Morgunblaðið - 24.03.1988, Blaðsíða 56

56
MORGUNBLAÐIÐ, FIMMTUDAGUR 24. MARZ 1988
Tveir Sogblettir.
Ljósmynd/BS
Þaö hefur ekki verið lognmolla kringum
Sverri Stormsker frá því hann sendi frá sér sfna
fyrstu plötu fram að þvf að hann sigraði f
Söngvakeppni Sjónvarpsins með fáheyrðum
yfrirburðum sl. mánudag.
Plötur Sverris eru nú orðnar fimm og enn er
hann aö, nú í samvinnu við Stefán Hilmarsson.
Rokksíðan leitaði til Sverris á þriðjudag til að fá
uppúr honum eitthvað um væntanlega plötu sem
út kemur síðar á árinu.
Sverrir, fyrst ein spurning sem tengist
Söngvakeppninni: Ertu orðinn frægur á íslandi
eftir að hafa verið frægur að endemum fram
að þessu?
Eg veit það ekki, ég hef svo serg lítið orðið
var við þetta, þar sem ég fer yfirleitt litið út úr
húsi og ef ég fer þá fer ég í leigubíl, þannig að
ég veit ekki hvort menn eru unnvörpum að snúa
sig úr hálsiiðnum.
Það var einu sinni óskaplegt keppikefli að verða
frægur á klakanum, en um þessar mundir væri
ég til í að vera bara maður ofan í skurði. Samt
ekki að vinna, heldur bara liggja ofan í skurðin-
um, bara í leti meö kampavínsflösku. Ég er þó
ekki að segja að ég sjái eftir neinu, ég er ekkert
aö barma mér, en eins og þetta hefur verið í dag
þá væri gott að fá smá frí.
Snúum okkur frá Söngvakeppninni, hvernig
stendur plata ykkar Stefáns?
Ég byrja á henni á laugardaginn. Ég er búinn
að velja á hana tíu lög og þarf líklegast að velja
tíu lög til viðbótar til að hafa úr nógu að moða.
Hvað leggur Stefán til?
Hann verður með puttana í útsetningunum og
hefur visst neitunarvald. Ekki þó ef þetta er allt
voðalega jákvætt.
Hvað með tónlistina?
Þetta á að vera svona létt grípandi popp með
sæmilegum textum. Maður reynir allavega að
gera sitt besta.
Morgunblaðið/BAR
Sverrir og Stefán skála fyrir farseðlinum.
Gott að fá smá f rí
Sverrir Stormsker og endemafrægð
Það er ekki langt sfðan þú sendir frá þér
tvöfalda plötu, reyndar urðu plöturnar þrjár á
sfðasta ári. Semurðu mjög hratt?
Það má tala um það í þátíð, því ég er hættur
að nenna að setjast við píanóið og semja lög.
Áður samdi ég lög kannski á svipuðum tíma og
það tók að leika þau, þrem til fjórum mínútum,
og vel má vera að einhverjum finnist lögin bera
þess merki. Ég efast samt um að lög verði nokk-
uð betri þó maöur eyði sex mánuðum í að setja
þau saman. Textarnir eru aftur á móti hræðilegt
basl. Það er hræðilegt hlutskipti í raun að vera
textahöfundur. Það er svo margt sem spilar inn
í textagerð sem ég held að fólk átti sig ekki á.
Ljóðstafir er eitt, bragfræði, fólk veit ekki lengur
hvað það er, sem er kannski til góðs, en ég not-
ast við þetta af einhverri ástæðu sem ég kann
ekki skýringu á. Kannski vegna þess að það var
skafið úr brageyranu á mér í gagnfræðaskóla og
ég kom þaðan uppfullur af leiðinlegri gamaldags
lýrík og þá um leið bragfræði.
Nú eru það textarnir sem öðru fremur hafa
tryggt endemafrægð þfna, hefur þú f hyggju að
taka upp aðra háttu f textagerð, eða lætur þú
jóssið ekki hafa nein áhrif á þig?
Á meðan ég veit það sjálfur að ég er að semja
góða texta þá er mér sama um það hvað fólk út
í bæ er aö segja, það kemst aldrei neitt inn vegna
þess að maður veit að almannarómur lýgur, nema
í Söngvakeppninni að þessu sinni.
Heldur þú að velgengni þfn f Söngvakeppn-
inni muni gera það að verkum að fólk muni frek-
ar leggja við hlustimar þegar næsta plata þfn
kemur út en hingað tll?
Ég ætla að vona það, annars hefur fólk gert
það hingað til, alla vega yngra fólk, ég veit ekki
með þessar kerlingar í Vesturbænum, en ég
ætla ekki að fara að hugsa upp einhverja form-
úlu til að veröa vinsæll hjá þeim þó þær séu
ágætar. Þetta verður billeg plata, einföld mel-
ódísk poppplata. Það má vel vera að maður troði
inn einhverjum strengjum, en hún verður ekki í
neinum Claydermanstíl. Sennilega verður hún
skemmtilegust af þessum plötum sem maður
hefur gert og á líklegast eftir að hljóma meira
en þær sem þegar eru komnar.
Ljósmynd/BS
Lost i Duus
Fyrstu tónleikar sunnan heiða
Akureyrska rokksveitin Lost
heldur sfna fyrstu tónleika á
Stór-Reykjavfkursvæðinu f Duus
f kvöld. Með sveitinni koma fram
Reykjavfkursveitlmar Ham og
Yesminis pestis.
Lost hélt tónleika í Borgarbíói á
Akureyri fyrir skemmstu og þóttu
þeir tónleikar takast vel. För sveit-
arinnar til Reykjavíkur að þessu
sinni er til komin vegna plötugerð-
ar, en á mánudag byrjar sveitin
að taka upp sína fyrstu plötu sem
væntanleg er með vorinu.
Fyrir ókunnuga má geta þess
að Lost er að stofninum til sveitin
Parror sem á lög á Snarlspólu hinni
síðari, en sveitin gaf einnig út spól-
una Stórkostlega brenglaður an-
arkískur hugsunarháttur stuttu fyr-
ir jól.
Ham og Yesminis pestis eru
reykvískar og hefur Yesminis pest-
is víða spilað síðustu vikur. Ham
hefur aftur minna sést; kom fyrst
fram á tónleikum með E-X í Lækj-
artungli 10. mars sl.
Eins og áður sagði verða tón-
leikarnir í Duus í Fischerssundi og
hefjast kl. 22.00.
Tónleikatíð
Framundan er mikil tónleikatfð
erlendra rokksveita, svo mikil
reyndar að menn muna vart ann-
að eins.
Fyrstu stórtónleikar á þeirri
vertíð sem framundan er verða í
Laugardalshöil 9. apríl, en þá held-
ur Boy George með stórsveit sinni.
Þar á eftir kemur Lloyd Cole með
sveit sína og heldur tónleika í Hót-
el íslandi 21. og 22. apríl. Næsta
heimsókn verður í maí, en þá kem-
ur breska sveitin The Woodentops
og í júní halda tónleika The Blow
Monkeys og The Christians með
fleiri sveitum sem ekki er búið að
fastsetja. Aörar sveitir sem eftir á
að staðfesta eru Sonic Youth,
söngvararnir Sting og Robert
Plant, hvor með sína sveit, regga-
flokkurinn Misty in Roots, söng-
konan Sinead O'Connor, súdanski
tónlistarsnillingurinn Abdel Aziz
El Mubarak og Prefab Sprout.
Blettir og Bastar
í frásögn af tónleikum Sykur-
molanna f Hótel fslandi fór Iftið
fyrir þeim hljómsveitum sem hit-
uðu upp fyrir Molana, Bleiku
böstunum og Sogblettum.
I
Það er þó ómaklegt, því báðar
sveitirnar stóðu sig vel og voru þar
aö auki báðar að koma fram eftir
nokkuð hlé og Sogblettir með nýj-
an söngvara.
Bastarnir voru fyrstir á svið og
léku lög sem ekki höfðu áður
heyrst með tvö gömul í bland. Út
í myrkrið og Palli. Nýju lögin, en
eitt þeirra hafði heyrst í Lækjar-
tungli á feikna tónleikum Bastanna
þar í enduðum janúar, hljómuðu
vel, en þó vantaði í þau ferskleik-
ann sem gerði Bastana að einni
af bestu tónleikasveitum síðasta
árs. Það mátti líka heyra þegar
sveitin lét gömlu lögin tvö, sem
reyndar eru ekki svo gömul, Palli
átta mánaða og Út í myrkrið sex
mánaða, þá var hún sem vel smurð
vél, en hökti á nýrri lögunum. Bast-
arnir standa frammi fyrir því að
reyna að missa ekki ferð eftir að
hafa fengið fljúgandi start og þeir
verða að gæta sín að fórna ekki
hráu yfirbragði sveitarinnar og fá
ekkert f staðinn.
Sogblettir komu á svið eftir
millikafla klæðskiptinga, þ. á m.
Sigtryggs trommuleikara Molanna
sem sýndi að hann er ekki síðri
Svanhildur Jakobsdóttir en hver
annar. Blettirnir breyttu um ásýnd
þegar Nonni, góður söngvari
þeirra, sagði skilið við sveitina um
áramótin og hafa staðið í ströngu
við að æfa inn nýjan söngvara.
Tónlistin hefur ekki breyst að ráði
þrátt fyrir mannabreytingarnar,
nema hvað hún er orðin þyngri og
var þó ekki léttmeti fyrir. Það er
Ijóst að Sogblettir höfða ekki til
stórs hóps áheyrenda og svo verð-
ur áfram, en það breytir því ekki
að sveitin er enn í hópi fremstu
rokksveita landsins þó ekki sé hún
allra.
Ljósmynd/BS