Morgunblaðið - 28.06.1988, Blaðsíða 12
sri2
8861 ÍWUl .8S HUOAaULQIÍM .GIQ/UaVíUOHOM
MORGUNBLAÐIÐ, ÞRIÐJUDAGUR 28. JÚNÍ 1988
Frá afhendingu styrks Norræna krabbameinssambandsins, talið frá vinstri: Gunnlaugur Snædal prófess-
or, fyrrverandi formaður Krabbameinsfélags íslands, Helga M. Ögmundsdóttir læknir, sem hlaut styrk-
inn, og Almar Grímsson apótekari, nýkjörinn formaður Krabbameinsfélagsins.
Norræna Krabbameinssambandið:
Islensk kona hlaut ferða-
styrk vegna vísindastarfa
HELGA M. Ogmundsdóttir Iækn-
ir hlaut Norræna ferðastyrkinn,
sem veittur var á ársþingi Norr-
æna krabbameinssambandsins í
Reykjavík í byijun mánaðarins.
Helga er forstöðumaður Rann-
sóknarstofu í sameinda- og frum-
ulíffræði. Styrkurinn er veittur
árlega efnilegum vísindamanni
frá því landi þar sem þingið er
haldið. Upphæð styrksins er 20
þúsund sænskar krónur, eða um
145 þúsund íslenskar krónur og
er ætlaður til að viðkomandi
vísindamaður geti kynnt sér nýj-
ungar á sínu sviði í öðrum lönd-
um.
Krabbameinsfélag íslands rekur
Rannsóknarstofu í sameinda- og
frumulíffræði. Rannsóknarstofan
tók formlega til starfa í vor. Mark-
miðið með stofnun rannsóknarstof-
unnar er að nýta tiltækan efnivið
og aðstæður hjá Krabbameinsfélag-
inu til rannsókna sem stefna að því
að auka þekkingu og skilning á
eðli krabbameins. Unnið er nú að
tveimur verkefnum á rannsóknar-
stofunni. Annað er rannsókn á
virkni svokallaðra drápsfruma í ill-
kynja sjúkdómum, hitt verkefnið
eru rannsóknir á eðli bijóstakrabba-
meins. Það verkefni beinist annars
vegar að rannsóknum á afbrigðum
í frumustarfsemi og frumusam-
skiptum og hins vegar að erfðaþátt-
um. í þessu rannsóknarverkefni og
raunar að nokkru leyti hinu fyrra
er ein meginspumingin sú, hvort
komast megi að því hvers vegna
sumu fólki virðist hættara við að
fá krabbamein en öðru. Aukinn
skilningur á þessu sviði ætti að
geta leitt til markvissara forvamar-
starfs. Úr fréttatilkynningu
Morgunblaðið/Ól.K.M.
Kristjana Milla Thorsteinsson ávarpar ITC-félaga á Arnarhóli á laugardag áður en blöðrum var sleppt
í tilefni af 50 ára afmæli Alþjóðasamtakanna.
Blöðrum sleppt á Arnar-
hóli á 50 ára afmæli ITC
Á annað hundrað konur söfn-
uðust saman á Arnarhóli sl. laug-
ardag, 25. júní, til að minnast 50
ára afmælis Alþjóðasamtaka
ITC. Kristjana Milla Thorsteins-
son, forseti Landssamtaka ITC á
Islandi flutti ávarp og sagði hún
frá því að konur víða um veröld
minntust afmælisins á sama
máta, þ.e. slepptu blöðrum til að
minna á markmið samtakanna.
Frá Amarhóli „fuku“ nokkur
hundruð bláar og gylltar blöðrur
upp í loftið og minntu á liti ITC,
þar sem blátt er litur staðfestu og
gyllt litur manngildis.
í frétt frá ITC segir að Alþjóða-
samtök ITC, áður Málfreyjur, séu
ein fjölmennustu félagasamtök
heims, sem eingöngu starfi á fræði-
legum grundvelli og án gróðasjón-
armiða. Innan þeirra er fólk frá 25
löndum. ITC á íslandi starfar í
mörgum deildum um allt Iand.
Deildarfundir eru haldnir tvisvar í
mánuði yfir vetrartímann. Há-
marksfjöldi í hverri deild er 30, svo
að hver og einn njóti þjálfunarinnar
sem best og sé virkur þátttakandi.
Eru
þeir að
fá 'ann
■
Mokstur í Kjósinni
„Ain er blá af laxi, frá Lax-
fossi og niður í Hökla, ótrúlegt
magn og mokveiði. Það veiddust
um 170 laxar frá föstudegi til
sunnudags. Sem dæmi má nefna,
að Skúli Jóhannesson og Ólafur
H. Ólafsson drógu 14 laxa í beit
í Höklunum á laugardaginn og
þeir Þórarinn Sigþórsson og Bolli
Kristinsson fengu svo 31 lax á
eina stöng á sunnudaginn. Sjálf-
ur var ég á heimleið um kvöld-
matarbilið á laugardaginn,
stoppaði á brúnni, sá þar undir
eina 50 laxa, setti saman og dró
þijá í beit af brúnni áður en ég
varð að drífa mig í bæinn. Það
fá allir lax, vanir sem óvanir, og
þetta minnir mjög á gamlar sög-
ur. Bændur hér um slóðir sem
þekkja Laxá eins og fingurna á
sér segjast ekki muna eftir öðru
eins, sérstaklega þegar mið er
tekið af því að enn er ekki kom-
ið fram í júlí,“ sagði Árni Bald-
ursson, einn leigutaka Laxár í
Kjós, í samtali um helgina.
Alls voru þá komnir 350 laxar
á land og að sögn Guðveigar
Elísdóttur í veiðihúsinu við Laxá
í gærmorgun virtist ekkert lát
vera á mokveiðinni, en þá höfðu
20 laxar veiðst fyrir klukkan tíu.
Einn 20 punda lax hefur þegar
veiðst og um helgina veiddist svo
18 punda fiskur, annars er laxinn
blandaður að stærð, algengastir
eru þó 5 til 6 punda og svo aftur
8 til 14 punda. Megnið af veið-
inni er frá Laxfossi og niður úr,
en eitthvað af laxi hefur þó
dreift sér um allt og veiðist allt-
af eitthvað á efri svæðum í bland.
Norðurá líka góð
Veiðin á aðalveiðisvæði Norð-
urár var komin í um 350 laxa í
gær, hópur sem var að ljúka
veiðum á hádegi í gær var með
um 60 laxa, en hópurinn þar á
undan var með tæpa 100 fiska.
Auk þessa hefur einhver veiði
verið í Munaðamesi og í Stekkn-
um, t.d. veiddust þar 14 fiskar
einn daginn. Áin hefur verið
vatnsmikil og lituð á stundum,
en hreinsað sig vel á milli og
verið hin líflegasta. Síðustu daga
hefur talsvert hvassviðri hins
vegar haldið aftur af veiðigörp-
um.
Þverá/Kjarrá gruggug
Veiði hefur gengið illa í Þverá
og Kjarrá upp á síðkastið og
veldur því fyrst og fremst að áin
hefur lengst af verið afar skoluð,
einkum efri hlutinn, Kjarráin.
Þannig er mál með vexti, að
Þverá á upptök allt fram á Arn-
arvatnsheiði, í grunnum vötnum,
sem þola ekki að það blási eða
rigni mikið án þess að allt grugg-
ist upp. Síðasta holl á Fjallinu
veiddi aðeins 7 laxa, en í Þverá
kom á sama tíma upp 21 lax.
Óli Ólsen, kokkur á Helgavatni
við Þverá, sagði í gærmorgun,
að 120 laxar væru komnir af
neðra svæðinu, en 190 úr Kjarr-
ánni, alls 310 fiskar. Stærsti lax-
inn veiddist snemma í þessum
mánuði, hann vó 20 pund. Óli
hafði eftir veiðimönnum, að mik-
ill lax væri kominn í ána þrátt
fyrir aflatregðuna, áin væri hins
vegar ill viðureignar sökum litar
og vatnsmagns.
Úr ýmsum áttum
Friðrik D. Stefánsson, fram-
kvæmdastjóri SVFR, sagði í
gær, að 8 laxar hefðu veiðst í
opnun Gljúfurár í Borgarfirði og
er það sannarlega sú líflegasta
Lax þreyttur í Langadrætti í
Kjarrá í Borgarfirði fyrr í þess-
um mánuði, áður en áin skolað-
ist, en síðan hefur hún verið
illveiðandi.
byijun þar í áraraðir, en á þessi
hefur verið í slæmri lægð síðustu
ár. Hún er hins vegar með fal-
legri laxveiðiám landsins og því
gleðiefni ef laxastofn hennar
nær sér aftur á strik.
Veiðin hófst í Leirvogsá 25.
júní og veiddust 5 laxar fyrsta
daginn og aðrir 5 fiskar daginn
eftir. Sáu menn merkilega mikið
af laxi miðað við að Leirvogsá
hefur löngum verið síðsumarsá.
Elliðaámar höfðu gefið um
220 laxa á hádegi í gær og er
óhemja af laxi á neðstu svæðum
árinnar. Mesta veiðin er frá Sjáv-
arfossi og niður úr, en laxinn
hefur enn ekki dreift sér sem
skyldi, hafði t.d. ekki síðast er
fréttist veiðst ofar en á Hraun-
inu. Laxinn er yfirleitt smár og
meira að segja borið aðeins á
eins punds tittum.
Tveir laxar veiddust fyrsta
daginn í Brynjudalsá og er það
gott á þeim bæ. Sáu menn bara
þó nokkuð af fiski.
Góð bjujun í Svartá
„Veiðitíminn í Svartá var
færður fram um nokkra daga,
til 25. júní, líklega mest af bjart-
sýni. Nema hvað við veiddum
fimm laxa á laugardag og sunnu-
dag og er það virkilega góð byij-
un. Þetta er á sem hér áður gaf
árum saman nánast enga veiði
fyrr en nokkuð var liðið á júlí,“
sagði Grettir Gunnlaugsson,
formaður árnefndar SVFR fyrir
Svartá, í samtali í gærmorgun.
Grettir sagði að fjórir þessara
laxa hefðu veiðst í ármótunum,
en lítið hefði sést af fiski fram
í sjálfri ánni. Sá fimmti veiddist
í Brúnarhyl, ofarlega í ánni. í
fyrra veiddust 17 Iaxar í opnun
Svartár, sem þá var 1. júlí. Allt
voru þetta stórir laxar, 11, 13,
16 og 17 pund.
- ee