála-
foss, Þórður Friðjónsson stjómar-
formaður Framkvæmdasjóðs og
Ingjaldur Hannibalsson forstjóri
Álafoss. Fulltrúar SÍS í viðræðun-
um em Guðjón B. Ólafsson forstjóri
SÍS og Jón Sigurðarson fram-
kvæmdastjóri iðnaðardeildar.
Fyrsti fundur Vestfirðinga um nýja kjarasamninga verður eftir helgi:
Verkafólk og vinnuveitendur taki
höndum saman um að verja fiskvinnsluna
segir Pétur Sigurðsson, forseti Alþýðusambands Vestfjarða
BÚIST er við að fyrstí fundur
Alþýðusambands Vestfjarða og
Vinnuveitendafélags Vest-
fjarða um nýja kjarasamninga
verði haldinn eftir helgi. For-
svarsmenn aðila áttu með sér
fund í gær og sagði Jón Páll
HaUdórsson, formaður Vinnu-
veitendafélagsins, i samtali við
Morgunblaðið, að vel hefði ver-
ið tekið í málaleitan Alþýðu-
sambandsins um viðræður.
Alþýðusambandið hefur ekki
samþykkt kröfugerð, sem lögð
verður fram í þessum viðræðum.
„Við sjáum engan tilgang í að
leggja fram kröfur. Það er ákaf-
lega fljótlegt og lítill vandi að
setja niður á pappír fullt af ósk-
um. Ef menn ætla að uppfylla
óskir allra í kröfugerðinni sjálfri,
er miklu einfaldara að setja fram
kröfugerð um tvöföldun launa,
heldur en að krefjast 40, 43, 48
eða 80% hækkunar, eins og verið
er að gera,“ sagði Pétur Sigurðs-
son, forseti ASV.
Hann sagði að það þrengdi að
fiskvinnslunni og þar væri ekki
einungis um að ræða launamál á
milli launþega og atvinnurekenda,
heldur væri þetta byggðamál.
„Það væri auðn I sveitum lands-
ins, ef þeirri atvinnugrein hefði
ekki verið bjargað og það verð
borgað fyrir afurðina að fólk
gæti lifað af greininni. Það er
nákvæmlega það sama sem er að
gerast hér á mölinni. Fólkið hér
á auðlindina. Það getur enginn
annar átt þennan fisk í sjónum,
nema það fólk sem hefur valið sér
það lífsstarf að lifa af þessu, á
sama hátt og bændumir af
landinu," sagði Pétur.
Hann sagði að aðaiatriðið væri
vandi fískvinnslunnar og mikil-
vægt að aðilar skoðuðu hann
sameiginlega. Það væri búið
þannig að fiskvinnslunni að hún
hefði engan afgang, en það yrði
að laga kjörin þannig að fólks-
flótti stöðvaðist úr greininni og
breyta neikvæðri umræðu um
fískvinnsluna, sem einnig ylli því
að fólk fengi sér vinnu við annað,
því það óttaðist að atvinnugreinin
væri að hrynja. Það væri ekkert
vit í að flytja fisk út óunninn sem
hráefni, eins og þróunin væri.
„Þetta er þjóðarvandi og ég
held að verkalýðshreyfíngin verði
að gera sér grein fyrir því að hún
er þátttakandi í þessu þjóðfélagi.
Það er ekki bara hægt að setja
fram kröfur. Hversu réttmættar
sem þær eru, verða fyrirtækin að
geta staðið undir þeim. Ef þjóð-
félagið beitir atvinnugreinina
órétti verður að leiðrétta það.
Vinstri hlutinn af ríkisstjóminni
gerir það kannski fyrir okkur. Við
förum og ræðum við þá,“ sagði
Pétur.
Hann sagði að fyrri ríkisstjóm
hefði komið þessu á með því að
losa um allt fjármagnskerfið, sem
hefði komið þenslunni í gang.
„Við erum að súpa seyðið af því
strax, hvað þá ef þessi hringavit-
leysa heldur áfram í mörg ár.
Erlend lán em tekin fyrir þjón-
ustufyrirtæki, en ekkert hugsað
um atvinnugreinina, sem stendur
undir þessu öllu. Síðan er sá gjald-
eyrir sem fæst fyrir fiskinn úr
fískvinnslustöðvunum seldur
þjónustugreinunum á spottprís.
Dæmið er ekki glæsilegt og ég
hef þá trú að vinnuveitendur í
fiskvinnslu og verkafólk geti tekið
höndum saman og varið atvinnu-
greinina," sagði Pétur að lokum.