Morgunblaðið - 28.06.1988, Blaðsíða 45
MORGUNBLAÐIÐ, ÞRIÐJUDAGUR 28. JÚNÍ 1988
45
Birting afmælis-
og minningargreina
Morgnnblaðið tekur af-
mælis- og minningargreinar
til birtingar endurgjaldslaust.
Tekið er við greinum á rit-
stjórn blaðsins á 2. hæð í Aðal-
stræti 6, Reykjavík og á skrif-
stofu blaðsins í Hafnarstræti
85, Akureyri.
Athygli skal á því vakin, að
greinar verða að berast með
góðum fyrirvara. Þannig verður
grein, sem birtast á í miðviku-
dagsblaði að berast síðdegis á
mánudegi og hliðstætt er með
greinar aðra daga.
Dagbjört Björns-
dóttir - Minning
Fædd 24. júlí 1908
Dáin 19. júní 1988
Að kvöldi sunnudagsins 19. júní
sl. lést á Sólvangi frú Dagbjört
Bjömsdóttir, eftir langa sjúkdóms-
legu. Útför Dagbjartar var gerð í
kyrrþey föstudaginn 24. júní sl. frá
Hafnarfirði. Prestur var séra Gunn-
þór Ingason, þjóðkirkjuprestur í
Hafnarfirði.
Dagbjört hafði dvalið tæp 10 ár
á Sólvangi. Em aðstandendur henn-
ar starfsfólki stofnunarinnar sér-
staklega þakklátir fyrir einstaklega
góða aðhlynningu og umönnun
hennar.
Dagbjört fæddist 24. júlí 1908 í
Hafnarfirði og bjó hún þar allan
aldur sinn. Foreldrar hennar voru
hjónin Björn Helgason, skipstjóri í
Hafnarfirði, og kona hans, Ragn-
hildur Egilsdóttir. Bjöm var fæddur
á Glammastöðum í Saurbæjarsókn
í Borgarfirði, sonur hjónanna Helga
Hanssonar bónda, Jónssonar að
Múlakoti í Lundarreykjadal og konu
hans, Helgu Jónsdóttur. Móðir
Bjöms hét Eygerður Bjömsdóttir,
Þorvaldssonar bónda á Draghálsi í
Saurbæjarsókn og konu hans, Rósu
Jónsdóttur. Ragnhildur móðir Dag-
bjartar var dóttir Egils Gunnlaugs-
sonar, pósts í Árbæ í Reykjavík,
Guðmundssonar bónda í Hólmi við
Reykjavík og konu hans, Hallberu
Jónsdóttur. Móðir Ragnhildar hét
Dagbjört Sveinsdóttir, Ólafssonar
bónda að Neðri-Lág á Snæfellsnesi
og konu hans, Margrétar Árnadótt-
ur.
Systkini Bjöms Helgasonar vom
Rósa, sem var móðir Jósefs, föður
Guðmundar heitins Ragnars, prent-
smiðjustjóra í Hafnarfírði; Anna,
móðir Valdimars heitins Þórðarson-
ar kaupmanns í Reykjavík og Helgi,
sem var trésmiður í Reykjavík.
Systkini Ragnhildar Egilsdóttur
vom Magnea (hálfsystir), móðir
Egils heitins Vilhjálmssonar, bíla-
sala í Reykjavík; Margrét, Salvör,
Pétur og Ásgeir,
Systkini Dagbjartar vom Sól-
veig, sem gift var Ásgeiri heitnum
G. Stefánssyni, framkvæmdastjóra,
Viggó, bryti, sem er látinn og var
kvæntur þýskættaðri konu, Maríu
Bjömsson, Gyða, sem var gift Ólafi
heitnum Elíssyni, framkvæmda-
stjóra, Eygerður, sem var gift Páli
heitnum Sæmundssyni, stórkaup-
manni, og Adolf, bankafulltrúi í
Útvegsbankanum.
Skólaganga Dagbjartar var í
barnaskóla í Hafnarfírði og Flens-
borgarskólanum. Hárgreiðslu lærði
Dagbjört og rak hárgreiðslustofu
þar til hún giftist Tryggva heitnum
Stefánssyni, byggingameistara í
Hafnarfirði, syni hjónanna Stefán,
Sigurðssonar, trésmiðs og Solveigar
Gunnlaugsdóttur. Systkini Ttyggva
vom Sigurður, trésmiður, Ásgeir,
framkvæmdastjóri, Gunnlaugur,
kaupmaður, Ingibjörg, húsmóðir,
Friðfínnur, múrarameistari og
bóndi, Ingólfur, múrarameistari og
Valgerður, sem lést barn að aldri.
Öll bjuggu þau systkinin í Hafnar-
firði. Þau em öll látin nema Ingólf-
ur, sem er á 86. aldursári. Þegar
Dagbjört giftist hætti hún rekstri
hárgreiðslustofunnar. Tryggvi var
atorkumaður til allrar vinnu, mjög
nákvæmur í öllum hlutum. Dag-
björt bjó eiginmanni sínum mjög
fagurt heimili og var hún orðlögð
fyrir snyrtimennsku. Tryggvi lést
árið 1981 eftir langt og farsælt
starf.
Þau hjónin Dagbjört og Tryggvi
áttu einn kjörson, Þórhall Tryggva,
rafeindavirkja.
Við tímamót sem þessi lítur mað-
ur gjarnan til baka og rifjar upp
liðna atburði. Eg hafði mikið og
gott samband við þau hjónin bæði
og minnist þeirra með þakklæti og
virðingu. Þetta var einstaklega gott
fólk sem allir sem til þeirra þekktu
minnast með hlýhug. Þau vom allt-
af reiðubúin að leggja sitt af mörk-
um og skildu meira eftir sig en þau
þáðu frá öðmm.
Þegar Egill Gunnlaugsson, póst-
ur, afi Dagbjartar, lést árið 1914,
orti Jón Þórðarson, Fljótshlíðar-
skáld, minningarljóð um hann.
Minning:
Sigurður S. Gísla
son — hótelsijóri
Mér fínnst það vera vel við hæfí
að enda þessa minningargrein með
fyrsta versi ljóðsins sem er þannig:
„Nú heim ertu farinn, minn fomvinur kæri, ■
og fallinn í væran og draumlausan blund.
Svo loforð ég endi, þér látnum ég færi
nú ljóð þetta einmitt á skilnaðarstund.
Ég hugsa og vona við hittumst þó bráðum
eins hressir í anda og oft vorum fyrr;
en það fer nú allt eftir alfóður ráðum
að ódáins bústað nær Ijúkast mér dyr.“
Hvíli .í friði frænka mín sæl.
Hrafnkell Ásgeirsson
Fæddur 31. ágúst 1920
Dáinn 12. júní 1988
Mig langar að minnast fáeinum
orðum vinar míns Sigurður Svavars
Gíslasonar.
Kynni okkar hófust 1981 er ég
gerðist starfsmaður Hótels borgar.
Það vakti strax athygli mína hve
glæsilegur maður Sigurður var og
með sinni ljúfmannlegu framkomu
ávann hann sér vináttu og virðingu
þeirra er kynntust honum.
Sigurður hafði þá hæfíleika til
að bera sem þörf er á til að vera í
forsvari fyrir veisluhöldum enda
voru þær ófáar veislumar sem hann
sá um fyrir hönd hins opinbera til
heiðurs erlendum og innlendum
gestum.
Við sem kynntumst Sigurði vit-
um að án hans verður Hótel Borg
ekki söm og áður nú þegar hann
hefur verið kallaður til æðri starfa.
Ég þakka Sigurði samfylgdina.
Ég votta eftirlifandi sambýlis-
kona hans Ólöfu Runólfsdóttur svo
og fjölskyldunni allri mína dýpstu
samúð.
Deyr fé,
deyja frændr
deyr sjalfr it sama.
En orðstírr
deyr aldregi
hveims sér góðan getr.
(Hávamál)
Auður Margrét Sigurðardóttir
ALLT INNIFALIÐ!
VERÐ MEÐ: Sjálfskiptingu • Aflslýri Aflhemlum • Framhjóladrifi Liiuðu gleri
• FM-stcríó útvarpi með stöðvaminni og 4 hátölurum • Lúxus pluss innrétlingu, ofl. ofl.
Aries er búinn 4 cyl, 2.2. 1, 101 ha vél, með bensínnotkun 10-12 lítra á 100 km að jafnaði.
Dodge Aries LE, 2 dyra
Dodge Aries LE, 4 dyra
Dodge Aries Station Wagon
Kr. 769.700,-
Kr. 797.300,-
Kr. 847.400,-
GREIÐSLUKJÖR: AUt niður í 25% útborgun og afganginn má
greiða á allt að 2% ári.
OPIÐ 9 - 6 VIRKA DAGA OG
1 - 5 LAUGARDAGA
JOFUR HF
NÝBÝLAVEGI 2 SÍMI42600
IOFUR - ÞEGAR ÞÚ KAUPIR BÍL