Morgunblaðið - 30.03.1988, Page 47

MORGUNBLAÐIÐ, MIÐVIKUDAGUR 30. MARZ 1988
47
Morgunblaðið/Sverrir Einarsson
Þrír hestanna f luttir inn í flugvélina á Kef lavíkurf lugvelli um helgina.
7 0 hestar flug-
leiðis til Belgíu
UM 70 hestar voru fluttir flug-
leiðis með Fisk-cargo til Belgiu
siðastliðinn laugardag. Herbert
Ólason sem rekur íslands-
hestabúgarðinn Hrafnsholt i
Þýskalandi flutti flesta hestana
út.
Með hestaflugvélinni komu 37
tonn af ávöxtum og grænmeti til
Hagkaups og voru flutningsgjöld
mun lægri en við almennan inn-
flutning, samkvæmt upplýsing-
um frá Fisk-cargo.
Herbert Ólason hefur flutt marga
hesta til Þýskalands undanfarin
þrjú ár, eða nærri 400 samtals.
Samkvæmt upplýsingum frá honum
var útflutningur áður að mestur
lagður af, en með kynningu og
auglýsingum á íslenska hestinum í
Þýskalandi hefði tekist að snúa
þróuninni við.
Akranes:
43. ársþing ÍA haldið
43. ársþing íþróttabandalags
Akraness var haldið fyrir
skömmu og voru gestir þingsins
Ingibjörg Pálma'dóttir forseti
bæjarstjórnar Akraness _ og
Sveinn Björnsson forseti ISI, Sig-
urður Magnússon framkvæmda-
stjóri ÍSÍ og Friðjón Friðjónsson
gjaldkeri ÍSÍ. Þau Ingibjörg og
Sveinn fluttu ávörp til þingfull-
trúa og fóru viðurkenningarorð-
um um störf og árangur íþrótta-
fólks á Akranesi.
í máli Magnúsar.Oddssonar for-
manns íþróttabandalags Akraness
kom fram að síðasta ár hafi verið
farsælt fyrir íþróttafólk á Akranesi.
Góður árangur hefði náðst í knatt-
spyrnu, sundi og badminton. Stærsta
verkefni ÍA um þessar mundir er
bygging hins nýja íþróttahúss og
eins hefði mikið verk verið unnið við
gerð grasvalla og félagsheimilis við
íþróttavöllinn og áframhaldandi upp-
byggingu golfvallarins. Eins hefði
verið gerður samningur milli Akra-
neskaupstaðar og knattspyrnufélags
IA um rekstur félagsins á íþrótta-
vellinum og hefði það gefið góða
raun.
Framkvæmdum við nýja íþrótta-
húsið miðaði vel áfram og nam bygg-
ingarkostnaður á sl. ári 16,5 milljón-
um króna. Þá er það mikið fagnaðar-
efni fyrir íþróttafólk á Akranesi að
nú hillir undir að tekin verði í notk-
un hin nýja sundlaug á Akranesi og
mun það hafa verulegar breytingar
í för með sér fyrir sundáhugamenn.
1 máli Magnúsar kom fram að þó
unnið væri á mörgum vígstöðvum
Morgunblaðið/Jón Gunnlaugsson
Magnús Oddsson formaður IA í
ræðustól á ársþingi ÍA.
við gerð íþróttamannvirkja á Akra-
nesi yrði ekki látið staðar numið því
margt væri enn ógert, og hét hann
á þingfulltrúa að standa vel saman
sem fyrr. Magnús þakkaði bæjar-
yfirvöldum á Akranesi fyrir ómetan-
legan stuðning og jafnframt færði
hann Sveini Björnssyni þakkir fyrir
mikinn stuðning við hið nýja íþrótta-
hús.
Rekstur íþróttabandalagsins er
ekki mikill í raun. En eignir þess
aukast nú stig af stigi. Tekjur bygg-
ingarsjóð ÍA námu á árinu 1987
röskum 8,6 milljónum króna. Fram-
Morgunblaðið/Jón Gunnlaugsson
Ingibjörg Pálmadóttir forseti
bæjarstjórnar Akraness flytur
ávarp á ársþingi IA.
kvæmdir á árinu námu röskum 16
milljónum króna. íþróttahúsið nýja
er nú metið á 34 milljónir og óhætt
er að segja að íþróttabandalag Akra-
ness hafi á skömmum tíma breyst '
úr fátæku bandalagi í eitt hið
ríkasta. Magnús Oddsson var endur-
kosinn formaður ÍA og með honum
í framkvæmdastjórn voru kosnir
Sigurður Sigurðsson, Skúli Garðars-
son, Gunnar Gislason og ,Ión Run-
ólfsson, en hann kom nú inn í stjórn-
ina í stað Gísla Gíslasonar sem ekki
gaf kost á sér til áframhaldandi setu.
- JG
Áríðandi skilaböð til korthafa VISA:
LOKAÐU EKKI
AUGUNUM
FYRIR ÖRYGGINU
HRINGDU í SÍMA 29011
ÖRYGGISEININGU!
Nú á VISA-korthöfum á Stór-Reykjavíkur-
svæðinu að hafa borist í hendur upplýsingabækl-
ingur um ÖRYGGISEININGUNA, nýju
slysatrygginguna frá Reykvískri Endurtryggingu.
Við vekjum sérstaka athygli á
kynningartilboðinu:
Þeir sem panta ÖRYGGISEININGU fyrir
páska fá iðgjaldið frítt fram tii 1. maí.
Það er gert með einu símtali eða með því
að senda okkur svarseðilinn úr bæklingnum.
Mundu að þú getur látið deila iðgjaldinu
jafnt niður á allt árið og fengið það skuldfert
mánaðarlega með VISA-uppgjörinu þínu. Einfalt
en öruggt.
fc
<
Q
Q
>-
HAFÐU AUGUN OPIN FYRIR ÖRYGGI
FJÖLSKYLDUNNAR.
KYNNTU ÞÉR BÆKLINGINN UM
ÖRYGGISEIN INGUNA VEL OG LÁTTU SVO
HEYRA í ÞÉR.
REYKVÍSK
ENDURTRYGGING HF
- til öryggis!
Sóleyjargötu 1, sími 29011

Hryggis