Morgunblaðið - 18.10.1987, Blaðsíða 5

h
MORGUNBLAÐIÐ, SUNNUDAGUR 18. OKTÓBER 1987
Úr sögu íslenskra sjóslysavarna.
Sjötíu manns
farast á Faxaflóa,
þar af 20 fyrir
augum Reykvíkinga
- engum vörnum við komid.
Akkerið af þilskipinu Ingvar fannst fram af Hjallaskeri við Viðey í apríl
1986. Var það sett upp í eynni til minningar um þá menn sem fórust í
óveðrinu mikla þann 7. apríl 1906.
Millilandaskipin Querem og Sonja Mxi.sk
á strandstað í Rauöarárvík árið 1941. pjálfaðir
menn komu tímanlega á slaðinn með tœkjabúnað
Slysavarnafélagsins og giftusamlega tákst
til við bjórgun 43 skipverja.
í marsmánuði árið 1906 var góðviðristíð við
sundin blá og lífið gekk sinn vanagang. Um þessar
mundir var mikið um skipaferðir á sundunum við
Reykjavík og voru þilskipin sem farið höfðu út í
vertíðarbyrjun mörg á leið inn með aflann.
í öndverðum aprílmánuði urðu snögg veðrabrigði
og aðfaranótt 7. apríl var augljóst að óveður var í
aðsigi. Undir hádegi var komið fárviðri sem færðist
í aukana og í Reykjavík
veittu menn því athygli
að skip átti í erfiðleik-
um fyrir utan eyjar.
Brátt kom í ljós að þetta
var þilskipið Ingvar,
eign Duus-verslunar-
innar í Reykjavík, með
20 menn um borð og
fóru leikar svo að skipið
strandaði skammt frá
landi, í Viðey. Sá harm-
leikur er blasti við augum
sjónarvotta í landi leið þeim aldrei úr minni. Án þess
að fá vörnum við komið fylgdust Reykvíkingar með
helstríði örvæntingarfullra skipbrots-
manna, sáu þá klifra upp í reiða skipsins og
falla þaðan hvern á fætur öðrum í hafið.
igvar í Kaupkannahöfn
Pann 7. apríl árið 1906 fórust 20 menn
með Ingvari er hann strandaði við Viðey.
Má gera sér í hugarlund hvernig bæjarbúum
var innanbrjósts er þeir varnarlausir horfðu á skip-
verjaná drukkna, við landsteinana, en á þessum
árum hafði þjóðin ekki sameinast til átaka í
sjóslysavörnum.
Með Kútter Ingvari fórst öll áhöfnin - samtals 20
menn en í þessu mikla óveðri aprílmánaðar 1906
fórust einnig tvö erlend þilskip - Shophie Wheatley
og Emilie - með allri áhöfn. Alls fórust 70
menn í þessu óveðri á Faxaflóa. Þessir
hörmulegu atburðir urðu til þess að farið var
í alvöru að huga að sjóslysavörnum.
Mörgum árum síðar, í febrúar árið 1941,
rak tvö skip á land íRauðarárvík, millilanda-
skipin Querem og Sonja Mærsk, skammt frá
staðnum þar sem Kútter Ingvar hafði farist.
Þá tókst giftusamlega að bjarga áhöfnum
beggja skipanna með fluglínutækjum - alls
43 mönnum. Sýnir þetta gildi óflugra sjó-
slysavarna. Þegar þetta gerðist hafði Slysa-
varnafélag íslands verið starfandi frá árinu
1928.
Framundan eru þrír merkisdagar
í sögu íslenskra sjóslysavarna.
ÞESSI AUGLÝSING ER STYRKT AF SKIPADEILD SAMBANDSINS.
i-